[᭑᭕ 15 B]
᭑᭕
ᬯ᭄ᬬᬓ᭄ᬢᬶ᭟ᬓᬯᬶᬢ᭄ᬧᬫᬵᬃᬕ᭄ᬕᬶᬦ᭄ᬳᬦᬓ᭄ᬤᬵ᭞ᬳᬶᬤᬾᬯᬕᬸᬫᬩ᭄ᬭᬶᬬᬸᬦᬶᬫ᭄ᬩᬮ᭄ᬦᬗᬶᬲ᭄᭞ᬲᬵᬃᬯ᭄ᬯᬶᬢ᭄ᬯᬦ᭄ᬭᬵᬚᬓᬧ᭄ᬓᬸᬮ᭄᭞ᬓᬮᬶᬄᬳᬶᬤᬵᬫᬜᬧ᭞ᬳᬶᬤᬾᬯᬕᬸᬂᬦᬾᬫᬳᬶᬦᬩ᭄ᬳᭀᬓᬵᬢᬸᬳᬸ᭞ᬫᬾᬄᬦᬓᬕᬸᬂᬢᬸᬮᬸᬂᬢ᭄ᬬᬂ᭞ᬦᬓᬕᬸᬂᬲ᭄ᬯᬾᬘ᭄ᬘᬵᬦᬯᬸᬳᬶ
ᬦ᭄᭟ᬓᬮᬶᬄᬫᬦᬓᬾᬦᬂᬓᬦ᭄ᬥᬵ᭞ᬧᬧᬢᭂᬕᬦ᭄ᬫᬦᬶᬫ᭄ᬩᬮ᭄ᬮᬦᬂᬳᬶᬲ᭄ᬢ᭄ᬭᬶ᭞ᬓᬮᬘᬸᬃᬧᬶᬲᬦᬓᬕᬸᬂ᭞ᬳᬃᬱᬵᬳᬶᬦ᭄ᬢ᭄ᬬᬂᬓᬦ᭄ᬥᬵ᭞ᬢ᭄ᬬᬂᬢ᭄ᬯᬧᬦᬓ᭄ᬧᬥᬦᬾᬦ᭄ᬢᭂᬦ᭄ᬘᬸᬫ᭄ᬧᬸ᭞ᬤ᭄ᬫᭂᬦ᭄ᬗ᭄ᬭᬯᭀᬲ᭄ᬳᬚᬓ᭄ᬩᬧ᭞ᬧᬸᬦᬶᬓᬶᬩ᭄ᬘᬶᬓ᭄ᬢᬓᬾᬦᬶᬦ᭄᭟ᬯᬢᭂᬓ᭄ᬩᬚᬗᬾᬲᬫ᭄ᬬ
ᬦ᭄᭞ᬳᬶᬤᬾᬯᬕᬸᬂᬭᬳᬶᬧᬺᬧᬸᬢᬺᬱᬫᬶ᭞ᬕ᭄ᬮᬶᬲ᭄ᬫᬦᬶᬫ᭄ᬩᬮ᭄ᬫᬩ᭄ᬭᬶᬬᬸᬓ᭄᭞ᬤᬕᬶᬂᬗᬢᬸᬭᬂᬓᬦ᭄ᬥᬵ᭞ᬢᬦᬦᬗ᭄ᬲᬮ᭄ᬳᬸᬲ᭄ᬢᭂᬮᬲᬂᬫᬶᬓᬳᬢᬸᬃ᭞ᬳᬶᬤᬾᬯᬕᬸᬂᬳᬚᬶᬢᬶᬕᬵ᭞ᬫ᭄ᬕᬢ᭄ᬫᭂᬕᬃᬲᬃᬯ᭄ᬯᬶᬦᬗᬶᬲ᭄᭟ᬗ᭄ᬢᬸᬲ᭄ᬓᬬᬸᬦ᭄ᬧᬗᬦ᭄ᬤᬶᬓᬵ᭞ᬫᬾᬢ᭄ᬯᬦ᭄ᬭᬚ
ᬢ᭄ᬬᬂᬦᬯ᭄ᬕᬂᬫᬗ᭄ᬓᬶᬦ᭄᭞ᬫᬶᬦᬓᬤᬶᬳᬦᬓᬕᬸᬂ᭞ᬗ᭄ᬕᬶᬄᬩᬸᬓᬅ᭄ᬓᬫᬃᬳ᭄ᬯᬦ᭄᭞ᬳᬧᬂᬢ᭄ᬬᬂᬢ᭄ᬧᬸᬓ᭄ᬢᭂᬓᬾᬦ᭄ᬧᬦᬓ᭄ᬢᬸᬳᬸ᭞ᬧᬦᬓ᭄ᬢ᭄ᬬᬂᬢᬢᬲ᭄ᬧ᭄ᬚᬄ᭞ᬲᬂᬓᬮᬶᬄᬫᭂᬧᭂᬲᬳᬶᬭᬶᬂ᭟ᬲᬂᬓᬮᬶᬄᬫᬢᬸᬃᬫᬢᬶᬫ᭄ᬩᬮ᭄᭞ᬭᬶᬂᬲᬂᬦᬵᬣᬦᬸᬦ᭠
[᭑᭖ 16 A]
ᬲ᭄ᬫᬗ᭄ᬕᬳᬦ᭄ᬫᬗ᭄ᬓᬶᬦ᭄᭞ᬲᬂᬦᬵᬣᬗᬗ᭄ᬕᬸᬢᬶᬦ᭄ᬩ᭄ᬭᬶᬬᬸᬓ᭄᭞ᬫᬸᬗ᭄ᬕᬄᬳᬶᬤ᭄ᬯᬕᬸᬂᬲᬫ᭄ᬬᬦ᭄᭞ᬧᬭᬳᬶᬲ᭄ᬢ᭄ᬭᬶᬜᬫ᭄ᬧᬶᬂᬫᬮᬶᬗ᭄ᬕᬶᬄᬫᬧᬸᬧᬸᬮ᭄᭞ᬫᭂᬧᭂᬲ᭄ᬦᬗᬶᬲ᭄ᬳᬶᬤᬵᬲᬫ᭄ᬬᬦ᭄᭞ᬲᬂᬓᬮᬶᬄᬫᬜᬸᬚᬸᬃᬚᬸᬭᬶ᭟ᬲᬂᬦᬵᬣᬢᬶᬕᬵᬢᬦ᭄ᬧᬲᬄᬫᬶᬦᬓᬤᬶᬳᬶᬤ᭄ᬯᬕᬸᬂᬩ᭄ᬬᬂ
ᬲᬫᬶ᭞ᬲᬸᬫᬦ᭄ᬤᬾᬳᬵᬩᬾᬄᬳᬶᬤ᭄ᬯᬕᬸᬂ᭞ᬳᬶᬤᬫᬫᬗ᭄ᬕᬶᬄᬳᭀᬓ᭞ᬤᬵᬲᬂᬓᬮᬶᬄᬫᬗᬼᬕᭂᬂᬫᬫᬦ᭄ᬢ᭄ᬭᬲᬵᬫ᭄ᬧᬸᬦ᭄᭞ᬧᬶᬢᬸᬤᬸᬳᬶᬂᬫᬦ᭄ᬢ᭄ᬭᬦ᭄ᬳᬶᬤ᭞ᬓ᭄ᬦᬶᬍᬧᬲ᭄ᬓᬜ᭄ᬘᬶᬂᬓᭀᬭᬶ᭟ᬫᬩ᭄ᬭᬶᬬᬸᬓᬸᬭᬶᬦ᭄ᬧᬫᬺᬫᬦ᭄᭞ᬓᬦ᭄ᬢᭂᬦ᭄ᬳᬶᬤᬵᬮᬬᭀᬦ᭄ᬳᬶᬤ᭄ᬯᬕᬸᬂᬓᬮᬶᬄ᭞ᬗᬮᬶᬦ᭄ᬢᬶᬓ᭄ᬗᬯᬾᬳ
ᬰᬶᬄᬓᬹᬂ᭞ᬤᬸᬳᬸᬃᬫᬾᬦᬵᬗᭀᬲᬫᬢᬺ᭞ᬭᬾᬳᬶᬂᬦᬾᬦ᭄ᬢᭂᬦ᭄ᬫᬧᬧ᭄ᬤᭂᬓ᭄ᬳᬶᬤᬾᬯᬕᬸᬂ᭞ᬧᬳᬸᬢ᭄ᬢᬗᬦᬾᬫᬢᬶᬫ᭄ᬧᬄ᭞ᬫᬗ᭄ᬮᬾᬧᬾᬕᬤᬶᬂᬗᬾᬤᬦᬶᬦ᭄᭟ᬧᬳᬸᬢ᭄ᬓᬋᬂᬋᬂᬩᬦ᭄ᬓᬸᬫ᭄ᬩᬂ᭞ᬬᬦ᭄ᬧᬃᬡ᭄ᬦᬬᬂᬲᬓ᭄ᬱᬢ᭄ᬳᬶᬧᬸᬦ᭄ᬫᬗ᭄ᬮᬶᬗᬶᬦ᭄᭞ᬮᬫ᭄ᬩᬾᬦ᭄ᬳᬶᬤᬦᬾᬲᬂᬮᬫ᭄ᬧᬸᬲ᭄᭞ᬫᬳᬶ
ᬦᬩ᭄ᬫᬶᬗᬶᬲ᭄ᬳᬶᬤᬵ᭞ᬬᬾᬦᬵᬧᬵᬃᬡ᭄ᬦᬬᬂᬫᬜᬧᬲᬂᬩᬯᬸᬭᬯᬸᬄ᭞ᬫᬶᬦᬩ᭄ᬗᬰᬶᬳᬲᬶᬄᬳᬶᬤᬵ᭞ᬓ᭄ᬦᬶᬯᬾᬦ᭄ᬢᭂᬦ᭄ᬕᭂᬮᬶᬲ᭄ᬗᬫ᭄ᬩᬶᬮ᭄᭟ᬢ᭄ᬯᬦ᭄ᬭᬵᬚᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬲᬓᬮᬗ᭄ᬓᬸᬂᬓᬬᬸᬦ᭄ᬳᬰᬶᬄᬢᬦ᭄ᬲᬶᬧᬶ᭞ᬢᭀᬬᬦ᭄ᬳᬓ᭄ᬱᬶᬤᬺᬱ᭄ᬫ᭄ᬢᬸ᭞ᬩᬳᬸᬗᬓ᭄ᬱᬶᬲᬂᬧᬮᬢᬺ᭞᭠
Kaca:Bali-lontar-gaguritan-twan-raja-300ppi.pdf/16
Kaca puniki sampun kauji-wacén
