[᭒᭒ 22B]
᭒᭒
ᬓᬾᬗ᭄ᬓᬡ᭄ᬧᬥᬸᬦᬶᬂᬯᬲ᭄ᬢ᭄ᬭᬗᭂᬦᬦᬶ᭞ᬯ᭄ᬢᬶᬲᬶᬓ᭞ᬳᬫᬸᬦᬓ᭄ᬥᬶᬦ᭄ᬤᬕ᭞ᬢᬦ᭄ᬧᬕᬲᬭᭀᬲ᭄ᬧᬸᬧᬸᬦᬾ᭞ᬢᬦ᭄ᬭᬓᬵᬲᬮᬸᬫᬓᬸ᭞ᬢᬸᬫᬶᬦ᭄ᬤᬓ᭄ᬲ᭄ᬫᬸᬳᬤᬶᬂᬗ᭄ᬤᬶᬂ᭞ᬧᬗᬶᬚᬸᬮ᭄ᬦᬶᬓᬂᬫᬥ᭄ᬬ᭞ᬲᬗ᭄ᬕᬯ᭄ᬬᬢ᭄ᬳᬗᬬᬸᬄ᭞ᬬᬬ᭠
ᬢᬦ᭄ᬧᬦᬫ᭄ᬧᬓᬼᬫᬄ᭞ᬲᬯᬂᬫᬸᬓ᭄ᬱᬄ᭞ᬭᬶᬭᬸᬫ᭄ᬭᬸᬫ᭄ᬦᬶᬂᬲᬵᬃᬯ᭄ᬯᬲᬵᬭᬷ᭞ᬓᬵᬮᬦᬶᬂᬫᬤᬓᬵᬃᬢ᭄ᬣᬶᬓ᭟ᬓᬵᬮᬦ᭄ᬢᬢᬩ᭄ᬭᬢ᭄ᬣᬰᬶᬯᬭᬢ᭄ᬭᬶ᭞ᬦᬦ᭄ᬤᬂᬲ᭄ᬯᬾᬢ᭄ᬣ᭞ᬳᬕᬡ᭄ᬟᬫ᭄ᬭᬶᬓ᭄ᬲᬸᬫᬸᬃ᭞ᬢᬦᬶᬯᬂᬳ᭄ᬬᬂᬦᬶᬂᬓᬾᬦ᭄ᬤ᭄ᬭᬦᬾ
᭞ᬫᭀᬓᭂᬮ᭄ᬳᬓᭂᬩ᭄ᬦᬶᬂᬕ᭄ᬮᬸᬂ᭞ᬰ᭄ᬭᬶᬦᬵᬣᬳᬢᬧ᭄ᬳᬯᬶᬮᬶᬲ᭄᭞ᬕ᭄ᬲᭂᬂᬦᬶᬂᬮᬗᬶᬗ᭄ᬕᬮᬸᬕ᭞ᬬᬬᬳᬶᬥᬸᬄᬫᬥᬸ᭞ᬯᬚᬳᬦ᭄ᬭᬂᬰ᭄ᬭᬶᬤᬦ᭄ᬢᬵ᭞ᬲᬶᬦᬸᬲᬸᬭᬦ᭄᭞ᬯ᭄ᬦᭂᬲ᭄ᬦᬶᬂᬯᬥᬦᬵᬲ᭄ᬧᬶ᭞ᬳᬦ᭄ᬭᬂᬳᬸᬮᬦ᭄ᬓᬭᬳᬶᬦᬦ᭄᭟
ᬮᬩᬸᬳᬶᬂᬩ᭄ᬭᬢ᭄ᬣᬭᬶᬗᬾᬜ᭄ᬚᬶᬂᬗᬾᬜ᭄ᬚᬶᬂ᭞ᬫᬗᬸᬦ᭄ᬭᬶᬫᬂ᭞ᬳᬦᬫᬸᬦ᭄ᬓᬗ᭄ᬮᬶᬳᬦ᭄᭞ᬧᬢᬦᬶᬧᬗᬸᬗᬗᬦᬾ᭞ᬢᬸᬫᬸᬗ᭄ᬓᬸᬮ᭄ᬳᬗ᭄ᬕᬍᬲᬸ᭞ᬢᬦ᭄ᬓᭀᬫ᭄ᬩᬭᬦ᭄ᬯ᭄ᬭᬦᬶᬂᬯᬾᬦᬶ᭞ᬳᬃᬚ᭄ᬚᬳᬦᬶᬍᬢ᭄ᬫᬥ᭄ᬬ᭞ᬲᭂᬂᬦᬶᬂᬲᭀ
[᭒᭓ 23A]
ᬘᬵᬭᬶᬸᬮᬸᬭᬸ᭞ᬲᭀᬃᬤᬮᬦᬶᬂᬦᬶᬮᭀᬢ᭄ᬨᬮ᭞ᬲᬃᬯ᭄ᬯᬵᬦᬸᬲᬃ᭞ᬮᬕ᭄ᬬᬵᬦᬯᬂᬦᬯᬂᬳᬓ᭄ᬱᬶ᭞᭠ᬲᭀᬃᬓᬶᬳᬢᬶᬂᬲᬾᬢ᭄ᬭᬫᬲ᭟ᬬᬤ᭄ᬬᬦ᭄ᬲᬢᬲ᭄ᬭᬭᬚ᭄ᬬᬳᬶᬦᬸᬮᬶᬓ᭄᭞ᬫᬲᬳᬦ᭞ᬓᬤᬶᬲᬶᬭᬢᬸᬯᬦ᭄
᭞ᬮᬶᬲ᭄ᬢ᭄ᬯᬬᬸᬢᬢᬵᬯᬃᬡ᭄ᬦᬦᬾ᭞ᬢᭀᬦ᭄ᬲᬂᬳᬗ᭄ᬕᬯᬾᬮᬸᬮᬸᬢ᭄᭞ᬬᬬᬫᬸᬓ᭄ᬱᬄᬳᬦᬾᬗᬓ᭄ᬱᬶ᭞ᬳᬦᬸᬓ᭄ᬱ᭄ᬫᬾᬂᬲᬓᬮᬗ᭄ᬯᬦ᭄᭞ᬋᬲ᭄ᬦᬶᬂᬧᬲᬶᬃᬕᬸᬦᬸᬂ᭞ᬭᬸᬫ᭄ᬭᬸᬫ᭄ᬦᬶᬂᬫᬲᬓᬵᬃᬢ᭄ᬣᬶᬓ᭞ᬥᬸᬄᬫᬵᬲ᭄ᬫᬶᬭᬄ᭞ᬧᬲᬜ᭄ᬘ
ᬬᬦᬶᬂᬲᬸᬭᬵᬰ᭄ᬫᬶᬦ᭄᭞ᬫᬦᬶᬲ᭄ᬢᬦᭀᬭᬓᭂᬦ᭄ᬳᬶᬮᬂ᭟ᬯᬃᬡ᭄ᬦᬃᬡ᭄ᬦᬳᬬᬸᬦ᭄ᬢᬳᬦᬾᬂᬓᬶᬢᬓᬶ᭞ᬚᬶᬦ᭄ᬩᬤᬦ᭄᭞ᬳᬶᬦᬸᬦ᭄ᬦᬶᬂᬳᬦᬶᬮ᭞ᬫᬃᬫ᭄ᬭᬶᬓ᭄ᬲᬸᬫᬶᬭᬶᬢ᭄ᬕᬡ᭄ᬟᬦᬾ᭞ᬓᬶᬦ᭄ᬜᬭᬦ᭄ᬲᬶᬢᬗ᭄ᬓᬸ᭞ᬫ᭄ᬯᬂᬳᬦᬾᬂᬐᬃᬕᬸᬮᭀᬫᬶᬗᬶᬂ
᭞ᬓᬶᬦᬸᬱᬭᬶᬂᬯ᭄ᬯᬾᬓᬸᬦ᭄ᬢ᭞ᬳᬲᬭᬳᬾᬃᬢ᭄ᬩᬸ᭞ᬭᬶᬦᬸᬩᬸᬗᬦᬶᬂᬩ᭄ᬭᬳ᭄ᬫᬭ᭞ᬲᬯᬂᬚᬗ᭄ᬕ᭞ᬫ᭄ᬭᬶᬓ᭄ᬲᬶᬦᬸᬓ᭄ᬱ᭄ᬫᬾᬂᬫᬮᬢᬶ᭞ᬳᬶᬗᬸᬩ᭄ᬕᬢᬓᬶᬤᬵᬧᬸᬭᬦ᭄᭟ᬤᬸᬄᬤ᭄ᬬᬄᬫᬹᬃᬢ᭄ᬢᬶᬦᬶᬂᬕᬶᬭᬶᬦ᭄ᬤ᭄ᬭᬧᬸᬢ᭄ᬭᬶ᭞ᬲᬂᬳ᭄ᬬᬂᬦᬶᬂᬳ᭄ᬬᬂ᭞᭠
Kaca:Bali-lontar-gaguritan-tatuptupan-350ppi.pdf/23
Kaca puniki sampun kauji-wacén
