[᭘᭕ 85B]
᭘᭕
ᬢᬶᬢ᭄ᬬᬂᬧᬶᬢ᭄ᬮᬲ᭄ᬫᬗᬶᬭᬶᬂ᭞ᬬᬦ᭄ᬲᬵᬫ᭄ᬧᬸᬦ᭄ᬫᬦᬸᬢ᭄ᬲᬸᬚᬢᬶ᭞ᬢ᭄ᬯᬭᬭᭀᬩᬄᬭᬶᬂᬦᬾᬤᬸᬫᬸᬦ᭄᭞ᬦᬶᬓᬬᬂᬭᬢᬸᬭᬶᬂᬢᬶᬢ᭄ᬬᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬫ᭄ᬧᭂᬢ᭄ᬫᬮᬶᬄ᭞ᬢᬶᬢ᭄ᬬᬂᬭᬢᬸ᭞ᬫᬗᬢᬸᬭᬂᬫᬦᬄ
ᬢᬶᬢ᭄ᬬᬂ᭟ᬦᬗᬶᬂᬕᬫᭂᬮ᭄ᬳᬢᬹᬃᬢᬶᬢ᭄ᬬᬂ᭞ᬢᬦ᭄ᬲᬸᬭᬸᬤ᭄ᬧᬶᬢᬺᬱ᭄ᬡᬳᬰᬶᬄ᭞ᬬᬤᬶᬦ᭄ᬢᬶᬢ᭄ᬬᬂᬫᬳ᭠ᬤᭀᬳᬦ᭄᭞ᬳᬢ᭄ᬫᬦ᭄ᬢᬶᬢ᭄ᬬᬗᬾᬳᬶᬭᬶᬓᬶ᭞ᬲᬢᬢᬫᬗᬸᬢ᭄ᬧ᭄ᬢᬶ᭞ᬲᬫᬗ᭄ᬤᬲᬶᬤ᭄ᬟᬫᬢ᭄ᬫᬸ᭞ᬤᬾᬦᬶᬂᬢ᭄ᬯ
ᬭᬓᬲᬶᬦᬳᬂ᭞ᬧᬗᬦ᭄ᬤᬶᬓᬬᬂᬚᬦᬶ᭞ᬲᬗ᭄ᬓᬦ᭄ᬧᬗ᭄ᬕᬸᬄ᭞ᬚ᭄ᬗᬳᬾᬗ᭄ᬩᭂᬓᬶᬦ᭄ᬚᬕᬢ᭄᭟ᬲᬶᬦᭀᬫ᭄ᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬳᬫ᭄ᬧᬸᬭᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬳᬢᬹᬃᬳᬸᬫᬸᬗ᭄ᬕ᭄ᬯᬶᬂᬲᬸᬭᬵᬢ᭄᭞ᬯᬮᬸ
ᬬᬢᬶᬢ᭄ᬬᬂᬫᬦᬗ᭄ᬓᬶᬮ᭄᭞ᬭᬶᬂᬳᬚᭂᬂᬮᬶᬗ᭄ᬕᬶᬄᬳᬶᬫᬡᬶᬓ᭄᭞ᬫ᭄ᬤᭂᬓ᭄ᬩᬸᬓ᭄ᬧᬤ᭄ᬟᬦ᭄ᬳᬶᬭᬢᬸ᭞ᬫᬗ᭄ᬤᬯᬾᬦ᭄ᬢᭂᬦ᭄ᬲᬫᬢ᭄ᬭ᭞ᬲᬢ᭄ᬳᬗ᭄ᬕᬾᬦ᭄ᬧᬗᬾᬮᬶᬂᬗᬾᬮᬶᬂ᭞ᬢᬍᬤ᭄ᬳᬢᬹᬃ᭞ᬘᬶᬳ᭄ᬦᬦᬶᬂᬫᬦᬄᬲᬸᬰ᭄ᬭᬸᬰ᭟ᬢᬦ᭄ᬮ᭄ᬬ
[᭘᭖ 86A]
ᬦ᭄ᬯᬦ᭄ᬢᬄᬳᬶᬫᬶᬭᬄ᭞ᬧᬗᬾᬜ᭄ᬘᭂᬧ᭄ᬫᬦᬄᬲᬸᬪᬵᬓ᭄ᬢᬶ᭞ᬗᬶᬯᬾᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬧᬶᬗᬶᬢᬂᬭᬢᬸᬧᬸᬦᬶᬓᬶ᭞ᬭᬶᬓᬵᬮᬰᬸᬦ᭄ᬬᬵᬗᬶᬭᬶᬂ᭞ᬧᬯᭀᬲᬶᬦ᭄ᬧᬸᬦᬶᬓᬶᬭᬢᬸ᭞ᬓᬵᬮᬦᬶᬂᬭᬢᬸᬗ᭄ᬭ
ᬕ᭞ᬳᬦ᭄ᬢᬸᬓ᭄ᬚᬕᬢ᭄ᬓᬤᬶᬫᬗ᭄ᬓᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬯᬾᬦ᭄ᬢᭂᬦ᭄ᬳᬦᬓ᭄ᬲᬳᬸᬦᬶᬗ᭟ᬯᬾᬦ᭄ᬢᭂᬦ᭄ᬧᬳᬶᬘᬦ᭄ᬳᬶᬫᬶᬭᬄ᭞ᬭᬯᬸᬄᬭᬶᬂᬢᬶᬢ᭄ᬬᬂᬳᬶᬫᬶᬲ᭄ᬓᬶᬦ᭄᭞ᬯ᭄ᬓᬲ᭄ᬩᬦ᭄ᬢᬶᬢ᭄ᬬᬂᬜᬸᬓ᭄ᬱ᭄ᬫᬬᬂ᭞ᬧᬳᬶᬘᬦ᭄ᬭᬢᬸ
ᬫᬲ᭄ᬫᬡᬶᬓ᭄᭞ᬮᬾᬤᬗᬂᬗ᭄ᬕᬶᬄᬭᬢᬸᬗ᭄ᬕᬶᬄ᭞ᬯᬶᬭᬾᬄᬓᬧᬄᬚ᭄ᬯᬵᬓᬧᬗ᭄ᬕᬸᬄ᭞ᬬᬤᬶᬦ᭄ᬤᭀᬄ᭠ᬫᬩ᭄ᬮᬲᬦ᭄᭞ᬳᬢ᭄ᬫᬦ᭄ᬢᬶᬢ᭄ᬬᬗᬾᬫᬗᬶᬭᬶᬂ᭞ᬓᬾᬢᭀᬭᬢᬸ᭞ᬮᬾᬤᬗᬂᬭᬶᬂᬧ᭄ᬓᬬᬸᬯᬦ᭄᭚ᬲᬶ
᭚ᬳᬥᬸᬄᬤᬾᬯ᭄ᬯᬲᬲᬸᬳᬸᬦᬦ᭄᭞ᬲᬂᬫᬓᬭᬵᬢ᭄ᬦᬦᬶᬂᬧᬸᬭᬶ᭞ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬓᬧᬳᬶᬘ᭞᭠ᬲᬸᬭᬵᬢ᭄ᬫᬤᬸᬮᬸᬃᬧᬗᬯᬶ᭞ᬫᬶᬳᬤᬸᬄᬗᭂᬧᬸᬲ᭄ᬳᬢᬶ᭞ᬲᬤᬕᬶᬂᬧᬗᬯᬶᬓ᭄ᬭᬢᬸ᭞ᬗᬸᬤᬲᬶᬕ᭄ᬫᭂᬲ᭄ᬲᬚᬵ᭞᭠
Kaca:Bali-lontar-gaguritan-tatuptupan-350ppi.pdf/86
Kaca puniki sampun kauji-wacén
