[᭒᭓ 23 B]
᭒᭓
ᬓᬲᬸᬳᬸᬃ᭞ᬤᬕᬶᬂᬧᬗᬦ᭄ᬤᬶᬓᬦ᭄ᬳᬶᬤ᭞ᬓ᭄ᬦᬶᬦᬫ᭄ᬩᬸᬢ᭄ᬧᬸᬱ᭄ᬧᬫᬗ᭄ᬓᬶᬦ᭄᭟ᬗ᭄ᬳᬶᬂᬮᬬᭀᬦ᭄ᬳᬶᬤᬵᬳᬭᬶᬤ᭄ᬤᬵ᭞ᬳᬶᬤᬾᬯᬕᬸᬂᬮᬦᬂᬓ᭄ᬦᬶᬓᬳᬫ᭄ᬩᬶᬮ᭄᭞ᬤᬵᬳᬭᬶᬦ᭄ᬥᬵᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬲᬂᬓᬮᬶᬄᬜᬫ᭄ᬩᬢ᭄ᬧᬸᬱ᭄ᬧᬵ᭞ᬧᬸᬱ᭄ᬧᬦ᭄ᬳᬶᬤᬳᬶᬤᬾᬯᬕᬸᬂᬧᬸᬢ᭄ᬭᬳᬕᬸᬂ
᭞ᬢ᭄ᬯᬦ᭄ᬭᬵᬚᬫᬜᬗ᭄ᬓᬶᬮ᭄ᬳᬶᬤᬵ᭞ᬧᬯᬸᬢ᭄ᬲᬂᬫᬯᬫᬲᬗ᭄ᬓᬶᬮ᭄᭟ᬳᬶᬤ᭄ᬯᬕᬸᬂᬳᬲ᭄ᬢ᭄ᬭᬫᬸᬲ᭄ᬢᬧᬵ᭞ᬮᬶᬸᬦᬸᬦᬲ᭄ᬮᬸᬕᬺᬭᬶᬂᬧᬸᬱ᭄ᬧᬦᬾᬫᬲᬗ᭄ᬓᬶᬮ᭄᭞ᬭᬾᬄᬧᬘᬂᬫᬗᬫᭂᬮ᭄ᬤᬸᬯᬸᬃ᭞ᬲᬯᬯᬭᬚᬳᬦ᭄ᬯᬫ᭄᭞ᬫᬗᬦ᭄ᬤᬶᬓᬵᬢᬩᬾᬅ᭄ᬢ᭄ᬬᬂᬳᬦᬓᬕᬸᬂ᭞ᬫᬗ᭄ᬕᭂᬄᬓᬗᭂ
ᬦ᭄ᬩᭂᬫ᭄ᬩᭂᬂᬯᬲ᭄ᬧᬵ᭞ᬩ᭄ᬭᬶᬬᬸᬓ᭄ᬳᬶᬤᬫᬗᬲ᭄ᬢ᭄ᬭᬾᬦᬶᬦ᭄᭟ᬲᬵᬃᬯ᭄ᬯᬶᬳᬶᬤᬵᬫᬗ᭄ᬭᬜ᭄ᬚᬶᬗᬂ᭞ᬲᬂᬧᬭᬢ᭄ᬫᬵᬤᬰᬩᬬᬸᬢᬦ᭄ᬓᬤᬶ᭞ᬲᬵᬃᬯ᭄ᬯᬶᬜᬸᬗ᭄ᬕᬮᬧ᭄ᬫᬗ᭄ᬭᬶᬬᬸᬓ᭄᭞ᬜ᭄ᬦᭂᬂᬢᬦ᭄ᬓᬢᬶᬗ᭄ᬕᬮᬦ᭄᭞ᬲᬵᬃᬯᬶᬳᬶᬤᬵᬲᬂᬓᬮᬶᬄᬫᬧᬲᬂᬲᬵᬫ᭄ᬧᬸᬦ᭄᭞ᬤᬕᬶᬂᬳᬲ᭄ᬢ᭄ᬭᬫ
ᬦ᭄ᬢ᭄ᬭᬦ᭄ᬳᬶᬤᬵ᭞ᬦᬾᬜ᭄ᬦᭂᬂᬓ᭄ᬦᬓᬭᬶ᭟ᬓᬾᬯᬦ᭄ᬢᭂᬦ᭄ᬓ᭄ᬦᬶᬫᬶᬬᬃᬱᬵ᭞ᬫᬗᬦ᭄ᬤᬶᬓᬫᬮᬶᬄᬓ᭄ᬦᬶᬫᬗᬓ᭄ᬱᬶ᭞ᬢᬦ᭄ᬓᭀᬘᬧ᭄ᬓᬢᬶᬩᬦ᭄ᬲᬫ᭄ᬧᬸᬦ᭄᭞ᬲᬂᬓᬮᬶᬄᬜ᭄ᬦᭂᬂᬳᬶᬤᬵ᭞ᬦᬗ᭄ᬳᬶᬂᬍᬲᬸᬤᬶᬓᬬᬸᬦ᭄ᬮᬾᬤᬂᬓ᭄ᬮᬗ᭄ᬓᬸᬂ᭞ᬲᬯᬶᬭᬾᬄᬓᬘᬶᬗᬓ᭄ᬲᬫ᭄ᬬᬦ᭄᭞ᬦᬾᬲᬬ
[᭒᭔ 24 A]
ᬗᬂᬓᬬᬸᬦ᭄ᬜᬗ᭄ᬓᬶᬦ᭄᭟ᬫᬶᬦᬓᬤᬶᬳᬶᬤᬜᬶᬗᬓ᭄᭞ᬲᬂᬲᬗ᭄ᬓᬦᬶᬂᬫᬗᬯᬾᬳᬢᬶᬓᬶᬂᬓᬶᬂ᭞ᬲ᭄ᬯᬪᬯᬓᬓ᭄ᬱᬶᬮᬭᬓᬸᬂ᭞ᬧᬶᬦᭂᬄᬫᬗᭂᬦᬂᬳᬗ᭄ᬕᬵ᭞ᬳᬗ᭄ᬕᬦ᭄ᬳᬶᬤᬵᬳᬓ᭄ᬱᬶᬦᬶᬦ᭄ᬤᬵᬓᬓ᭄ᬱᬶᬩᬮᬸᬢ᭄᭞ᬲ᭄ᬧᭂᬂᬧᬶᬲᬦ᭄ᬧᬧᬶᬦᭂᬄᬳᬶᬤᬵ᭞ᬧᬶᬦᭂᬄᬧᭀᬮᬶᬄᬫ᭄ᬦᬗᬶ
ᬲᬶᬦ᭄᭟ᬓᬮᬶᬄᬓᬓ᭄ᬱᬶᬳᬚᬶᬩ᭄ᬬᬂ᭞ᬓᬮᬶᬄᬳᬭᬶᬲ᭄ᬯᬩᬯᬭᬸᬓ᭄ᬲᬫᬶ᭞ᬳᬓ᭄ᬱᬶᬦ᭄ᬳᬶᬤᬵᬲᬫᬶᬩᬮᬸᬢ᭄᭞ᬫᬮᬶᬄᬳᬶᬤᬵᬓᬕ᭄ᬬᬢ᭄᭞ᬩᬳᬸᬗᬓ᭄ᬱᬶᬦᬾᬫᬳᬶᬦᬩ᭄ᬳᬭᬶᬢᬸᬳᬸ᭞ᬳᬶᬦᬸᬘᬧ᭄ᬳᭀᬓᬦ᭄ᬲᬂᬦᬵᬣ᭞ᬫᬸᬲ᭄ᬢᬧᬫᬶᬮᬸᬜᬕ᭄ᬚᬕᬶᬦ᭄᭟
ᬓᬮᬶᬄᬓᬓ᭄ᬱᬶᬲ᭄ᬯᬪᬵᬯᬦ᭄ᬥᬵ᭞ᬮᬶᬦ᭄ᬢᬂᬭᬸᬓ᭄ᬱᬲᬯᬯᬩᬮᬸᬢ᭄ᬯ᭄ᬬᬓ᭄ᬢᬶ᭞ᬓᬧᬶᬦᭂᬄᬦᬗᬶᬲᬶᬦ᭄ᬫᬶᬮᬸ᭞ᬮᬶᬦ᭄ᬢᬂᬳᬰᬶᬄᬧᬶᬦᭂᬳᬂ᭞ᬲᬬᬦ᭄ᬳᬰᬶᬄᬓᬬᬸᬦ᭄ᬳᬶᬤᬵᬦᬾᬩᬸᬫᬸᬗᬸ᭞ᬳᬰᬶᬄᬢ᭄ᬓᬾᬂᬋᬤᬧᬶᬲᬦ᭄᭞ᬓᬬᬸᬦᬓᬤᬶᬳᬭᬶᬕᬢᬶ᭟ᬳᬬᬢ᭄ᬳᬶᬤᬵᬧᬘᬂᬜ
ᬧᬵ᭞ᬓᬮᬶᬄᬳᬶᬤᬵᬳᬶᬤ᭄ᬯᬕᬸᬂᬮᬦᬂᬫᬮᬶᬄ᭞ᬬᬸᬶᬳᬬᬢ᭄ᬜᬧᬵᬦᬾᬫᬫᬗ᭄ᬓᬸ᭞ᬲᬯᬯᬍᬲᬸᬧᬶᬲᬦ᭄᭞ᬮᬶᬦ᭄ᬢᬂᬓᬗᭂᬦ᭄ᬓᬬᬸᬦ᭄ᬳᬾᬶᬤᬦᬾᬩᬸᬫᬸᬗᬸ᭞ᬭᬾᬄᬦᬾᬦ᭄ᬢᭂᬦ᭄ᬜᬶᬤᬬᬂᬜᬧᬵ᭞ᬳ᭄ᬦᭂᬗᬂᬦᬾᬫᬵᬃᬡ᭄ᬦᬫᬗ᭄ᬓᬶᬦ᭄᭟ᬦᬾᬫᬫᬗ᭄ᬓᬸᬘᬭᬶᬢᬬᬂ᭞ᬫᬗ᭄ᬓᬸᬮ
Kaca:Bali-lontar-gaguritan-twan-raja-300ppi.pdf/24
Kaca puniki sampun kauji-wacén
