[᭒᭐᭖ 206B]
᭒᭐᭖
ᬢᬫ᭞ᬫᬾᬄᬢ᭄ᬮᬲ᭄ᬓᬋᬕᭂᬧ᭄ᬲᬫᬶ᭟ᬢᭂᬫ᭄ᬧᬸᬳᬶᬂᬩᬩᬯᭀᬲ᭄ᬯᬶᬩᬸᬄ᭞ᬓᬾᬩᭂᬓ᭄ᬮ᭄ᬯᬶᬃᬲᬕᬭᬫᬹᬃᬢ᭄ᬢᬶ᭞ᬩᬢᭂᬓ᭄ᬳᬦ᭄ᬢᬸᬓ᭄ᬓᬳᬸᬢ᭄ᬲᬳᬦ᭄᭞ᬗᬸᬦᬶᬢᬬᬂᬲᬂᬳ᭄ᬬᬂᬳᬚᬶ᭞ᬳᬶᬦᬫᭂᬭᬶᬕ᭄ᬧᬓᬬᬸᬦᬦ᭄᭞ᬫᬳᬯᬦᬦ᭄ᬲᬶ
ᬤ᭄ᬟᬶᬫᬦ᭄ᬤᬶ᭟ᬳᬜ᭄ᬚᬦᬦ᭄ᬪᬝᬵᬭᬶᬳᬕᬸᬂ᭞ᬭᬾᬄᬲᬵᬫ᭄ᬧᬸᬦ᭄ᬫᭂᬦᭂᬃᬧᬢᬶᬢᬶᬲ᭄᭞ᬫᭂᬫ᭄ᬩᬦᬦᬸᬰ᭄ᬢ᭄ᬭᬳᬸᬢ᭄ᬢᬫ᭞ᬲᬾᬩᭂᬢ᭄ᬢᭂᬧᭂᬢ᭄ᬫᬫᬶᬦᭂᬳᬶᬦ᭄᭞ᬤ᭄ᬯᬵᬦᬶᬂᬤᬸᬭᬸᬲ᭄ᬲᬶᬤ᭄ᬟ᭄ᬬᬵᬚ᭄ᬜᬡ᭞ᬳᬗ᭄ᬕᬦ᭄ᬧᬮᬸᬗ᭄ᬕᬸᬄᬪᬵᬝᬵᬭᬶ᭟
ᬫᬾᬢᬦ᭄ᬲᬓᬾᬂᬢᬶᬢ᭄ᬬᬂᬭᬢᬸ᭞ᬗᬮ᭄ᬫᬸᬄᬮ᭄ᬫᬸᬳᬂᬘᬤᬶᬓ᭄᭞ᬧᬦ᭄ᬚᬢᬶᬲᬸᬚᬢᬶᬧᬶᬲᬦ᭄᭞ᬯᬦ᭄ᬢᬄᬧᬮᬸᬗ᭄ᬕᬸᬄᬪᬝᬵᬭᬶ᭞ᬤᬤᭀᬲ᭄ᬢᬸᬂᬢᬸᬂᬩᬸᬗ᭄ᬓᬳᬶᬂᬢ᭄ᬯᬲ᭄᭞ᬕᬸᬫᬼᬃᬫᬭᬶᬂᬚ᭄ᬭᭀᬳᬢᬶ᭟ᬢᬦ᭄ᬫᬭᬶᬢᬶᬢ᭄ᬬᬂᬤᬾᬯ᭄ᬯ
ᬕᬸᬂ᭞ᬗᬸᬢ᭄ᬧ᭄ᬢᬶᬗᬾᬱ᭄ᬝᬶᬗᬲ᭄ᬢᬸᬢᬶ᭞ᬗᬲ᭄ᬢᬯᬫᬗᬃᬘ᭄ᬘᬦᬬᬂ᭞ᬗᬶᬦᭂᬂᬫᬕᭂᬳᬂᬧᬢᬶᬢᬶᬲ᭄᭞ᬓᬸᬓᬸᬄᬮ᭄ᬯᬶᬃᬧᬸᬦᬂᬳᬘᬮᬵ᭞ᬢᬦ᭄ᬯᭂᬦᬂᬕᬶᬦᬸᬕᬄᬓᬸᬓᬶᬄ᭟᭐᭚ᬫᬾᬭᬢᬸᬲᬵᬫ᭄ᬧᬸᬭᬵᬢᬶᬢ᭄ᬬᬂ᭞ᬫᬵᬢᬹᬃ
[᭒᭐᭗ 207A]
ᬓᬤᬶᬗᬯᬯᭀᬦᬶᬦ᭄᭞ᬳᬸᬫᬸᬗ᭄ᬕᬸᬄᬭᬶᬂᬓᬶᬥᬸᬂᬲᬶᬦᭀᬫ᭄᭞ᬲᬯᬶᬭᬾᬄᬓᬶᬭᬗᬦ᭄ᬓᬭᬶ᭞ᬬᬦ᭄ᬓᬸᬤᬂᬓᬸᬤᬂᬘᬭᬶᬓ᭄᭞ᬢᬍᬃᬤᬸᬭᬸᬂᬕᬦ᭄ᬢᬲ᭄ᬧᬸᬧᬸᬢ᭄᭞ᬲᭀᬢᬦᬶᬂᬳᬤᬸᬂᬫᬢ᭄ᬯᬂ᭞ᬤᬯᭂᬕ᭄ᬧᬮᬸᬗ᭄ᬕᬸᬄᬪᬝᬵᬭᬶ
᭞ᬗᬸᬢᬸᬲ᭄ᬳᬶᬧᬶᬦ᭄ᬓᬯᬸᬮᬦ᭄ᬘᭀᬓᭀᬃᬳᬶᬤᬾᬯ᭄ᬯ᭟ᬤᬕᬶᬂᬦᬵᬫ᭄ᬧᬧᬯᬘᬡ᭞ᬲᬫᬗ᭄ᬤᬢᬶᬢ᭄ᬬᬂᬫᬦᬗ᭄ᬓᬶᬮ᭄᭞ᬯ᭄ᬬᬓ᭄ᬢᬶᬭᬢᬸᬬᬦ᭄ᬢᬦ᭄ᬳᬶᬤ᭄ᬟᬵ᭞ᬤᬯᬸᬄᬯᬘᬡᬗ᭄ᬲᬾᬗᬶᬦ᭄᭞ᬫᬾᬄᬩᭀᬬᬭᬯᬸᬄᬫ᭄ᬭᬶᬓᬶ᭞᭠
ᬭᬾᬄᬢᬶᬢ᭄ᬬᬂᬓᭂᬜ᭄ᬚᭂᬓᬦ᭄ᬧᬸᬭᬸᬄ᭞ᬢᬍᬃᬢᬶᬢ᭄ᬬᬂᬦᬸᬗ᭄ᬓᬲᬂ᭞ᬲᭀᬢᬦᬶᬂᬲᬭᬵᬢ᭄ᬫᬕᬸᬲ᭄ᬢᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᬭᬸᬧᬮᬗ᭄ᬖᬦᬵ᭟ᬫᬳᬯᬦᬦ᭄ᬭᬢᬸᬢᬶᬢ᭄ᬬᬂ᭞ᬳᬶᬦᬩ᭄ᬕᬕᬶᬲᭀᬦ᭄ᬫᬧᬫᬶᬢ᭄᭞ᬫᬧ᭠
ᬦᬶᬂᬫᬸᬮᬵᬧᬫᬦᬄ᭞ᬢᬶᬢ᭄ᬬᬗᬾᬢᬦ᭄ᬯᬾᬦ᭄ᬢᭂᬦ᭄ᬩᭂᬤᬶᬓ᭄᭞ᬭᬯᬸᬄᬚᬸᬫᬄᬫᬗ᭄ᬭᬭᬶᬲ᭄᭞ᬫᬦ᭄ᬢᬸᬓᬦ᭄ᬩᬩᬃᬕᭂᬩ᭄ᬬᬸᬕ᭄᭞ᬧ᭄ᬭᬫᬗ᭄ᬓᬶᬦ᭄ᬓᭂᬩᬸᬲ᭄ᬩᬳᬂ᭞ᬦᬗᬶᬂᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬫᬦ᭄ᬤᬸᬲ᭄᭞ᬦᭀ
Kaca:Bali-lontar-gaguritan-tatuptupan-350ppi.pdf/207
Kaca puniki sampun kauji-wacén
