Kaca:Bali-lontar-gaguritan-tatuptupan-350ppi.pdf/206

[᭒᭐᭕ 205B]
᭒᭐᭕
ᬓ᭄ᬢᬶᬲᬲᭀᬭᬶᬂᬳᬓᬱᬵ᭞ᬩᭀᬬᬯᬾᬦ᭄ᬢᭂᬦ᭄ᬧᬘᬂᬫᬫᬕᬸᬢ᭄᭟ᬜᬫᬾᬦ᭄ᬧᬮᬸᬗ᭄ᬕᬸᬄᬪᬝᬵᬭᬶᬳᬕᬸᬂᬲᬬᬂ᭞ᬲᬦ᭄ᬢᬲᬦ᭄ᬢᭀᬲᬦᬶᬂᬳ᭄ᬬᬸᬦ᭄᭞ᬗᬸᬗ᭄ᬕ᭄ᬯᬦᬶᬦ᭄ᬓᬲᬤᬸᬦ᭄᭞ᬲᬥᬸᬥᬃᬫ᭄ᬫᬦᬾᬓᬩ᭄ᬯᬢᬶᬦ᭄᭞ᬗ
ᬗ᭄ᬕᬾᬧᬧᬼᬗᬦ᭄᭞ᬫ᭄ᬩᭂᬗᬶᬦ᭄ᬲᬦᬾᬭᬳᬬᬸ᭞ᬭᬢᬸᬧᬢᬸᬢ᭄ᬧᬶᬲᬦ᭄᭞ᬬᬦ᭄ᬢᬶᬢ᭄ᬬᬂᬗᬫᬦᬳᬶᬦ᭄᭞ᬧᬧᬶᬦᭂᬄᬭᬗ᭄ᬓᬸᬂᬳᬸᬢ᭄ᬢᬫ᭞ᬓᬳᬸᬘᬧᬂᬤᬾᬯ᭄ᬯᬦᬶᬂᬧᬢᬸᬢ᭄᭟ᬩᭀᬬᬲᬓᬾᬂᬢᬶᬢ᭄ᬬᬂᬫᬸᬚᬶᬲᬵᬫ᭄ᬧᬸ
ᬦ᭄ᬧᬶᬲᬦ᭄᭞ᬧᬮᬸᬗ᭄ᬕᬸᬄᬪᬝᬵᬭ᭄ᬬᬵᬕᬸᬂ᭞ᬲᬦ᭄ᬤᬾᬬᬭᬶᬂᬓᬬᬸᬦ᭄᭞ᬫᬶᬦᭂᬄᬢᬶᬢ᭄ᬬᬂᬯᬶᬢ᭄ᬗᬫᬦᬶᬲ᭄᭞ᬫᬾᬭᬢᬸᬤᭀᬄᬧᬶᬲᬦ᭄᭞ᬦᬾᬦ᭄ᬢᭂᬦ᭄ᬲᬗ᭄ᬓᬦᬶᬧᬸᬦ᭄᭞ᬩᭀᬬᬚᬧᬸᬦᬶᬓ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂ᭠
ᬲᬸᬩᬓ᭄ᬢᬶ᭞ᬧᬶᬦᭂᬄᬫᬮᬶᬄᬳᬧᬶᬦᭂᬳᬦ᭄᭞ᬫᬗ᭄ᬤᬢ᭄ᬭᬂᬓᬦ᭄ᬢᭂᬦ᭄ᬤᬾᬯ᭄ᬯᬵᬕᬸᬂ᭟ᬬᬦ᭄ᬚᬢᬶᬓᬧᭀᬢᬦ᭄ᬚᬢᬶᬧᬶᬦᭂᬄᬧᬶᬲᬦ᭄᭞ᬫᬦᬄᬢᬶᬢ᭄ᬬᬗᬾᬭᬢᬸ᭞ᬢᬦ᭄ᬳᬤᭀᬄᬭᬶᬂᬓᬬᬸᬦ᭄᭞ᬫᬗᬺᬋᬄᬧᬳᬸᬮᬶᬄᬳᬸ
[᭒᭐᭖ 206A]
ᬮᬶᬄ᭞ᬗᬸᬮᬶᬃᬫᬺᬢ᭄ᬬᬓ᭄ᬱᬬᬂ᭞ᬧᬢᬸᬢ᭄ᬢᬦ᭄ᬧᬢᬸᬢᬾᬭᬢᬸ᭞ᬮᭀᬓᬶᬓᬵᬢᬢᬲᬂ᭞ᬲᬦᬾᬩᬓ᭄ᬢᬶᬢᬦ᭄ᬩᬓ᭄ᬢᬶ᭞ᬫᬓᬦ᭄ᬢᭂᬦ᭄ᬭᬶᬂᬧᬲᬂᬘᬶᬤᬺ᭞ᬕ᭄ᬦᬄᬗᬸᬧᬓ᭄ᬓᬓ᭄ᬮᬶᬭᬦᬶᬧᬸᬦ᭄᭟ᬤ᭄ᬯᬵᬦᬶᬂᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄ᬘ
ᬘᭂᬦ᭄ᬤᭂᬢᬦ᭄᭞ᬭᬾᬄᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬢᭂᬦᬸᬂ᭞ᬭᬶᬂᬳᬗᭂᬦ᭄ᬤᬾᬯ᭄ᬯᬵᬕᬸᬂ᭞ᬩᭀᬬᬧᬮᬸᬗ᭄ᬕᬸᬄᬪ᭠ᬝᬵᬭᬶ᭞ᬰ᭄ᬭᬶᬂᬫᬜᬶᬭᬶᬗᬂ᭞ᬭᬶᬂᬳᬡ᭄ᬝᬋᬤ᭄ᬟᬬᬭᬢᬸ᭞ᬭᬾᬄᬘᭀᬓᭀᬃᬳᬶᬤᬾᬯ᭞ᬲᬵᬓ᭄ᬱᬢ᭄ᬫᬳ
ᬗ᭄ᬕᬯᬶᬥᬶ᭞ᬫᬧᬗᬓ᭄ᬱᬶᬲᬹᬃᬬ᭄ᬬᬘᬦ᭄ᬤ᭄ᬭᬵ᭞ᬲᬵᬫ᭄ᬧᬸᬦ᭄ᬢᬢᬲ᭄ᬭᬶᬂᬳᬮᬳᬬᬸ᭟᭐᭚ᬕᬶᬦ᭠ᬦ᭄ᬢᬶᬕᬦ᭄ᬢᬶᬳᬸᬫᬸᬗ᭄ᬕᬸᬄ᭞ᬗᬸᬗ᭄ᬕᬸᬳᬂᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬳᬸᬫᬸᬗ᭄ᬕ᭄ᬯᬶᬂᬘᬶᬢᬺᬧ᭄ᬭᬮᬮᬫ᭄ᬩᬂ᭞ᬓᭂᬓᭂᬫ᭄ᬩᬂᬲᬵᬭᬷᬦ᭄ᬧᬗᬾ
ᬱ᭄ᬝᬶ᭞ᬩᭀᬬᬲᬶᬤ᭄ᬟᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬦᬧ᭄ᬲᬶᬃᬧᬮᬸᬗ᭄ᬕᬸᬄᬪᬝᬵᬭᬶ᭟ᬤ᭄ᬯᬵᬦᬶᬂᬳᬬᬸᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬲᬸᬲᬢ᭄ᬬᬧᬕᭂᬄᬲᬸᬓᬾᬃᬢ᭄ᬢᬶ᭞ᬦᬧᬓᬂᬮᬶᬂᬦᬶᬂᬰᬰᬡ᭞ᬦᬶᬢᬶᬧ᭄ᬭᬬᬫᬶᬦᬓᬵᬤᬶ᭞ᬢᬢ᭄ᬯᬢᬸᬢᬹᬃᬫᬳᬸ