[᭒᭘ 28 B]
᭒᭘
ᬢ᭄ᬬᬂᬩᬸᬤᬸᬄᬢᬦ᭄ᬲᬶᬧᬶ᭞ᬭᬾᬳᬶᬂᬤᭂᬦ᭄ᬤᭂᬦ᭄ᬤᬾᬯ᭄ᬯ᭞ᬭᬾᬄᬫᬗ᭄ᬓᬶᬦ᭄ᬓᬲᬫ᭄ᬧᬸᬭ᭞ᬲ᭄ᬯᬾᬘᬓᬬᬸᬦ᭄ᬗᬦ᭄ᬤᬶᬓᬳᬶᬦ᭄᭞ᬦᬓᬕᬸᬂᬲᬬᬂ᭞ᬲᬸᬳᬸᬤ᭄ᬜᬭᬾᬦ᭄ᬢ᭄ᬬᬂᬳᭂᬗ᭄ᬕᬶᬄ᭟ᬤᬸᬭᬸᬂᬕᬾᬦ᭄ᬢᬲ᭄ᬳᬦᬓ᭄ᬤᬫᬳᬸᬃᬫᬦᬶᬫ᭄ᬩᬮ᭄᭞ᬭᬾᬄᬳᬓᬾᬄᬓᬋᬧᬶᬦ᭄᭞ᬕ᭄ᬮᬶᬲᬦ᭄ᬳᬭᬶᬦ᭄ᬥᬵ᭞ᬳ
ᬢᬸᬃᬧᬢᭂᬄᬲᬫ᭄ᬬᬦ᭄᭞ᬳᬶᬤ᭄ᬯᬕᬸᬂᬧᬸᬢᬺᬢᬦ᭄ᬓᬤᬶ᭞ᬫᬫ᭄ᬓᬸᬮ᭄ᬧᬥ᭞ᬲᭂᬫ᭄ᬩᬄᬦᬾᬦ᭄ᬢᭂᬦ᭄ᬫᬕᬦ᭄ᬢᬶ᭟ᬭᬶᬂᬭ᭄ᬓᬦ᭄ᬥᬵᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬳᬢᬸᬃᬳᬤᬸᬮᬸᬃᬢᬗᬶᬲ᭄᭞ᬗ᭄ᬢᬸᬲ᭄ᬓᬬᬸᬦ᭄ᬧᬶᬲᬦ᭄᭞ᬧᬸᬓᬸᬮᬸᬦ᭄ᬧᬦᭂᬫ᭄ᬩᬳᬦ᭄᭞ᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞
ᬯᬸᬲ᭄ᬲᬭᬮᬾᬤᬂ᭞ᬤᭂᬦ᭄ᬥᬵᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬭᬵᬢᬸᬤ᭄ᬯᬕᬸᬂᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬶᬲᬦ᭄ᬢᬸᬮᬓ᭄᭞ᬭᬾᬄᬢᬶᬢ᭄ᬬᬂᬮᬶᬦ᭄ᬢᬂᬲᬶᬲᬶᬧ᭄᭞ᬭᬶᬂᬚᭂᬂᬲᬲᬸᬳᬸᬦᬦ᭄᭞ᬲᭂᬦ᭄ᬪᬝᬵᬭᬦ᭄ᬢᬶᬢ᭄ᬬᬂ᭞ᬓ᭄ᬦᬶᬲ᭄ᬯᬾᬘ᭄ᬘᬵᬗᬫᭂᬗ᭄ᬕᬳᬶᬦ᭄᭞ᬳᬲᬧᬸᬦᬶᬓ᭞ᬳᬢᬸᬃᬳᬭᬶᬦ᭄ᬥ᭠
ᬯ᭄ᬬᬓ᭄ᬢᬶ᭟ᬤᬵᬭᬓᬦ᭄ᬥᬫᬦᬶᬫ᭄ᬩᬮ᭄ᬢᬭᬸᬫᬶᬤᬃᬢ᭄ᬣᬵ᭞ᬤᬢᬮᬦ᭄ᬢᬗᬂᬩ᭄ᬯᬶᬦ᭄᭞ᬭᬾᬄᬓᬩᬢᭂᬓ᭄ᬢᬶᬢᬄ᭞ᬳᬶᬤ᭄ᬯᬕᬸᬂᬫᬥᬾᬜᭂᬫ᭄ᬩᬄ᭞ᬦᬶᬫ᭄ᬩᬮᬶᬦ᭄ᬯᬘ᭄ᬘᬵᬦᬦ᭄ᬳᬚᬶ᭞ᬲᬓᬮᬶᬄᬩ᭄ᬬᬂ᭞ᬢᬶᬢ᭄ᬬᬂᬳᬫ᭄ᬧᬸᬭᬫᬗ᭄ᬓᬶᬦ᭄᭟ᬭᬾᬳᬶᬂᬩᬗᭂᬢ᭄ᬜᬸᬗ᭄ᬓᬦᬶᬜ᭄ᬘᭀ
[᭒᭙ 29 A]
ᬓᭀᬃᬳᬶᬤᬾᬯ᭞ᬫᬗᬸᬩ᭄ᬤᬤᬾᬯᬾᬓ᭄ᬯ᭄ᬬᬓ᭄ᬢᬶ᭞ᬓᬦ᭄ᬢᭀᬲ᭄ᬳᬶᬜ᭄ᬚᭀᬃᬦᬶᬗ᭄ᬕᬮ᭄᭞ᬫᬮᬶᬄᬳᬶᬤᬫᬜᭂᬫ᭄ᬩᬄ᭞ᬭᬶᬂᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭞ᬲᬓᬶᬂᬕᬕ᭄ᬮᬶᬲ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭟ᬭᬾᬄᬫᬢ᭄ᬯᬦ᭄ᬤᬭᬵᬢᬸᬤ᭄ᬯᬕᬸᬂᬧᬦᭂᬫ᭄ᬩᬳᬦ᭄᭞ᬢᬶᬢ᭄ᬬᬂᬫᬳᬢᬸᬃᬲᬶᬲᬶᬧ᭄᭞ᬭᬶᬂ
ᬚᭂᬂᬲᬲᬸᬳᬸᬦᬦ᭄᭞ᬕᬸᬂᬋᬡᬲᬶᬦᬫ᭄ᬧᬸᬭᬵ᭞ᬭᬾᬄᬢᬶᬢ᭄ᬬᬂᬓᬮᬶᬦ᭄ᬢᬂᬲᬶᬲᬶᬧ᭄᭞ᬫᬫᬦᬄᬘᭀᬭᬄ᭞ᬗᬫ᭄ᬩᬶᬮ᭄ᬳᬦᬓ᭄ᬤᬯ᭄ᬬᬓ᭄ᬢᬶ᭟ᬫᬫᬶᬦ᭄ᬳᬂᬲᬂᬦᬵᬣᬫᬩ᭄ᬭᬶᬬᬸᬓ᭄ᬦᬶᬫ᭄ᬩᬮ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬧᬢᭂᬄᬲᬮᬶᬂᬢᬶᬫ᭄ᬩᬮ᭄᭞ᬤᬢᬩ᭄ᬯᬶᬦ᭄ᬮᬦ᭄ᬢᬗᬂ᭞ᬭᬾᬳᬶᬂ᭠
ᬧᬤᬩ᭄ᬦᭂᬄᬧ᭄ᬮᬶᬄ᭞ᬳ᭄ᬬᬩᬢᭂᬓ᭄ᬢᬶᬢᬄ᭞ᬓ᭄ᬭᬡᬦᬾᬩᬸᬓᬚᬦᬶ᭟ᬤᬵᬲᬂᬦᬵᬣᬓᬸᬭᬶᬧᬦ᭄ᬫᬮᬶᬄᬗᬦ᭄ᬤᬶᬓᬵ᭞ᬦᬦᬂᬳᬶᬕ᭄ᬬᬸᬃᬫᬮᬶᬄ᭞ᬧᬂᬢ᭄ᬧᬸᬓ᭄ᬓᬾᬦ᭄ᬢ᭄ᬬᬂ᭞ᬳᬦᬓ᭄ᬤᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬲᬂᬦᬵᬣᬓᬮᬶᬄᬫ᭄ᬭᬶᬬᬸᬓᬶᬦ᭄᭞ᬭᬶᬂᬲᬶᬗ᭄ᬳᬲ᭄ᬓᬵᬃ᭞ᬕᬕ᭄ᬮᬂᬫᬶᬦᬓ
ᬤᬶ᭟ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬫᬧᬫᬶᬢ᭄ᬫᬫᭂᬦ᭄ᬤᬓ᭄᭞ᬭᬓᬦ᭄ᬥᬵᬫᬗᬗ᭄ᬕᬸᬢᬶᬦ᭄᭞ᬳ᭄ᬦᭂᬗᬂᬜᬭᬶᬢᬬᬂ᭞ᬭᬾᬄᬳᬬᬢ᭄ᬧᬘᬂᬫᭂᬦ᭄ᬤᬓ᭄᭞ᬕ᭄ᬮᬶᬲᬂᬳᬶᬤ᭄ᬯᬕᬸᬂᬫᬗ᭄ᬓᬶᬦ᭄᭞ᬩ᭄ᬬᬂᬓᬸᬭᬶᬧᬦ᭄᭞ᬫ᭄ᬓᬸᬮ᭄ᬳᬦᬓ᭄ᬫᬵᬯ᭄ᬬᬓ᭄ᬢᬶ᭟ᬤᬵᬳᬦᬓ᭄ᬥᬦᬾᬲᬵᬫ᭄ᬧᬸᬦ᭄ᬓᬤᬫᬧᬸ
Kaca:Bali-lontar-gaguritan-twan-raja-300ppi.pdf/29
Kaca puniki sampun kauji-wacén
