[᭓᭗ 37B]
᭓᭗
ᬗᬶᬫ᭄ᬩᬗᬶᬦ᭄ᬢᬶᬢ᭄ᬬᬂ᭟ᬦᬶᬓᬯᬦ᭄ᬢᬄᬲᬾᬯᬢᬄᬢᬶᬢ᭄ᬬᬂᬤᬶᬳᬢᬶ᭞ᬳᬸᬢᬸᬲᬦ᭄ᬳᬶᬫᬶᬭᬄ᭞ᬦ᭄ᬮᬶᬓᬶᬦ᭄ᬳᬶᬧᬸᬦ᭄ᬲᬂᬧᬮᬶᬂ᭞ᬩᬸᬤᬸᬄᬢ᭄ᬯᬭᬦᬯᬂᬳᬯᬓ᭄᭟ᬳᬶᬧᬸᬦ᭄ᬕᭂᬦᬄᬢᬶᬢ᭄ᬬᬂᬫᭀᬓᬲ᭄ᬗᬸᬢᬂᬫᬸᬜᬶ᭞ᬫᬦ᭄ᬤᬓᬧᬶ᭠
ᬤᬵᬃᬢ᭄ᬣ᭞ᬲᬫᬶᬓᬳᬢᬹᬃᬭᬶᬂᬕᬸᬲ᭄ᬢᬶ᭞ᬲᭀᬮᬄᬢᬶᬢ᭄ᬬᬗᬾᬲᬗ᭄ᬲᬭ᭚ᬲᬶ᭚ᬳᬶᬲᭂᬂᬢᬶᬢ᭄ᬬᬂᬤᬶᬧ᭄ᬤᭂᬫᬦ᭄᭞ᬗᬸᬭᬶᬢ᭄ᬗᬳᬾᬓᬶᬤᬸᬂᬓᬶᬤᬶᬓ᭄᭞ᬫᬸᬜᬶᬩᬮᬶᬢᭂᬫ᭄ᬩᬂᬲᬶᬦᭀᬫ᭄᭞ᬩᬶᬮᬶᬄᬲᬶᬜᬲᬶᬤ᭄ᬟ
ᬤᬤᬶ᭞ᬫᬳᬶᬦ᭄ᬤᬢᬗᬦ᭄ᬕᬶᬕᬶᬲ᭄᭞ᬧᬘᬂᬳᬗ᭄ᬕᬾᬦ᭄ᬢᬶᬢ᭄ᬬᬂᬳᬢᬹᬃ᭞ᬫᬦᬯᬶᬯᬾᬦ᭄ᬢᭂᬦ᭄ᬳᬦᬓ᭄᭞ᬳᭀᬮᬲ᭄ᬢᬶᬢᬶᬧᬶᬦ᭄ᬧᬸᬦᬶᬓᬶ᭞ᬫᬦ᭄ᬓᭂᬤᬂᬳᬢᬹᬃᬢᬶᬢ᭄ᬬᬂᬗᬾᬭᬶᬂᬳᬶᬤ᭄ᬟ᭟ᬧᬸᬦᬶᬓᬶᬭᬢᬸᬧᬶᬋᬗᬦ᭄᭞ᬳᬢᬹᬃᬢᬶᬢ᭄ᬬᬂ
ᬳᬶᬓᬲ᭄ᬬᬰᬶᬄ᭞ᬗᭀᬜᬂᬫᬸᬜᬶᬫᬗᬭᬾᬫᭀᬦ᭄᭞ᬳᬧᬂᬳᬶᬤ᭄ᬟᬓᬭᬶᬳᬶᬮᬶᬂ᭞ᬢ᭄ᬓᬾᬦ᭄ᬯᬘᬦᬲᬫᬶ᭞ᬩᬸᬓᬲᬗ᭄ᬕᬸᬧᬦᬾᬲᬵᬫ᭄ᬧᬸᬦ᭄᭞ᬢᭀᬦᬸᬲᬸᬗ᭄ᬓᭂᬫᬶᬦ᭄ᬢᬶᬢ᭄ᬬᬂ᭞ᬗᬸᬗ᭄ᬲᭂᬮᬂᬢᬶᬢ᭄ᬬᬂᬤᬶᬳᬢᬶ᭞
[᭓᭘ 38A]
ᬭᬾᬄᬦᬾᬫᬮᬸ᭞ᬲ᭄ᬫᬬᬦᬾᬲᬸᬩᬧᬰ᭄ᬘᬢ᭄᭟ᬧᬘᬂᬩᬋᬂᬓ᭄ᬮᬾᬫ᭄ᬮᬄ᭞ᬬᬤᬶᬦ᭄ᬫᬗ᭄ᬫᬲᬶᬦ᭄ᬫᬢᬶ᭞ᬲᬶᬂ᭠ᬲᬶᬂᬚᬮᬦ᭄ᬩᬶᬮᬂᬳᬗ᭄ᬕᭀᬦ᭄᭞ᬳᬶᬤ᭄ᬟᬲᬸᬓᬵᬫᬜᬋᬗᬶᬦ᭄᭞ᬫᬮᬄᬓᭂᬦ᭄ᬤᭂᬮ᭄ᬤᬶᬳᬢᬶ᭞ᬳ᭄ᬜᬾᬦ᭄ᬲᬶᬫᬤ
ᬧᬍᬲᬸ᭞ᬧᬬᬸᬓᬾᬦᬾᬓᭀᬕᬗᬦ᭄᭞ᬳᬫ᭄ᬩᬸᬮ᭄ᬫᬗᭂᬦ᭄ᬤᭂᬮᬂᬳᬗᬶᬦ᭄᭞ᬓᭂᬲ᭄ᬬᬃᬓᭂᬲ᭄ᬬᬸᬃ᭞ᬢ᭄ᬯᬭ᭠ᬢᬶᬦ᭄ᬤᬶᬄᬭᬶᬂᬳᬸᬩᬬ᭟ᬤᬶᬓᬵᬢ᭄ᬓᬦᬾᬫᬵᬲ᭄ᬫᬶᬭᬄ᭞ᬕᬸᬲ᭄ᬢᬶᬳ᭄ᬮᬲ᭄ᬫᬦᬶᬗ᭄ᬕᬮᬶᬦ᭄᭞ᬲᬶᬂᬤᬫᬕᭂᬳᬂᬧᬧᭂᬲᭀ
ᬦ᭄᭞ᬢ᭄ᬓᬫᬗ᭄ᬮᭀᬗᬶᬦ᭄ᬫᬸᬜᬶ᭞ᬤᬸᬭᬸᬲ᭄ᬢᬶᬢ᭄ᬬᬂᬦᬦ᭄ᬤᬶᬗᬶᬦ᭄᭞ᬦ᭄ᬤᬾᬯᬾᬓ᭄ᬓᬲᬗ᭄ᬲᬭᬦ᭄ᬳᬶᬩᬸᬓ᭄᭞ᬮᬸᬤᬶᬦ᭄ᬦᬶᬗ᭄ᬕᬮ᭄ᬦᬵᬕᬭ᭞ᬫᬮᬬᬃᬢ᭄ᬓᭂᬤ᭄ᬓᬚᬯᬶ᭞ᬓᬲᬓᬶᬢᬦ᭄ᬩ᭄ᬮᬲ᭄ᬢᭂᬦᬾᬦ᭄ᬜᬫ᭄ᬩ᭄ᬭᬬ᭟ᬩᬮᬶᬓᬜᬭ
ᬢᬸᬢᬶᬢ᭄ᬬᬂ᭞ᬦᬾᬚᬦᬶᬧᬘᬂᬫᬪᬓ᭄ᬢᬶ᭞ᬫᬢᬢᬧᬦ᭄ᬫᬕᬸᬕᬸᬭᭀᬦ᭄᭞ᬩᬶᬮᬂᬳᬮᬲ᭄ᬕᬸᬦᬸᬂᬲ᭄ᬧᬶ᭞ᬲᬶᬜᬵᬤ᭄ᬟᬲ᭄ᬯᬾᬘᬦ᭄ᬯᬶᬥᬶ᭞ᬜᬫ᭄ᬧᬸᬭᬵᬢᬶᬢ᭄ᬬᬂᬳᬶᬩᬸᬤᬸᬄ᭞ᬫᬮᬶᬄᬓᬧᬢᭂᬫ᭄ᬯᬂ᭞ᬢᬶᬢ᭄ᬬᬂᬭᬶᬂᬳᬶ᭠
Kaca:Bali-lontar-gaguritan-tatuptupan-350ppi.pdf/38
Kaca puniki sampun kauji-wacén
