[᭓᭔ 34B]
᭓᭔
ᬤᬶᬦ᭄ᬫᬦᬶᬗ᭄ᬕᬮ᭄ᬦᬵᬕᬭ᭞ᬦᬓᬬᬃᬢ᭄ᬓᭂᬲ᭄ᬓᬚᬯᬶ᭄ᬩᬬᬢᭀᬂᬤᬤᬶᬲᭂᬮ᭄ᬲᭂᬮᬂ᭞ᬯᬦ᭄ᬢᬄᬫᬸᬮᬢᬶᬢᬄᬳ᭄ᬬᬂᬯᬶᬥᬶ᭞ᬤᬶᬲ᭄ᬤᭂᬓ᭄ᬕᬸᬫᬶᬦᬾᬩᬯᬹᬃ᭞ᬧᬫᭂᬂᬧᭂᬂᬓᬮᬶᬬᬸᬕ᭞ᬤᬤᬓ᭄ᬱᬭ᭞ᬤᬶᬢᬸᬮᬸᬢ᭄ᬓᬢᬶᬢᬄᬢᬸᬫ᭄ᬩᬸᬄ
᭞ᬦᬸᬫᬤᬶᬤᬤᬶᬫᬦᬸᬱ᭞ᬦᬸᬘ᭄ᬦᬶᬓ᭄ᬫᬦᬦ᭄ᬤᬂᬲ᭄ᬤᬶᬄ᭟ᬓᬮᬂᬓ᭄ᬮᬶᬄᬓᬤᬸᬄᬓᬶᬢᬦ᭄᭞ᬢ᭄ᬯᬭᬦᬯᬂᬧᬶᬲ᭠ᬦ᭄ᬓᬾᬦᬼᬕᬦ᭄ᬳᬢᬶ᭞ᬳᬾᬗ᭄ᬕᬮᬦ᭄ᬦᭂᬧᬸᬓᬶᬦ᭄ᬓᬾᬬᬸᬄ᭞ᬩᬶᬮᬂᬤᬗ᭄ᬓᬫᬕ᭄ᬦᬄ᭞ᬫᬦᬸᬧ᭄ᬢᬸᬧᬂᬓ᭄ᬦᭂᬳᬾᬫᬗ᭄ᬤᬭᬳᬬᬸ᭞
ᬮᬗ᭄ᬕᭂᬂᬗ᭄ᬕᬶᬦᭂᬂᬲᬂᬳ᭄ᬬᬂᬲᬸᬓ᭄ᬱ᭄ᬫ᭞ᬲᬶᬜᬳᬤᬲ᭄ᬯᬾᬘᬦ᭄ᬯᬶᬥᬶ᭟ᬳᬶᬘᬧᬶᬢᬸᬮᬸᬂᬭᬶᬂᬢᬶᬢ᭄ᬬᬂ᭞ᬫᬜᬫ᭄ᬧᬸᬭᬤᬰᬶᬳᬾᬓᬲᬶᬳᬰᬶᬄ᭞ᬮᬫᬶᬲᬦ᭄ᬫᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬓᬩᬢᭂᬓ᭄ᬩᬦ᭄ᬧ᭄ᬭᬧᬜ᭄ᬘ᭞ᬫᬦᬄᬢᬶᬢ᭄ᬬᬂ᭠
ᬭᬓᭂᬢ᭄ᬫᬗᭂᬦᭂᬳᬂᬭᬢᬸ᭞ᬢᭀᬂᬤᬤᬶᬧᬘᬂᬲᬭᬸᬯᬂ᭞ᬯᬬᬲᬓᬶᬢᬾᬓᬧᬗ᭄ᬕᬶᬄ᭚᭜᭚ᬘᬩ᭄ᬖ᭄᭚ᬥᬸᬄᬫᬵᬲ᭄ᬫᬶᬭᬄᬓᬾᬕᬸᬲ᭄ᬢᬶᬫᬾᬮᬶᬂ᭞ᬢ᭄ᬓᬾᬦ᭄ᬢᬶᬢ᭄ᬬᬂ᭞ᬩᬦᬾᬫᬩ᭄ᬮᬲᬦ᭄᭞ᬚᭀᬄᬲᬯᬢ᭄
[᭓᭕ 35A]
ᬧᬕ᭄ᬦᬳᬦᬾ᭞ᬲ᭄ᬮᬢ᭄ᬲᬕᬭᬳᬕᬸᬂ᭞ᬬᬦ᭄ᬭᬲᬬᬂᬢᬶᬢ᭄ᬬᬂᬤᬶᬳᬢᬶ᭞ᬫᬾᬄᬲᬵᬫ᭄ᬧᬸᬦ᭄ᬕᬸᬲ᭄ᬢᬶᬳᭂᬗ᭄ᬲᬧ᭄᭞ᬫᬜ᭄ᬚᬓᬂᬳᬶᬗᬸᬤᬸᬄ᭞ᬲᬶᬜᬲᬸᬩᬳᬤᬓᬾᬫᬦ᭄᭞ᬳᬦᬓ᭄ᬩᬶᬱ᭞ᬫᬗᬸᬮᬦᬶᬦ᭄ᬓᬬᬸᬦ᭄ᬕᬸᬲ᭄ᬢᬶ᭞᭠
ᬗᬦᬓᬶᬦ᭄ᬤᬶᬧᬫᬺᬫᬦ᭄᭟ᬓᬤᬶᬢᬶᬢ᭄ᬬᬂᬕᬫᭂᬮ᭄ᬲᬶᬲᬦ᭄ᬫᬡᬶᬓ᭄᭞ᬗᬸᬦ᭄ᬢᭂᬂᬰ᭄ᬭᬸᬰ᭞ᬬᬤᬶᬦ᭄ᬫᬳᭂᬚᭀᬳᬩ᭄᭞ᬦᬸᬧᬶᬲᬦ᭄ᬭᬓᭂᬢ᭄ᬢᬺᬱ᭄ᬡᬦᬾ᭞ᬗᬯᬸᬮᬭᬶᬂᬳᬶᬭᬢᬸ᭞ᬢ᭄ᬯᬭᬮᬾᬦ᭄ᬯᬦ᭄ᬢᬄᬳᬶᬫᬡᬶᬓ᭄᭞ᬦᬾ
ᬫᬘᬦ᭄ᬢᬾᬮ᭄ᬤᬶᬫᬦᬄ᭞ᬮᬶᬮᬬᬂᬢᭀᬲᬭᬸ᭞ᬬᬤᬶᬦ᭄ᬓ᭄ᬚᬫᬳᬶᬦ᭄ᬤᭂᬗᬦ᭄᭞ᬜᬮᬶᬫᬸᬭᬂ᭞ᬲᬶᬂ᭠ᬤᬵᬤᬶᬮᬶᬧᬹᬃᬤᬶᬳᬢᬶ᭞ᬓᬤᬸᬂᬜᬸᬲᬸᬧ᭄ᬤᬶᬧ᭄ᬭᬡ᭟ᬢᬸᬗ᭄ᬕᬮ᭄ᬳᬶᬗᭂᬢ᭄ᬲᬗᭀᬲᬗᭀᬲ᭄ᬤᬶᬄ᭞ᬫᬧᬗᭂᬦ᭠
ᬦ᭄᭞ᬮᬗᬶᬢᬾᬢᬸᬗᬤᬄ᭞ᬤᬶᬫᬭᬲᬸᬃᬲᬹᬃᬬ᭄ᬬᬦᬾ᭞ᬲᬬᬜᬩᬸᬓᬤᬸᬤᬸᬢ᭄᭞ᬧᬶ᭠ᬥᬶᬧᬦᬾᬦ᭄ᬤᬳᬶᬫᬓ᭄ᬱᬮᬶᬂ᭞ᬧᬸᬋᬢ᭄ᬫᬧᬸᬋᬋᬢᬦ᭄᭞ᬦ᭄ᬕᬓ᭄ᬗᭂᬮᬸᬢ᭄ᬳᭂᬦ᭄ᬢᬸᬤ᭄᭞ᬍᬍᬄᬩ᭄ᬗᭀᬂᬩ᭄ᬗᭀᬂ
Kaca:Bali-lontar-gaguritan-tatuptupan-350ppi.pdf/35
Kaca puniki sampun kauji-wacén
