Kaca:Bali-lontar-gaguritan-tatuptupan-350ppi.pdf/83

[᭘᭒ 82B]
᭘᭒
ᬕᬤᬶᬂᬜᬮᬂ᭞ᬩᬸᬓᬳ᭄ᬫᬲᬾᬫᬲᬗ᭄ᬮᬶᬂ᭞ᬗᭂᬦᬄᬘᭀᬓᭀᬭᬾᬕᬤᬶᬂ᭞ᬜᬮᬂᬓᬤᬶᬕ᭄ᬟᬄᬳᬮᬸᬲ᭄᭞ᬚ᭄ᬗᬄᬳᬶᬧᬸᬤᬓ᭄ᬘᬶᬦ᭄ᬤᬕ᭞ᬦᬥ᭄ᬬᬦᬾᬗᬮᬾᬬᭀᬭᬫ᭄ᬧᬶᬂ᭞ᬢ᭄ᬯᬶᬦᬸᬗ᭄ᬓᬸᬮ᭄᭞ᬮ᭄ᬫᬸᬄᬧᬤ
ᬳᭀᬯᬦ᭄ᬤᬗ᭄ᬰᭀᬓ᭟ᬬᬦ᭄ᬓᬮᬦᬶᬂᬫᬢ᭄ᬳᭂᬦᬦ᭄᭞ᬗᬮᬶᬕᬲ᭄ᬫᬥ᭄ᬬᬦᬾᬭᬫ᭄ᬧᬶᬂ᭞ᬍᬄᬲᬸᬲᬸᬦᬾ᭠ᬕᬤᬶᬂᬜᬮᬂ᭞ᬗᬸᬘᬶᬯᬬᬂᬳᬶᬜᬸᬄᬕᬤᬶᬂ᭞ᬫ᭄ᬮᬄᬜᬗ᭄ᬓᬶᬄᬢᬹᬃᬭᬸᬧᬶᬢ᭄᭞ᬳᬗ᭄ᬕᭀᬦ᭄ᬜᬗ᭄ᬕᬥᬥᬮᬸ᭠
ᬳᬸ᭞ᬜᬕ᭄ᬯᬳᬸᬓᬢᬶᬯᬓᬦ᭄᭞ᬳᬸᬬᬂᬧᬮᬶᬂᬧᬢᬶᬩᬶᬢ᭄ᬩᬶᬢ᭄᭞ᬢ᭄ᬯᬭᬩᬸᬳᬸᬂᬧᬘᬂᬫᬫ᭄ᬘᬶᬓᬂᬲᬶ᭠ᬜ᭄ᬚᬂ᭟ᬩᬸᬲᬦ᭄ᬩᬸᬲᬦ᭄ᬫᬧᬶᬦᬸᬦᬲ᭄᭞ᬫᬗ᭄ᬤᬓᬲᬶᬤ᭄ᬟᬦᬾᬳᬸᬗ᭄ᬲᬶ᭞ᬬ᭄ᬯᬤᬶᬦ᭄ᬧᬘᬂᬓᬧ᭄ᬭᬚᬬ᭞ᬢᬦ᭄ᬫᬭᬶᬯ
ᬦ᭄ᬢᬄᬗ᭄ᬮᬦ᭄ᬢᬶᬂ᭞ᬜᬸᬚᬸᬃᬯᬦ᭄ᬢᬄᬫᬯᬧ᭄ᬢᬶ᭞ᬫᬗ᭄ᬤᬜᬶᬤ᭄ᬟᬬᬂᬓᬧᬗ᭄ᬕᬸᬂ᭞ᬗᬸᬢ᭄ᬧ᭄ᬢᬶᬫᬓᬭᭀᬦᬦ᭄᭞ᬲᬹᬓ᭄ᬱ᭄ᬫᬦ᭄ᬫᬦᬳᬾᬓᬧᬗ᭄ᬕᬶᬄ᭞ᬫᬧᬫᬸᬧᬸᬢ᭄ᬲᬭᬮᬾᬤᬂᬧᬓᬬᬸᬦᬦ᭄᭟ᬤᬶᬲᬸᬩᬦᬾᬳᬯᭀᬃ
[᭘᭓ 83A]
ᬲᬵᬭᬶᬫᬂ᭞ᬍᬯᬶᬄᬲᬸᬓ᭄ᬱ᭄ᬫᬦᬶᬂᬳᬢᬶ᭞ᬲᬸᬓᬵᬲᬢᬢᬵᬭᬶᬂᬫᬦᬄ᭞ᬯᬮᬸᬬᬭᬶᬂᬰ᭄ᬯᬃᬕ᭄ᬕᬚᬢᬶ᭞ᬢ᭄ᬯᬭᬧᬲᬄᬳᬯᬳᬶ᭞ᬢᬶᬢ᭄ᬬᬂᬢ᭄ᬓᬾᬦᬶᬂᬳᬶᬭᬢᬸ᭞ᬩᬸᬓᬤᬾᬯᬢ᭄ᬣᬓᬫᬺᬢᬦ᭄᭞ᬲᬸᬓᬯᬶᬃᬬ᭄ᬬᬦᬾᬤᬶᬳ
ᬢᬶ᭞ᬢ᭄ᬯᬭᬲᬸᬳᬸᬤ᭄ᬧᬘᬂᬫᬸᬧᭀᬦᬶᬦ᭄ᬳᬶᬦ᭄ᬤ᭄ᬭᬶᬬ᭟ᬢ᭄ᬯᬭᬧᬲᬄᬭᬶᬂᬳᬶᬫᬶᬭᬄ᭞ᬫᬫᭂᬗ᭄ᬓᬸᬂᬯᬦ᭄ᬢᬄᬫᬗ᭄ᬮᬦ᭄ᬢᬶᬂ᭞ᬬᬤᬶᬦ᭄ᬲᬳᬶᬓᬧ᭄ᬭᬚᬬ᭞ᬢᬶᬢ᭄ᬬᬂᬧᬶᬢ᭄ᬮᬲ᭄ᬫᬗᬶᬭᬶᬂ᭞ᬓᬲᬮᬳᬂᬩᬳᬦ᭄ᬓᭂᬜᬶᬂ᭞ᬢᬶᬕ᭄ᬢᬶᬕ᭄ᬩᬦ᭄ᬢ᭠
ᬗᬦᬾᬮ᭄ᬫᬸᬄ᭞ᬓᬺᬧ᭄ᬬᬓᬦ᭄ᬦᬓᬦᬾᬗ᭄ᬭᬦᬂ᭞ᬦᬶᬓᬳᬗ᭄ᬕᭀᬦ᭄ᬫᬜᬓᬶᬢᬶᬦ᭄᭞ᬢ᭄ᬯᬭᬩᬸᬳᬸᬂ᭞ᬢᬶᬢ᭄ᬬᬂᬧᬘᬂᬫᬧᬶᬦᬸᬦᬲ᭄᭟ᬲᬧᬸᬦᬶᬓᬭᬢᬸᬲᬶᬦᬄ᭞ᬢᬼᬩ᭄ᬫᬦᬄᬢᬶᬢ᭄ᬬᬂᬚᬢᬶ᭞ᬦᬗᬶᬂᬳᬦ᭄ᬢᬸᬓ᭄ᬓ᭠
ᬲᬸᬪᬾᬓ᭄ᬱᬦ᭄᭞ᬧᬗ᭄ᬓᬄᬜᬸᬚᬸᬄᬳᬦᬓ᭄ᬮᬸᬯᬶᬄ᭞ᬢ᭄ᬯᬭᬗ᭄ᬭᬲᬓᬾᬦ᭄ᬕᬸᬤᬶᬕ᭄᭞ᬓᬩᬢᭂᬓ᭄ᬳ᭠ᬯᬓᬾᬗᬶᬗᬸᬂ᭞ᬢᭀᬓ᭄ᬭᬡᬤᬤᬶᬧᭀᬗᬄ᭞ᬫᬢᬦᬾᬫᬗᬸᬮᬶᬢ᭄ᬢᬶᬗ᭄ᬓᬶᬄ᭞ᬩᬲ᭄ᬦᬭᬸᬭᬸᬂ᭞ᬲᬗ᭄ᬓᬦ᭄ᬫ