[᭒᭗ 27 B]
᭒᭗
ᬝᬵᬭᬫᬦᬶᬫ᭄ᬩᬮ᭄᭞ᬚᬦᬶᬳᬶᬭᬫᬶᬤᬃᬢ᭄ᬣᬵ᭞ᬓ᭄ᬭᬡ᭄ᬦᬳᬶᬜ᭄ᬚᭀᬃᬫᬗᬮᬳᬶᬦ᭄᭞ᬭᬾᬄᬓᬸᬮᬗᬸᬦᬦ᭄᭞ᬲᬂᬩᬶᬱᬵᬗᬺᬢ᭄ᬩᬸᬤᬶ᭟ᬢ᭄ᬓᬾᬦ᭄ᬳᬶᬬᬓᬲᭀᬦ᭄ᬢ᭄ᬭᬄᬳᬶᬜᭀᬜᬄᬭᬵᬚ᭞ᬭᬵᬢ᭄ᬦᬚ᭄ᬯᬶᬢ᭄ᬣᬵᬲᬚᬢᬶ᭞ᬢᬸᬃᬓᬲᭀᬦ᭄ᬢ᭄ᬭᬄᬲᭀᬫᬄ᭞ᬳᬶᬕ᭄ᬬᬸᬃ
ᬲ᭄ᬗᬶᬢ᭄ᬧᬶᬲᬦ᭄᭞ᬫᬸᬜᬶᬦ᭄ᬳᬶᬜ᭄ᬚᭀᬭᬾᬗᬸᬦᬶ᭞ᬮᬗ᭄ᬲᭀᬢ᭄ᬓᬮᬶᬦ᭄ᬢᬂ᭞ᬢ᭄ᬯᬭᬵᬫᬚᬗ᭄ᬓᬕᬶᬕᬶᬲ᭄᭟ᬤᬸᬄᬓᬾᬳᬶᬬᬤᬤᬶᬯᬾᬱ᭄ᬬᬓᬚᬦ᭄ᬢᬓᬵ᭞ᬧᬾᬢᬭᬹᬫ᭄ᬓᬳᬤᬦᬶᬦ᭄᭞ᬓᬮᬶᬄᬳᬶᬩᬜ᭄ᬚᬸᬭᬦ᭄᭞ᬦᬾᬦᬾᬓᬢᬓᭂᬄᬧ᭄ᬚᬄ᭞ᬭᬾᬄᬢ᭄ᬭᬂᬜᭂ
ᬩᬸᬭᬶᬦ᭄ᬳᬧᬶ᭞ᬳᭂᬦ᭄ᬢᭀᬦᬾᬫᬤᬦ᭄᭞ᬧᬸᬢᬫᬸᬲ᭄ᬢᬧᬵᬚᬢᬶ᭟ᬳᬶᬩᬜ᭄ᬚᬸᬭᬸᬲᬸᬩᬬᬵᬫᬜ᭄ᬦᭂᬂᬦᬵᬣ᭞ᬤᬶᬫᬸᬱ᭄ᬝᬧᬵᬦᬵᬕᬭᬶ᭞ᬭᬾᬄᬓᬤᬫᬧᬸᬢᬺ᭞ᬕᬸᬫᬶᬳᭀᬜᬓᬲ᭄ᬭᬄ᭞ᬳᬯᬦᬦᬾᬲᬶᬤ᭄ᬥᬵᬫᬳᬶ᭞ᬳᬶᬕᬶᬬᬸᬃᬗᬚᬓ᭄᭞ᬫᬜᬳᬸ
ᬧ᭄ᬢ᭄ᬗᬄᬳᬧᬶ᭟ᬳ᭄ᬬᬳᬶᬕᬶᬬᬸᬃᬰᬓ᭄ᬢᬶᬦᬾᬢᬦ᭄ᬧᬢᬦ᭄ᬤᬶᬗᬦ᭄᭞ᬲᬓᬮᬯᬶᬱ᭄ᬡᬸᬫᬹᬃᬢ᭄ᬣᬶ᭞ᬓ᭄ᬭᬡ᭄ᬦᬫᬜᬶᬤᬬᬂ᭞ᬜ᭄ᬫᬵᬓ᭄ᬜᬫᬤᬶᬳᭀᬫ᭞ᬳᬧᬦ᭄ᬳᬧᬶᬫᬕᬯᬾᬦᬶᬦ᭄᭞ᬳᬶᬬᬾᬄᬲᬓᬵᬮ᭞ᬮᬾᬦ᭄ᬗᭂᬮᬄᬓᬧᬮ᭄ᬳᬗᬶᬦ᭄᭟ᬩᬶᬱᬫᬫ᭄ᬩᬸᬃᬫᬸᬮ
[᭒᭘ 28 A]
ᬫᬤᬦ᭄ᬓᬨᬮ᭄ᬢᭂᬃᬩᬂ᭞ᬓᬧᬮ᭄ᬲᬶᬍᬫ᭄ᬢᬦ᭄ᬓᬤᬶ᭞ᬩᬶᬱᬵᬗᭂᬦᬄᬳᬶᬮᬂ᭞ᬓ᭄ᬭᬡ᭄ᬦᬵᬓᬲᬸᬳᬸᬃᬧᬶᬲᬦ᭄᭞ᬱᬺᬭᬵᬢᬸᬢᬓᬸᬢ᭄ᬦᬦ᭄ᬤᬶᬗᬶᬦ᭄᭞ᬓ᭄ᬭᬡ᭄ᬦᬜ᭄ᬤᬬᬂ᭞ᬫᬓᬸᬫ᭄ᬧᬸᬮ᭄ᬩᬸᬓᬚᬦᬶ᭟ᬩ᭄ᬯᬶᬦᬜᬦᬾᬓ᭄ᬦᭂᬳᬂᬫᬢᬶᬫᭀᬓ᭄ᬢᬄ᭞ᬳᬶᬕᬶᬬᬸᬃᬫᬗᬯᬾᬦᬶᬦ᭄᭞ᬳ᭄ᬬᬤᬶ
ᬦᬶᬫᬓ᭄ᬚᬂ᭞ᬳᬓᬾᬢᭀᬓᬚᬢ᭄ᬬᬦ᭄᭞ᬩᬧᬦᬾᬲᬶᬫ᭄ᬧᭂᬦᬕᬢᬶ᭞ᬓᬸᬤᬸᬫᬕ᭄ᬦᬄᬓᬲᬸᬗ᭄ᬕᭂᬮᬧ᭄ᬫᬕᬯᬾᬦᬶᬦ᭄᭟ᬢᬸᬃᬓᬲᭀᬦ᭄ᬢᬺᬄᬚᬢᬶᬫᬶᬭᬶᬩ᭄ᬭᬚᬘᬶᬦᬵ᭞ᬭᬚᬘᬶᬦᬵᬲᬚᬢᬶ᭞ᬲᬸᬩᬧᬤᬫᭀᬓ᭄ᬢᬄ᭞ᬩᬋᬂᬦᬢᬾᬂᬧᬸᬲ᭄ᬢᬧᬵ᭞ᬳᬓᬾᬢᭀᬯᬘᬦ
ᬦ᭄ᬯᬶᬥᬷ᭞ᬕᬯᭀᬓ᭄ᬲᬫ᭄ᬬᬦ᭄᭞ᬓᬕ᭄ᬬᬢ᭄ᬮᬾᬤᬂᬢᬦ᭄ᬲᬶᬧᬶ᭟ᬫᬩ᭄ᬭᬶᬬᬸᬓ᭄ᬢᬦ᭄ᬧ᭄ᬕᬦ᭄ᬢᬶᬲᭂᬫ᭄ᬩᬄᬳᬶᬤᬵ᭞ᬪᬝᬵᬭᬳᬶᬤᬵᬫᬗ᭄ᬓᬶᬦ᭄᭞ᬩᬸᬤᬮ᭄ᬢᬦ᭄ᬧᬫ᭄ᬗᬦ᭄᭞ᬢᬦ᭄ᬓᭀᬘᬧᬦᬾᬩᬸᬤᬮ᭄᭞ᬳᬶᬤᬳᬶᬤᬾᬯᬕᬸᬂᬲᬫᬶ᭞ᬫᬩ᭄ᬭᬶᬬᬸᬓ᭄ᬳᬶᬤ᭞ᬫᬫ᭄ᬓᬸᬮ᭄ᬳᭀᬓ
ᬯ᭄ᬬᬓ᭄ᬢᬶ᭟ᬓᬮᬶᬄᬦᬾᬦᬾᬧᬢᬸᬢ᭄ᬜᭂᬫ᭄ᬩᬄᬲᬋᬂᬲᬫ᭄ᬬᬦ᭄᭞ᬲᬵᬃᬯ᭄ᬯᬶᬫᬩ᭄ᬭᬶᬬᬸᬓ᭄ᬫᬗ᭄ᬓᬶᬦ᭄᭞ᬫᬢᬸᬃᬫᬗᬦ᭄ᬤᬶᬓ᭞ᬧᬢᭂᬄᬫᬫ᭄ᬮᬤ᭄ᬫᭂᬮᬤ᭄᭞ᬲᬯᬯᬳᬤᬸᬮᬸᬃᬢᬗᬶᬲ᭄᭞ᬤᬕᬶᬂᬧᬦ᭄ᬤᬶᬓᬵ᭞ᬘᭂᬦ᭄ᬤᭂᬢ᭄ᬫᬮᬓᬸᬧ᭄ᬮᬶᬄ᭟ᬫᬾᬦᬓᬕᬸᬂᬳᬫ᭄ᬧᬸᬭᬫᬲ᭄ᬚᬶᬯᬦ᭄ᬢᬶᬢ᭄ᬬᬂ᭞
Kaca:Bali-lontar-gaguritan-twan-raja-300ppi.pdf/28
Kaca puniki sampun kauji-wacén
