[᭒᭙ 29 B]
᭒᭙
ᬢᬺ᭞ᬳᬚᬶᬦ᭄ᬤᬵᬫᬫ᭄ᬭᬶᬬᬸᬓᬶᬦ᭄᭞ᬧᬢᭂᬄᬧᬗᬦ᭄ᬤᬶᬓᬵ᭞ᬦᬓᬕᬸᬂᬧᬦᬓ᭄ᬢ᭄ᬬᬂ᭞ᬳᬫ᭄ᬧᬸᬭᬩ᭄ᬬᬂᬳᬚᬶᬅ᭄ᬳᭂᬗ᭄ᬕᬶᬄ᭞ᬩᬦᬾᬮᬶᬦ᭄ᬢᬂᬳ᭄ᬮᬲ᭄᭞ᬢᬦ᭄ᬓᬧᬶᬢᬺᬱ᭄ᬡᬦ᭄ᬕᬸᬕᬶᬲ᭄᭟ᬢ᭄ᬓᬾᬦ᭄ᬧᬦᬓ᭄ᬲᬃᬯ᭄ᬯᬶᬦᬗᬶᬲ᭄ᬗᬸᬲᬧᬸᬲᬧ᭄᭞ᬳᬓᬾᬄᬜᬋᬗᬶᬦᬗᬶᬲ᭄᭞ᬭᬓᬦ᭄ᬥᬵ
ᬲᬂᬤ᭄ᬬᬄ᭞ᬫᬸᬢᭂᬃᬲᬋᬂᬦ᭄ᬲᭂᬓᬂ᭞ᬗᬸᬲᬧ᭄ᬲᬵᬃᬯ᭄ᬯᬶᬩ᭄ᬓᬸᬢ᭄ᬦᬗᬶᬲ᭄᭞ᬳᬶᬤᬵᬭᬓᬦ᭄ᬥᬵ᭞ᬳᬶᬤ᭄ᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭟ᬫ᭄ᬓᬸᬮ᭄ᬳᬭᬶᬯᬵᬘᬦᬫᬫ᭄ᬮᬤ᭄ᬫᭂᬮᬤ᭄᭞ᬲᬵᬃᬯ᭄ᬯᬶᬳᬤᬸᬮᬸᬃᬢᬗᬶᬲ᭄᭞ᬢᬸᬤᬾᬅ᭄ᬜᬫᬦ᭄ᬢ᭄ᬬᬂ᭞ᬳᬫ᭄ᬧᬸᬭᬧᬶᬲᬦ᭄ᬧᬶᬲᬦ᭄᭞ᬭᬾᬄᬢ᭄ᬬᬂᬧ᭄ᬮᬶᬄᬢᬦ᭄ᬲᬶᬧᬶ᭞
ᬓᬩᬢᭂᬓ᭄ᬢᬶᬢᬄ᭞ᬩᬬᬸᬩᬸᬤᬸᬄᬜᬸᬲᬸᬧᬶᬦ᭄᭟ᬜᬦᬶᬯᬍᬲ᭄ᬧᬶᬲᬮᬄᬲᬸᬩᬢ᭄ᬬᬂᬲᬬᬂ᭞ᬳ᭄ᬤᬫᬚᬗ᭄ᬓᬵᬩ᭄ᬯᬶᬦ᭄᭞ᬩ᭄ᬭᬶᬬᬸᬓ᭄ᬭᬵᬚᬧᬸᬢᬺ᭞ᬜᭂᬫ᭄ᬩᬄᬫᬢᬸᬃᬫᬢᬶᬫ᭄ᬩᬮ᭄᭞ᬤᬕᬶᬂᬲᬫᬶᬫᬢᬸᬃᬲᬶᬲᬶᬧ᭄᭞ᬕᬸᬂᬲᬶᬦᬫ᭄ᬧᬸᬭᬵ᭞ᬓ᭄ᬦᬶᬯᬍᬲ᭄ᬦᬾᬫᬗ᭄ᬓᬶᬦ᭄᭟ᬰ᭄ᬭᬷᬫ
ᬤᬿᬯᬶᬧ᭄ᬘᬓ᭄ᬜᬬᬗᬂᬳᬶᬤᬵ᭞ᬓᬦ᭄ᬢᭀᬲᬶᬕ᭄ᬲᬶᬕᭂᬦᬗᬶᬲ᭄᭞ᬲᬺᬢ᭄ᬧᬗᬦ᭄ᬤᬶᬓᬵ᭞ᬳᬕᬸᬂᬳᬫ᭄ᬧᬸᬭᬵᬩ᭄ᬬᬂ᭞ᬢ᭄ᬬᬂᬩᬸᬤᬸᬄᬕᬢᬶᬕᬢᬶ᭞ᬓ᭄ᬭᬡᬳ᭄ᬮᬲ᭄ᬧᬶᬲᬦ᭄᭞ᬤᬾᬯᬮᬗ᭄ᬲᭀᬢᬦ᭄ᬲᬶᬧᬶ᭟ᬓᬯᬶᬢᬦᬾᬲᬶᬲᬶᬧ᭄ᬢ᭄ᬓᬾᬦᬶᬂᬪᬝᬵ
[᭓᭐ 30 A]
ᬭ᭞ᬳᬦᬓᬕᬸᬂᬳ᭄ᬫᬲᬶᬦ᭄᭞ᬓ᭄ᬦᬳ᭄ᬭᬸᬩᬶᬕ᭄ᬦᬵ᭞ᬓ᭄ᬭᬡᬕᬶᬮᬫᬓ᭄ᬚᬂ᭞ᬓᬮᬶᬄᬳ᭄ᬮᬲᬾᬢᬦ᭄ᬲᬶᬧᬶ᭞ᬳᬶᬤ᭄ᬯᬕᬸᬂᬧᬸᬢᬺ᭞ᬫᬸᬲ᭄ᬢᬧᬵᬫᭂᬧᭂᬲ᭄ᬕᭂᬮᬶᬲ᭄᭟ᬲᬃᬯ᭄ᬯᬶᬜᭂᬫ᭄ᬩᬄᬭᬶᬂᬳᬚᬶᬫᬓᬤᬶᬩ᭄ᬬᬂ᭞ᬭᬶᬂᬭᬓᬫᬓᬓᬮᬶᬄ᭞ᬘᭂᬦ᭄ᬤᭂᬢ᭄ᬳᬢᬸᬃᬳᬶᬤᬵ᭞ᬲᬵᬫ᭄ᬧᬸᬦ᭄ᬧᬶ
ᬲᬦ᭄ᬫᬜ᭄ᬚᬗᬂ᭞ᬤᬤᬶᬯᬘᬦᬵᬲᬯ᭄ᬬᬓ᭄ᬢᬶ᭞ᬓᬩᬢᭂᬓ᭄ᬢᬶᬢᬄ᭞ᬤᭂᬦ᭄ᬤᬦ᭄ᬪᬝᬵᬭᬯᬶᬥᬶ᭟ᬭᬶᬂᬧᬺᬧᬸᬢᬺᬗᬦ᭄ᬤᬶᬓᬤᬵᬫᬗ᭄ᬮᬦ᭄ᬢᬗᬂ᭞ᬭᬾᬄᬕᬦ᭄ᬢᬶᬓᬸᬫ᭄ᬧᬸᬮ᭄ᬤᬶᬦᬶ᭞ᬤᬶᬚᬯᬫᬳᬸᬫᬄ᭞ᬗᬶᬭᬶᬂᬳᬚᬶᬳᬶᬩ᭄ᬬᬂ᭞ᬳᬶᬤ᭄ᬯᬕᬸᬂᬧᬸᬢᬺᬢᬦ᭄ᬓᬤᬶ᭞ᬦᬓ
ᬕᬸᬂᬧᬥ᭞ᬲᬸᬯᬸᬤ᭄ᬫᬸᬫᬄᬤᬶᬩᬮᬶ᭟ᬕᬸᬫᬶᬩᬮᬶᬢᬢᬲ᭄ᬩᬳᬸᬃᬧᬶᬲᬦ᭄ᬧᬶᬲᬦ᭄᭞ᬢ᭄ᬯᬭᬳᬤᬢᬓᬸᬢᬶᬦ᭄᭞ᬳᬓᬾᬢᭀᬧᬦ᭄ᬤᬶᬓᬵ᭞ᬓᬮᬶᬄᬳᬶᬤᬵᬲᬂᬦᬣ᭞ᬗᬦ᭄ᬤᬶᬓᬫᬢᬸᬂᬢᬸᬂᬚ᭄ᬗᬶᬲ᭄᭞ᬳᬶᬤ᭄ᬯᬕᬸᬂᬩ᭄ᬬᬂ᭞ᬧᬢᭂᬄᬧᬦ᭄ᬤᬶᬓᬵᬯ᭄ᬬᬓ᭄ᬢᬶ᭟
ᬫᬫ᭄ᬭᬶᬬᬸᬓᬶᬦ᭄ᬭᬓᬦ᭄ᬥᬵᬓᬮᬶᬄᬦᬓᬾᬦᬂ᭞ᬲᬯᬯᬗᭂᬫ᭄ᬩᭂᬂᬢᬗᬶᬲ᭄᭞ᬭᬾᬄᬓᬗᭂᬦ᭄ᬭᬶᬂᬋᬤ᭄ᬥᬵ᭞ᬳᭂᬗ᭄ᬓᬾᬦ᭄ᬳᬶᬓᬓᬵᬃᬲᬬᬂ᭞ᬳᬶᬤ᭄ᬯᬕᬸᬂᬫᬥᬾᬦᬾᬫᬗ᭄ᬓᬶᬦ᭄᭞ᬫᬯᬗ᭄ᬲᬶᬢ᭄ᬘᬶᬗᬓ᭄᭞ᬭᬶᬂᬳᬭᬶᬦ᭄ᬥᬵᬦᬾᬫᬗ᭄ᬓᬶᬦ᭄᭟ᬤᬕᬶᬂᬯᬗ᭄ᬲᬶᬢ᭄ᬓᬤᬶᬳ
Kaca:Bali-lontar-gaguritan-twan-raja-300ppi.pdf/30
Kaca puniki sampun kauji-wacén
