[᭒᭒ 22 B]
᭒᭒
ᬲ᭄ᬳᬶᬤᬗᬗ᭄ᬕᬸᬢᬶᬦ᭄᭞ᬤᬵᬲᬂᬓᬮᬶᬄᬫᬸᬗ᭄ᬕᬄᬲᬵᬫ᭄ᬧᬸᬦ᭄᭞ᬧᬸᬭᬧᬸᬢᬺᬳᬦ᭄ᬢᭂᬦᬃ᭞ᬤᬶᬦᬢᬳᬾᬭᬚᬳᬦ᭄ᬯᬫ᭄ᬕ᭄ᬮᬶᬲ᭄ᬫᬢᬸᬃ᭞ᬢᬦ᭄ᬲᬄᬭᬶᬂᬳᬚᬶᬩ᭄ᬬᬂᬤᬵ᭞ᬤᬕᬶᬂᬫᬗᬢᬸᬭᬂᬯ᭄ᬬᬓ᭄ᬢᬶ᭟ᬲᬧᬭᬶᬓᬦ᭄ᬤᬦᬾᬲᬫ᭄ᬬᬦ᭄᭞ᬓᬦ᭄ᬤᬦ᭄ᬳᬶᬤᬵᬳᬭᬶᬦ᭄ᬥᬮᬶᬡ᭄ᬦᬓᬮᬶᬄ
᭞ᬫᬮᬶᬄᬓᬦ᭄ᬤᬦ᭄ᬳᬶᬤᬓᬢᬹᬃ᭞ᬳᬸᬲᬦ᭄ᬫᬗᬸᬩ᭄ᬤᬳᬗ᭄ᬕᬵ᭞ᬓᬮᬶᬄᬓ᭄ᬦᬶᬳᬚᬶᬓ᭄ᬦᬶᬲᬦᬾᬲᬫ᭄ᬧᬸᬦ᭄᭞ᬫᬶᬦᬓᬤᬶᬤᬵᬩ᭄ᬬᬂᬤᬵ᭞ᬫᬧᬗᬗ᭄ᬕᬾᬓᬤᬶᬭᬶᬳᬶᬦ᭄᭟ᬫᬮᬶᬄᬫᬢᬸᬃᬭᬚᬳᬦ᭄ᬯᬫ᭄᭞ᬭᬶᬂᬚᬶᬦ᭄ᬥᬵᬭᬶᬂᬩ᭄ᬬᬂᬫᬶᬦᬓᬤᬶ᭞ᬢᬶᬢ᭄ᬬᬂᬦᬯ᭄ᬕᬂᬤᬾᬯᬕᬸᬂ
᭞ᬲᬫ᭄ᬧᬸᬦ᭄ᬜᭂᬦ᭄ᬫᬗ᭄ᬓᬶᬦ᭄ᬗᭂᬦᬄ᭞ᬳᬭᬶᬦ᭄ᬥᬭᬓᬜ᭄ᬘᭀᬓᭀᬃᬳᬶᬤᬾᬯᬕᬸᬂ᭞ᬭᬶᬂᬳᬶᬤ᭄ᬯᬕᬸᬂᬭᬶᬂᬓᬸᬭᬶᬧᬦ᭄᭞ᬜᬦᬦ᭄ᬢᬶᬢ᭄ᬬᬂᬦᬸᬳᬸᬃᬫᬮᬶᬄ᭟ᬳᬚᬶᬩ᭄ᬬᬂᬦᬾᬦᬵᬢᭂᬦ᭄ᬧᬶᬯᬮ᭄᭞ᬓᬮᬶᬄᬮᬶᬦ᭄ᬢᬂᬮᬾᬤᬂᬳᬶᬤᬦᬾᬫᬗ᭄ᬓᬶᬦ᭄᭞ᬭᬾᬳᬶᬂᬳᬦ᭄ᬥᬓᬤᬯᬸᬄ᭞ᬳᬸᬲᬦ᭄ᬫ
ᬗᬸᬩ᭄ᬤᬳᬗ᭄ᬕᬵ᭞ᬤᬲᬂᬓᬮᬶᬄᬫᬧᬫᬶᬢ᭄ᬳᬶᬤᬫ᭄ᬩ᭄ᬭᬶᬬᬸᬓ᭄᭞ᬳᬚᬶᬢ᭄ᬬᬂᬫᬳᬗ᭄ᬕᬸᬢᬦ᭄᭞ᬤᬵᬳᬦᬓ᭄ᬥᬵᬢ᭄ᬤᬸᬦ᭄ᬕᭂᬮᬶᬲ᭄᭟ᬳᬬᬢ᭄ᬜᬸᬚᬸᬃᬩᬮᬾᬫᬹᬤ᭄ᬥᬵ᭞ᬲᬂᬧᬭᬵᬢ᭄ᬫᬵᬯᬸᬲ᭄ᬫᬯᬵᬫᬓᬓᬮᬶᬄ᭞ᬗ᭄ᬳᬶᬂᬢᬦ᭄ᬓᬢᬶᬗ᭄ᬕᬮᬦ᭄ᬢᬸᬳᬸ᭞ᬭᬯᬸᬄᬤᬶᬩᬮᬾᬫᬹᬃᬤ᭄ᬥᬵ᭞
[᭒᭓ 23 A]
ᬳᬓᬾᬄᬢ᭄ᬥᬸᬦ᭄ᬳᬚᬶᬦ᭄ᬥᬵᬮᬾᬤᬂᬓ᭄ᬮᬗ᭄ᬓᬸᬂ᭞ᬳᬚᬶᬯᬢᭂᬓ᭄ᬭᬤᬾᬦ᭄ᬳᬃᬬ᭄ᬬ᭞ᬗᭂᬳᭂᬤ᭄ᬗᬢᬸᬭᬶᬦ᭄ᬫᬗ᭄ᬭᬭᬶᬲ᭄᭟ᬤᬲᬂᬓᬮᬶᬄᬕ᭄ᬮᬶᬲ᭄ᬫᬸᬗ᭄ᬕᬄ᭞ᬤᬵᬲᬂᬦᬵᬣᬢᬶᬕᬵᬤᬶᬓᬫᬃᬓᬭᬶ᭞ᬦᬗᬶᬲ᭄ᬦᬸᬗ᭄ᬓᭂᬫᬶᬲᬂᬮᬫ᭄ᬧᬸᬲ᭄᭞ᬲᬂᬓᬮᬶᬄᬗ᭄ᬭᬜ᭄ᬚᬶᬂᬳᬶᬤᬵ᭞ᬤᬲᬂᬦᬵᬣᬗᬓ᭄ᬱᬶᬭᬚᬳ
ᬦ᭄ᬯᬫ᭄ᬯᬯᬸᬄ᭞ᬢᬶᬗ᭄ᬕᬮ᭄ᬭᬶᬂᬧᬸᬱ᭄ᬧᬦ᭄ᬳᬦᬓ᭄ᬤ᭞ᬤᬵᬲᬂᬧ᭄ᬭᬧ᭄ᬢᬕ᭄ᬮᬶᬲ᭄ᬫᬮᬶᬗ᭄ᬕᬶᬄ᭟ᬤᬲᬂᬓᬮᬶᬄᬫᬢᬸᬃᬜᭂᬫ᭄ᬩᬄ᭞ᬦᬾᬭᬶᬂᬧᬢᬸᬢ᭄ᬕ᭄ᬦᬳᬾᬜᭂᬫ᭄ᬩᬄᬯ᭄ᬬᬓ᭄ᬢᬶ᭞ᬦᬾᬓᬲᭂᬫ᭄ᬩᬄᬲᬫᬶᬕ᭄ᬮᬸ᭞ᬓᬧᬶᬦᭂᬄᬢᭂᬫ᭄ᬩᬾᬜᭂᬫ᭄ᬩᬄ᭞ᬲᬬᬦ᭄ᬳᬮᬶᬄᬓᬬᬸᬦ᭄ᬳᬶᬤᬳᬶᬤ᭄ᬯᬕᬸᬂ᭞ᬫᬯᬸᬯᬸᬄ᭠
ᬓᬧᬶᬦᭂᬄᬳᭀᬓᬵ᭞ᬳᬬᬢ᭄ᬳᬶᬤᬫᬦᬓᬾᬦᬶᬦ᭄᭟ᬲᬳᬫᬗᬓᬸᬯᬶᬦ᭄ᬳᭀᬓᬵ᭞ᬤᬵᬲᬂᬓᬮᬶᬄᬲᬾᬗᭂᬄᬫᬳᬢᬸᬃᬕ᭄ᬮᬶᬲ᭄᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬤᬾᬯᬕᬸᬂ᭞ᬧᬘᬂᬗᬢᬸᬭᬂᬢᬫ᭄ᬩᬵ᭞ᬭᬶᬂᬲᬂᬮᬶᬡ᭄ᬦᬵᬲᬂᬦᬵᬣᬫᬶᬦᬫ᭄ᬩᬮ᭄ᬩ᭄ᬭᬶᬬᬸ
ᬓ᭄᭞ᬭᬭᬶᬲ᭄ᬲᬂᬦᬓᬕᬸᬂᬢ᭄ᬯᬦ᭄᭞ᬲᬵᬃᬯ᭄ᬯᬶᬳᬶᬤᬫᬦᬵᬯᬸᬳᬶᬦ᭄᭟ᬦᬾᬫᬗ᭄ᬓᬸᬧᬱ᭄ᬧᬦ᭄ᬳᬦᬓ᭄ᬥᬵ᭞ᬦᬄᬳᬢᬸᬭᬂᬓᬾᬦ᭄ᬭᬚᬳᬦ᭄ᬯᬫ᭄ᬚᬦᬶ᭞ᬦᬾᬓᬤᬸᬂᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬢ᭄ᬯᬦ᭄ᬭᬚᬵᬫᬗᬦ᭄ᬤᬶᬓᬵ᭞ᬓ᭄ᬦᬸᬶᬦᬶᬫ᭄ᬩᬸᬶᬢ᭄᭞ᬭᬶᬂᬳᬭᬶᬦ᭄ᬤᬭᬚᬫᬸᬱ᭄ᬝᬧ
Kaca:Bali-lontar-gaguritan-twan-raja-300ppi.pdf/23
Kaca puniki sampun kauji-wacén
