[᭑᭘᭖ 186B]
᭑᭘᭖
ᬫᬗ᭄ᬓᬶᬦ᭄ᬭᬢᬸ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬾᬗᬶᬦ᭄ᬭᬾᬱ᭞ᬧᬢᬸᬢ᭄ᬩᬗᭂᬢᬂᬢᬗᬭᬶᬦ᭄᭟ᬲᬳᬦ᭄ᬢᬸᬓ᭄ᬯᬾ᭠ᬦ᭄ᬢᭂᬦ᭄ᬧᬗᬃᬲᬦ᭄᭞ᬘᭀᬓᭀᬃᬳᬶᬤᬾᬯ᭄ᬯᬲᬵᬫ᭄ᬧᬸᬭᬬᬂᬳᬸᬕᬶ᭞ᬢᬦ᭄ᬲ᭄ᬓᬭᬾᬂᬢᬶᬢ᭄ᬬᬂᬭᬢᬸ᭞ᬫ᭠
ᬦᬸᬮᬓ᭄ᬧᬯᬘᬡ᭞ᬳᬶᬧᬸᬦ᭄ᬫᬸᬤᬧᬋᬓᬦ᭄ᬤ᭄ᬯᬾᬦᬾᬤᬾᬯᬵᬕᬸᬂ᭞ᬩᬸᬍᬄᬢᬦ᭄ᬯ᭄ᬭᬶᬂᬳᬸᬦᬤᬶᬓ᭞ᬓᬾᬄᬫᬓᬵᬃᬬ᭄ᬬᬳᬶᬯᬂᬢᬫ᭄ᬧᬶ᭟ᬫᬗ᭄ᬤᬲᬵᬫ᭄ᬧᬸᬦ᭄ᬲᬓᬶᬂᬢᬶᬢ᭄ᬬᬂ᭞ᬫᬜᭂᬧᬸᬗᬶᬦ᭄ᬮᬶᬗ᭄ᬕᬶᬄᬧ᭄ᬮᬸᬗ᭄ᬕᬸᬂᬄ
ᬪᬝᬵᬭᬶ᭞ᬧᬜᭂᬦ᭄ᬤᭂᬢ᭄ᬭᬢᬸᬤᬾᬯ᭄ᬯᬵᬕᬸᬂ᭞ᬲᬮᬾᬤᬂᬧᬓᬬᬸᬦᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬩᬗᭂᬢ᭄ᬲᬶᬲᬶᬧ᭄ᬢᬶᬢ᭄ᬬᬂᬤ᭄ᬯᬕᬸᬂ᭞ᬗᬶᬂᬢᬢ᭄ᬓᬮᬵᬦᬸᬚᬸᬮᬸᬗᬵ᭞ᬳᬢᬸᬭᬂᬢᬶᬢ᭄ᬬᬂᬫᬗᬶᬭᬶᬂ᭟ᬓᬯᬶᬢᬦ᭄᭚ᬭ᭠
ᬢᬸᬲᬂᬫᬓᬕ᭄ᬭᬦᬶᬂᬅᬓ᭄ᬱᬭᬓᬯᬸᬯᬸᬲ᭄᭞ᬧᬸᬦᬶᬂᬲᬕᬭᬳᬫᬹᬃᬢ᭄ᬢᬶᬯ᭄ᬬᬓ᭄ᬢᬶᬳᬸᬲ᭄ᬮᬸᬧᬸᬢ᭄ᬯᬶᬦᬸ᭠ᬯᬸᬲ᭄ᬳ᭄ᬬᬂᬲᬭᬰ᭄ᬯᬢᬶᬗᬸᬢ᭄ᬧ᭄ᬢᬶᬲᬲᭀᬭᬶᬂᬳᬓᬲᬓᬲᭀᬃ᭟ᬫᬯᬦᬦ᭄ᬢᬶᬢ᭄ᬬᬂᬯ᭄ᬬᬓ᭄ᬢᬶᬓᬲᭀ
[᭑᭘᭗ 187A]
ᬩ᭄ᬯᬳᬸᬗ᭄ᬭᬸᬗᬸᬓᬩᬃᬳᬗᬶᬦ᭄ᬗᬶᬂᬲ᭄ᬯᬚᬢᬶᬘᭀᬓᭀᬃᬳᬶᬤᬾᬯᬤᬾᬯᬵᬕᬸᬂᬓᭀᬘᬧ᭄ᬦᭂᬫ᭄ᬩᬂᬤ᭄ᬫᬸᬂᬲᬯᬶᬢ᭄ᬤᬸᬭᬸᬲ᭄ᬢᬶᬢ᭄ᬬᬂᬫᬗ᭄ᬮᬕᭀᬓᭀ᭟ᬗᬯᬶᬚᬶᬮᬂᬓᬤᬶᬭᬶᬬᬦ᭄ᬳᬓᬸᬤᬂᬓᬶᬤᬸᬂᬫᬚᬬᬾ
ᬦ᭄ᬤ᭄ᬭᬶᬬᬫᬦᬦ᭄ᬢ᭄ᬭᬶᬤᬸᬭᬸᬲ᭄ᬢᬶᬢ᭄ᬬᬂᬭᬢᬸᬤ᭄ᬯᬕᬸᬂᬓᬫᬢᭂᬗ᭄ᬕᭂᬦ᭄ᬫᬶᬭᬕᬶᬯᬶᬩᬸᬳᬶᬂᬓᬶᬤᬸᬂᬫᬩᬯᭀᬲ᭄᭞ᬫᬧᬦ᭄ᬢᬦ᭄ᬓᬶᬭᬂᬯ᭄ᬬᬓ᭄ᬢᬶᬓ᭄ᬘᬧ᭄ᬳᬚᬶᬢᬸᬢᬹᬃᬧᬦ᭄ᬩᬲᬶᬂᬳᬸᬢᬫ᭄ᬫᬍᬯᬶᬄᬲᬸᬭᬸᬧᬯᬶᬃᬬ᭄ᬬᬲᬸᬭᬤᬸ
ᬓᬾᬗᬶᬦ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄ᬢᬦ᭄ᬫᬋᬦ᭄ᬮᬸᬘᬸᬫᬗᬶᬬᭀ᭞ᬫᬗ᭄ᬤᬲᬯᬾᬘᬳᬸᬕᬶᬢᬶᬢ᭄ᬬᬂᬚᬢᬶᬫᬸᬭᬸᬓ᭄ᬗ᭄ᬭᬭᬶᬲ᭄ᬫᬋᬓᬦ᭄ᬳᬶᬭᬶᬓᬶᬲᬫᬗ᭄ᬤᬢᬶᬢ᭄ᬬᬂᬤᬾᬯᬵᬕᬸᬂᬓ᭄ᬭᬾᬢᬾᬲᬶᬦ᭄ᬲᬸᬕᬸᬦᬵᬓᬶ
ᬤᬶᬓ᭄ᬫᬗ᭄ᬤᬳᬸᬲᬶᬦ᭄ᬢᬶᬢ᭄ᬬᬂᬤᬸᬲᭀᬂ᭟ᬧᬂ᭚ᬫᬾᬭᬢᬸᬲᬵᬫ᭄ᬧᬸᬭᬢᬶᬢ᭄ᬬᬂ᭞ᬳᬦ᭄ᬢᬸ᭠ᬓ᭄ᬢᬶᬢ᭄ᬬᬂᬓᬤᬶᬳᬶᬦᬩ᭄ᬗᬲᬾᬧᬶᬦ᭄᭞ᬫᬗᬢᬸᬭᬂᬲᬸᬭᬵᬢ᭄ᬳᬢᬹᬃ᭞ᬯᬳᬸᬫᬗ᭄ᬓᬶᬦ᭄ᬜᬶᬤ᭄ᬟᬬᬂ᭞ᬲᬚᬯᬶᬦᬶᬂ
Kaca:Bali-lontar-gaguritan-tatuptupan-350ppi.pdf/187
Kaca puniki sampun kauji-wacén
