[᭑᭘᭗ 187B]
᭑᭘᭗
ᬮᬤᬗᬂᬪᬝᬵᬭᬶᬤ᭄ᬯᬵᬕᬸᬂ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬫᬫ᭄ᬧᬸᬄᬜᬸᬭᬵᬢ᭄᭞ᬲᬓᬶᬢ᭄ᬭᬭᬓ᭄ᬱᬦᬾᬫᬶᬚᬶᬮ᭄᭟ᬳᬶᬗᬸᬄᬦᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬫᬦᬄ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬭᬢᬸᬲᬮᬶᬢ᭄ᬧᬦᬫ᭄ᬧᬶ᭞ᬫᬾᬭ
ᬢᬸᬦ᭄ᬢᬶᬢ᭄ᬬᬗᬾᬭᬭᬸ᭞ᬦᬫᬶᬭᬢᬸᬫᬯᬶᬦᬦ᭄᭞ᬤ᭄ᬯᬦᬶᬂᬫᬶᬦᭂᬄᬳᬗ᭄ᬕᬫᬗ᭄ᬮᬾᬤᬗᬂᬲᬸᬳᬸᬂ᭞ᬫᬾᬭᬢᬸᬗ᭄ᬕᬶᬄᬓᬾᬦ᭄ᬤᬶᬓᬬᬂ᭞ᬫᬗ᭄ᬤᬢᬶᬢ᭄ᬬᬂᬢ᭄ᬤᬲ᭄ᬳᬸᬦᬶᬂ᭟ᬭᬾᬄᬧᬋᬓᬦ᭄ᬳᬶᬦᬵᬫᬦᬄ᭞ᬫᬳ
ᬯᬦᬦ᭄ᬓᬾᬫᭂᬂᬫᬫᬦᬄᬫᬗ᭄ᬓᬶᬦ᭄᭞ᬯᬶᬭᬾᬄᬳᬶᬤ᭄ᬟᬵᬪᬝᬵᬭ᭄ᬬᬵᬕᬸᬂ᭞ᬧᬶᬤᭀᬭᬶᬂᬳᬢᬹᬃ᭠ᬢᬶᬢ᭄ᬬᬂ᭞ᬬᬾᬤᭀᬂᬗᬧᬸᬂᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂᬗᬾᬭᬢᬸ᭞ᬩᬄᬫᬦᬯᬶᬦᬾᬦ᭄ᬢᭂᬦ᭄ᬧᬶᬲᬦ᭄᭞ᬳ᭠
ᬗᬶᬦᬾᬭᬯᬸᬄᬫᬭᬶᬓᬶ᭟ᬲᬯᬶᬭᬾᬄᬢᬦ᭄ᬧᬳᬗ᭄ᬲᭂᬗᬦ᭄᭞ᬜᬩ᭄ᬭᬦ᭄ᬤᬶᬦᬵᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬸᬧ᭄ᬢᬶ᭞ᬗᬾᬱ᭄ᬝᬶᬳᬶᬤ᭄ᬟᬵᬳᬦᬓᬕᬸᬂ᭞ᬫᬓᬮᬶᬗ᭄ᬕᬦᬶᬂᬫᬦᬄ᭞ᬧᬦ᭄ᬲ᭄ᬯᬚᬢᬶᬫᬦᬄᬢᬶᬢ᭄ᬬᬗᬾ᭠
[᭑᭘᭘ 188A]
ᬦᬦ᭄ᬳᬕᬸᬂ᭞ᬲᬸᬰ᭄ᬭᬸᬲᬯᬶᬢ᭄ᬓᬸᬫᬳᬸᬮᬵ᭞ᬢᬦ᭄ᬫᬋᬦ᭄ᬩᬦ᭄ᬢᬶᬫᬕᬸᬲ᭄ᬢᬶ᭟ᬳᬫᬸᬂᬫᬦᬄᬤᬺᬤ᭄ᬟᬫᬢ᭄ᬯᬂ᭞ᬦᬾᬦ᭄ᬢᭂᬦ᭄ᬜᬦ᭄ᬤᬂᬚᬕᬫᬮᬶᬄᬗ᭄ᬕᬮᬶᬳᬶᬦ᭄᭞ᬢ᭄ᬭᬸᬲ᭄ᬫᬾᬢᬾᬮ᭄ᬓᬸᬮᬸᬧᬸᬳᬸᬦ᭄᭞ᬗᬸᬦ᭄ᬢᭂᬂᬚᬚ᭄ᬭᭀᬦᬶᬂᬫᬦᬄ
ᬲᬦᬾᬫᬗ᭄ᬓᬶᬦ᭄ᬮᬾᬤᬗᬗ᭄ᬕᬶᬄᬪᬝᬵᬭ᭄ᬬᬵᬕᬸᬂ᭞ᬳᬦ᭄ᬢᬸᬓ᭄ᬤᬸᬭᬸᬂᬫᬺᬲᬶᬤ᭄ᬟᬬᬂ᭞ᬢᬶᬢ᭄ᬬᬂᬫᬫᬋᬓ᭄ᬫ᭠ᬭᬶᬓᬶ᭟ᬬᬦ᭄ᬢᬦ᭄ᬓᬯᬦᬭᬦᬸᬱ᭞ᬫᬮᬶᬄᬧ᭄ᬢᬂᬭᬳᬶᬦᬵᬢᬶᬢ᭄ᬬᬂᬦᬗ᭄ᬓᬶᬮ᭄᭞ᬫᬋᬓ᭄ᬳᬶᬤ᭄ᬟᬵᬳᬦᬓᬕᬸᬂ᭞ᬫ
ᬗᬶᬭᬶᬂᬧᬓᬬᬸᬦᬦ᭄᭞ᬲᬓᬾᬯᬦ᭄ᬢᭂᬦ᭄ᬳᬶᬘᬾᬦᬶᬦ᭄ᬓᬾᬢᬫ᭄ᬩᬤᬸᬫᬸᬦ᭄᭞ᬫᬗ᭄ᬤᬾᬦᬾᬦ᭄ᬢᭂᬦ᭄ᬫᬮᬶᬄᬗᭂᬦ᭄ᬢᬄ᭞ᬫᬗ᭄ᬤᬾᬦᬾᬜᬶᬤ᭄ᬟᬬᬂᬦᬗ᭄ᬓᬶᬮ᭄᭟ᬲᬯᬶᬭᬾᬄᬤᬾᬯᬵᬕᬸᬂᬳᬶᬤ᭄ᬟ᭞ᬲᬶᬤ᭄ᬟᬶᬫᬦ᭄ᬤᬶᬗᬸᬱᬥᬾᬦ᭄ᬮ
ᬭᬳᬕ᭄ᬭᬶᬂ᭞ᬬᬤᬶᬦ᭄ᬯᬾᬦ᭄ᬢᭂᬦ᭄ᬩᬮ᭄ᬬᬦ᭄ᬓᬲᬸᬩ᭄᭞ᬳᬶᬗᬦ᭄ᬦᬾᬦ᭄ᬢᭂᬦ᭄ᬜᬶᬤ᭄ᬟᬬᬂ᭞ᬫᬦᬫ᭄ᬩᬦᬶᬦ᭄ᬲᭀ᭠ᬢᬦᬶᬂᬦᬾᬦ᭄ᬢᭂᬦ᭄ᬫᬕᬸᬭᬸ᭞ᬲᬯᬶᬭᬾᬄᬧᬦᬓᬶᬢ᭄ᬮᬸᬯᬲ᭄᭞ᬲᭂᬗ᭄ᬓᬧᬘᬂᬗᬸᬱᬥᬳᬶᬦ᭄᭟ᬲᬶ᭚
Kaca:Bali-lontar-gaguritan-tatuptupan-350ppi.pdf/188
Kaca puniki sampun kauji-wacén
