[᭓᭖ 36B]
᭓᭖
᭞ᬫᬮᬶᬄᬯᬾᬦ᭄ᬢᭂᬦ᭄ᬫᬜ᭄ᬘᬹᬃ᭞ᬫᬸᬭᬸᬩ᭄ᬗᭂᬦᬄᬘᬬᬕᬮᬂ᭞ᬦᬗᬶᬂᬲᬯᬢ᭄᭞ᬤᬶᬤᬸᬳᬹᬃᬗᬶᬫ᭄ᬩᬗᬾᬤᬦᬶᬦ᭄᭞ᬲᭂᬗ᭄ᬕᬸᬄᬢᬶᬢ᭄ᬬᬂᬳᬶᬤᬾᬯ᭄ᬯ᭟ᬫᬮᬄᬢᬶᬢ᭄ᬬᬂᬕᬕᬶᬲᬸᬦ᭄ᬚᬕ᭄ᬚᬕᬶᬦ᭄᭞ᬓᬦ᭄ᬢᬶᬍᬍᬄ᭞
ᬳᬗ᭄ᬓᬶᬳᬦᬾᬦᬸᬗ᭄ᬕᬄᬳᬸᬯᬸᬲ᭄ᬓᬓᬸᬧᬶᬂᬭᬲᬦᬾ᭞ᬮᬩᬸᬄᬚᬗ᭄ᬓᬵᬩᬄᬩᬗᬸᬦ᭄᭞ᬓᬩᬢᭂᬓ᭄ᬩᬦ᭄ᬫᬦᬳᬾ᭞ᬫᬗ᭄ᬤᬾᬦᬾᬲᬶᬤ᭄ᬟᬳᬾᬗ᭄ᬕᬮ᭄᭞ᬳᬶᬮᬵᬭᬦᬢ᭄ᬧᬸᬓ᭄᭞ᬬᬤᬶᬦ᭄ᬩᬦ᭄ᬢᬲ᭄ᬳᬲ᭄ᬮᬩ᭄ᬲ
ᬩᬦ᭄᭞ᬢᬶᬢ᭄ᬬᬂᬲᬸᬓᬵ᭞ᬲᬶᬂᬦᭀᬢᬶᬦ᭄ᬫᬭᬾᬗᬂᬲ᭄ᬧᬶ᭞ᬩ᭄ᬗᭀᬂᬓᬸᬫᭂᬫ᭄ᬩᭂᬂᬢᬶᬗ᭄ᬕᬮ᭄᭚ᬓᬸ᭚ᬲᬬᬦ᭄ᬲᬫ᭄ᬩᭂᬦ᭄ᬧᬶᬢᬸᬗᬦᬾᬩᬸᬤᬸᬄᬧᬮᬶᬂ᭞ᬲᭂᬧᬸᬫᬸᬭᬂᬫᬸᬭᬂ᭞ᬤᬶᬦᬢᬳᬾᬫᬗᬸᬮᬶᬦ᭄ᬢᬶᬓ᭄᭞
ᬦᬧᬲᬄᬫ᭄ᬤᭂᬫ᭄ᬫᬕᬸᬬᬂ᭟ᬩᬩᬃᬤᬫᬸᬄᬩ᭄ᬮᬸᬲ᭄ᬓᬸᬘᬸᬢ᭄ᬚᬗ᭄ᬓᬍᬘᬶᬂ᭞ᬦᬄᬥ᭄ᬧᬂᬢᬳᬦᬂ᭞ᬲᬶᬜᬢᬾᬫᬦ᭄ᬤᬬᬦ᭄ᬕᬶᬕᬶᬲ᭄᭞ᬫᬦᬳᬾᬓᬧᬦᬲᬦ᭄᭟ᬲᬬᬦ᭄ᬜᬸᬲᬸᬧ᭄ᬤᬶᬗᬶᬦᬾᬭᬳᬢ᭄ᬜᬓᬶᬢᬶᬦ᭄᭞ᬭᬹ
[᭓᭗ 37A]
ᬲᬜᬫᬦᬸᬮᬂ᭞ᬗᬸᬯᬢ᭄ᬓᭂᬜᭂᬫ᭄ᬩᬶᬮᬂᬲᬦ᭄ᬤᬶ᭞ᬤᬤᬶᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄᭟ᬩᬦᬾᬢ᭄ᬯᬭᬳᬤᬗᬸᬧ᭄ᬓᬸᬧ᭄ᬫᬜᬧᬸᬢᬶᬦ᭄᭞ᬲᬓᬶᬢ᭄ᬓᭀᬭᬲᬜ᭞ᬮᬫᬶᬫᬦᬦ᭄ᬤᬂᬧ᭄ᬭᬶᬬᬢᬶ᭞ᬗ᭄ᬮᬶᬂᬓᬗᭂᬦ᭄ᬧᬤᬶᬤᬶᬬᬦ᭄
᭟ᬩᬸᬤᬲᬼᬫᬄᬓᬓ᭄ᬭᬸᬬᬸᬓ᭄ᬲᬶᬬᬧᬾᬢᬶᬢᬶᬃ᭞ᬲᬶᬬᭀᬓ᭄ᬱᬶᬬᭀᬓ᭄ᬩᬦ᭄ᬩᬦ᭄᭞ᬳᬸᬮᬢ᭄ᬩᬸᬓᬫᬶᬮᬸᬲ᭄ᬤᬶᬄ᭞ᬕᬺᬄᬲᬯᬢ᭄ᬫᬦ᭄ᬤ᭄ᬭᬵᬫᬦ᭄ᬤ᭄ᬭᬵ᭟ᬗᬯᬾᬧᬸᬲᬂᬳᬸᬚᬦ᭄ᬭᬶᬭᬶᬲ᭄ᬳᬗᬶᬦ᭄ᬳᬭᬶᬲ᭄᭞ᬭᬭᬶᬲ᭄ᬓᬤᬸᬮᬸᬭᬦ᭄᭞ᬩ
ᬦ᭄ᬳᬶᬓ᭄ᬤᬶᬲ᭄ᬢᬥᬳᬰᬶᬄ᭞ᬚᭀᬄᬫᬗᭂᬗ᭄ᬓᬶᬓ᭄ᬤᬶᬳᬫ᭄ᬩᬭ᭟ᬲᭂᬗ᭄ᬕᬸᬄᬢᬶᬢ᭄ᬬᬂᬯᬦ᭄ᬢᬄᬯᬘᬦᬦ᭄ᬳᬶᬫᬡᬶᬓ᭄᭞ᬧᬘᬂᬦᬶᬢ᭄ᬚᭀᬢ᭄ᬓ᭞ᬜᬶᬗᬓᬶᬦ᭄ᬧᬜ᭄ᬚᬓᬾᬲ᭄ᬤᬶᬄᬫᬫᬗᭂᬦᬂᬳᬶᬤ᭄ᬟ᭟ᬲᬕᬾᬢ᭄ᬲᬫᬸᬦ᭄ᬢ᭄ᬯᬭᬳᬤ᭠
ᬗᭂᬦᬄᬕᬸᬲ᭄ᬢᬶ᭞ᬳᬗᬦ᭄ᬫᬭᬭᬯᬢ᭄᭞ᬢᬫ᭄ᬧ᭄ᬘᬓ᭄ᬫᬗ᭄ᬭᬯᬸᬳᬶᬦ᭄᭞ᬬᬤᬶᬦ᭄ᬕᬦ᭄ᬤᬢ᭄ᬯᬭᬫᬢ᭄ᬭ᭟ᬲᬓᬾᬯᬮᬵᬳᬤ᭄ᬟᬗᬮᬸᬩ᭄ᬩᭀᬦᬾᬫᬶᬳᬶᬓ᭄᭞ᬦᬗᬶᬂᬯᬾᬦ᭄ᬢᭂᬦ᭄ᬢᭂᬓ᭞ᬓ᭄ᬤᬶᬲ᭄ᬘᭂᬦᬶᬓ᭄ᬗᭂᬫ᭄ᬧᬹᬃᬧᬸᬢᬶᬄ᭞ᬗᬶᬩᭂᬃᬫ
Kaca:Bali-lontar-gaguritan-tatuptupan-350ppi.pdf/37
Kaca puniki sampun kauji-wacén
