[᭗᭙ 79B]
᭗᭙
ᬘᬗᬶᬘᬾᬦ᭄ᬢᬸᬤᬸᬄ᭞ᬦᬸᬤᬸᬄᬧᬂᬲᬶᬤ᭄ᬟᬲᬤ᭄ᬬ᭞ᬫᬗ᭄ᬤᬾᬦᬾᬓᬲᬶᬤᬾᬂᬓᬧ᭄ᬢᬶ᭞ᬢᬶᬢ᭄ᬬᬂᬫ᭄ᬓᬸᬮ᭄ᬜᭀᬓᭀᬭᬶᬂᬮᬶᬗ᭄ᬕᬶᬄᬳᬶᬤᬾᬯ᭄ᬯ᭟ᬳᬶᬕᬸᬲ᭄ᬢᬶᬳᬢ᭄ᬫᬚᬶᬯᬶᬢ᭄ᬣ᭞ᬳᬶᬭᬢᬸᬫᬭᬕᬭᬢᬶᬄ᭠
ᬢᬹᬃᬯᬶᬘᬓ᭄ᬱᬡᬭᬶᬂᬭᬭᬲ᭄᭞ᬰᬺᬗ᭄ᬕᬭᬳᬜᬯᬫᬦᬶᬲ᭄᭞ᬗᬲᭀᬭᬂᬲᬭᬰ᭄ᬯᬢᬶ᭞ᬬᬦ᭄ᬭᬶᬂᬧ᭄ᬭᬚ᭄ᬜᬦ᭄ᬫᬸᬮᬓᬲᬸᬩ᭄᭞ᬢ᭄ᬯᬭᬳᬤᬗᬮᬳᬂ᭞ᬲᬶᬂᬲᭀᬮᬳᬂᬗᬯᬾᬍᬯᬶᬄ᭞ᬧᬦ᭄ᬢᭂᬲ᭄ᬭᬢᬸ᭞ᬤᬾᬯ
ᬦ᭄ᬓᬗ᭄ᬦᬶᬸᬮᬗᭂᬦ᭄ᬫᬭᬕ᭟ᬧᬗᬦ᭄ᬤᬶᬓᬦᬾᬭᬶᬂᬲᬸᬭᬵᬢ᭄᭞ᬲᬵᬫ᭄ᬧᬸᬦ᭄ᬢᬢᬲ᭄ᬢᬶᬢ᭄ᬬᬂᬕᬸᬲ᭄ᬢᬶ᭞ᬲᬸᬓ᭄ᬱ᭄ᬫᬧᬶᬲᬦ᭄ᬫᬦᬄᬢᬶᬢ᭄ᬬᬂ᭞ᬫᬦᬸᬦᬲ᭄ᬮᬾᬤᬂᬳᬶᬫᬡᬶᬓ᭄᭞ᬭᬾᬄᬫᬸᬮᬳᬦᬓ᭄ᬮ᭄ᬯᬶᬄ᭞ᬧᬫᬸᬧᬸᬮ᭄ᬫᬥᬸ᭠
ᬚᬸᬭᬸᬄ᭞ᬢᭀᬓ᭄ᬭᬡᬭᬢᬸᬢᬶᬢ᭄ᬬᬂ᭞ᬢᬦ᭄ᬫᬭᬶᬯᬦ᭄ᬢᬄᬗ᭄ᬮᬦ᭄ᬢᬶᬂ᭞ᬢ᭄ᬯᬄᬫᬜᬸᬚᬸᬄ᭞ᬲᬂᬫᬓᬫᬸᬱ᭄ᬝᬶᬓᬾᬂᬫᬦᬄ᭟ᬳᬧᬓ᭄ᬭᬡᬭᬢᬸᬫᬶᬭᬄ᭞ᬢ᭄ᬯᬭᬜᬶᬤ᭄ᬟᬬᬂᬓᬧᬗ᭄ᬕᬶᬄ᭞ᬫᬢ᭄ᬫᬸᬲᬋᬂᬭᬶᬂᬢᬶᬢ᭄ᬬᬂ᭞
[᭘᭐ 80A]
ᬓᬾᬦ᭄ᬦᬾᬓᭀᬩᭂᬢᬂᬳᬶᬫᬡᬶᬓ᭄᭞ᬓᬤᬶᬲᬸᬭᬵᬢ᭄ᬳᬶᬫᬡᬶᬓ᭄᭞ᬗᬓᬸᬲ᭄ᬯᬾᬘᬦᬾᬫᬦᬸᬮᬸᬲ᭄᭞ᬤᬤᬶᬮᭀᬂᬓᬓ᭄ᬧᬗᬦ᭄ᬤᬶᬓ᭞ᬳᬾᬮᬶᬗᬂᬭᬢᬸᬫᬵᬲ᭄ᬫᬡᬶᬓ᭄᭞ᬲᬵᬫ᭄ᬧᬸᬦ᭄ᬭᬢᬸᬗᬮᬾ᭠
ᬫ᭄ᬧᬲᬶᬦ᭄ᬤᬕᬶᬂᬲᬸᬭᬵᬢ᭄᭟ᬳᬶᬭᬢᬸᬫ᭄ᬭᬕᬳᬸᬢ᭄ᬢᬫ᭄᭞ᬢ᭄ᬯᬭᬧᬢᬸᬢ᭄ᬫᬶᬢ᭄ᬬᬾᬂᬫᬸᬜᬶ᭞ᬬᬤ᭄ᬬᬧᬶᬦ᭄ᬓᬢ᭄ᬓᬦ᭄ᬭᬸᬲᬓ᭄᭞ᬬᬦ᭄ᬲᬵᬫ᭄ᬧᬸᬦ᭄ᬕᬸᬲ᭄ᬢᬶᬳᬲ᭄ᬢᬶᬢᬶ᭞ᬢᬶᬢ᭄ᬬᬂᬜᬤ᭄ᬬᬫᬗᬶᬭᬶᬂ᭞ᬲᬮᬾᬤᬂᬓᬬᬸ᭠
ᬦ᭄ᬳᬶᬭᬢᬸ᭞ᬦᬸᬦᬲ᭄ᬭᬢᬸᬲᬶᬗᬶᬤᬂ᭞ᬫᬗ᭄ᬤᬜᬶᬤ᭄ᬟᬬᬂᬓᬧᬗ᭄ᬕᬶᬄ᭞ᬬᬤᬶᬦ᭄ᬮᬘᬹᬃᬲᬵᬫ᭄ᬧᬸᬦ᭄ᬫᬸᬧᭀᬦᬶᬦ᭄ᬳᬶᬦ᭄ᬤ᭄ᬭᬶᬬ᭟ᬳᬧᬓ᭄ᬭᬡᬭᬢᬸᬫᬶᬭᬄ᭞ᬚ᭄ᬦᭂᬂᬭᬢᬸᬳᬮᬂᬳᬾᬮᬶᬂ᭞ᬢ᭄ᬓᬾᬦ᭄ᬢᬶᬢ᭄ᬬᬂᬳᬶᬫᬶᬲ᭄ᬓᬶᬦ᭄᭞ᬲᬶᬂᬲ᭄ᬤᭂᬂ
ᬩᬾᬮᬦᬶᬦ᭄ᬭᬢᬸ᭞ᬢᭀᬓ᭄ᬭᬡᬤᬤᬶᬫᬭᬲ᭄᭞ᬢ᭄ᬯᬭᬵᬤᬕᬦ᭄ᬢᬲ᭄ᬫᬫᬵᬃᬕ᭄ᬕᬶ᭞ᬢᬶᬢ᭄ᬬᬂᬮᬘᬹᬃᬜᬾᬦ᭄ᬚᬲᬾᬦ᭄ᬤᭂᬫ᭄ᬫᬦᬶᬗ᭄ᬢᬶᬗᬂ᭟ᬬᬦ᭄ᬭᬢᬸᬫᬕᬢ᭄ᬭᬲ᭄ᬯᬾᬘ᭞ᬭᬶᬂᬢᬶᬢ᭄ᬬᬂᬳᬶᬮᬭᬫᬶᬲ᭄ᬓᬶᬦ᭄᭞ᬫᬸᬲ᭄ᬢᬶᬬᬂᬳ
Kaca:Bali-lontar-gaguritan-tatuptupan-350ppi.pdf/80
Kaca puniki sampun kauji-wacén
