[᭓᭑ 31 B]
᭓᭑
ᬮᬶᬄᬦᬦᬗᬾᬚᬦᬶ᭟ᬓᬮᬶᬄᬮᬓᬃᬫᬗᬮᬶᬄᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬭᬾᬄᬳ᭄ᬬᬮᬘᬸᬃᬢᬦ᭄ᬲᬶᬧᬶ᭞ᬳᬦᬓ᭄ᬤᬤᬸᬳᬸᬭᬦ᭄᭞ᬳᬶᬤ᭄ᬯᬕᬸᬂᬫᬥᬾᬜᭂᬫ᭄ᬩᬄ᭞ᬳᬢᬸᬃᬳᬶᬤᬵᬲᬦ᭄ᬥᬵᬓᬮᬶᬲ᭄᭞ᬤᬾᬯᬕᬸᬂᬢᬶᬢ᭄ᬬᬂ᭞ᬓᬤᬶᬮᬸᬘᬸᬲᬯᬓ᭄ᬢᬶ᭟ᬫᬺᬲᬗ᭄ᬕ
ᬬᬂᬫᬗᬦ᭄ᬤᭂᬕ᭄ᬘᭀᬓᭀᬃᬳᬶᬤᬾᬯ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬗ᭄ᬭᬯᬸᬳᬶᬦ᭄᭞ᬭᬢᬸᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬫᬧᬫᬶᬢ᭄ᬫᬦᬯ᭄ᬕᬂ᭞ᬧᬘᬂᬦᬸᬳᬸᬃᬮᬶᬗ᭄ᬕᬶᬄᬳᬚᬶᬅ᭄᭞ᬓ᭄ᬦᬶᬫᬗᭂᬦᬄ᭞ᬧᬭᬢᬸᬫᬫ᭄ᬭᬶᬬᬸᬓᬶᬦ᭄᭟ᬓᬮᬶᬄᬧᬘᬂᬗ᭄ᬭᬯᬸᬳᬂᬳᬶᬭᬢ᭄ᬦᬵᬚ᭄ᬯᬶᬢ᭞ᬓ᭄ᬦᬶ
ᬳᬶᬧᬸᬦ᭄ᬫᬦᬗ᭄ᬓᬶᬮ᭄᭞ᬲᬂᬦᬵᬣᬫᬦᬶᬫ᭄ᬩᬮ᭄᭞ᬳᬄᬢ᭄ᬬᬂᬮᬓᬃᬓ᭄ᬫ᭞ᬳᬶᬤ᭄ᬯᬕᬸᬂᬩ᭄ᬬᬂᬬᬸᬓᬶᬦ᭄᭞ᬦᬄᬳᬧᬂᬫᬳᬦ᭄᭞ᬢ᭄ᬬᬂᬫᬮᬓᬸᬧ᭄ᬮᬶᬄ᭟ᬭᬾᬳᬶᬂᬧ᭄ᬮᬶᬄᬧᬦᬓ᭄ᬳᬚᬓ᭄ᬲᬶᬂᬤᬵᬢᬯᬂ᭞ᬫᬫᬢᬸᬢ᭄ᬲᬋᬂᬲᬫᬶ᭞ᬢ᭄ᬥᬸᬦ᭄ᬤᬲᬂᬦᬵᬣ᭞ᬫᬩ᭄ᬭᬶᬬᬸᬓ᭄ᬱᬵ
ᬋᬂᬲᬫ᭄ᬬᬦ᭄᭞ᬳᬶᬤ᭄ᬯᬕᬸᬂᬫᬥᬾᬦᬾᬫᬗ᭄ᬓᬶᬦ᭄᭞ᬫᬦᬸᬦ᭄ᬢᬸᬦ᭄ᬢᬗᬦ᭄᭞ᬢᬗᬦ᭄ᬯᬦ᭄ᬥᬵᬯ᭄ᬬᬓ᭄ᬢᬶ᭟ᬦᬸᬫᬫᬃᬕ᭄ᬕᬶᬤᬶᬕ᭄ᬥᭀᬂᬘᬭᬶᬢᬬᬂ᭞ᬳᬶᬤᬳᬶᬤ᭄ᬯᬕᬸᬂᬳᬚᬶ᭞ᬫ᭄ᬮᬶᬗ᭄ᬕᬶᬄᬫᬓᭂᬫ᭄ᬩᬭᬦ᭄᭞ᬭᬶᬂᬳᬶᬤᬾᬯᬕᬸᬂᬩ᭄ᬬᬂ᭞ᬲᬂᬤ᭄ᬬᬄᬬᬂᬬᬗᬶᬂᬉᬓᬶᬃ᭞ᬭᬶᬂᬧᬸᬗ᭄ᬓᬸᬃᬩ᭄ᬬᬂ᭞
[᭓᭒ 32 A]
ᬩᬮᬸᬢ᭄ᬩᬮᬸᬢ᭄ᬳᬫᬦᬶᬲ᭄᭟ᬗᬸᬮᬗᬸᬦᬶᬦ᭄ᬲᬕᬾᬢ᭄ᬭᬯᬸᬄᬫᬕ᭄ᬭᬤᭂᬕᬦ᭄᭞ᬲᬂᬦᬵᬣᬤ᭄ᬳᬫᬗ᭄ᬓᬶᬦ᭄᭞ᬩᬸᬜᬶᬗᬓ᭄ᬭᬓᬦ᭄ᬥᬵ᭞ᬓᬮᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬕᬭᬯᬮᬦ᭄ᬢᭂᬤᬸᬦ᭄ᬲᬫᬶ᭞ᬳᬶᬤᬲᬂᬤ᭄ᬬᬄ᭞ᬭᬵᬢ᭄ᬦᬚ᭄ᬯᬶᬢᬫᬗ᭄ᬓᬶᬦ᭄᭟ᬯᬸᬲ᭄ᬓᬘᬶᬗᬓ᭄ᬭᬓᬦ᭄ᬥᬵᬳᬶ
ᬤ᭄ᬯᬕᬸᬂᬧᬸᬢᬺ᭞ᬕ᭄ᬮᬶᬲ᭄ᬳᬶᬤᬫᬗ᭄ᬭᬜ᭄ᬚᬶᬂ᭞ᬮᬶᬦ᭄ᬢᬂᬳᬾᬭᬂᬳᬶᬤ᭞ᬳᬓᬾᬄᬳᬯᬦᬦ᭄ᬳᬾᬭᬂ᭞ᬧᬦ᭄ᬳᭀᬮᬶᬄᬫᬲᬓᬫ᭄ᬯ᭄ᬬᬓ᭄ᬢᬶ᭞ᬓᬗᭂᬦ᭄ᬭᬶᬂᬋᬤ᭄ᬥᬵ᭞ᬭᬶᬂᬓᬫᬃᬫᬮᬶᬄᬦᬗᬶᬲ᭄᭟ᬦᭂᬂᬚᬸᬫᬳᬦ᭄ᬤᬶᬦᬢᬄᬚᬦᬶᬳᬸᬘᬧᬂ᭞ᬲᬂᬦᬵᬣᬤ᭄ᬳᬕ᭄ᬮᬶᬲ᭄᭞ᬩᭀᬗ᭄ᬓᭀᬓᬶᬦ᭄ᬭᬓᬦ᭄ᬥᬵ᭞ᬓᬵ
ᬮᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬤᬵᬳᬭᬶᬦ᭄ᬥᬵᬦᬾᬩᬸᬧ᭄ᬭᬧ᭄ᬢᬶ᭞ᬓᬮᬶᬄᬳᬦᬓ᭄ᬥᬵ᭞ᬫᬩ᭄ᬭᬶᬬᬸᬓ᭄᭞ᬜᭀᬗ᭄ᬓᭀᬓ᭄ᬱᬫᬶ᭟ᬤᬵᬲᬂᬦᬣᬤ᭄ᬳᬵᬫᭂᬧᭂᬲ᭄ᬫᬢᬸᬃᬜᭂᬫ᭄ᬩᬄ᭞ᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬧᬢᭂᬄᬳᬢᬹᬃᬳᬶᬤᬵ᭞ᬤᬾᬯᬕᬸᬂᬧᬦᭂᬫ᭄ᬩᬳᬦ᭄᭞ᬤᬸᬭᬸᬲᬂᬫᬸ
ᬗ᭄ᬕᬄᬫᬮᬶᬗ᭄ᬕᬶᬄ᭞ᬫᬮᬶᬄᬗᬦ᭄ᬤᬶᬓᬵ᭞ᬭᬶᬂᬳᬭᬶᬮᬦᬂᬳᬶᬲ᭄ᬢ᭄ᬭᬶ᭟ᬗ᭄ᬕᬶᬄᬫ᭄ᬦᬾᬓᬦ᭄ᬳᬤᬶᬳᬤᬶᬚᬓ᭄ᬫᬓ᭄ᬚᬂ᭞ᬳᬭᬶᬦ᭄ᬥᬵᬜᭂᬫ᭄ᬩᬄᬲᬫᬶ᭞ᬤᬕᬶᬂᬦᬾᬦ᭄ᬢᭂᬦ᭄ᬢᬸᬮᬓ᭄᭞ᬫᬮᬶᬄᬳᬶᬤᬗᬦ᭄ᬤᬶᬓᬵ᭞ᬳᬦᬓ᭄ᬳᬦᬓ᭄ᬤᬲᬫᬶ᭞ᬤᬕᬶᬂᬧᬦ᭄ᬤᬶᬓᬵ᭞ᬦᬯᬸᬳᬶ
Kaca:Bali-lontar-gaguritan-twan-raja-300ppi.pdf/32
Kaca puniki sampun kauji-wacén
