[᭓᭐ 30 B]
᭓᭐
ᬭᬶᬦ᭄ᬥᬵᬗᬋᬧᬂ᭞ᬳᬭᬶᬦ᭄ᬥᬵᬲᬾᬗᭂᬄᬯ᭄ᬬᬓ᭄ᬢᬶ᭞ᬭᬶᬂᬯᬗ᭄ᬲᬶᬢ᭄ᬭᬓᬦ᭄ᬥᬵ᭞ᬭᬓᬦ᭄ᬥᬵᬚ᭄ᬭᬶᬄᬧᬶᬯᬮ᭄᭞ᬕ᭄ᬮᬶᬲ᭄ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬢᬦᭀᬫ᭄ᬗᬋᬧᬂ᭞ᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭟ᬭᬶᬂᬕ᭄ᬕ᭄ᬮᬂᬓᬮᬶᬄᬳᬶᬤᬾᬯᬕᬸᬂᬩ᭄ᬬᬂ᭞ᬲᬯᬯᬳᬶᬤᬫᬗ᭄ᬓᬶᬦ᭄᭞ᬫᬦᬯᬸᬳᬶᬦ᭄ᬳᭀᬓ
᭞ᬦᬓᬕᬸᬂᬢ᭄ᬬᬗᬾᬲᬬᬂ᭞ᬚᬧᭀᬤᬶᬦᬶᬓᭀᬳᬶᬫᬡᬶᬓ᭄᭞ᬳᬶᬤᬵᬳᬦᬓ᭄ᬤ᭞ᬕ᭄ᬮᬶᬲ᭄ᬫ᭄ᬓᬸᬮ᭄ᬩ᭄ᬬᬂᬳᬚᬶ᭟ᬲᬃᬯ᭄ᬯᬶᬦᬗᬶᬲ᭄ᬳᬚᬶᬩ᭄ᬬᬂᬗᬸᬲᬧᬸᬲᬧ᭄᭞ᬲᬯᬯᬲᬫᬶᬦᬗᬶᬲ᭄᭞ᬭᬾᬳᬶᬂᬮᬫᬧᬶᬲᬦ᭄᭞ᬳᬦᬓ᭄ᬳᬶᬤᬵᬫᬢᬶᬗ᭄ᬕᬮ᭄᭞ᬳᬶᬤ᭄ᬯᬕᬸᬂ᭠
ᬳᬦᭀᬫ᭄ᬦᬾᬫᬗ᭄ᬓᬶᬦ᭄᭞ᬩᬳᬸᬧ᭄ᬬᬃᬱᬵ᭞ᬫᭂᬧᭂᬲ᭄ᬱᬺᬢᬫᬓᬮᬶᬲ᭄᭟ᬳᬶᬤᬾᬯᬕᬸᬂᬳᬚᬶᬳᬶᬤᬾᬯ᭄ᬯᬵᬕᬸᬂᬩ᭄ᬬᬂ᭞ᬳᬶᬤ᭄ᬯᬕᬸᬂᬧᬸᬢᬺᬓᬸᬶᬫᬮᬶᬄ᭞ᬳᬶᬫᬸᬢᭂᬃᬢᬦ᭄ᬧᬲᬄ᭞ᬫᬮᬶᬄᬫ᭄ᬦᬗᬶᬲ᭄ᬧᬶᬤᬵ᭞ᬢ᭄ᬭᬶᬬᬸᬓ᭄ᬩᬸᬲᬦ᭄ᬤᬶᬓᬳᬭᬶᬲ᭄᭞ᬧᬢᭂᬄᬧ
ᬦ᭄ᬤᬶᬓᬵ᭞ᬗ᭄ᬢᬸᬲ᭄ᬓᬬᬸᬦ᭄ᬲᬯ᭄ᬬᬓ᭄ᬢᬶ᭟ᬫᬾᬄᬦᬓᬕᬸᬂᬳᬫ᭄ᬧᬸᬭᬵᬧᬶᬲᬦ᭄ᬢ᭄ᬬᬂᬲᬬᬂ᭞ᬳᬕᬸᬂᬮᬘᬸᬃᬢᬦ᭄ᬲᬶᬧᬶ᭞ᬗ᭄ᬮᬄᬩᬸᬓᬢ᭄ᬬᬂ᭞ᬢᬦ᭄ᬧᭀᬮᬶᬄᬧᬶᬲᬦ᭄ᬧᬶᬲᬦ᭄᭞ᬩᬬᬢᬶᬢᬄᬢᬦ᭄ᬤ᭄ᬭᬸᬄᬳᭂᬗ᭄ᬕᬶᬄ᭞ᬫᬢ᭄ᬯᬮᬾᬦ᭄ᬳᬶᬧᬄ᭞ᬢ᭄ᬯᬭᬫᬳ᭠
[᭓᭑ 31 A]
ᬦ᭄ᬗᭂᬦ᭄ᬘᬦᬶᬦ᭄᭟ᬲᬓᬾᬯᬮᬵᬍᬕᬬᬂᬦᬓᬕᬸᬂᬲᬬᬂ᭞ᬭᬾᬄᬧ᭄ᬢᬶᬢᬄᬫᬗᬯᬾᬦᬶᬦ᭄᭞ᬤᭂᬦ᭄ᬤᬦ᭄ᬲᬲᬸᬳᬸᬦᬦ᭄᭞ᬢ᭄ᬯᬭᬤᬤᬶᬳᬫ᭄ᬧᬸᬦᬂ᭞ᬫ᭄ᬩᭀᬓᬕᬸᬂᬤᬶᬚᬲᬾᬚᬦᬶ᭞ᬳᬶᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬢ᭄ᬬᬂᬧᬘᬂᬫᬗᬮᬶᬄ᭟ᬲᬧᬸᬦᬶᬓᬧᬗᬦ᭄ᬤᬶᬓᬦ᭄ᬥᬵᬲᬂᬦᬵ
ᬣ᭞ᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬧᬢᭂᬄᬧᬗᬦ᭄ᬤᬶᬓᬵ᭞ᬳᬶᬫᬸᬢᭂᬃᬢᬦᬧᬲᬄ᭞ᬳᬶᬤᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬓᬦᭀᬂᬫᬜᭂᬫ᭄ᬩᬄ᭞ᬘᭂᬦ᭄ᬤᭂᬢ᭄ᬳᬢᬸᬃᬳᬶᬤᬵᬯ᭄ᬬᬓ᭄ᬢᬶ᭟ᬭᬵᬢᬸᬤ᭄ᬯᬕᬸᬂᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬧᬜ᭄ᬚᬗᬂ᭞ᬕᬦ᭄ᬢᭀᬲ᭄ᬧᬘᬂᬫᬗ᭄ᬕᬶᬳᬶᬦ᭄᭞ᬮᬭᬓᬚᬦ᭄ᬢᬓᬵ
ᬓᬮᬶᬄᬳᬦ᭄ᬢᭀᬲᬾᬧᬘᬂ᭞ᬲᬫᬶᬫᬮᬶᬗ᭄ᬕᬶᬄᬭᬶᬂᬚᬯᬶ᭞ᬳᬲᬧᬸᬦᬶᬓᬵ᭞ᬳᬸᬧᬫᬶᬦ᭄ᬳᬶᬧᬸᬦ᭄ᬯ᭄ᬬᬓ᭄ᬢᬶ᭟ᬫᬶᬦᬓᬤᬶᬘᭀᬓᭀᬃᬳᬶᬤᬾᬯᬦᬓᬾᬦᬂ᭞ᬳᬯᬸᬅ᭄ᬢᬶᬢ᭄ᬬᬗᬾᬯ᭄ᬬᬓ᭄ᬢᬶ᭞ᬬᬦ᭄ᬢᬦ᭄ᬳᬶᬯᬂᬢᬶᬢ᭄ᬬᬂ᭞ᬢᬢᬲ᭄ᬫᬦᬳᬂᬢᬶᬢ᭄ᬬᬂ᭞ᬳᬯᬸᬅ᭄ᬫᬦᬯᬶ
ᬫᬦᬗ᭄ᬓᬶᬮ᭄᭞ᬭᬶᬂᬩᬮᬾᬕ᭄ᬥᬄ᭞ᬲᬂᬦᬵᬣᬗᬦ᭄ᬤᬶᬓᬵᬕ᭄ᬮᬶᬲ᭄᭟ᬦᬄᬬᬾᬦ᭄ᬓᬾᬢᭀᬚᬦᬶᬢ᭄ᬬᬂᬮᬓᬃᬓ᭄ᬫᬵ᭞ᬫᬮᬶᬄᬗᬦ᭄ᬤᬶᬓᬵᬭᬶᬲ᭄᭞ᬭᬶᬂᬳᬶᬤᬳᬦᬓ᭄ᬥᬵ᭞ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬤᬕᬶᬂᬧᬗᬦ᭄ᬤᬶᬓᬵᬯ᭄ᬬᬓ᭄ᬢᬶ᭞ᬳᬦ᭄ᬢ᭄ᬬᬂᬢ᭄ᬬᬂ᭞ᬗ
Kaca:Bali-lontar-gaguritan-twan-raja-300ppi.pdf/31
Kaca puniki sampun kauji-wacén
