[᭘᭓ 83B]
᭘᭓
ᬦᭂᬧᬸᬓᬶᬦ᭄ᬚᭂᬗᬄ᭟ᬬᬤᬶᬦ᭄ᬢᬶᬢ᭄ᬬᬂᬫᬗ᭄ᬕᬶᬄᬳᬾᬭᬂ᭞ᬬᬦ᭄ᬲᬵᬫ᭄ᬧᬸᬦ᭄ᬳᬶᬫᬡᬶᬓ᭄ᬳᬾᬮᬶᬂ᭞ᬳᬾᬮᬶᬗᬂᬚ᭄ᬯᬭᬢᬸᬢᬶᬢ᭄ᬬᬂ᭞ᬢᬓᬾᬦ᭄ᬢᬓᬾᬦᬂᬭᬶᬂᬧᬸᬭᬶ᭞ᬭᬶᬂᬧᬜ᭄ᬚ᭄ᬭᭀᬯᬦ᭄ᬳᬶᬕᬸᬲ᭄ᬢᬶ᭞ᬲᬦᬾᬫᬦ᭄ᬢᬸᬓ᭄ᬭᬶᬂᬧᬓ᭠
ᬬᬸᬦ᭄᭞ᬦᬶᬓᬬᬭᬢᬸᬫᬶᬭᬄ᭞ᬳᬶᬘᬾᬦ᭄ᬮᬗ᭄ᬲᬭᬦ᭄ᬳᬶᬫᬡᬶᬓ᭄᭞ᬫᬗ᭄ᬤᬭᬯᬸᬄᬮᬭᬧᬦ᭄ᬭ᭠ᬢᬸᬭᬶᬂᬢᬶᬢ᭄ᬬᬂ᭟ᬤᬸᬮᬸᬭᬶᬦ᭄ᬲᭂᬗ᭄ᬓᬸᬳᬸᬩᬾᬫᬶᬭᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬲᬶᬓᭂᬧ᭄ᬳᬸᬭᬶᬧ᭄᭞ᬲᬳᬶᬳᬗ᭄ᬕᭀ
ᬦ᭄ᬤᬶᬧ᭄ᬤᭂᬫᬦ᭄᭞ᬬᬕᬸᬬᬗᬶᬦ᭄ᬲᬳᬶᬲᬳᬶ᭞ᬲᬧᬸᬢᬂᬬᬾᬦ᭄ᬫᬫᬵᬃᬕ᭄ᬕᬶ᭞ᬓᬸᬤᬸᬗᬂᬓᬮᬦᬶᬂᬓ᭄ᬩᬸᬲ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬧᬦᬲᬦ᭄᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬳᬶᬫᬡᬶᬓ᭄᭞ᬫᬓᬬᬸᬩᬶᬦ᭄ᬫᬦᬄᬢᬶᬢ᭄ᬬᬂᬓᬤᬸᬄ᭠
ᬓᬶᬢᬦ᭄᭟ᬲᬧᬸᬦᬶᬓᬳᬢᬹᬃᬢᬶᬢ᭄ᬬᬂ᭞ᬫᬸᬗ᭄ᬕᬸᬄᬭᬶᬂᬓᬶᬤᬸᬂᬧᬸᬦᬶᬓᬶ᭞ᬗᬶᬭᬂᬢᬸᬲᬵᬫ᭄ᬧᬸᬭᬧᬶᬲᬦ᭄᭞ᬢᬶᬢ᭄ᬬᬂᬓᬢᬸᬦᬬᬦ᭄ᬲᬫᬶ᭞ᬧᬗ᭄ᬓᬄᬢᬶᬢ᭄ᬬᬂᬫᬗᬯᬶ᭞ᬧᬘᬂᬓᬵᬢᬹᬃᬭᬶᬂᬳᬶᬭᬢᬸ᭞ᬲᬶᬂᬗ᭄ᬭᬲ
[᭘᭔ 84A]
ᬤᬾᬯᬾᬓ᭄ᬦᬶᬱ᭄ᬝᬵ᭞ᬓᬮᬶᬄᬢᬫ᭄ᬩᭂᬢᬾᬢᬦ᭄ᬲᬶᬧᬶ᭞ᬮᬶᬦ᭄ᬢᬂᬚᬸᬕᬸᬮ᭄᭞ᬲᬵᬫ᭄ᬧᬸᬦ᭄ᬭᬢᬸᬫᬫᭂᬦ᭄ᬤᬸᬯᬂ᭚᭜᭚ᬥᬂᬥᬂᬭᬢᬸᬧᬶᬋᬗᬂᬧᬸᬦᬶᬓᬶᬳᬢᬹᬃᬢᬶᬢ᭄ᬬᬂ᭞ᬲᬓᬶᬢ᭄ᬫᬦᬄᬢᬶᬢ᭄ᬬᬂᬲᬶᬂᬓᬵᬃᬯ᭄ᬯᬦ᭄ᬓᬲᬶᬦᬳ᭠
ᬦᬾ᭞ᬳᬮᬄᬩᭀᬃᬩᭀᬃᬢᬶᬢ᭄ᬬᬂᬭᬢᬸ᭞ᬩᬲ᭄ᬕᭂᬫᭂᬲ᭄ᬭᬢᬸᬜᬓᬶᬢᬶᬦ᭄᭞ᬜᬗ᭄ᬲᬭᬾᬦ᭄ᬭᬢᬸ᭠ᬢᬶᬢ᭄ᬬᬂ᭞ᬢᬦ᭄ᬧᬳᬶᬗᬦ᭄ᬭᬢᬸ᭞ᬩᬲ᭄ᬮᬶᬯᬢ᭄ᬗᬳᬾᬦᬂᬚ᭄ᬗᬄ᭞ᬫᬦᬄᬢᬶᬢ᭄ᬬᬂ᭞ᬲᬓᬶᬢᬦ᭄ᬢᭂᬓᬾᬦᬶᬂᬫᬢᬶ
ᬫᬓ᭄ᬚᬂᬗᬗ᭄ᬕᭀᬦ᭄ᬓᬓ᭄ᬤᬾᬓᬦ᭄᭚ᬓᬸ᭚ᬳᬤᬸᬄᬭᬢᬸᬢᬸᬮᬸᬲ᭄ᬢᬶᬢ᭄ᬬᬂᬳᬸᬬᬂᬧᬮᬶᬂ᭞ᬧᬸᬍᬲᬂᬮᬲᬓ᭄᭞ᬲᬭᬸᬲᬭᬸᬯᬂᬢᭀᬂᬤᬤᬶ᭞ᬭᬲᬜᬳᬶᬫᬶᬭᬄᬢ᭄ᬓᬵ᭟ᬫᬦᬶᬜ᭄ᬚᭀᬯᬶᬦ᭄ᬢᬶᬢ᭄ᬬᬂ᭠
ᬤᬶᬧᬢᬸᬭᭀᬦ᭄ᬗᬦ᭄ᬢᬶ᭞ᬫᬶᬭᬶᬩ᭄ᬳᬶᬤ᭄ᬟᬢ᭄ᬓᬵ᭞ᬤᬶᬲᬵᬫ᭄ᬧᬶᬂᬕᬍᬂᬫᬮᬶᬗ᭄ᬕᬶᬄ᭞ᬲᬕᬾᬢ᭄ᬧᬜ᭄ᬚ᭄ᬭᭀᬯᬦᬾᬢ᭄ᬓᬵ᭞ᬫᬦᬸᬢᬸᬭᬂᬭᬢᬸᬢᬦ᭄ᬓᬬᬸᬦ᭄ᬓᬧᬗ᭄ᬕᬶᬄ᭞ᬓᭀᬩᭂᬢ᭄ᬫᬫᬶᬦᭂᬳᬂ᭞ᬫᬯᬶᬦᬦ᭄ᬢᬦ᭄ᬧᭀᬮᬶ
Kaca:Bali-lontar-gaguritan-tatuptupan-350ppi.pdf/84
Kaca puniki sampun kauji-wacén
