[᭒᭕ 25 B]
᭒᭕
ᬯᬮᬶᬦ᭄᭞ᬢᭀᬂᬩᬶᬱᬫᬗ᭄ᬦᭂᬳᬂ᭞ᬲᬭᬜᬳᬶᬕᬶᬬᬸᬃ᭞ᬚᬦᬶᬲᬸᬳᬸᬤ᭄ᬓ᭄ᬫᬲᬬᬂ᭞ᬤᬶᬦᬶᬳᭂᬩᬸᬓ᭄᭞ᬤᬵᬳᬦᬓ᭄ᬤᬫ᭄ᬦᭂᬂᬓᬭᬶ᭞ᬓᬾᬯᬦ᭄ᬢᭂᬦ᭄ᬳᬶᬤᬵᬜᭂᬫ᭄ᬩᬄ᭟᭚ᬧᬗ᭄ᬓᬸᬃ᭚ᬳ᭄ᬦᭂᬗᬂᬤᬶᬩᬮᬾᬕ᭄ᬥᬄ᭞ᬦᬾᬤᬶᬩᬮᬾᬫᬹᬃᬩ᭄ᬯᬶᬦ᭄ᬩᬮᬶᬓᬶᬦ᭄᭞
ᬦᬾᬗᬲᬶᬳᬶᬦ᭄ᬮᬬᭀᬦ᭄ᬢᬸᬳᬸ᭞ᬮᬬᭀᬦ᭄ᬦᬗ᭄ᬳᬶᬂᬓᬲᬸᬗ᭄ᬕᭂᬮᬧ᭄᭞ᬳᬶᬤᬾᬯᬕᬸᬂᬧᬸᬢᬺᬮᬾᬤᬗᬾᬓ᭄ᬮᬗ᭄ᬓᬸᬂ᭞ᬫ᭄ᬬᬃᬱᬵᬱᬧᬧᬵᬲᬶᬄᬭᬓᬦ᭄ᬥᬵ᭞ᬳᬶᬤᬵᬢ᭄ᬯᬦ᭄ᬭᬚᬵᬪᬹᬧᬢᬶ᭟ᬭᬾᬄᬳᬶᬤᬓᬮᬶᬦ᭄ᬢᬂᬧᬰ᭄ᬘᬢ᭄᭞ᬳᬬᬢ᭄ᬳᬶᬤᬵᬳᬶᬤ᭄ᬯᬕᬸᬂᬫᬦᬶᬫ᭄ᬩᬮᬶᬦ᭄᭞ᬫᬾ
ᬮᬶᬄᬳᬬᬢ᭄ᬫᬍᬲ᭄ᬫᭂᬓᬸᬮ᭄᭞ᬓᬮᬶᬄᬫᬓᬬᬸᬦ᭄ᬗᬭᬲ᭄᭞ᬢ᭄ᬓᬍᬲᬸᬳᭂᬳᭂᬲ᭄ᬭᬱᬵᬢᬦ᭄ᬧᬩᬮᬸᬂ᭞ᬳᬶᬤ᭄ᬯᬕᬸᬂᬳᬲ᭄ᬢ᭄ᬭᬫᬸᬲ᭄ᬢᬧᬵ᭞ᬫᬧᬲᬶᬳᬶᬦ᭄ᬮᬬᭀᬦ᭄ᬫᬗ᭄ᬓᬶᬦ᭄᭟ᬮᬬᭀᬦᬾᬓᬭᬶᬫᬲᬸᬗ᭄ᬕᭂᬮᬧ᭄᭞ᬦᬾᬧᬗ᭄ᬓᬸᬦ᭄ᬤᬵᬗ᭄ᬢᬸᬲ᭄ᬓᬬᬸᬦ᭄ᬧᬧᬲᬶᬄ᭞ᬫᬾᬄ
ᬭᬵᬢᬸᬪᬝᬵᬭᬶᬳᬕᬸᬂ᭞ᬧ᭄ᬬᬃᬱᬵᬳᬢᬸᬃᬢᬶᬢ᭄ᬬᬂ᭞ᬫᬗ᭄ᬮᬸᬗ᭄ᬲᬸᬭᬂᬳᬯᬦᬦ᭄ᬮᬶᬦ᭄ᬢᬂᬫᬗ᭄ᬮᬬᬸ᭞ᬫᬦᬶᬗ᭄ᬕᬮᬶᬦ᭄ᬳᬚᬶᬩ᭄ᬬᬂ᭞ᬓᬮᬶᬄᬲᬦᬾᬗᬶᬭᬶᬂᬲᬫᬶ᭟ᬯᬦ᭄ᬢᬄᬢᬾᬪᬝᬵᬭᬦ᭄ᬢᬶᬢ᭄ᬬᬂ᭞ᬲᬦᬾᬧᬸᬧᬸᬢ᭄ᬭᬾᬄᬭᬓᬵᬫᬦᬶᬗ᭄ᬕᬮᬶᬦ᭄᭞
[᭒᭖ 26 A]
ᬢᬦ᭄ᬧᬓᬵᬃᬬ᭄ᬬᬭᬢᬸᬤ᭄ᬯᬕᬸᬂ᭞ᬧᬘᬂᬗ᭄ᬢᬸᬢ᭄ᬗᬸᬭᬶᬭᬓᬵ᭞ᬤᬶᬚᬋᬋᬄᬫᬦᬳᬂᬢᬶᬢ᭄ᬬᬂᬤᬾᬯᬕᬸᬂ᭞ᬦᬾᬦ᭄ᬢᭂᬦ᭄ᬲᬶᬤ᭄ᬥᬵᬫᬗ᭄ᬕᬶᬄᬭᬓᬵ᭞ᬭᬾᬳᬶᬂᬭᬓᬫᬗ᭄ᬕᭂᬄᬓᬭᬶ᭟ᬲᬧᬸᬦᬶᬓᬓᬵᬚᬢ᭄ᬬᬦ᭄᭞ᬫᬶᬦᬓᬤᬶᬲᬯᭀᬲᬯᭀᬲ᭄ᬧᬫᬃᬕ᭄ᬕᬶ᭞ᬭᬶᬂᬤᬶ
ᬚᬧᬘᬂᬓᬧᬗ᭄ᬕᬸᬄ᭞ᬭᬾᬄᬭᬓᬫᬦ᭄ᬢᬸᬓ᭄ᬫᭀᬓ᭄ᬢᬄ᭞ᬭᬢᬸᬤ᭄ᬯᬕᬸᬂᬫᬦ᭄ᬢᬸᬓᬾᬲᬓᬶᬂᬫᬲᬸᬤᬸᬓ᭄᭞ᬦ᭄ᬭᬗᬶᬦ᭄ᬭᬓᬫᭀᬓ᭄ᬢᬄ᭞ᬘᭀᬓᭀᬃᬳᬶᬤᬾᬯᬫᬗ᭄ᬮᬶᬦ᭄ᬢᬶᬓ᭄᭚ᬤᬹᬃᬫ᭄ᬫᬵ᭚ᬲᬧᬸᬦᬶᬓᬧᬧᬲᬶᬄᬳᬶᬤᬵᬳᬭᬶᬦ᭄ᬥᬵ
ᬕ᭄ᬮᬶᬲᬂᬯᬶᬭᬓᬮᬶᬄ᭞ᬫᬸᬶᬗᬼᬧᬲᬲᬸᬗ᭄ᬕᭂᬮᬧᬦ᭄᭞ᬫᬦ᭄ᬢ᭄ᬭᬮᬶᬦ᭄ᬢᬂᬯᬶᬰᬾᬱ᭞ᬯᬸᬲ᭄ᬜ᭄ᬦᭂᬂᬕ᭄ᬮᬶᬲᬂᬓᬮᬶᬄ᭞ᬲᬫᬶᬓᬕ᭄ᬬᬢ᭄᭞ᬓᬮᬶᬄᬮᬾᬤᬂᬢᬦ᭄ᬲᬳᬶᬧᬶ᭟ᬯᬳᬸᬫᬸᬗᬸᬫᬕᬾᬕᬲ᭄ᬫᬢᬗᬶᬳᬶᬤᬵ᭞ᬫᬫ᭄ᬓᬸᬮ᭄ᬫᬫᬲᬶᬳᬶᬦ᭄᭞ᬫᬮᬶᬄᬳᬶᬤ
ᬜᭂᬫ᭄ᬩᬄ᭞ᬭᬶᬂᬳᬚᬶᬓᬮᬶᬄᬩ᭄ᬬᬂ᭞ᬳᬚᬶᬩ᭄ᬬᬂᬲᬋᬂᬲᬫᬶ᭞ᬕ᭄ᬮᬶᬲ᭄ᬦᭂᬲ᭄ᬓᬂ᭞ᬫ᭄ᬓᬸᬮ᭄ᬦᬾᬩᬸᬫ᭄ᬢᬗᬶ᭟ᬲᬳᬳᬶᬤᬫᬗᬦ᭄ᬤᬶᬓᬫ᭄ᬮᬤ᭄ᬫᬶᬮᬤ᭄᭞ᬳᬦᬓ᭄ᬥᬫᬓᬓᬮᬶᬄ᭞ᬫᬾᬦᬓᬕᬸᬂᬲᬬᬂ᭞ᬓ᭄ᬦᭂᬳᬶᬦ᭄ᬧᬶᬲᬦ᭄ᬧᬶᬲᬦ᭄᭞ᬢᬺᬱ᭄ᬡᬦ᭄ᬳᬶᬤᬦᬾ
Kaca:Bali-lontar-gaguritan-twan-raja-300ppi.pdf/26
Kaca puniki sampun kauji-wacén
