[᭑᭖ 16 B]
᭑᭖
ᬫᬗ᭄ᬭᬸᬗ᭄ᬮᬶᬦ᭄ᬳᬶᬓᬗᭂᬦ᭄ᬕᬶᬤᬦᬾᬤᬶᬓᬬᬸᬦ᭄᭞ᬧᬶᬦᭂᬄᬢᬗᬃᬳᬶᬤᬵᬳᬭᬶᬦ᭄ᬥᬵ᭞ᬳᬯᬶᬦᬦ᭄ᬫᬕᬸᬮᬸᬂᬲᬫᬶ᭟ᬳᬓᬾᬄᬦᬾᬓᬗᭂᬦᬂᬳᬶᬤᬵ᭞ᬤᬵᬲᬂᬓᬮᬶᬄᬕ᭄ᬮᬶᬲ᭄ᬳᬶᬤᬫᬗ᭄ᬭᬜ᭄ᬚᬶᬂ᭞ᬗᬓ᭄ᬱᬶᬲᬸᬭᬢ᭄ᬕᭂᬮᬶᬲ᭄ᬜᬫ᭄ᬩᬸᬢ᭄᭞ᬲᬂᬓᬮᬶᬄᬫᬫᬯᭀᬲᬸᬭᬢ᭄᭞ᬤ᭄ᬤᬵᬳᬭᬶ᭠
ᬦ᭄ᬤᬵᬲᬸᬭᬵᬢᬾᬦᬾᬧᬘᬂᬓᬢᬹᬃ᭞ᬯᬸᬲ᭄ᬧᬸᬧᬸᬢ᭄ᬫᬫᬯᭀᬲᬹᬭᬢ᭄᭞ᬫᬯᬸᬯᬸᬄᬳᬰᬶᬄᬲᬂᬚᬮᬶᬄ᭟ᬲᬂᬓᬮᬶᬄᬗᬓ᭄ᬩᬶᬦ᭄ᬕᬗ᭄ᬲᬃ᭞ᬓᬳᬸᬬᬗᬶᬦ᭄ᬢ᭄ᬯᬦ᭄ᬭᬚᬵᬗᬰᬶᬳᬰᬶᬄ᭞ᬗᬸᬤᬵᬓᬾᬦᬾᬳᬦᬓᬕᬸᬂ᭞ᬳ᭄ᬮᬲ᭄ᬗᬮᬳᬶᬦ᭄ᬢ᭄ᬬᬂ᭞ᬓᬮᬶᬳᬜᬭᬾᬄᬲᬸᬩ
ᬳᭀᬜᬓᬢᬸᬃ᭞ᬦᬾᬤᬶᬦᬶᬓᬕᬸᬂᬗ᭄ᬮᬳᬂ᭞ᬤᬵᬦᬓᬕᬸᬂᬚᬗ᭄ᬓᬩ᭄ᬯᬶᬦ᭄᭟ᬫᬲᬶᬄᬓᬕᬸᬂᬮᬶᬦ᭄ᬢᬂᬢᬗᬃ᭞ᬢᬦ᭄ᬧᬍᬂᬓ᭄ᬮᬫ᭄ᬩᬸᬫ᭄ᬦᬾᬓ᭄ᬱᬫᬶ᭞ᬤᬵᬳᬭᬶᬦ᭄ᬥᬵᬳᬶᬤ᭄ᬯᬕᬸᬂ᭞ᬧᬸᬢᬺᬱᭂᬲᭂᬓ᭄ᬤᬶᬋᬤ᭄ᬥᬵ᭞ᬲᬓᬾᬯᬦ᭄ᬢᭂᬦ᭄ᬫ᭄ᬓᬸᬮ᭄ᬭᬓᬦᬗᬶᬲ᭄ᬩᭂᬓᬸᬢ᭄᭞ᬦᬾᬦ᭄ᬢᭂ
ᬦ᭄ᬤᬤᭀᬲ᭄ᬫᬢᬸᬃᬳᬶᬤᬵ᭞ᬦᬾᬭᬶᬂᬳᬫ᭄ᬩᬾᬦ᭄ᬭᬜ᭄ᬚᬂᬲᬫᬶ᭟ᬳᬶᬤᬵᬳᬶᬤ᭄ᬯᬕᬸᬂᬩ᭄ᬬᬂ᭞ᬫᬶᬦᬓᬤᬶᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭞ᬧᬥᬲᭂᬲᭂᬓ᭄ᬓᬾᬭᬂᬓᬬᬸᬦ᭄᭞ᬫᬶᬦᬓᬤᬶᬲᬂᬤ᭄ᬬᬄ᭞ᬬᬾᬦ᭄ᬧᬺᬧᬸᬢ᭄ᬭᬢᬗᬶᬲᬾᬮᬶᬦ᭄ᬢᬂᬕᬸᬫᬸᬭᬸᬄ᭞ᬲᬂᬤ᭄ᬬᬄᬭᬢ᭄ᬦᬚ᭄ᬯᬶ
[᭑᭗ 17 A]
ᬢ᭄ᬣᬵ᭞ᬢᬍᬃᬗᭂᬫ᭄ᬩᭂᬂᬳᭂᬫ᭄ᬩᭂᬂᬳᬓ᭄ᬱᬶ᭟ᬩᬸᬗᬓ᭄ᬱᬶᬮᬬᭀᬦ᭄ᬭᬓᬦ᭄ᬥᬵ᭞ᬓᬤᬶᬅᬃᬘ᭄ᬘᬵᬫᬵᬲ᭄ᬧᬳᬸᬢᬸᬗᬾᬤᬦᬶᬦ᭄᭞ᬓᬲ᭄ᬫᬭᬵᬦ᭄ᬳᬶᬤᬵᬤᬶᬮᬬᬸᬦ᭄᭞ᬳᬧᬦ᭄ᬭᬾᬄᬚᬢᬶᬓᬃᬫ᭄ᬫᬵ᭞ᬮᬶᬦ᭄ᬢᬂᬳᬰᬶᬄᬭᬾᬄᬭᬓᬲᬓᬮᬧᬸᬧᬸᬢ᭄᭞ᬫᬶᬦᭂᬄᬳᬗ᭄ᬕᬵᬫᬳᬯᬶᬦᬦ᭄᭞ᬭᬾᬄᬭ᭠
ᬓᬳᬸᬮᬗᬸᬦ᭄ᬕᬢᬶ᭟ᬓᬦ᭄ᬢᭀᬲ᭄ᬮᭀᬮ᭄ᬬᬮᬶᬦ᭄ᬢᬂᬳᬾᬤᬦ᭄᭞ᬓᬃᬡᬵᬮᬚᬸᬫᬸᬧᬸᬢᬂᬳᬗ᭄ᬕᬫᬗ᭄ᬓᬶᬦ᭄᭞ᬫᬲᬲᬫ᭄ᬩᬢᬦ᭄ᬤᬶᬓᬬᬸᬦ᭄᭞ᬜᭂᬮ᭄ᬲᭂᬮ᭄ᬳᬶᬤᬤᬶᬋᬤ᭄ᬥᬵ᭞ᬩᭂᬲ᭄ᬢᬾᬲᬾᬤ᭄ᬥᬵᬩᬶᬦ᭄ᬧᬶᬤᬦ᭄ᬮᬓᬃᬓᬢ᭄ᬧᬸᬓ᭄᭞ᬓᬧᭀᬩᬦ᭄ᬳᬶᬤᬵᬦᭂᬕ᭄ᬢᭂᬕᬂ᭞ᬳᬧᬂᬤᬵᬓᬘᬶᬭ᭄ᬬ
ᬦ᭄ᬯ᭄ᬬᬓ᭄ᬢᬶ᭟ᬢᬍᬃᬲᬾᬗᭂᬄᬭᬚᬵᬳᬦ᭄ᬯᬫ᭄᭞ᬕ᭄ᬮᬶᬲ᭄ᬳᬶᬤᬫᬗᬶᬘᬾᬦ᭄ᬲᬸᬭᬵᬢ᭄ᬫᬗ᭄ᬓᬶᬦ᭄᭞ᬲᬸᬭᬵᬢ᭄ᬳᬶᬤᬦᬾᬲᬂᬮᬫ᭄ᬧᬸᬲ᭄᭞ᬭᬶᬂᬳᬶᬤᬵᬳᭂᬳᬢ᭄ᬦᬵᬚ᭄ᬯᬶᬢ᭄ᬣ᭞ᬦᬾᬩᬮᬶᬳᬶᬦ᭄ᬲᬂᬤ᭄ᬬᬄᬚ᭄ᬭᬶᬳᬾᬫᬸᬧᬸᬢ᭄᭞ᬢᬸᬮᬓ᭄ᬭᬶᬂᬳᬶᬤᬵᬭᬓᬵᬦ᭄ᬥ᭞ᬜᭂᬫ᭄ᬩᬄᬫᬫᬶᬢᬂᬲᬸᬭᬵᬢ᭄ᬕᭂᬮᬶᬲ᭄᭟ᬫ
ᬫᬯᭀᬲ᭄ᬤᬶᬚ᭄ᬭᭀᬦᬶᬂᬋᬤ᭄ᬥᬵ᭞ᬲᬬᬦ᭄ᬳᬰᬶᬄᬓᬬᬸᬦ᭄ᬳᬶᬤᬦᬾᬯ᭄ᬬᬓ᭄ᬢᬶ᭞ᬲᬫᬢ᭄ᬭᬫᭂᬗ᭄ᬕᬄᬤᬶᬓᬬᬸᬦ᭄᭞ᬭᬾᬳᬶᬂᬓᬧᬶᬦᭂᬄᬳᬶᬤ᭞ᬓ᭄ᬭᬡᬫᭂᬗ᭄ᬕᬄᬭᬾᬳᬶᬂᬭᬓᬦ᭄ᬥᬵᬫᬗᬸᬗ᭄ᬓᬸ᭞ᬤᬵᬭᬓᬦ᭄ᬥᬵᬭᬚᬵᬳᬦ᭄ᬯᬫ᭄᭞ᬯᬸᬲ᭄ᬧᬸᬧᬸᬢ᭄ᬫᬯᭀᬲᬶᬦ᭄ᬢᬸᬮᬶᬲ᭄᭟ᬜᬭᬸᬜ
Kaca:Bali-lontar-gaguritan-twan-raja-300ppi.pdf/17
Kaca puniki sampun kauji-wacén
