[᭒᭖ 26 B]
᭒᭖
ᬲᬂᬓᬮᬶᬄ᭞ᬳᬶᬤᬢ᭄ᬯᬦ᭄ᬭᬚᬵ᭞ᬦᬓᬕᬸᬂᬫᬶᬦᬓᬤᬶ᭟ᬚᬦᬶᬳᬧᬧᬘᬂᬳᬗ᭄ᬕᭀᬦᬯᬸᬃᬳᬸᬢᬂ᭞ᬳᬶᬤᬲᬂᬯᬶᬭᬓᬮᬶᬄ᭞ᬩ᭄ᬭᬶᬬᬸᬓ᭄ᬳᬶᬤᬵᬜᭂᬫ᭄ᬩᬄ᭞ᬳᬢᬸᬃᬧᬢᭂᬄᬫᬢᬶᬫ᭄ᬩᬮ᭄᭞ᬤᬾᬯᬕᬸᬂᬯᬦ᭄ᬢᬄᬳᬲᬶᬓᬶ᭞ᬚᬯᬦᬶᬂᬲᭂᬫ᭄ᬩᬄ᭞ᬤᬯᭂᬕ᭄ᬢᬶᬢ᭄ᬬᬂᬫᬧ
ᬫᬶᬢ᭄᭟ᬲᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬯᬸᬃᬳᬸᬢᬂ᭞ᬲᬂᬦᬵᬣᬫᬗ᭄ᬮᬸᬕ᭄ᬭᬳᬶᬦ᭄᭞ᬕ᭄ᬮᬶᬲ᭄ᬭᬚᬳᬦ᭄ᬯᬫ᭄᭞ᬓᬮᬶᬄᬳᬶᬤ᭄ᬯᬕᬸᬂᬧᬸᬢᬺ᭞ᬫᬸᬲ᭄ᬢᬧᬕ᭄ᬮᬶᬲ᭄ᬦᬾᬫᬗ᭄ᬓᬶᬦ᭄᭞ᬫᬜᬫ᭄ᬩᬸᬢᬗᬦ᭄᭞ᬲᬵᬃᬯ᭄ᬯᬶᬫᬳᬢᬹᬃᬳᬭᬶᬲ᭄᭟ᬭᬶᬂᬭᬓᬦ᭄ᬥᬵᬳᬶᬸᬤᬶᬸᬳᬶᬤᬵᬳᬶᬤ᭄ᬯᬕᬸᬂ᭠
ᬮᬦᬂ᭞ᬢ᭄ᬯᬦ᭄ᬭᬚᬫᬫ᭄ᬭᬶᬬᬸᬓᬶᬦ᭄᭞ᬢᬸᬩᬸᬄᬫᬦᬶᬲ᭄ᬕᭂᬢᬃ᭞ᬦᬓᬕᬸᬂᬲᬋᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬓᬢᬮᬜ᭄ᬚᬸᬃᬯ᭄ᬬᬓ᭄ᬢᬶ᭞ᬫᬧᬦᬯᬸᬭᬦ᭄᭞ᬳᬦ᭄ᬢᬸᬓ᭄ᬱᭂᬫ᭄ᬩᬄᬦᬾᬫᬗ᭄ᬓᬶᬦ᭄᭟ᬬᬦ᭄ᬢᬦ᭄ᬳᬶᬯᬂᬫᬦᬳᬂᬢᬶᬢ᭄ᬬᬂᬳᬮᬶᬢᬦ᭄᭞ᬦᬾᬚᬦᬶᬲᭂᬫ᭄ᬩᬄᬫᬗ᭄ᬓᬶ
ᬦ᭄᭞ᬭᬶᬂᬳᬶᬤ᭄ᬯᬕᬸᬂᬮᬦᬂ᭞ᬳᬶᬤᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬫᬸᬲ᭄ᬳᬧᬵᬫᬫᬢᬸᬢ᭄ᬯ᭄ᬬᬓ᭄ᬢᬶ᭞ᬓᬬᬗᬦ᭄ᬳᬶᬤᬵ᭞ᬪᬝᬭᬫᬗ᭄ᬭᬯᬸᬳᬶᬦ᭄᭟ᬧ᭄ᬢᭂᬂᬤᭂᬤᭂᬢ᭄ᬳᬓ᭄ᬱᭂᬧ᭄ᬫᬓᬵᬃᬬ᭄ᬬᬕᬮᬂ᭞ᬢᬶᬓᬸᬭᬸᬢ᭄ᬳᬫ᭄ᬩᬸᬫᬶᬳᬶᬓ᭄᭞ᬮᬾᬦ᭄ᬢᬸᬚᬸᬦ᭄ᬓᬸᬫ᭄ᬓᬸᬫᬦ᭄᭞ᬳᬧ᭄ᬢ᭠
[᭒᭗ 27 A]
ᬗ᭄ᬲᭂᬗᬦ᭄ᬤᬾᬯ᭄ᬯᬵ᭞ᬫᬓᬘᬶᬭᬶᬫᬗ᭄ᬭᬯᬸᬳᬶᬦ᭄᭞ᬳᬶᬤᬢ᭄ᬯᬦ᭄ᬭᬚᬵ᭞ᬳᬶᬤ᭄ᬯᬕᬸᬂᬧᬸᬢᬺᬫᬮᬶᬄ᭟ᬗ᭄ᬳᬶᬂᬫᬸᬲ᭄ᬢᬧᬵᬕ᭄ᬮᬶᬲ᭄ᬳᬶᬤᬵᬫᬗᬺᬕ᭄ᬧᬂ᭞ᬮᬶᬗ᭄ᬕᬶᬄᬳᬶᬤᬵᬯᬸᬲ᭄ᬧᬲ᭄ᬢᬶ᭞ᬭᬾᬄᬳᬶᬤᬧᬯᬶᬓᬦ᭄᭞ᬲᬦᬾᬳᬶᬭᬶᬓᬶᬲᬫ᭄ᬬᬦ᭄᭞ᬳᬾᬫᭂᬂᬕᬯᭀᬓ᭄ᬱ
ᬋᬂᬲᬫᬶ᭞ᬩᬳᬦᬾᬢᬯᬄ᭞ᬳᬸᬚᬦ᭄ᬧᬾᬦ᭄ᬤᬾᬃᬦᬾᬫᬗ᭄ᬓᬶᬦ᭄᭟ᬚᭂᬂᬪᬝᬵᬭᬗᬦ᭄ᬤᬶᬓᬵᬢᬗ᭄ᬮᬸᬲ᭄ᬓᬮᬶᬦ᭄ᬢᬂ᭞ᬩᬶᬄᬦᬾᬤᬶᬗᭂᬳᬂᬚᬦᬶ᭞ᬧᬤᬚᬓ᭄ᬫᬓ᭄ᬚᬂ᭞ᬳᬧᬂᬧ᭄ᬤᬲ᭄ᬫᬦᬯᬂ᭞ᬳᬧᬂᬲᬸᬳᬸᬤ᭄ᬩᬸᬓᬚᬦᬶ᭞ᬗᬸᬘᬧᬂᬳᬶᬭ᭞ᬳᬤ᭄ᬯᬫᬓᭂᬦ᭄ᬤᭂᬮᬶᬦ᭄᭟
ᬦ᭄ᬢᭀᬳᬶᬫᬸᬲ᭄ᬓᬦ᭄ᬢᭀᬳᬶᬕᬶᬬᬸᬃᬓᬚᬢ᭄ᬬᬦ᭄᭞ᬓᬮᬶᬄᬳᬶᬕᬶᬬᬸᬃᬩ᭄ᬯᬶᬦ᭄᭞ᬤᬵᬧᬶᬲᬦ᭄ᬫᬢᬶᬮᬲ᭄᭞ᬳᬶᬭᬚᬦᬶᬕᬯᬾᬦᬂ᭞ᬢ᭄ᬯᬦ᭄ᬭᬚᬵᬜᭂᬫ᭄ᬩᬄᬲᬳᬶᬭᬶᬂ᭞ᬳᬲᬶᬂᬳᬶᬭᬶᬓᬵ᭞ᬢ᭄ᬭᬂᬲᬫᬶᬫᬶᬬᬃᬱᬶ᭟ᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬭᬾᬄᬢᬶᬓᬧᬶᬦᭂᬄ
ᬤᬾᬯ᭞ᬲᬯᬘ᭄ᬘᬦᬦᬾ ᬫᬗ᭄ᬓᬶᬦ᭄᭞ᬫᬮᬶᬄᬲᬫᬶᬜᭂᬫ᭄ᬩᬄ᭞ᬤᬕᬶᬂᬫᬮᬶᬄᬗ᭄ᬮᬸᬗ᭄ᬲᬸᬭᬂ᭞ᬳᬢᬸᬃᬳᬶᬤᬧᬢᭂᬄᬲᬫᬶ᭞ᬚᭂᬂᬲᬲᬸᬳᬸᬦᬦ᭄᭞ᬢᬶᬢ᭄ᬬᬂᬦᬯ᭄ᬕᬂᬫᬗ᭄ᬓᬶᬦ᭄᭟ᬓ᭄ᬦᬶᬲ᭄ᬯᬾᬘ᭄ᬘᬵᬋᬦ᭄ᬢᭂᬄᬯᬘᬦᬦ᭄ᬪᬝᬵᬭ᭞ᬢᬶᬢ᭄ᬬᬂᬦᬯ᭄ᬕᬂᬫᬗ᭄ᬓᬶᬦ᭄᭞ᬪ
Kaca:Bali-lontar-gaguritan-twan-raja-300ppi.pdf/27
Kaca puniki sampun kauji-wacén
