[᭒᭐᭘ 208B]
᭒᭐᭘
ᬯᭂᬲ᭄ᬯᬦ᭄ᬬᬢᬸᬫᬸᬯᬸᬄ᭞ᬯ᭄ᬬᬓ᭄ᬢᬶᬓᬲᭀᬩ᭄ᬢᬶᬢ᭄ᬬᬂᬫ᭄ᬬᬃᬱᬶ᭞ᬬᬦ᭄ᬗ᭄ᬯᬢ᭄ᬭᬶᬂᬓᬧ᭄ᬭᬚ᭄ᬜᬦᬦ᭄᭞ᬲᬂᬲᬸᬭᬾᬦ᭄ᬤ᭄ᬭᬦᬸᬭᬸᬦ᭄᭞ᬳᬫᬗᬸᬦ᭄ᬩ᭄ᬭᬦ᭄ᬢᬳᬗ᭄ᬲᬄ᭞ᬤᬶᬦᬭᬢ᭄ᬭ᭄ᬬᬵ᭞ᬢᬦ᭄ᬓᬶᬫᬸᬢᬶᬂᬬᬬᬄᬩᬶᬩᬶ᭞ᬢᬦ᭄ᬓᬾᬧᬸᬄᬲᬄᬭᬶᬂᬳᬸ
ᬗ᭄ᬕ᭄ᬯᬦ᭄᭟ᬦ᭄ᬤᬢᬦ᭄ᬲᬯᭀᬲᬄᬲᬢᬦ᭄ᬤᬶᬂ᭞ᬬᬦ᭄ᬭᬶᬂᬫᬦᬄ᭞ᬲᬧᬸᬦᬶᬓᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬢᬦ᭄ᬲᭂᬗ᭄ᬓᬵᬓᬬᬸᬦᬾ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬢ᭄ᬮᬳᬜ᭄ᬚᬸᬃ᭞ᬳᬧᬾᬢ᭄ᬤᬸᬫᬸᬦ᭄ᬲᬫᬗ᭄ᬤᬭᬤᬶᬦ᭄᭞ᬯᬶᬢ᭄ᬲᬧᬸᬦᬶᬓᬧᬶ
ᬲᬦ᭄᭞ᬫᬦᬄᬢᬶᬢ᭄ᬬᬂᬤ᭄ᬯᬵᬕᬸᬂ᭞ᬤᬸᬄᬲᬂᬳ᭄ᬬᬂᬳ᭄ᬬᬂᬦᬶᬂᬓᬮᬗ᭄ᬯᬦ᭄᭞ᬳᬲᬦ᭄ᬤᬶᬂᬫᬵᬦ᭄ᬫᬣᬳᬸᬗᬸ᭠ᬗᬸᬲᬄᬓᬤᬕ᭄ᬟᬶ᭞ᬢᬦ᭄ᬲᬯᭀᬲ᭄ᬲᬤᬶᬦᬵᬭᬢ᭄ᬭ᭄ᬬᬵ᭟ᬲᬦᬾᬫᬸᬗ᭄ᬕᬸᬄᬧᬶᬦᭂᬦ᭄ᬤᭂᬂᬫᬶᬂᬳᬢᬶ᭞
ᬦ᭄ᬯᭂᬤᬃ᭞ᬗᬶᬂᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬫᬗ᭄ᬤᬢᬶᬮᬶᬂᬧᬗᬶᬱ᭄ᬝᬶᬦᬾ᭞ᬬᬜ᭄ᬚᬢᬶᬲᬸᬚᬢᬶᬤ᭄ᬯᬵᬕᬸᬂ᭞ᬲᬦᬾᬫᬸᬗ᭄ᬕᬸᬄᬚ᭄ᬭᭀᬦᬶᬂᬋᬋᬧᬶ᭞ᬲᬶᬦᬵᬢᬓᬘ᭄ᬮᬸᬯᬕ᭄᭞ᬲᬵᬫ᭄ᬧᬸᬦ᭄ᬗᬃᬬ᭄ᬬᬳᬤᬹᬃ᭞ᬯᬦ᭄ᬢᬄᬫᬤᬹᬃᬕ᭄ᬕᬫ᭠
[᭒᭐᭙ 209A]
ᬤᬳᬢ᭄᭞ᬧᬕ᭄ᬦᬳᬦ᭄᭞ᬧᬸᬦᬶᬓᬢᬍᬃᬧᬶᬦᭂᬳᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬩ᭄ᬬᬬ᭟ᬲᬶ᭚ᬫᬶᬤ᭄ᬯᬵᬕᬸᬂᬢᬶᬢ᭄ᬬᬗᬾᬲᬬᬂ᭞ᬳᬫ᭄ᬧᬸᬭᬵᬢᬶᬢ᭄ᬬᬂᬳᬶᬫᬶᬲ᭄ᬓᬶᬦ᭄᭞ᬲᬓᬾᬯᬦ᭄ᬢᭂᬦ᭄ᬫᬺᬲᬶᬤ᭄ᬟ᭠
ᬬᬂ᭞ᬫᬫᬍᬲ᭄ᬲᬸᬭᬵᬢᬾᬫᬦᬶᬲ᭄᭞ᬍᬍᬄᬗ᭄ᬜᬕᬂᬳᬢᬸ᭞ᬲᭀᬃᬫᬦᬶᬲᬶᬂᬫᬥᬸᬚᬸᬭᬸᬄ᭞᭠ᬓᬓ᭄ᬘᬧ᭄ᬫᬦᬶᬲ᭄ᬕᭂᬢᬃ᭞ᬯᬦ᭄ᬢᬄᬫᬸᬮᬵᬢᬸᬓᬂᬓᬯᬶ᭞ᬯ᭄ᬬᬓ᭄ᬢᬶᬓᬲᬸᬩ᭄᭞ᬧᬾᬦ᭄ᬢᭂᬭᬶᬂᬧᬧ᭄ᬘᬄᬳᬓ᭄ᬱᬭᬵ᭠
᭚᭜᭚ᬧᬸᬦᬶᬓᬶᬮᭀᬦ᭄ᬢᬃᬢᬢᬸᬧ᭄ᬢᬸᬧᬦ᭄᭞ᬧᬯᬗᬸᬦ᭄ᬳᬦᬓ᭄ᬳᬕᬸᬂᬳᬶᬲ᭄ᬢ᭄ᬭᬶᬩ᭄ᬬᬂᬳᬕᬸᬂ᭞ᬭᬶᬂᬧᬸᬭᬶᬫᬥᬸᬭ᭞ᬳᬫ᭄ᬮᬵᬦᬵᬕᬦ᭄ᬢᬸᬦ᭄᭚ᬫᬮᬶᬄᬓᬲᬸᬭᬵᬢ᭄ᬳᬦ᭄ᬢᬸᬓ᭄ᬳᬶᬤ᭄ᬟᬩᬕᬸᬲ᭄ᬓᭂᬢᬸᬢ᭄ᬭ᭠
ᬳᬶ᭞ᬭᬶᬂᬕ᭄ᬭᬶᬬᬚᬸᬗᬸᬢᬦ᭄᭞ᬤᬾᬰᬩᬸᬗ᭄ᬳᬵᬬ᭄ᬬ᭟ᬓᬘᬫᬢᬦ᭄ᬩᬩᬦ᭄ᬤᭂᬫ᭄᭞ᬳᬫ᭄ᬮᬵᬧᬸᬭᬵ᭟ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬭᬳᬶᬦᬵ᭞ᬰᬸ᭞ᬧᬂ᭞ᬯᬭᬵᬲᬶᬦ᭄ᬢ᭞ᬇᬰᬓᬵ᭞᭑᭙᭑᭒᭚᭜᭚
Kaca:Bali-lontar-gaguritan-tatuptupan-350ppi.pdf/209
Kaca puniki sampun kauji-wacén
