[᭒᭔ 24 B]
᭒᭔
ᬬᭀᬦ᭄ᬭᬾᬳᬶᬂᬓᬲᬸᬗ᭄ᬕᭂᬮᬧ᭄ᬯ᭄ᬬᬓ᭄ᬢᬶ᭞ᬭᬾᬳᬶᬂᬧᬲ᭄ᬘᬢ᭄ᬓ᭄ᬮᬗ᭄ᬓᬸᬂ᭞ᬗᬃᬬ᭄ᬬᬲ᭄ᬯᬪᬵᬯᬭᬸᬓ᭄ᬱᬵ᭞ᬫᬶᬦᬩ᭄ᬳᬰᬶᬄᬫᬶᬦᬩ᭄ᬓᬗᭂᬦ᭄ᬭᬶᬂᬲᬂᬮᬫ᭄ᬧᬸᬲ᭄᭞ᬢ᭄ᬯᬦ᭄ᬭᬵᬚᬗᬭᬲ᭄ᬢᬭᬶᬦ᭄ᬥᬵ᭞ᬲᬯᬯᬳᬶᬤᬵᬗᬲᬶᬳᬶᬦ᭄᭚ᬥᬂᬥᬂ᭚ᬫᬾᬄᬦᬓᬕᬸᬂᬤᭀᬂᬲᬸᬯᬸ
ᬤ᭄ᬫᬺᬫ᭄ᬗ᭄ᬕᬶᬄ᭞ᬳᬸᬲᬦ᭄ᬫᭂᬗ᭄ᬕᬄ᭞ᬳᬧᬭᬵᬢᬸᬲᬬᬂ᭞ᬦᬾᬫᬩ᭄ᬯᬢ᭄ᬲᬮᬄᬢ᭄ᬬᬗᬾ᭞ᬳᬯᬦᬦ᭄ᬭᬢᬸᬗ᭄ᬮᬮᬸ᭞ᬗᬮᬳᬶᬦ᭄ᬢ᭄ᬬᬂᬦᬾᬚᬦᬶ᭞ᬭᬾᬄᬲ᭄ᬧᭂᬂᬳᬢᬸᬃᬢᬶᬢ᭄ᬬᬂ᭞ᬢ᭄ᬓᬾᬦ᭄ᬭᬢᬸᬤ᭄ᬯᬕᬸᬂ᭞ᬳᬸᬩᬬᬦ᭄ᬳᬕᬸᬂᬓᬾᬦ᭄ᬢ᭄ᬬᬂ᭞ᬲᬸᬩᬧ᭄ᬭᬕᬢ᭄᭞ᬤᬤᬭᬕᬸᬩᬸᬓᬚᬦᬶ᭞ᬳ᭄ᬮᬲ᭄ᬗᬮᬵ
ᬳᬶᬦ᭄ᬢ᭄ᬬᬂ᭟ᬲᬳᬵᬭᬢᬸᬫᬗᬶᬘᬾᬦᬶᬦ᭄ᬢᬸᬮᬶᬲ᭄᭞ᬢᬸᬃᬫᬶᬤᬃᬢ᭄ᬣᬵ᭞ᬳᬯᬦᬦᬾᬳ᭄ᬮᬲ᭄᭞ᬤ᭄ᬫᭂᬦ᭄ᬓᬾᬦ᭄ᬲᭀᬫᬄᬢ᭄ᬬᬗᬾ᭞ᬧᬶᬲᬦᬭᬵᬢᬸᬤ᭄ᬯᬕᬸᬂ᭞ᬬᬦ᭄ᬫᬓᬬᬸᬦ᭄ᬘᭂᬦ᭄ᬤᭂᬢᬂᬢᬗᬶᬄ᭞ᬭᬲᬢᭀᬂᬓᬼᬢ᭄ᬬᬂ᭞ᬭᬾᬄᬳᭀᬜᬓᬳᬢᬹᬃ᭞ᬳᬶᬭᬢᬸᬲᬬᬗᬂᬢ᭄ᬬᬂ᭞ᬢᬦ᭄ᬧ
ᬢᬸᬭᬄ᭞ᬲᬬᬗᬦ᭄ᬓᬾᬦ᭄ᬳᬸᬭᬶᬧ᭄ᬚᬢᬶ᭞ᬳᬧᬩ᭄ᬯᬶᬦ᭄ᬢᭂᬓᬾᬦ᭄ᬲᭀᬫᬄ᭟ᬲᭀᬫᬄᬢ᭄ᬬᬂᬦᬾᬫᬳᬤ᭄ᬚᬢᬶ᭞ᬜᭀᬜᬄᬭᬵᬚ᭞ᬳᬶᬭᬢᬸᬧᬬᬸᬯᬦ᭄᭞ᬳᬓᬾᬢᭀᬓ᭄ᬦᭂᬄᬢ᭄ᬬᬗᬾ᭞ᬗ᭄ᬕᬶᬄᬳᬾᬦᬵᬕ᭄ᬕᬮ᭄ᬓᬕᬸᬂᬫᬲᬗ᭄ᬕᬸᬧ᭄᭞ᬢ᭄ᬬᬂᬮᬓᬃᬗᬢᬸᬭᬶᬦᬾᬚᬦᬶ᭞ᬤᬭᬵ
᭒᭕ 25 A]
ᬢᬸᬲᬸᬫᬦ᭄ᬤᬾᬬ᭞ᬢ᭄ᬬᬂᬢᬸᬯᬸᬂᬓᬕᬸᬂ᭞ᬲᬶᬂᬳᬶᬭᬶᬓᬲᬫᬶᬓᬕ᭄ᬬᬢ᭄᭞ᬩᬸᬫ᭄ᬬᬃᬱᬵ᭞ᬓᬧᬶᬦᭂᬄᬲᬬᬂᬲᬯ᭄ᬬᬓ᭄ᬢᬶ᭞ᬓᬦ᭄ᬢᭀᬲ᭄ᬗᬢᬸᬭᬂᬕᬃᬯ᭄ᬯᬵ᭟ᬘᭂᬦ᭄ᬤᭂᬢ᭄ᬧᬶᬲᬦ᭄ᬓᬬᬸᬦ᭄ᬳᬶᬤᬵᬲᬫᬶ᭞ᬤᬲᬂᬤ᭄ᬬᬄ᭞ᬳᬶᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬳᬾᬭᬂᬲᬫᬢᬺᬫᭂᬗ᭄ᬕᬳᬾ᭞ᬓᬬᬸ
ᬦᬾᬭᬶᬂᬭᬓᬦ᭄ᬥᬵᬢᬸᬳᬸ᭞ᬤᬵᬲᬂᬤ᭄ᬬᬄᬗ᭄ᬮᬶᬲᬂᬫᬶᬚᬶᬮ᭄᭞ᬳᬶᬧᬾᬦ᭄ᬳᬓᬾᬄᬗᬶᬭᬶᬗᬂ᭞ᬳᬬᬢ᭄ᬳᬶᬤᬾᬯᬕᬸᬂ᭞ᬧᬘᬂᬫᬋᬓ᭄ᬳᬚᬶᬩ᭄ᬬᬂ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬕ᭄ᬮᬶᬲ᭄ᬫᬢᬸᬃᬲᬳᬢᬗᬶᬲ᭄᭞ᬳᬚᬶᬩ᭄ᬬᬂᬭᬭᬶᬲ᭄ᬓᬕ᭄ᬬᬢ᭄᭟ᬕ᭄ᬮᬶᬲ᭄ᬳᬶᬤᬵᬫ᭄ᬓᬸᬮ᭄᭞ᬳᭀᬓᬵᬫᬗ᭄ᬓᬶ
ᬦ᭄᭞ᬗᬸᬲᬧᬸᬲᬧ᭄᭞ᬫᬦᬓᬾᬦᬂᬓᬦ᭄ᬥᬵ᭞ᬓᬦ᭄ᬤᬦ᭄ᬧᬦᬗ᭄ᬓᬦ᭄ᬢᬗᬶᬲᬾ᭞ᬚᬦᬓ᭄ᬤᬲᬬᬦ᭄ᬩᭂᬓᬸᬢ᭄᭞ᬦᬾᬦ᭄ᬢᭂᬦ᭄ᬤᬤᭀᬲ᭄ᬫᬳᬢᬸᬃᬯ᭄ᬬᬓ᭄ᬢᬶ᭞ᬧᬢᬸᬳᬸᬭᬚᬵᬓᬜ᭞ᬳᬶᬧᬾᬦ᭄ᬤᬫᬩ᭄ᬭᬶᬬᬸᬓ᭄᭞ᬫᬜᭂᬫ᭄ᬩᬄᬕ᭄ᬮᬶᬲ᭄ᬗᬢᬸᬭᬂ᭞ᬧᬹᬃᬯ᭄ᬯᬵᬓᬦ᭄ᬥᬵ
᭞ᬓᬾᬦ᭄ᬤᬵᬳᬯᬦᬦᬾᬦᬗᬶᬲ᭄᭞ᬲᬂᬓᬮᬶᬄᬫᬮᬶᬄᬓᬕ᭄ᬬᬢ᭄᭟ᬤᬵᬲᬂᬓᬮᬶᬄᬫᬗᬦ᭄ᬤᬶᬓᬵᬦᬗᬶᬲ᭄᭞ᬭᬶᬂᬳᬦᬓ᭄ᬤ᭞ᬫᬾᬄᬦᬓᬕᬸᬂᬲᬬᬂ᭞ᬩᬮᬶᬓ᭄ᬳᬧᬸᬭᬵᬜᬫᬦᬾ᭞ᬳᬄᬢ᭄ᬬᬂᬍᬩᬶᬄᬢᬓᬸᬢ᭄᭞ᬢ᭄ᬯᬭᬧᬶᬲᬦ᭄ᬩᬦᬶᬫᬶ
Kaca:Bali-lontar-gaguritan-twan-raja-300ppi.pdf/25
Kaca puniki sampun kauji-wacén
