[᭒᭐᭗ 207B]
᭒᭐᭗
ᬕᬲᬂᬭᬭᬶᬲ᭄ᬫᬜᬸᬭᬵᬢ᭄᭟ᬤᬶᬗ᭄ᬤᬂ᭚ᬢᬶᬢ᭄ᬬᬂᬧ᭄ᬭᬲᬗ᭄ᬖᬤᬾᬯᬵᬕᬸᬂ᭞ᬳᬶᬦᬩ᭄ᬮᬸᬘᬸᬳᬦ᭄ᬢᬸᬓ᭄ᬩ᭠ᬓ᭄ᬢᬶ᭞ᬗᬶᬬᭀᬳᬶᬬᭀᬘᭀᬓᭀᬃᬳᬶᬤᬾᬯᬤ᭄ᬯᬵᬕᬸᬂ᭞ᬫᬾᬭᬢᬸᬭᬢᬸᬦ᭄ᬢᬶᬢ᭄ᬬᬂᬤᬕᬶᬂᬲᬓᬤᬶᬫᬗ᭄ᬓᬶ
ᬦ᭄ᬢᬶᬢ᭄ᬬᬂᬫᬦ᭄ᬤᬯ᭄ᬕᬂᬭᬶᬂᬘᭀᬓᭀᬃᬳᬶᬤᬾᬯ᭄ᬯᬤᬾᬯᬕᬸᬂᬲ᭄ᬯᬾᬘᬘᭀᬓᭀᬃᬳᬶᬤᬾᬯᬫ᭠ᬍᬲ᭄ᬭᬶᬂᬕ᭄ᬮᬶᬲ᭄ᬫᬗ᭄ᬤᬢᬦ᭄ᬤᬤᭀᬲ᭄ᬢᬸᬦᬵᬧᬗ᭄ᬯᬗᬶᬦ᭄ᬢᬶᬢ᭄ᬬᬂᬗᬾᬭᬢᬸ᭟ᬲᬶ᭚ᬫᬾᬭᬢᬸᬦ᭄ᬢᬶᬢ᭄ᬬ᭠
ᬗᬾᬲᬬᬂ᭞ᬲᬬᬂᬲᬦ᭄ᬫᬓ᭄ᬮᭀᬫᬸᬮᬶᬄ᭞ᬢ᭄ᬓᬮᭀᬕᬲ᭄ᬗᬺᬧ᭄ᬚᬸᬫᬄ᭞ᬚ᭄ᬦᭂᬂᬢ᭄ᬯᬭᬳᬮᬂᬳᬾᬮᬶᬂ᭞ᬢᭀᬓ᭄ᬭᬡᬳ᭄ᬮᬲ᭄ᬕᬢᬶ᭞ᬢᬶᬢ᭄ᬬᬂᬧᬬᬸᬩᬸᬓᬳᬶᬫ᭄ᬧᬸᬲ᭄᭞ᬫᬭᬗᬦ᭄ᬢ᭄ᬬᬂᬫᬚᬮᬦ᭄᭞ᬫᬗᬮᬳᬶᬦ᭄ᬳᬶᬤ᭄ᬟᬫᬸᬮᬶᬄ᭞᭠
ᬫ᭄ᬭᬲᬮᬸᬮᬸᬄᬢᬶᬦ᭄ᬤᬓᬦᬾᬫᬲ᭄ᬮᬾᬲᭀᬯᬦ᭄᭟ᬢᭀᬕᬲᬂᬫᬲᬶᬄᬢᭀᬂᬕᬦ᭄ᬢᬲ᭄᭞ᬩᬸᬲ᭠ᬦ᭄ᬩᬸᬲᬦ᭄ᬢᭀᬮᬄᬢᭀᬮᬶᬄ᭞ᬭᬱᬳᬶᬤ᭄ᬟᬫᬓᬯᬸᬓᬦ᭄᭞ᬗᬸᬮᬧᬶᬦ᭄ᬫᬦᬕᬶᬄᬳᬦ᭄ᬢᬶ᭞ᬫᬭᬓᬶᬧᭂᬓᬶᬦ᭄ᬲᭂ
[᭒᭐᭘ 208A]
ᬧᬶ᭞ᬲᬸᬳᬸᬂᬓ᭄ᬦᭂᬄᬢ᭄ᬬᬗᬾᬲᬫᬸᬦ᭄᭞ᬳᬢ᭄ᬫᬦᬾᬢ᭄ᬯᬄᬫᬢᬶᬗ᭄ᬕᬮ᭄᭞ᬜᬸᬲᬸᬧ᭄ᬓᬭᬶᬓ᭄ᬘᬕ᭄ᬤᬶᬦᬶ᭞ᬫᬶᬭᬶᬩ᭄ᬕᬧᬸᬮ᭄ᬓᬸᬭᬸᬗᬦ᭄ᬤᭀᬕᬾᬦ᭄ᬗᬫᬸᬮ᭄ᬬᬂ᭟ᬢ᭄ᬓᭂᬤ᭄ᬚᬸᬫᬄᬩ᭄ᬕᭀᬂᬲᬯᬢ᭄᭞ᬲᬕᬾᬢ᭄ᬲᬸᬩᬵᬫ᭄ᬭᬲᬗᬶᬧᬶ᭞᭠
ᬧᬶᬦ᭄ᬤᬜᬳ᭄ᬦᬸᬤᬶᬚᬮᬦ᭄᭞ᬳᬤᬗᬦ᭄ᬤᭀᬂᬩᬦᬾᬩ᭄ᬜᬶᬕ᭄᭞ᬲᬼᬕᭂᬦ᭄ᬢᬶᬫᬚᭂᬗᬶᬦ᭄᭞ᬜ᭄ᬫᬓ᭄ᬦᬦ᭄ᬤᬦ᭄ᬧᬂᬤᬮᬩᬸᬄ᭞ᬲᬫ᭄ᬩᬶᬮ᭄ᬫᬓᬓ᭄ᬤᬾᬓᬦ᭄᭞ᬫᬗ᭄ᬭᬯᬶᬲ᭄ᬲᬮᬶᬂᬕᭀᬦᬓᬶᬦ᭄᭞ᬓᬦ᭄ᬢᬶᬦᬸᬯᬸᬲ᭄ᬕᬕᬸᬮᬶᬂᬳᬚ᭠
ᬦ᭄ᬫᬘ᭄ᬦ᭄ᬤ᭟ᬫᬭᬳᭂᬦ᭄ᬢᭂᬦ᭄ᬓᭂᬲ᭄ᬬᬩ᭄ᬩᬩᬂ᭞ᬩᬗᬸᬦ᭄ᬲᬬᬦ᭄ᬫᬶᬫ᭄ᬩᬸᬄᬧᬮᬶᬂ᭞ᬧᬼᬮᬯᬸᬢ᭄ᬫᬓᭂᬫ᭄ᬩᬭᬦ᭄᭞ᬧᬥ᭠ᬤᬸᬯᭂᬕ᭄ᬗᬮᬧ᭄ᬓᬲᬶᬄ᭞ᬫᬸᬮᬸᬢ᭄ᬫᬫᬸᬮᬶᬃᬓᬵᬧ᭄ᬢᬶ᭞ᬲᬗ᭄ᬓᬦ᭄ᬢ᭄ᬬᬂᬓᬾᬦᬾᬳᬶᬗᬸᬄ᭞ᬗᭂᬦᭂᬳᬂᬩᬬᬸᬳᬸᬲᬓ᭄᭞
ᬳᭀᬲᬄᬳᬸᬬᬂᬫᬗᬸᬢᬶᬧᬶᬢ᭄᭞ᬗ᭄ᬕᬶᬄᬓᬾᬢᬸᬮᬸᬂᬧᬍᬲ᭄ᬦᬶᬓᬶᬤᬅ᭄ᬗ᭄ᬯᬭᬬᬂ᭟ᬤᬂ᭚ᬥᬹᬄᬭᬢᬸᬲᬂᬳ᭄ᬬᬂᬳ᭄ᬬᬂᬦᬶᬂᬚᬮᬥᬶ᭞ᬢᬦ᭄ᬧᭀᬧᬫ᭄ᬫᬵ᭞ᬢᬦ᭄ᬳᬦᬧᬧᬝᬵᬮ᭄ᬯᬶᬃᬲᬗ᭄ᬳ᭄ᬬᬂᬭᬢᬶᬄᬮ᭄ᬯᬶᬳᬾ᭞ᬓ᭠
Kaca:Bali-lontar-gaguritan-tatuptupan-350ppi.pdf/208
Kaca puniki sampun kauji-wacén
