[᭑᭘᭕ 185B]
᭑᭘᭕
ᬫᬾᬭᬢᬸᬧᬸᬦᬧᬶᬢᬶᬢ᭄ᬬᬂ᭞ᬧ᭄ᬗᭂᬂᬧᬸᬭᬸᬄᬓᬮᬶᬄᬤᬲ᭄ᬮᬶᬫᬸᬄ᭟ᬫᬳᬯᬦᬦ᭄ᬓᬤᬶᬢᬸᬮᬓ᭄ᬧᬯᬘᬡ᭞ᬮᬗ᭄ᬖᬦᬵᬫᬶᬢ᭄ᬬᬂᬳᬢᬹᬃ᭞ᬫᬭᬸᬧᬢᬦ᭄ᬢᬸᬮᬸᬲ᭄᭞ᬩᬓ᭄ᬢᬶᬦ᭄ᬢᬶᬢ᭄ᬬᬗᬾᬦᬕᬸᬲ᭄ᬢᬶ᭞ᬦᬗᬶᬂᬬᬦ᭄ᬧᬫᬦᬄᬢᬶ
ᬢ᭄ᬬᬂᬗᬾᬫᬭᬗ᭄ᬓᬸᬂᬢ᭄ᬭᬸᬲ᭄᭞ᬢᭂᬭᬸᬲ᭄ᬢᬦ᭄ᬓᬧᬮᬂ᭞ᬢᬺᬱ᭄ᬡᬵᬩᬓ᭄ᬢᬶᬫᬕᬸᬲ᭄ᬢᬶ᭞ᬫᬭᬓᬶᬢ᭄ᬳᬦ᭄ᬢᬸᬓ᭄ᬲᬸᬰ᭄ᬭᬸᬲ᭞ᬦᬶᬃᬫ᭄ᬫᬮᬢᬦ᭄ᬓᬳᬦᬦᬼᬢᬸᬄ᭟ᬲᬶ᭚ᬫᬾᬭᬢᬸᬪᬝᬵᬭᬶᬦ᭄ᬢᬶᬢ᭄ᬬᬂ᭞ᬲᬂᬲᬵᬓ᭄ᬱᬢ᭄ᬳ᭄ᬬᬂᬦᬶᬭᬚ᭄ᬜ
ᬦᬶ᭞ᬲ᭄ᬓᬮᬫᬺᬣᬓᬵᬃᬱᬡ᭞ᬓᬫᬦ᭄ᬤᬮᬸᬲᬜ᭄ᬚᬶᬯᬦᬶ᭞ᬧᬳᬗ᭄ᬕᬬᬦ᭄ᬪᬝᬵᬭᬶ᭞ᬚᬦᬵᬦᬸᬭᬵᬕᬫᬦᬸᬮᬸᬲ᭄᭞ᬳᬲᬶᬳᬶᬂᬯᭀᬂᬓᬲ᭄ᬬᬵᬃᬱ᭞ᬯᬶᬤᬕ᭄ᬟᬫᬫᬸᬮᬸᬢ᭄ᬳᬰᬶᬄ᭞ᬜᬦ᭄ᬤᬂᬲᬸᬂᬲᬸᬂᬳᬗ᭄ᬕᭀᬦ᭄ᬕᬸᬲ᭄ᬢᬶᬧᬦᭂ
ᬫ᭄ᬩᬳᬦ᭄᭟ᬫᬾᬓᬧᭀᬢᬦ᭄ᬓᬢᬧᬓᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬃᬕ᭄ᬕᬶᬦᬶᬦ᭄᭞ᬲ᭄ᬯᬾᬘᬦ᭄ᬳ᭄ᬬᬸᬦ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬲᬵᬫ᭄ᬧᬸᬦ᭄ᬢᬦ᭄ᬓᭂᬦᬶᬫᬦᬳᬶᬦ᭄᭞ᬢ᭄ᬭᬸᬲ᭄ᬓᬢ᭄ᬓᬾᬂᬳᬢᬶ᭞ᬫᬫᬾᬢᬾᬮ᭄ᬓᬳᬸ᭠
[᭑᭘᭖ 186A]
ᬮᬸᬧᬸᬳᬸᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗ᭄ᬭᬱᬬᬂ᭞ᬓᬾᬯᬦ᭄ᬢᭂᬦ᭄ᬮᬾᬤᬗᬂᬳᬸᬕᬶ᭞ᬢᬶᬢ᭄ᬬᬂᬮᬘᬹᬃᬤ᭄ᬯᬦᬶᬂᬲᬭᬵᬢ᭄ᬳᬦ᭄ᬢᬸᬓ᭄ᬫᬦᬄ᭟ᬫᬾᬭᬢᬸᬮᬸᬫᬮᬦᬬᬂ᭞ᬲᬳᬶᬱ᭄ᬡᬸᬭᬶᬂᬚ᭄ᬭᭀᬦᬶᬂᬋᬤ᭄ᬟᬶ᭞ᬳᬶᬗᬦ᭄ᬦᬾᬦ᭄ᬢᭂᬦ᭄ᬓᬳᬢᬸᬭᬦ᭄᭞
ᬲ᭄ᬯᬾᬘᬦ᭄ᬧᬮᬸᬗ᭄ᬕᬸᬄᬪᬝᬵᬭᬶ᭞ᬲᬵᬫ᭄ᬧᬸᬦᬂᬫᬶᬦᭂᬄᬫᬮᬶᬄ᭞ᬲᬵᬢ᭄ᬫᬓᬓᬼᬫ᭄ᬓᬥᬦᬸ᭞ᬗᬸᬭᬸᬕᬶᬦ᭄ᬩᬂᬩᬂᬩ᭄ᬬᬲ᭄᭞ᬲᬧᬸᬦᬶᬓᬬᬦ᭄ᬳᬸᬧᬫᬶ᭞ᬫᬗ᭄ᬤᬘᭀᬓᭀᬃᬳᬶᬤᬾᬯ᭄ᬯᬗ᭄ᬮᬾᬤᬗᬂᬧᬶᬲᬦ᭄᭟ᬧᬂ᭚ᬧᬸᬦ
ᬧᬶᬭᬢᬸᬫᬵᬯᬶᬦᬦ᭄᭞ᬤ᭄ᬯᬦᬶᬂᬓᬤᬢ᭄ᬦᬾᬦ᭄ᬢᭂᬦ᭄ᬕᬦ᭄ᬢᬲ᭄ᬫᬍᬲᬶᬦ᭄᭞ᬲᬸᬭᬵᬢ᭄ᬳᬢᬹᬃᬢᬶᬢ᭄ᬬᬂᬭᬢᬸ᭞ᬦ᭠ᬯᭂᬦᬾᬦ᭄ᬢᭂᬦ᭄ᬓᬵᬢᬸᬭᬦ᭄᭞ᬜᬦ᭄ᬤᬂᬳᬚ᭄ᬭᬶᬄᬘᭀᬓᭀᬃᬳᬶᬤᬾᬯ᭄ᬯᬤᬾᬯ᭄ᬯᬵᬕᬸᬂ᭞ᬗᬶᬂᬢᬶᬢ᭄ᬬᬂᬫᬫᬢᬸ
ᬢ᭄ᬧᬶᬲᬦ᭄᭞ᬓᬤᭀᬬᬦ᭄ᬚᬕᬢᬸᬗ᭄ᬓᬲᬶᬦ᭄᭟ᬢᬍᬃᬭᬢᬸᬧᬮᬧᬦᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬫᬯᬦᬦ᭄ᬫᬳᭀᬩ᭄ᬢᬶᬦ᭄᭞ᬯᬦ᭄ᬢᬄᬢᬾᬢᬶᬢ᭄ᬬᬂᬤᬾᬯ᭄ᬯᬵᬕᬸᬂ᭞ᬲᬓᬾᬂᬢ᭄ᬭᬸᬲᬸᬰ᭄ᬭᬸᬲ᭞ᬳᬦ᭄ᬢᬸᬓ᭄ᬫᬲᬦ᭄ᬚᬕᬢ᭄ᬤᬸᬭ
Kaca:Bali-lontar-gaguritan-tatuptupan-350ppi.pdf/186
Kaca puniki sampun kauji-wacén
