[᭘᭔ 84B]
᭘᭔
ᬫᬵᬃᬕ᭄ᬕᬶ᭞ᬳᬤᬸᬄᬲᬓᬶᬢ᭄ᬫᬦᬄᬢᬶᬢ᭄ᬬᬂ᭟ᬳᭂᬦ᭄ᬢᭀᬭᬢᬸᬧ᭄ᬭᬲᬗ᭄ᬕᬢᬶᬢ᭄ᬬᬂᬗᬯᬶᬤ᭄ᬟᬶ᭞ᬜᬤ᭄ᬬᬫᬧᬶᬦᬸᬦᬲ᭄᭞ᬮᬗ᭄ᬲᬭᬦ᭄ᬲ᭄ᬮᬾᬦ᭄ᬤᬂᬗᬾᬫᬡᬶᬓ᭄᭞ᬲᬸᬫᬲᬢᬂᬢᬶᬢ᭄ᬬᬂᬳᬶᬤ᭄ᬟ᭟ᬫᬦ᭄ᬫᭀᬦᬶᬕ᭄ᬳ᭠
ᬚᬓ᭄ᬫᬦ᭄ᬕᬓ᭄ᬫᬲᬦ᭄ᬤᬶᬂ᭞ᬳᬗ᭄ᬕᭀᬦ᭄ᬫᬦᬸᬧ᭄ᬤᬸᬧᬕ᭄᭞ᬜ᭄ᬮᬶᬫᬸᬭᬂᬫᬦᬳᬾᬧᬮᬶᬂ᭞ᬳᬦ᭄ᬤᬾᬬᬂᬢᬶᬢ᭄ᬬᬂ᭠ᬳᬶᬫᬶᬭᬄ᭟ᬳᬦ᭄ᬢᭀᬲ᭄ᬳᬦ᭄ᬢᭀᬲ᭄ᬢᬶᬢ᭄ᬬᬂᬢ᭄ᬯᬭᬚᬵᬓᬧᬗ᭄ᬕᬶᬄ᭞ᬤᬾᬯᬦᬶᬂᬧᬫᬺᬫᬦ᭄᭞ᬤᬾᬦᬶᬂᬢᬶᬢ᭄ᬬᬂ
ᬕ᭄ᬮᬶᬲ᭄ᬫᬧᬫᬶᬢ᭄᭞ᬦᬶᬗ᭄ᬕᬮᬶᬦ᭄ᬭᬢᬸᬫᬵᬲ᭄ᬫᬶᬭᬄ᭟ᬬᬦ᭄ᬤᬲᬼᬫᬄᬩᬳᬸᬫᬋᬕᬮᬂᬓᬗᬶᬦ᭄᭞᭠ᬩᬗᬸᬦ᭄ᬫᬓ᭄ᬭᬡᬂ᭞ᬭᬲᬜᬳᬶᬤ᭄ᬟᬗᬯᬸᬓᬶᬦ᭄᭞ᬫᬗᬚᬓᬶᬦ᭄ᬩᬋᬂᬦ᭄ᬕᬓ᭄᭚ᬲᬶ᭚ᬤᬸᬄᬭᬢᬸ
ᬳᬢ᭄ᬫᬵᬚᬶᬯᬶᬢ᭄ᬣ᭞ᬲᬂᬫ᭄ᬭᬕᬍᬯᬶᬳᬶᬂᬓᬯᬶ᭞ᬯᬶᬘᬓ᭄ᬱᬡᬭᬶᬂᬧᬗᬭᬂ᭞ᬲᬸᬓ᭄ᬱ᭄ᬫᬧᬶᬲᬦ᭄ᬢᬶᬢ᭄ᬬᬂᬕᬸᬲ᭄ᬢᬶ᭞ᬦᬸᬦᬲ᭄ᬮᬾᬤᬂᬳᬶᬫᬡᬶᬓ᭄᭞ᬲᬦᬾᬲᬸᬂᬲᬸᬂᬢᬶᬢ᭄ᬬᬂᬭᬢᬸ᭞ᬲ᭄ᬮᬾᬤᬂᬮᬾᬤᬂᬳᬶᬫᬶᬭᬄ᭞ᬢᬶ
[᭘᭕ 85A]
ᬢ᭄ᬬᬂᬧᬶᬢ᭄ᬮᬲ᭄ᬫᬗᬶᬭᬶᬂ᭞ᬬᬦᬶᬂᬧᬢᬸᬢ᭄ᬧᬶᬦᭂᬳᬶᬦ᭄ᬤᬳᬢᬹᬃᬢᬶᬢ᭄ᬬᬂ᭟ᬳᬶᬭᬢᬸᬫᬭᬳᬫᬶᬭᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬘᬸᬤᬫᬡᬶ᭞ᬳᬢᬸᬭᬶᬦ᭄ᬢᬶᬢ᭄ᬬᬂᬫᬯᭀᬲᬂ᭞ᬭᬶᬂᬳᬚᬶᬦ᭄ᬳᬶᬭᬢᬸᬫᬗ᭄ᬓᬶᬦ᭄᭞
ᬲᬧᬸᬦᬧᬶᬦᬾᬭᬶᬳᬶᬦ᭄᭞ᬓᬤᬶᬲᬸᬭᬵᬢ᭄ᬢᬶᬢ᭄ᬬᬂᬦᬾᬓᬢᬹᬃ᭞ᬓᬧᬶᬦᭂᬄᬭᬶᬂᬧᬓᬬᬸᬦ᭠ᬦ᭄᭞ᬧᬸᬦᬶᬓᬢᬸᬦᬲᬂᬳᬸᬕᬶ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬢᬶᬢ᭄ᬬᬂᬮᬾᬫ᭄ᬧᬲ᭄ᬭᬶᬂᬓᬯᬶᬢᬦ᭄᭟ᬯᬶᬭᬾᬄ
ᬢᬶᬢ᭄ᬬᬂᬮᬶᬦ᭄ᬢᬂᬮᬶᬦ᭄ᬢᬂ᭞ᬢᬫ᭄ᬩᭂᬢ᭄ᬫᬶᬯᬄᬓᬭᬶᬳᬮᬶᬢ᭄᭞ᬢᬶᬮᬭᬶᬦ᭄ᬳᬶᬤᬪᬝᬵᬭ᭞ᬤᬸᬭᬸᬂᬳᬸᬦᬶᬂᬭᬶᬂᬦᬾᬭᬶᬳᬶᬦ᭄᭞ᬧᬸᬦᬶᬓᬢᬸᬦᬲᬂᬕᬸᬲ᭄ᬢᬶ᭞ᬭᬶᬂᬮᬶᬗ᭄ᬕᬶᬄᬳᬚᬶᬦ᭄ᬳᬶᬭᬢᬸ᭞ᬫᬗ᭄ᬤᬫᬶᬦᭂᬳᬶᬦ᭄ᬧᬶ
ᬲᬦ᭄᭞ᬲᬵᬫ᭄ᬧᬸᬦ᭄ᬓᬤᭀᬂᬲᭀᬓ᭄ᬫᬫᬵᬃᬕ᭄ᬕᬶ᭞ᬢᬶᬢ᭄ᬬᬂᬚᬸᬕᬸᬮ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭟ᬬᬦ᭄ᬲᬵᬫ᭄ᬧᬸᬦ᭄ᬓᬧᬶᬦᭂᬄᬧᬶᬲᬦ᭄᭞ᬧᬲ᭄ᬘᬢ᭄ᬧᬫᬶᬦᭂᬄᬳᬶᬭᬶᬓᬶ᭞ᬧᬫ᭄ᬓᬲ᭄ᬮᬾᬤᬂᬳᬶᬫᬶᬭᬄ
Kaca:Bali-lontar-gaguritan-tatuptupan-350ppi.pdf/85
Kaca puniki sampun kauji-wacén
