[᭒᭐ 20B]
᭒᭐
ᬫ᭄ᬭᬶᬄᬢᬾᬚᬦᬶᬂᬯᬸᬮᬦ᭄᭞ᬮ᭄ᬯᬶᬃᬓᬸᬫ᭄ᬩᬂᬳᬗᬫ᭄ᬩᬸᬂ᭞ᬯᬗᬶᬦᬶᬂᬍᬗᭃᬘᬦ᭄ᬤᬦ᭞ᬤᬸᬄᬫᬵᬲ᭄ᬫᬶᬭᬄ᭞ᬢᬸᬮᬸᬲ᭄ᬳᬰᬶᬄᬢᬥ᭄ᬬᬄᬳᬭᬶ᭞ᬳᬫᬸᬯᬸᬲ᭄ᬫᬭᬯᬶᬕᬸᬡ᭟ᬯ᭄ᬬᬓ᭄ᬢᬶᬢᬦ᭄ᬓ᭄ᬦᬭᬶᬢᬥᬄᬕᬸᬮᬶᬂ᭞ᬭᬸᬓ᭄ᬱᬫᬯᬃ᭠
ᬧᬫ᭄ᬭᬢ᭄ᬦᬶᬂᬲᬭᬶᬫᬂᬳᬗ᭄ᬩᭂᬓᬶᬂᬳᬺᬤᬬᬦᬾ᭞ᬢᬦ᭄ᬓᭂᬦᬬᬦ᭄ᬳᬶᬦᬸᬓᬹᬃ᭞ᬳᬕᬸᬂᬲᬓᬰᬧᬺᬢ᭄ᬢᬶᬯᬶ᭞ᬮᬭᬢᬦ᭄ᬢᬶᬦᬫ᭄ᬩᬦᬦ᭄᭞ᬬᬦ᭄ᬢᬦ᭄ᬰᬶᬄᬲᬗᬭᬹᬫ᭄᭞ᬲᬭᬭᬲᬶᬂᬚ᭄ᬭᭀᬦᬶᬂᬢᬶᬮᬫ᭄᭞ᬮᬸᬯᬸᬂᬧ᭄ᬚᬄ᭞ᬲᬧᬤᬶᬓ᭠
ᬭᬶᬫᬳᬸᬭᬶᬧ᭄᭞ᬲᬳᬶᬢ᭄ᬬᬳᬦᬦ᭄ᬤᬂᬯᬶᬭᬂ᭟ᬬᬦ᭄ᬢᬦ᭄ᬳᬦᬰᬶᬄᬳᬶᬭᬥ᭄ᬬᬳᬭᬶ᭞ᬳᬢ᭄ᬫᬚᬶᬯ᭄ᬯ᭞᭠ᬫᬦᬄᬢᬵᬫ᭄ᬯᬶᬢ᭄ᬧᬶᬲᬦ᭄᭞ᬲᬢᬶᬩᬢᬶᬩᬧᬭᬦᬾ᭞ᬳᬦᬸᬢ᭄ᬮ᭄ᬯᬄᬧᬲᬶᬃᬕᬸᬦᬸᬂ᭞ᬲᬸᬦᭂᬢ᭄ᬚᬸᬭᬂᬧ᭄ᬭᬶᬗ᭄ᬕᬵᬢᬺᬩᬶ
ᬲ᭄᭞ᬳᬓᬭᭀᬦ᭄ᬮᬭᬳᬶᬭᬂ᭞ᬲᭀᬧᬦᬦᬶᬂᬮᬫ᭄ᬧᬸᬲ᭄᭞ᬢᬸᬫᬶᬮᬭᬶᬂᬰ᭄ᬯᬦᬵᬕᬭ᭞ᬓᬤᬂᬫᬶᬢᬺ᭞ᬢᬦ᭄ᬓᬾᬫᬸᬢᬶᬂᬬᬬᬄᬩᬶᬩᬶ᭞ᬢᬦ᭄ᬓᬾᬢᬸᬂᬳᬫᬸᬭᬂᬮᬫ᭄ᬧᬄ᭟ᬯᬸᬯᬸᬲᭂᬦ᭄ᬳᬗ᭄ᬤᬦᬶᬮᬭᬓᬶᬗ᭄ᬓᬶᬂᬲᬸᬲᬸ
[᭒᭑ 21A]
ᬳᬸᬦᬦ᭄᭞ᬳᬬᬸᬦ᭄ᬢᬵᬗ᭄ᬤᬾᬘᬹᬃᬡ᭄ᬦ᭞ᬧᬜᬸᬭᬶᬓ᭄ᬱᬶᬢ᭄ᬫᬬᬦᬾ᭞ᬳᬤᬄᬮᬦ᭄ᬤᭂᬧ᭄ᬦᬶᬦᬂᬳ᭄ᬭᬸ᭞ᬳᬓᬶᬮᬂᬫᬺᬤᬸᬦᬶᬂᬮᬶᬭᬶᬂ᭞ᬫᬼᬢᬸᬓ᭄ᬦᬶᬂᬭᭀᬫᬧᬜ᭄ᬚᬂ᭞ᬮ᭄ᬯᬶᬃᬫᬾᬕᬫᭂᬫ᭄ᬚᬯᬸᬄ᭞ᬩᬗ᭄ᬓᬶᬢ᭄ᬦᬶᬂᬮᬢᬶᬗᬢᬶᬭᬄ᭞ᬢᬺᬧ᭄ᬦᬶᬂᬯ
ᬚ᭞ᬓᬕᬶᬯᬂᬗ᭄ᬮᬭᬶᬂᬳᬮᬶ᭞ᬇᬫ᭄ᬧᬸᬂᬦᬶᬂᬕᬢ᭄ᬭᬕᬸᬫᬶᬯᬂ᭟ᬋᬗ᭄ᬓᬭᬦᬶᬂᬭᬕᬳᬗᬺᬦ᭄ᬥᭂᬧᬶ᭞ᬲᭂᬂᬦᬶᬂᬭᬶᬫᬂ᭞ᬯᬳᬸᬳᬓᬸᬢ᭄ᬯᬬᬄ᭞ᬮ᭄ᬯᬶᬃᬧᬸᬱ᭄ᬧᬲᬧᬂᬓᭂᬫ᭄ᬩᬗᬾ᭞ᬫᬶᬭᬶᬂᬳᬓ᭄ᬭᬸᬲ᭄ᬦᬵᬕᬦ᭄ᬢᬸᬦ᭄᭞ᬳᬋᬋᬩ᭄ᬲᬤ᭄ᬧ
ᬤ᭄ᬟᬗᬺᬗᬶᬄ᭞ᬲᬸᬫᬃᬭᬶᬭᬶᬲᬭᬶᬫᬂ᭞ᬓᬳᬗ᭄ᬓᭂᬦ᭄ᬩᬮᬩᬹᬃ᭞ᬓᬾᬮᬶᬳᬶᬓᬂᬢᬧᬩ᭄ᬭᬢ᭄ᬣ᭞ᬚᬧᬬᭀᬕ᭞ᬯᬫᬄᬦᬶᬂᬳᬬᬸᬦ᭄ᬢᬭᬭᬶ᭞ᬳᬫᬹᬃᬡ᭄ᬦᬳᬬᬸᬲᬚᬕᬢ᭄᭟ᬬᬦ᭄ᬯᬶᬤᬯ᭄ᬯᬂᬭᬰ᭄ᬫᬶᬦ᭄ᬢᬥ᭄ᬬᬄᬳᬭᬶ᭞ᬕ᭠
ᬧᭀᬧᬫ᭞ᬳᬦᬶᬃᬡ᭄ᬦᬓᬮᬗ᭄ᬯᬦ᭄᭞ᬢᬸᬦᬩᬸᬤ᭄ᬟᬶᬦᬶᬂᬓᬯᬶᬦᬾ᭞ᬬᬦ᭄ᬳᬧᬃᬡ᭄ᬦᬭᬶᬂᬳᬬᬸ᭞ᬫᬾᬄᬳᬲᬮᬄᬢᬦᬄᬲᬶᬗᬶ᭞ᬤᬾᬯᬢᬶᬳᬗᬶᬦ᭄ᬤᬭᬵᬢ᭄᭞ᬢᬦ᭄ᬧᬧᬥᬾᬂᬭᬸᬫ᭄ᬭᬸᬫ᭄᭞ᬫᬗ᭄ᬓᬾᬳ
Kaca:Bali-lontar-gaguritan-tatuptupan-350ppi.pdf/21
Kaca puniki sampun kauji-wacén
