Kaca:Bali-lontar-gaguritan-tatuptupan-350ppi.pdf/36

[᭓᭕ 35B]
᭓᭕
ᬲᬯᬢ᭄᭞ᬫᬤ᭄ᬓᭂᬲᬦ᭄᭞ᬩᭂᬮ᭄ᬩᭂᬍᬦ᭄ᬤᬶᬳᬸᬮᬸᬦ᭄ᬳᬢᬶ᭞ᬳᬾᬗ᭄ᬕᬮ᭄ᬩᬗᬸᬦ᭄ᬫᬸᬮ᭄ᬬᬦ᭄᭟ᬩᬄᬫᬘ᭄ᬩᬸᬕ᭄ᬤᬶᬧᭂᬤᭂᬫᬦ᭄ᬲ᭄ᬤᬶᬄ᭞ᬫᬗᬸᬭᬭᬧ᭄᭞ᬳᭀᬲᬄᬫᬫᬸᬮᬶᬲᬄ᭞ᬳᬶᬗᭂᬢ᭄ᬢᭂᬓᬾᬦ᭄ᬫᬲ᭄ᬫᬡᬶᬓᬾ᭞ᬭᬲ
ᬜᬩᬸᬓᬋᬫ᭄ᬧᬸᬄ᭞ᬤᭂᬓ᭄ᬤᭂᬓ᭄ᬳᬚᬹᬃᬫᬦᬳᬾᬧᬮᬶᬂ᭞ᬤᬤᬶᬧᭂᬲᬸᬬᬾᬄᬫᬢ᭄ᬣ᭞ᬕᬍᬂᬩ᭄ᬮᬸᬲ᭄ᬓᬸ᭠ᬘᬸᬢ᭄᭞ᬲᬲᬵᬫ᭄ᬩᬢᬾᬫ᭄ᬕᬢ᭄ᬫᭂᬕᬢ᭄ᬳᬭᬸᬄᬤᬶᬚᬵ᭞ᬭᬸᬭᬸᬄᬳᬮᬶᬄᬲᬂᬓᬳᬶᬱ᭄ᬝᬶ᭞ᬲᬯᬢ᭄ᬢ᭄ᬯᬵᬤᬫᬢ᭄ᬭ
᭟ᬳᬸᬧᬫᬶᬜᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬧᬭᬶᬲᬲᬢ᭄᭞ᬫᬦ᭄ᬤᬸᬮᬫᬾᬩᬸᬮᬦ᭄᭞ᬲᬯᬢ᭄ᬦᭀᬗᭀᬤᬶᬮᬗᬶᬢᬾ᭞ᬢᬦ᭄ᬧᬳᬶᬗᬦ᭄ᬳ᭄ᬬᬦ᭄ᬳᬶᬯᬸ᭞ᬧᬘᬂᬩᬓᬢ᭄ᬲᬶᬤ᭄ᬟᬩᬦ᭄ᬗᬩᬶᬦ᭄᭞ᬦᬄ᭞ᬫᬸ᭠
ᬮᬢ᭄ᬯᬄᬓᬢᬶᬢᬄ᭞ᬤᬤᬶᬳᬸᬫᬄᬮᬘᬹᬃ᭞ᬲᬶᬂᬳᬶᬤᭂᬧ᭄ᬢ᭄ᬯᬭᬓᬲᬶᬤ᭄ᬟᬦ᭄᭞ᬳᬢᬸᬢ᭄ᬲᬶᬤ᭄ᬟ᭞ᬓᬰᬶᬳᬾᬗᬮᬫ᭄ᬳᬮᬫᬶᬦ᭄᭞ᬫᬲᬶᬄᬧᬲᬄᬩᬦ᭄ᬢᬶᬗ᭄ᬓᬄ᭟ᬳᬦ᭄ᬢᬸᬓ᭄ᬩᬳᬸᬫᬭᬢᭂᬫ᭄ᬩᬾᬓᬲᬶᬄ᭞ᬫ᭠
[᭓᭖ 36A]
ᬧᬸᬦᬶᬗᬦ᭄᭞ᬭᬭᬶᬲ᭄ᬓᬧ᭄ᬕᬢᬦ᭄᭞ᬤᬶᬫᭂᬂᬧᭂᬂᬭᬓᭂᬢ᭄ᬢᬺᬱ᭄ᬡᬵᬦᬾ᭞ᬲᬗ᭄ᬓᬦ᭄ᬫᬦ᭄ᬤᬤᬶᬩᬸᬤᬸᬄ᭞ᬕᬤᬓ᭄ᬳᬸᬬᬂᬦ᭄ᬤᬶᬧ᭄ᬢᭂᬧ᭄ᬗᬸᬢᬶᬧᬶᬢ᭄᭞ᬗᬭᬾᬫᭀᬦ᭄ᬧᬢᬶᬲᬵᬫ᭄ᬩᬢ᭄᭞ᬢᬦ᭄ᬫᬭᬶᬳᬶᬭᬢᬸ᭞ᬳᬚᬧ᭄ᬢᬶ᭠
ᬢ᭄ᬬᬂᬧ᭄ᬢᭂᬂᬮ᭄ᬫᬄ᭞ᬯᬦ᭄ᬢᬄᬳᬶᬤ᭄ᬟ᭞ᬢ᭄ᬓᭂᬓ᭄ᬫᬧᬸᬕᭂᬄᬤᬶᬳᬢᬶ᭞ᬓ᭄ᬮᬧ᭄ᬓᭂᬮᬧ᭄ᬤᬶᬫᬢ᭄ᬣ᭟ᬢ᭄ᬯᬭᬳ᭄ᬮᬾᬦᬾᬲᬳᬶᬓᬳᬧ᭄ᬢᬶ᭞ᬢ᭄ᬯᬄᬳᬶᬫᬶᬭᬄ᭞ᬲᬮᬓᬸᬲᬧᬭᬦ᭄᭞ᬮ᭄ᬯᬶᬄᬓᬵᬮᬤᬶᬫ᭄ᬤᭂᬫᬾ᭞ᬭᬲᬜᬳᬶ
ᬤ᭄ᬟᬭᬯᬸᬄ᭞ᬫᬗᬮᬬᬦᬶᬜ᭄ᬚᭀᬳᬶᬧᬮᬶᬂ᭞ᬩᬩᬂᬩᬗᬸᬦ᭄ᬗᬾᬗ᭄ᬕᬮᬂ᭞ᬲᬶᬂᬢᬍᬓ᭄ᬢᭂᬦ᭄ᬲᬸᬳᬸᬂ᭞ᬫᬦ᭄ᬤᬂᬳᬸᬗ᭄ᬓᬩ᭄ᬧ᭄ᬤᬲᬂᬲᬶᬜᬤᬶᬢᬸ᭞ᬕᬸᬲ᭄ᬢᬶᬫᬲ᭄ᬦᭂᬢᬦ᭄ᬜᬗᬶᬤ᭄᭞ᬓᬧᬸᬧᬸᬢᬜᬕᬯᬂ᭟ᬲᬶᬂᬗ
ᬭᬲᬾᬓ᭄ᬗᬋᬲᭂᬓ᭄ᬚᬕ᭄ᬚᬕᬶᬦ᭄᭞ᬓᬤᬾᬦ᭄ᬢᬶᬢ᭄ᬬᬂ᭞ᬭᬢᬸᬫᬲᬶᬮᬶᬬᬦ᭄᭞ᬗᭂᬗ᭄ᬓᭂᬩ᭄ᬗᭂᬗ᭄ᬓᭂᬩᬶᬦ᭄ᬧᬜ᭄ᬚᬓᬾ᭞ᬲᬳᬸᬧ᭄ᬲᬕᬾᬢ᭄ᬤᭀᬦ᭄ᬓᬬᬸ᭞ᬲᬫ᭄ᬩᭂᬄᬳ᭄ᬢᬸᬄᬲᬵᬫ᭄ᬩᭂᬳᬂᬳᬗᬶᬦ᭄᭞ᬮᬦ᭄ᬢᬲ᭄ᬓᬸᬢᬂᬳᭂᬦ᭄ᬢᬸᬗᬂ