Kaca:Bali-lontar-gaguritan-tatuptupan-350ppi.pdf/82

[᭘᭑ 81B]
᭘᭑
ᬤᬤᬶᬫᬗᬶᬧᬶ᭞ᬲᬸᬩᬳᬦᬸᬢ᭄ᬤᬶᬧ᭄ᬟᭂᬫᬦ᭄ᬫᬓᬭᭀᬦᬦ᭄᭟ᬧᬦ᭄ᬢᭂᬲ᭄ᬭᬢᬸᬬᬦ᭄ᬲᬯᬗᬂ᭞ᬩᬸᬓᬩᬸᬮᬦᬾᬦᬤᬭᬶᬦ᭄᭞ᬢ᭄ᬭᬂᬘᬬᬦᬾᬕᬸᬫᬯᬂ᭞ᬜᬼᬳᬶᬦ᭄ᬢᬶᬢ᭄ᬬᬂᬳᬶᬧᬮᬶᬂ᭞ᬳᬸᬮᬶᬂᬗᬸᬦᬶᬩᬦ᭄ᬫᬗ᭠
ᬧ᭄ᬢᬶ᭞ᬫᬗ᭄ᬤᬜᬶᬤ᭄ᬟᬬᬂᬓᬧᬗ᭄ᬕᬸᬄ᭞ᬫᬭᬳᬶᬂᬭᬢᬸᬫᬶᬭᬄ᭞ᬮᬾᬤᬂᬳᬶᬕᬸᬲ᭄ᬢᬶᬜᬶᬗᬓᬶᬦ᭄᭞ᬩᬸᬓᬢᬸᬤᬸᬄ᭞ᬲᬗ᭄ᬓᬦ᭄ᬜᬓ᭄ᬫᬵᬤᬸᬂᬧᬮ᭄ᬬᬢ᭄᭟ᬳᬶᬭᬢᬸᬫᬭᬕᬩᬸᬮᬦ᭄᭞ᬩᬳᬸᬫᬭᬫᬜᬸᬦ᭄ᬤᬭᬶᬦ᭄
᭞ᬲᬸᬓ᭄ᬱ᭄ᬫᬧᬶᬲᬦ᭄ᬫᬦᬄᬢᬶᬢ᭄ᬬᬂ᭞ᬫᬦᬸᬦᬲ᭄ᬮᬾᬤᬂᬳᬶᬫᬡᬶᬓ᭄᭞ᬬᬦ᭄ᬓᬲᬶᬤ᭄ᬟᬦᬾᬳᬸᬗ᭄ᬲᬶ᭞᭠ᬢᬶᬢ᭄ᬬᬂᬫᬗᬶᬭᬶᬂᬳᬶᬭᬢᬸ᭞ᬫᬓᭂᬫ᭄ᬯᬂᬲ᭄ᬫᬭᬢᬦ᭄ᬢ᭄ᬭ᭞ᬩᬶᬮᬶᬄᬜᬶᬤ᭄ᬟᬬᬂᬦᬾᬳᬸᬗ᭄ᬲᬶ᭞ᬳᬧᬂᬳᬦᬸᬢ᭄᭞
ᬫᬸᬧᭀᬦᬶᬦ᭄ᬳᬶᬦ᭄ᬤ᭄ᬭᬶᬬᬦ᭄ᬫᬦᬄ᭟ᬧᬶᬦᬸᬦᬲ᭄ᬢᬶᬢ᭄ᬬᬗᬾᬫᬶᬭᬄ᭞ᬫᬗ᭄ᬤᬲᬵᬫ᭄ᬧᬸᬦ᭄ᬭᬢᬸᬮᬮᬶ᭞ᬳᬾᬮᬶᬗᬂᬚᬭᬢᬸᬢᬶᬢ᭄ᬬᬂ᭞ᬢᬦ᭄ᬫᬭᬶᬯᬦ᭄ᬢᬄᬗ᭄ᬮᬦ᭄ᬢᬶᬂ᭞ᬲᬤᬶᬦᬫᬗᬸᬢ᭄ᬧ᭄ᬢᬶ᭞ᬫᬦᬸᬦᬲ᭄ᬮᬾᬤᬗᬶᬂ
[᭘᭒ 82A]
ᬓᬳ᭄ᬬᬸᬦ᭄᭞ᬬᬤᬶᬦ᭄ᬢᬶᬢ᭄ᬬᬂᬧᬘᬂᬭᬸᬲᬓ᭄᭞ᬬᬦ᭄ᬲᬵᬫ᭄ᬧᬸᬦ᭄ᬲᬋᬂᬳᬶᬫᬡᬶᬓ᭄᭞ᬳᬮᬳᬬᬸᬫᬓᬭᭀᬦᬦ᭄ᬩᬋᬂᬢᬶᬢ᭄ᬬᬂ᭟ᬳᬶᬭᬢᬸᬫ᭄ᬭᬕᬳᬸᬢ᭄ᬢᬫ᭞ᬢ᭄ᬯᬶᬭᬢᬶᬄᬫᬜ᭄ᬭᬸᬯᬤᬶ᭞ᬢᬸᬫᬸᬭᬸᬦ᭄ᬤ
ᬤᬶᬳᬶᬫᬶᬭᬄ᭞ᬲᬗ᭄ᬓᬦ᭄ᬳᬬᬸᬦᬾᬢᬦ᭄ᬲᬶᬧᬶ᭞ᬭᬾᬄᬳᬦᬓ᭄ᬲᬭᬰ᭄ᬯᬢᬶ᭞ᬬᬦ᭄ᬭᬶᬂᬯᬃᬡ᭄ᬦᬫᬸ᭠ᬮᬓᬲᬸᬩ᭄᭞ᬗᬲᭀᬭᬂᬳᬶᬲ᭄ᬢ᭄ᬭᬶᬲᬚᬕᬢ᭄᭞ᬲᬶᬂᬲᭀᬮᬳᬂᬗᬯ᭄ᬯᬾᬮ᭄ᬯᬶᬄ᭞ᬜᬦ᭄ᬤᬂᬲᬸᬗ᭄ᬲᬸᬂ᭞ᬳᬗ᭄ᬕᭀ
ᬦ᭄ᬳᬃᬘ᭄ᬘᬤᬶᬧᬫᬺᬫᬦ᭄᭟ᬤᬾᬦᬶᬂᬢ᭄ᬯᬭᬳᬤᬧᬤ᭄ᬟ᭞ᬓᬩᬶᬚᬓ᭄ᬱᬡᬦ᭄ᬳᬶᬕᬸᬲ᭄ᬢᬶ᭞ᬲᬺᬗ᭄ᬕᬭᬓᬯᬶᬭᬶᬂᬭᬭᬲ᭄᭞ᬲᬶᬂᬳᬩᭂᬢᬂᬳᬗ᭄ᬕᭀᬦ᭄ᬳᬲᬶᬦ᭄᭞ᬧᬗᬸᬘᬧ᭄ᬫᬥᬸᬕᭂᬦ᭄ᬤᬶᬲ᭄᭞ᬗᬸᬘᬶᬯᬬᬂᬧᬲᬶᬃᬫᬥᬸ
ᬬᬾᬦ᭄ᬜᬭᬾᬭᬾᬫᬘᬶᬗᬓ᭄᭞ᬓᬲᭀᬃᬳᬶᬓ᭄ᬮᬾᬧᬦ᭄ᬢᬢᬶᬢ᭄᭞ᬦᬸᬜ᭄ᬚᬸᬂᬩᬶᬭᬸ᭞ᬗᬲᭀ᭠ᬭᬂᬧᬮ᭄ᬬᬢ᭄ᬓᬶᬤᬂ᭟ᬫᬦᬶᬲᬺᬫ᭄ᬧᬸᬄᬬᬦ᭄ᬗᬦ᭄ᬤᬶᬓ᭞ᬓᬲᬶᬋᬩᬤᬾᬦᬾᬚᬗᬶᬄ᭞ᬧᬫᬸᬮᬸᬦᬾ᭠