[᭒᭑ 21B]
᭒᭑
ᬢ᭄ᬫᬄᬫᬦᬸᬱ᭟ᬱ᭄ᬬᬧᬭᬶᬓ᭞ᬦᭀᬭᬓᬓ᭄ᬦᬦ᭄ᬲᬭᬵᬕᬶ᭞ᬧᬡ᭄ᬟᬶᬢ᭄ᬣᬳᬲᬮᬄᬩ᭄ᬭᬢ᭄ᬣ᭟ᬧᬗ᭄ᬮᬶᬗ᭄ᬕᬦ᭄ᬭᬭᬲᬶᬂᬥ᭄ᬬᬄᬳᬭᬶ᭞ᬦᬶᬫᬶᬕ᭄ᬦ᭞ᬲᬧᬕᭂᬳᬶᬂᬩ᭄ᬭᬢ᭄ᬣ᭞ᬫᬦ᭄ᬤᬭᬾᬂᬯᬮᬗ᭄ᬭᬢᬦᬾ᭞ᬤᬕᬯᬵᬢᬺᬡ
ᬯᬶᬡ᭄ᬥᬸ᭞ᬓᬚᬳᬢᬶᬓᬂᬲᬫᬵᬥᬶ᭞ᬳᬢᬹᬃᬫᬗ᭄ᬓᬧᬗᬾᬭᬦ᭄᭞ᬳ᭄ᬬᬂᬦᬶᬂᬫᬱᬓᬵᬃᬢ᭄ᬣᬶᬓ᭞ᬳᬲᬭᬷᬭ᭞ᬳᬢ᭄ᬫᬄᬭᬵᬢ᭄ᬦᬬᬸᬯᬢᬶ᭞ᬧᬦ᭄ᬢᭂᬲ᭄ᬬᬦ᭄ᬮᬶᬦᬶᬗ᭄ᬕᬵᬳᬃᬘ᭄ᬘ᭟ᬧ᭄ᬭᬢᬶᬱ᭄ᬝ᭠
ᬭᬶᬫᬥ᭄ᬬᬫᬥ᭄ᬬᬦᬶᬂᬚᬶᬦᭂᬫ᭄ᬭᬶᬓ᭄᭞ᬲᭀᬧᬘᬵᬭ᭞ᬭᬲ᭄ᬨᬢᬶᬧᬶᬤᬸᬚ᭞ᬲᬾᬤᭂᬫ᭄ᬧᬢᬶᬳᬱ᭄ᬝ᭠ᬯᬦᬾ᭞ᬭᬶᬭᬸᬫ᭄ᬭᬸᬫ᭄ᬦᬶᬂᬧᬫᬘᬸᬄ᭞ᬯᬶᬚᬶᬮᬶᬂᬰ᭄ᬯᬭᬫᬫᬦᬶᬲ᭄᭞ᬲᬭᬭᬲ᭄ᬦᬶᬂᬳᬺᬤ᭄ᬟᬬ᭞ᬫᬓᬳᬲ᭄ᬢᬸᬧᬸᬗ᭄ᬓᬸ᭠
ᬳᬕᭂᬡ᭄ᬝᬋᬗᬶᬳᬶᬂᬥ᭄ᬬᬂ᭞ᬯᬯᬸᬓ᭄ᬦᬵ᭞ᬳᬧᬸᬱ᭄ᬧᬲᬸᬲᬸᬳᬭᬸᬧᬶᬢ᭄᭞ᬳᬤᬶᬧᬧᬫ᭄ᬭᬢ᭄ᬦᬶᬂᬲ᭄ᬫᬭ᭟ᬕᬦ᭄ᬤᬵᬫ᭄ᬭᬶᬢ᭄ᬯᬗᬶᬦᬶᬂᬧᬦ᭄ᬧᬶ᭞ᬮᬶᬦᬸᬓᬭᬦ᭄᭞ᬧᬶᬗᬾᬦᬶᬓᬂᬯᬚ᭞ᬫᬓᬯᬶᬚᬧᬫᬹᬚᬦᬾ᭞ᬮᬸ
[᭒᭒ 22A]
ᬭᬸᬦᬶᬂᬤ᭄ᬭᬶᬬᬳᬜᬸᬜᬹᬃ᭞ᬲᬶᬭᭀᬯᬶᬱ᭄ᬝᬬᬦᬶᬦᬵᬧ᭄ᬢᬶ᭞ᬭᭀᬲ᭄ᬦᬶᬂᬫᬥ᭄ᬬᬲᬾᬯᬵᬫ᭄ᬡᬵ᭞ᬳᬃᬚ᭄ᬚᬫᬾᬲᬶᬩᬜᬸ᭞ᬓᬧᬸᬢ᭄ᬭᬦᬶᬂᬳᬫᬺᬢ᭄ᬣ᭞ᬲᬸᬤᬂᬫᬦᬄ᭞ᬯ᭄ᬢᬸᬦᬶᬂᬳᬦᬗ᭄ᬕᬭᬢᬶᬄ᭞ᬳᬓᬭᭀᬦ᭄ᬢᭂᬗᬳᬶᬂᬧᬥ᭄ᬫ᭟
ᬧᬗᬲ᭄ᬢᬸᬮᬦᬶᬂᬓ᭄ᬦᬲᬭᬕᬶ᭞ᬲᬶᬭᬳᬸᬕ᭞ᬓᬲᬸᬫ᭄ᬩᬸᬗᬶᬂᬯᬃᬡ᭄ᬦ᭞ᬬᬦ᭄ᬦᬸᬮᬶᬓ᭄ᬦᭀᬭᬯᬤᬦᬾ᭞ᬧᬢᬶᬩ᭄ᬭᬢ᭄ᬣᬳᬦᬸᬮᬸᬲ᭄᭞ᬲᬓ᭄ᬱᬢ᭄ᬲᬂᬳ᭄ᬬᬂᬤᬾᬯᬶ᭞ᬧᭀᬓᬶᬭᬦᬶᬂᬯᬤᬡ᭞ᬳᬗᬶᬭᬂᬲᬶᬢᬗ᭄ᬰᬸ
᭞ᬳᬃᬚ᭄ᬚᬳᬶᬦ᭄ᬤ᭄ᬭᬦᬶᬂᬦᬸᬭᭀᬚ᭞ᬢᬸᬃᬳᬦᬸᬲᬃ᭞ᬳᬗᬲᭀᬃᬩᬶᬮᬸᬮᬸᬓᬸᬦᬶᬂ᭞ᬭᬸᬧᬶᬢ᭄ᬧᬫ᭄ᬮᬭᬶᬂᬥᬥ᭟ᬬᬦᬶᬂᬫᬾᬲᭂᬫ᭄ᬓᬤᬳᬦ᭄ᬭᬸᬫ᭄ᬦᬶᬂᬕᭂᬦ᭄ᬤᬶᬲ᭄᭞ᬭᭀᬲ᭄ᬦᬶᬂᬫᬤ᭄ᬬ᭞ᬳᬵᬃᬚ᭄ᬚᬕᬸᬫᬮᬸᬗ᭄ᬕᬂ᭞ᬓᬕᬶᬯᬂᬮᬸᬂᬦᬶᬂᬚᬗ᭄ᬕ
ᬦᬾ᭞ᬫᭂᬫ᭄ᬩᬢ᭄ᬳᬱ᭄ᬝᬮᬸᬫᭂᬗ᭄ᬕᬸᬂ᭞ᬳᬾᬭᬂᬭᬰ᭄ᬫᬶᬦᬶᬂᬕᬶᬦᬶᬜ᭄ᬚᬶᬂ᭞ᬧᬗᬕᭂᬫ᭄ᬦᬶᬂᬚᬭᬶᬚ᭄ᬬ᭞ᬳᬦ᭄ᬭᬂᬭᬸᬫ᭄ᬦᬶᬂᬩᬓᬸᬂ᭞ᬦᬦᬮ᭄ᬯᬶᬃᬫᬡᬶᬓ᭄ᬕᬶᬦᬶᬮᬧ᭄᭞ᬳᬵᬃᬚ᭄ᬚᬢᬶᬦ᭄ᬭᬧ᭄᭞ᬳᬲᭂᬲ᭄ᬭᬦ᭄ᬫᬡᬶᬓ᭄ᬯᬭᬶᬄ᭞ᬭᬲ᭄ᬨᬢᬶᬳᬦᬦ᭄ᬤᬂᬧᬬᬲ᭄᭞
Kaca:Bali-lontar-gaguritan-tatuptupan-350ppi.pdf/22
Kaca puniki sampun kauji-wacén
