[᭑᭗ 17 B]
᭑᭗
ᬭᬸᬜᬶᬢ᭄ᬲᬶᬢ᭄ᬳᬶᬤᬵ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂᬦᬾᬫᬗ᭄ᬓᬶᬦ᭄᭞ᬗᬓ᭄ᬱᬶᬮᬬᭀᬦ᭄ᬳᬭᬶᬢᬸᬳᬸ᭞ᬢ᭄ᬯᬦ᭄ᬭᬚᬵᬜᬗ᭄ᬓᬶᬮ᭄ᬢᬗ᭄ᬲᬄ᭞ᬧᬸᬱ᭄ᬧᬦ᭄ᬳᬶᬤᬵᬳᬶᬤᬾᬯᬕᬸᬂᬧᬸᬢᬺᬳᬕᬸᬂ᭞ᬳᬭᬶᬦ᭄ᬤᬵᬳᬶᬤ᭄ᬯᬕᬸᬂᬧᬸᬢᬺ᭞ᬫᬸᬲ᭄ᬢᬧᬧᬳᬸᬢ᭄ᬫᬜᬗ᭄ᬓᬶᬮ᭄᭟ᬲᬃᬯ᭄ᬯᬶᬗᬸᬚᬦᬶᬦ᭄ᬬᬾᬄᬯ
ᬱ᭄ᬧᬵ᭞ᬮᬶᬦ᭄ᬢᬂᬳᬰᬶᬄᬭᬾᬄᬭᬓᬮᬶᬡᬵᬯ᭄ᬬᬓ᭄ᬢᬶ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬓᬤᬶᬤᬸᬤᬸᬢ᭄ᬓᬬᬶᬦ᭄ᬥᬵ᭞ᬕ᭄ᬮᬶᬲ᭄ᬳᬶᬤᬵᬦᭂᬲᭂᬓ᭄ᬳᬭᬶᬦ᭄ᬥᬵᬦᬾᬧᬸᬧᬸᬢ᭄᭞ᬲᬵᬃᬯ᭄ᬯᬶᬦᬗᬶᬲ᭄ᬗᬸᬲᬧᬸᬲᬧ᭄᭞ᬢᭀᬂᬤᬤᬶᬗᬦᬶᬓᬵᬯ᭄ᬬᬓ᭄ᬢᬶ᭟ᬭᬾᬄᬮᬶᬦ᭄ᬢᬂᬲᭂᬲᭂᬓ᭄ᬤᬶᬋᬤ᭄ᬥᬵ
᭞ᬤᬵᬲᬂᬦᬵᬣᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬫᬦ᭄ᬢᬶᬂᬳᬗ᭄ᬕᬵᭂᬕᭂᬩ᭄ᬬᬕᭂᬩ᭄ᬬᬸᬕ᭄᭞ᬗᬸᬬᬗᬶᬦ᭄ᬲᬂᬧᬮᬢ᭄ᬭ᭞ᬫᬲᬫ᭄ᬩᬢ᭄ᬩᬲ᭄ᬓᬤᬸᬭᬸᬲ᭄ᬳᬦᬓᬕᬸᬂ᭞ᬫᬜᬓᬶᬢᬶᬦ᭄ᬫᬾᬫᬾᬩᬧ᭞ᬢ᭄ᬯᬭᬵᬓᬧᬶᬢᬺᬱ᭄ᬡᬦ᭄ᬕᭂᬮᬶᬲ᭄᭟ᬤᭀᬂᬢᬾᬳᬧᬲᬮᬄᬢ᭄ᬬᬂ᭞ᬓ᭄ᬭᬡᬮ
ᬚᬸᬫᬮ᭄ᬯᬦ᭄ᬫᬗᬮᬳᬶᬦ᭄᭞ᬲ᭄ᬧᭂᬂᬳᬸᬩᬬᬦᬾ ᬓᬕᬸᬂ᭞ᬧᬂᬫᬢᬶᬳᬩ᭄ᬭᬶᬬᬸᬓᬦ᭄᭞ᬤᬤᬶᬓᬕᬸᬂᬢ᭄ᬯᬭᬢᬶᬦ᭄ᬤᬶᬄᬢ᭄ᬓᬾᬦ᭄ᬲᬗ᭄ᬕᬸᬧ᭄᭞ᬯᬶᬢ᭄ᬲᬓᬶᬂᬜᬓᬶᬢᬶᬦ᭄ᬧᬶᬲᬦ᭄᭞ᬓ᭄ᬭᬢ᭄ᬮᬲ᭄ᬫᬗᬮᬳᬶᬦ᭄᭟ᬢ᭄ᬯᬦ᭄ᬭᬚᬵᬗᬢᬹᬭᬂᬲᬹᬭᬢ᭄᭞ᬲᬸᬭᬵᬢ᭄ᬳᬶᬤᬵᬲᬂᬮᬶᬡ᭄ᬦᬵ
[᭑᭘ 18 A]
ᬓᬢᬸᬃᬲᬫᬶ᭞ᬕ᭄ᬮᬶᬲ᭄ᬫᬫᬯᭀᬲ᭄ᬳᬶᬤ᭄ᬯᬕᬸᬂ᭞ᬳᬚᬶᬤᬶᬚ᭄ᬭᭀᬦᬶᬂᬋᬤ᭄ᬥᬵ᭞ᬯᬳᬸᬧᬸᬧᬸᬢ᭄ᬫᬫᬯᭀᬲᬸᬭᬵᬢ᭄ᬳᬶᬤ᭄ᬯᬕᬸᬂ᭞ᬲᬬᬦ᭄ᬳᬫᭂᬗᬋᬤ᭄ᬥᬵ᭞ᬜᬸᬗ᭄ᬓᭂᬮ᭄ᬳᬶᬤ᭄ᬯᬕᬸᬂᬓᬧᬢᬶ᭟ᬳᬶᬭᬶᬓᬲᬫᬶᬓᬕ᭄ᬬᬢ᭄᭞ᬕ᭄ᬮᬶᬲ᭄ᬜᬫ᭄ᬩᬸᬢ᭄ᬦᬾᬫᬗ᭄ᬓᬶᬦ᭄ᬮᬬᭀᬦ᭄ᬓᬮᬶᬄ᭞ᬓᬧᬺᬫᬂᬩ᭄ᬭᬶᬬᬸᬓ᭄ᬦᬸᬮᬸᬂ᭞ᬢ
ᬗᬶᬲᬾᬳᬯᬸᬭᬳᬦ᭄᭞ᬳᬶᬤᬾᬯᬕᬸᬂᬩ᭄ᬬᬂᬗᬃᬱᬵᬬᬂᬫᬲᬸᬤᬸᬓ᭄᭞ᬭᬶᬂᬲᬂᬓᬮᬶᬄᬫᬗᬦ᭄ᬤᬶᬓᬵ᭞ᬭᬶᬂᬳᬶᬤ᭄ᬯᬕᬸᬂᬧᬸᬢ᭄ᬭᬯ᭄ᬬᬓ᭄ᬢᬶ᭟ᬧᬸᬢᬺᬗ᭄ᬳᬶᬂᬳᬲ᭄ᬢ᭄ᬭᬫᬸᬲ᭄ᬢᬧ᭞ᬩ᭄ᬬᬂᬢᬸᬳᬸᬫᬫ᭄ᬮᬤ᭄ᬗᬰᬶᬳᬲᬶᬄ᭞ᬢ᭄ᬬᬂᬦᬯ᭄ᬕᬂᬦᬓᬕᬸᬂ᭞ᬮᬸᬤᬶᬦ᭄ᬫᬢ᭄ᬬᬂᬢ᭄ᬬᬂ᭞ᬲᭀᬃᬯ᭄ᬯᬶᬫ᭄ᬓᬸᬮ᭄ᬭᬾᬄᬫᬳᬶᬦ
ᬩ᭄ᬳᭀᬓᬵᬢᬸᬳᬸ᭞ᬳᬯᬦᬦ᭄ᬳᬰᬶᬄᬓᬮᬶᬦ᭄ᬢᬂ᭞ᬳᬶᬤᬾᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭟ᬫᬍᬲ᭄ᬫ᭄ᬓᬸᬮ᭄ᬧᬤᬦ᭄ᬩ᭄ᬬᬂ᭞ᬳᬢᬸᬃᬲᬺᬢ᭄ᬭᬄᬳᬤᬸᬮᬸᬃᬢᬗᬶᬲ᭄᭞ᬳᬶᬮᬶᬂᬳᬶᬮᬶᬂᬭᬢᬸᬤ᭄ᬯᬕᬸᬂ᭞ᬳᬶᬤᬵᬳᬶᬤ᭄ᬯᬕᬸᬂᬩ᭄ᬬᬂ᭞ᬭᬶᬂᬕᬕ᭄ᬮᬂᬭ᭄ᬯᬦ᭄ᬭᬵᬚᬫ᭄ᬓᬸᬮ᭄ᬳᬶᬤ᭄ᬯᬕᬸᬂ᭞ᬲᬯᬯᬳᬶᬤᬗᬃ
ᬲᬬᬂᬓ᭄ᬦᬶᬮᬸᬧᬸᬢ᭄ᬲᬦᬾᬫᬵᬳᬗ᭄ᬓᬶᬦ᭄᭟ᬭᬚᬵᬳᬦ᭄ᬯᬫ᭄ᬫᬍᬲ᭄ᬳᬶᬤᬵ᭞ᬳᬫ᭄ᬗᬸᬮ᭄ᬧᬥᬳᬶᬤᬵᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬳᬕᬸᬂᬫᬫ᭄ᬭᬶᬬᬸᬓᬶᬦ᭄ᬫᭂᬓᬸᬮ᭄᭞ᬳᬧᬦ᭄ᬫᬸᬮᬳᬶᬩ᭄ᬬᬂ᭞ᬤᬵᬲᬂᬓᬮᬶᬄᬳᬢᬸᬃᬧᬢᭂᬄᬗ᭄ᬢᬸᬲ᭄ᬓᬬᬸᬦ᭄᭞ᬤᬾᬯᬕᬸᬂᬮᬶᬮᬬᬂᬧᬶᬲᬦ᭄᭞ᬢᬶᬧᬸᬦ᭄ᬩᬢᭂᬓ᭄ᬲᬂ
Kaca:Bali-lontar-gaguritan-twan-raja-300ppi.pdf/18
Kaca puniki sampun kauji-wacén
