[᭓᭒ 32 B]
᭓᭒
ᬦ᭄ᬫᬸᬗ᭄ᬕᬄᬲᬫᬶ᭟ᬤᬳᬦᬓ᭄ᬥᬵᬫᬩ᭄ᬭᬶᬬᬸᬓ᭄ᬲᬫᬶᬜᭂᬫ᭄ᬩᬄ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬫᬶᬯᬮᬶᬦ᭄᭞ᬫᬦᬶᬫ᭄ᬩᬮ᭄ᬲᬂᬦᬵᬣ᭞ᬓᬸᬭᬶᬧᬦ᭄ᬭᬶᬂᬳᬭᬶᬦ᭄ᬥᬵ᭞ᬗ᭄ᬕᬶᬄᬲᬵᬃᬯ᭄ᬯᬶᬢᬗᬦ᭄ᬓᬳᬫ᭄ᬩᬶᬮ᭄᭞ᬫᬩ᭄ᬭᬶᬬᬸᬓ᭄ᬫᬸᬗ᭄ᬕᬄ᭞ᬮᬶᬗ᭄ᬕᬶᬄᬓᬤᬶᬤᬶᬢᬸᬮᬶᬲ᭄᭟ᬤᬵᬲᬂᬦᬵᬣᬫᬮᬶᬄ
ᬫᬢᬸᬃᬳᬶᬤᬵᬜᭂᬫ᭄ᬩᬄ᭞ᬤ᭄ᬳᬭᬶᬂᬭᬓᬕ᭄ᬮᬶᬲ᭄᭞ᬳᬢᬸᬃᬧᬧᬢᭂᬳᬦ᭄᭞ᬭᬶᬂᬳᬶᬤᬾᬯᬕᬸᬂᬩ᭄ᬬᬂ᭞ᬤᬾᬯᬕᬸᬂᬲᬓᬤᬶᬫᬗ᭄ᬓᬶᬦ᭄᭞ᬳᬫ᭄ᬧᬸᬭᬧᬶᬲᬦ᭄᭞ᬭᬾᬄᬢᬶᬢ᭄ᬬᬂᬮᬶᬦ᭄ᬢᬂᬲᬶᬲᬶᬧ᭄᭟ᬳᬦ᭄ᬢᬸᬓᬦᬾᬓᬭᬶᬗᬸᬩ᭄ᬤᬤᬾᬯᬾᬓ᭄ᬧᬶᬲᬦ᭄᭞ᬫᬮᬶᬄᬗ
ᬦ᭄ᬤᬶᬓᬵᬭᬶᬲ᭄᭞ᬭᬶᬂᬳᬭᬶᬦ᭄ᬥᬲᬫ᭄ᬬᬦ᭄᭞ᬳᬤᬶᬳᬫ᭄ᬧᬸᬭᬢ᭄ᬬᬂ᭞ᬓᬮᬶᬄᬭᬶᬂᬳᬦᬓ᭄ᬥᬲᬫᬶ᭞ᬳᬫ᭄ᬧᬸᬭᬧᬶᬲᬦ᭄᭞ᬭᬾᬄᬳᬭᬶᬫ᭄ᬩᬸᬮ᭄ᬚᬦᬶ᭟ᬗᬸᬩ᭄ᬤᬳᬯᬓ᭄ᬢ᭄ᬯᬭᬧᬶᬲᬦ᭄ᬩᬦᬶᬧᬶᬯᬮ᭄᭞ᬢ᭄ᬓᬾᬦ᭄ᬳᬶᬕᬶᬬᬃᬚᬢᬶ᭞ᬭᬾᬄᬳ᭄ᬬᬦᬸᬦ᭄ᬤᬾᬦᬂ᭞ᬳᬦᬓ᭄ᬥᬲ
ᬫᬶᬜᭂᬫ᭄ᬩᬄ᭞ᬤᬵᬳᬭᬶᬦ᭄ᬥᬵᬫᬫ᭄ᬭᬶᬬᬸᬓᬶᬦ᭄᭞ᬭᬓᬦ᭄ᬥᬵᬦᬶᬫ᭄ᬩᬮ᭄᭞ᬧᬦ᭄ᬤᬶᬓᬵᬳᬮᬸᬲ᭄ᬫᬦᬶᬲ᭄᭟ᬳᬩ᭄ᬭᬶᬬᬸᬓᬦ᭄᭞ᬳᭀᬓᬳᬭᬶᬧᬧᬢᭂᬳᬦ᭄᭞ᬳᬢᬸᬃᬧᬦ᭄ᬳᬶᬓᬲᬫᬶ᭞ᬢᬦ᭄ᬜᬦ᭄ᬤᬂᬧᬜ᭄ᬚᬗᬂ᭞ᬩᬮᬶᬦ᭄ᬢ᭄ᬬᬂᬚᬫ᭄ᬧᬸᬭᬵ᭞ᬢᬶᬢ᭄ᬬᬂᬫᬦᬯ᭄ᬕᬂᬫᬗ᭄ᬓᬶᬦ᭄᭞ᬗ᭄ᬕᬶᬄ
[᭓᭓ 33 A]
ᬧ᭄ᬮᬶᬄᬓᬮᬶᬦ᭄ᬢᬂ᭞ᬭᬾᬄᬳᬾᬤᬦ᭄ᬫᬜᬸᬲᬸᬧᬶᬦ᭄᭟ᬤᭂᬦ᭄ᬥᬵᬤᬾᬯᬾᬓ᭄ᬩᬦ᭄ᬳᬶᬭᬢ᭄ᬦᬵᬚ᭄ᬯᬶᬢ᭞ᬚᬸᬫᬄᬢᬦ᭄ᬋᬗᬤᬤᬶ᭞ᬧᬤᬵᬚᬓ᭄ᬫᬓ᭄ᬚᬂ᭞ᬲᬓᬮᬶᬄᬳᬜᬧᬥ᭞ᬢ᭄ᬯᬭᬵᬦᬯᬂᬩ᭄ᬦᭂᬄᬧ᭄ᬮᬶᬄ᭞ᬘᭂᬦ᭄ᬤᭂᬢ᭄ᬓᬮᬶᬦ᭄ᬢᬂ᭞ᬦᬾᬩ᭄ᬦᭂᬄᬓᬤᬾᬦ᭄ᬧ᭄ᬮᬶᬄ᭟ᬧᬦᬓ᭄ᬢ᭄ᬫᭂᬦ᭄ᬓ
ᬤᬾᬦᬶᬂᬫᬸᬲᬸᬄᬕᬮᬓ᭄᭞ᬳᬶᬕᬶᬬᬸᬃᬫᬦᭂᬓᬳᬶᬦ᭄᭞ᬓᬤᬾᬦ᭄ᬯᬂᬫᬗ᭄ᬓᬦᬵ᭞ᬩᬳᬦ᭄ᬩᬸᬤᬸᬳᬾᬮᬶᬯᬢ᭄᭞ᬳᬭᬶᬳᭀᬓᬫᬫ᭄ᬭᬶᬬᬸᬓᬶᬦ᭄᭞ᬫᬫᬢᬸᬢ᭄ᬲᬫ᭄ᬬᬦ᭄᭞ᬲᬂᬦᬵᬣᬳᬶᬤᬵᬕ᭄ᬮᬶᬲ᭄᭟ᬦᬶᬫ᭄ᬩᬮ᭄ᬜᭂᬫ᭄ᬩᬄᬦᬶᬫ᭄ᬩᬮᬶᬦ᭄ᬧᬦ᭄ᬤᬶᬓᬦ᭄ᬭᬓ᭞ᬲᬵᬫ᭄ᬧᬸ
ᬦ᭄ᬫᬜ᭄ᬚᬗᬂᬫᬮᬶᬄ᭞ᬳᬶᬧᬸᬦ᭄ᬩᬢᭂᬓ᭄ᬢᬶᬢᬄ᭞ᬫᬮᬶᬄᬳᬶᬤᬵᬦᬶᬫ᭄ᬩᬮ᭄᭞ᬳᬢᬸᬃᬳᭀᬓᬓᬮᬶᬄᬳᬭᬶ᭞ᬧᬧᬓ᭄ᬮᬦ᭄ᬢᬗᬂ᭞ᬭᬾᬄᬕᬦ᭄ᬢᬶᬓᬸᬫ᭄ᬧᬸᬮ᭄ᬤᬶᬦᬶ᭟ᬤᬲᬂᬦᬵᬣᬓᬸᬭᬶᬧᬦ᭄ᬳᬶᬤ᭄ᬯᬕᬸᬂᬩ᭄ᬬᬂ᭞ᬗᬦ᭄ᬤᬶᬓᬵᬳᬮᬸᬲ᭄ᬫᬦᬶᬲ᭄᭞ᬭᬶᬂᬳᬶᬤᬵᬳᬭᬶᬦ᭄ᬥᬵ
᭞ᬧᬢᭂᬄᬧᬦ᭄ᬤᬶᬓᬦ᭄ᬳᬶᬤᬵ᭞ᬳᬤᬶᬤᬶᬚᬵᬦᬓᬾᬘ᭄ᬦᬶᬓ᭄᭞ᬳᬶᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬳᬭᬶᬦ᭄ᬥᬵᬜᭂᬫ᭄ᬩᬄᬕ᭄ᬮᬶᬲ᭄᭟ᬭᬢᬸᬤ᭄ᬯᬕᬸᬂᬳᬦᬓ᭄ᬤᬾᬯᬕᬸᬂᬭᬶᬂᬓᬫᬃ᭞ᬭᬓᬦ᭄ᬥᬵᬦᬶᬫ᭄ᬩᬮ᭄ᬫᬮᬶᬄ᭞ᬢ᭄ᬬᬂᬓᬮᬦ᭄ᬫᬸᬮ᭄ᬬᬦ᭄᭞ᬳᬭᬶᬦ᭄ᬥᬵᬫᬮᬶᬄᬜᭂᬫ᭄ᬩᬄ᭞ᬤᬕᬶᬂᬗ
Kaca:Bali-lontar-gaguritan-twan-raja-300ppi.pdf/33
Kaca puniki sampun kauji-wacén
