Kaca:Bali-lontar-gaguritan-tatuptupan-350ppi.pdf/81

[᭘᭐ 80B]
᭘᭐
ᬧᬂᬜᬶᬤ᭄ᬟᬬᬂ᭞ᬓᬧᬗ᭄ᬕᬶᬄᬭᬶᬂᬢᬶᬢ᭄ᬬᬂᬫᬡᬶᬓ᭄᭞ᬢᬶᬢ᭄ᬬᬕ᭄ᬲᬶᬂᬗ᭄ᬮᭀᬂᬚᬜ᭄ᬚᬶ᭞ᬬᬦ᭄ᬤᬶᬢᬸᬦ᭄ᬧᬸᬓᬶ᭠ᬦ᭄ᬮᬘᬹᬃ᭞ᬬᬤᬶᬦ᭄ᬢᬶᬢ᭄ᬬᬂᬢ᭄ᬫᬄᬭᬸᬲᬓ᭄᭞ᬬᬦ᭄ᬲᬫ᭄ᬧᬸᬦ᭄ᬲᬋᬂᬳᬶᬫᬡᬶᬓ᭄᭞ᬲᬓ᭄ᬱᬢ᭄ᬭᬢᬸᬗᬶᬘᬾᬦ᭄ᬢᬶ
ᬢ᭄ᬬᬂᬲᬲᬸᬧᬢᬦ᭄᭟ᬢ᭄ᬯᬭᬧ᭄ᬕᬢ᭄ᬓᬸᬘᬧ᭄᭞ᬧᬤᬶᬗᭂᬳᬕ᭄ᬓᬬᬂᬚᬦᬶ᭞ᬮᬾᬤᬂᬧᬶᬲᬦ᭄ᬭ᭠ᬢᬸᬫᬶᬭᬄ᭞ᬭᬶᬂᬧᬸᬭᬶᬲᬋᬂᬳᬶᬳᬚᬶ᭞ᬢᬶᬢ᭄ᬬᬂᬲᬓᬶᬢ᭄ᬲᬳᬶᬲᬳᬶ᭞ᬚ᭄ᬗᬄᬮᬭᬢᬶᬢ᭄ᬬᬂᬳᬶᬤᬸᬧ᭄᭞
ᬮᬾᬦᬂᬢᭀᬂᬤᬤᬶᬮᬾᬦᬂ᭞ᬲᬭᬸᬲᬭᬸᬯᬸᬂᬢᭀᬂᬤᬤᬶ᭞ᬲᬬᬦ᭄ᬮᬸᬩᬸᬓ᭄ᬳᭀᬃᬢ᭄ᬢᬦᬾᬫᬶᬍ᭠ᬳᬶᬍᬳᬦ᭄᭟ᬲᬧᬸᬦᬶᬓᬳᬢᬹᬃᬢᬶᬢ᭄ᬬᬂ᭞ᬲᬧᬸᬦᬧᬶᬲᬦᬾᬫᬗ᭄ᬓᬶᬦ᭄᭞ᬩ᭄ᬘᬶᬓ᭄ᬦᬶᬓᬬᬂᬢ᭄ᬭᬗᬂ᭞ᬧᬶᬘᬬᬂ
ᬲᬸᬭᬢ᭄ᬳᬓ᭄ᬩᬶᬲ᭄᭞ᬳᬗ᭄ᬕᬾᬦ᭄ᬘᬶᬳ᭄ᬦᬦ᭄ᬳᬶᬫᬡᬶᬓ᭄᭞ᬜᬶᬤ᭄ᬟᬬᬂᬧᬘᬂᬫᬧᬗ᭄ᬕᬸᬄ᭞ᬫᬢ᭄ᬫᬸᬢ᭄ᬓᬾᬦ᭄ᬢᬶ᭠ᬢ᭄ᬬᬂ᭞ᬲᬲᬶᬮᬶᬩᬦᬾᬫᬵᬃᬕ᭄ᬕᬶᬦᬶᬦ᭄᭞ᬬᬤᬶᬦ᭄ᬧᬸᬧᬸᬢ᭄᭞ᬬᬦ᭄ᬲᬵᬫ᭄ᬧᬸᬦ᭄ᬩᬋᬂᬓᬾᬦ᭄ᬢᬶᬢ᭄ᬬᬂ᭟ᬳ
[᭘᭑ 81A]
ᬢᬹᬃᬢᬶᬢ᭄ᬬᬗᬾᬳᬶᬧᭀᬗᬄ᭞ᬧᬗ᭄ᬓᬄᬫᬶᬮᬸᬫᬩᭂᬢ᭄ᬭᬶᬭᬶᬄ᭞ᬗ᭄ᬕᬶᬄᬭᬢᬸᬲᬵᬫ᭄ᬧᬸᬭᬢᬶᬢ᭄ᬬᬕ᭄᭞ᬦᬸᬦᬲ᭄ᬲᬶᬲᬶᬧ᭄ᬲᬳᬶᬲᬳᬶ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬕᬸᬲ᭄ᬢᬶ᭞ᬤᬸᬄᬲᬵᬫ᭄ᬧᬸᬦ᭄ᬩᭂᬦ᭄ᬤᬸ᭞ᬢᬶᬗ᭄ᬓᬳᬾᬗ
ᬢᬸᬭᬂᬲᬸᬭᬵᬢ᭄᭞ᬫᬧᬶᬓᬤᬾᬦ᭄ᬳᬸᬮᬢ᭄ᬭᬶᬭᬶᬄ᭞ᬭᬢᬸᬳᬬᬸᬮᬾᬤᬗᬂᬭᬶᬂᬧ᭄ᬓᬬᬸᬦᬦ᭄᭟ᬚ᭠ᬢᬶᬢᬶᬢ᭄ᬬᬂᬜᬭᬶᬢ᭄ᬣᬬᬂ᭞ᬲᬢᬶᬗ᭄ᬓᬄᬢᬶᬢ᭄ᬬᬂᬗᬾᬲ᭄ᬤᬶᬄ᭞ᬗᬶᬂᬭᬢᬸᬲᬵᬫ᭄ᬧᬸᬭᬢᬶᬢ᭄ᬬᬂ᭞ᬢᬶᬢ᭄ᬬᬂᬓᬢᬸ᭠
ᬦᬬᬦ᭄ᬲᬫᬶ᭞ᬧᬗ᭄ᬓᬄᬢᬶᬢ᭄ᬬᬂᬫᬗᬯᬶ᭞ᬢ᭄ᬯᬭᬦᬯᬂᬓᬗᬶᬦ᭄ᬓᬯᬸᬄ᭞ᬩᬢᭂᬓ᭄ᬫᬦᬳᬾᬧᭀᬗᬄ᭞ᬢ᭄ᬯᬭᬧᬶᬳᬶᬤ᭄ᬓᬓ᭄ᬤᬾᬓᬶᬦ᭄᭞ᬧᬢᬶᬓᬘᬸᬄ᭞ᬗᬸᬮᬳᬂᬩᬳᬦ᭄ᬫᬜᬫ᭄ᬩᬢ᭄᭟ᬜᬓᬓᬾᬦᬾ᭠
ᬜᬓᬓᬾᬢᭀ᭞ᬫᬸᬜᬶᬩᬸᬳᬸᬢ᭄ᬢᬦ᭄ᬧᬳᬶᬦ᭄ᬤᬶᬓ᭄᭞ᬓᬩ᭄ᬢᭂᬓ᭄ᬳᬯᬓᬾᬳᬸᬬᬂ᭞ᬩᬸᬮᬲᬓ᭄ᬫᬭᬲᬧᬮᬶᬂ᭞ᬤᭂᬓ᭄ᬤᭂᬓ᭄ᬤᬶᬳᬸᬮᬸᬦ᭄ᬳᬢᬶ᭞ᬲᬭᬸᬯᬂᬢᭀᬂᬤᬤᬶᬲᬭᬸ᭞ᬧᬸᬍᬲᬂᬲᬬᬦ᭄ᬕᬤᬓ᭄᭞ᬮᬶᬬᭂᬭᬂ