[᭑᭘᭔ 184B]
᭑᭘᭔
ᬭᬶᬳᬕᬸᬂᬲᬬᬂ᭞ᬲᬬᬂᬧᬶᬲᬦ᭄ᬲᬬᬗᬦ᭄ᬢᭂᬓᬾᬦ᭄ᬳᬸᬭᬶᬧ᭄᭞ᬳᬸᬭᬶᬧ᭄ᬢᬶᬢ᭄ᬬᬗᬾᬤᬯ᭄ᬯᬕᬸᬂ᭞ᬫᬾᬭᬢᬸᬧᬦᭂᬫ᭄ᬩᬳᬦ᭄᭞ᬳᬾᬮᬶᬂᬳᬾᬮᬶᬂᬤᬅ᭄ᬮᬲ᭄ᬗ᭄ᬕᬶᬄᬳᬦᬓᬕᬸᬂ᭞ᬮᬕᬸᬢᬾᬗ᭄ᬮᬄᬓᬸᬫᭂᬦ᭄ᬤᬫ᭄᭞᭠
ᬜᭂᬦ᭄ᬫᬭᬢᬦ᭄ᬓᬧᬶᬂᬢᭀᬮᬶᬄ᭟ᬲᬵᬫ᭄ᬧᬸᬦᬂᬧᬶᬲᬦ᭄ᬓᬮᬾᬧ᭄ᬬᬦ᭄᭞ᬳᬶᬗᬸᬄᬧᬶᬲᬦ᭄ᬢᬶᬢ᭄ᬬᬂ᭠ᬧᬘᬂᬧᬸᬯᬶᬓᬶᬦ᭄᭞ᬓᬾᬯᬦ᭄ᬢᭂᬦ᭄ᬳᬶᬤ᭄ᬟᬤᬾᬯ᭄ᬯᬵᬕᬸᬂ᭞ᬲᬸᬤ᭄ᬟᬶᬩᬦ᭄ᬢᬲ᭄ᬦᬓᬾᬦᬂ᭞ᬲᬸᬓᬢ᭄ᬢ᭄ᬭᬸᬲ᭄ᬓᬮ᭄ᬕᬦ᭄ᬢᬶᬢ᭄ᬬᬂ
ᬗᬾᬤ᭄ᬯᬵᬕᬸᬂ᭞ᬭᬾᬄᬫᬸᬮᬵᬧᬗ᭄ᬕᬬᬦ᭄ᬲᬹᬓ᭄ᬱ᭄ᬫ᭞ᬫᬓᬮᬶᬗ᭄ᬕᬦᬶᬂᬚ᭄ᬭᭀᬳᬢᬶ᭟ᬧᬸᬦᬶᬓᬳᬯᬦᬦ᭄ᬢᬶᬢ᭄ᬬᬂ᭞ᬗᬸᬧ᭄ᬢᬶᬬᬂᬗᬾᬲ᭄ᬢᬶᬧ᭄ᬮᬸᬗ᭄ᬕᬸᬄᬪᭀᬝᬵᬭᬶ᭞ᬗᬃᬘᬡᬤᬶᬚ᭄ᬭᭀᬦᬶᬂᬢᬦᬸ᭞ᬗᬬᬧ᭄ᬩᬦ᭄ᬢᬲ᭄ᬭᬶᬂᬫᬦᬄ
᭞ᬳᬭᬄᬮᬘᬹᬃᬧᬢᬶᬢᬶᬲᬾᬢ᭄ᬓᬵᬜᬳᬸᬄ᭞ᬭᬾᬄᬫᬸᬍᬧᬗ᭄ᬓᬢ᭄ᬭᬶᬂᬩᬯᬅ᭄᭞ᬫᬜᬗ᭄ᬓᬼᬓ᭄ᬤᬶᬩᬸᬘᬸᬫᬵᬢᬶ᭟ᬤᬶᬓᬧᬦ᭄ᬧᬘᬂᬜᬶᬤ᭄ᬟᬬᬂ᭞ᬫᬦᬦ᭄ᬤᬶᬗᬶᬦ᭄ᬦᬾᬫᬯᬦ᭄ᬤᬭᬸᬩ᭄ᬲᬶ᭞ᬗᬲᭀᬭᬂᬕᬥᬸᬂ᭠
[᭑᭘᭕ 185A]
ᬓᬘᬸᬩᬸᬂ᭞ᬫᬯᬦᬦ᭄ᬭᬢᬸᬢᬶᬢ᭄ᬬᬂ᭞ᬲᬸᬓᬗᭂᬧᭂᬧ᭄ᬭᬾᬄᬘᭀᬓᭀᬃᬳᬶᬤᬾᬯ᭄ᬯᬤ᭄ᬯᬵᬕᬸᬂ᭞᭠ᬗ᭄ᬮᬄᬳᬸᬧᬲ᭄ᬲᬶᬗ᭄ᬳᬵᬭᬵᬚ᭞ᬲᬶᬭᬧᬸᬭᬸᬦ᭄ᬧᬘᬂᬢᬗ᭄ᬓᬶᬮ᭄᭟ᬓᬸ᭚ᬳᬭᬄᬳᬶᬗᬸᬄᬳᬶᬗᬸᬄᬢᭀᬂ
ᬤᬤᬶᬢᬸᬗ᭄ᬓᬲᬶᬦ᭄᭞ᬧᬍᬄᬧᬮᬶᬮᬬᬂ᭞ᬲᬸᬫᬗ᭄ᬓᬶᬦ᭄ᬳᬶᬥᭂᬧᬾᬧᬮᬶᬂ᭞ᬳᬶᬗᭂᬢ᭄ᬩᬦ᭄ᬮᬘᬸᬭᬾᬫ᭠ᬯᬓ᭄᭟ᬲᬬᬦ᭄ᬓᬗᭂᬦ᭄ᬓᬗᭂᬦ᭄ᬢᬶᬢ᭄ᬬᬗᬾᬢᬦ᭄ᬲᬶᬧᬶ᭞ᬦᬤᬓ᭄ᬳᬤ᭄ᬟᬳᬸᬧᬲ᭄᭞ᬫᬫᬸᬮᬸᬢ᭄ᬫᬫᬸᬮᬶᬃᬓᬵ᭠
ᬧ᭄ᬢᬶ᭞ᬲᬗ᭄ᬓᬅ᭄ᬜᬭᬸᬜᬭᬸᬲᬯᬢ᭄᭟ᬳᬭᬄᬤ᭄ᬧᬂᬲᬸᬩᬲᬸᬰ᭄ᬭᬸᬲᬧᬤᬶᬤᬶ᭞ᬦᬾᬘᬕᭂᬭᬂᬳ᭄ᬮᬲ᭄᭞ᬓᬧᬸᬢᭂᬃᬩᬦ᭄ᬟᬭᬸᬩ᭄ᬲᬶ᭞ᬳᬭᬸᬂᬓᬸᬤ᭄ᬬᬂᬧᬶᬦ᭄ᬓᬾᬦ᭄ᬓᬾᬦᬂ᭟᭐᭚ᬳᬢᬹᬃᬢᬶᬢ᭄ᬬᬂᬭᬢᬸᬭᬶᬂᬘᭀ
ᬓᭀᬃᬳᬶᬤᬾᬯ᭄ᬯ᭞ᬳᬸᬫᬸᬗ᭄ᬕᬸᬄᬫᬸᬗ᭄ᬕ᭄ᬯᬶᬂᬥ᭄ᬫᬸᬂ᭞ᬫᬾᬪᬝᬵᬭᬶᬳᬕᬸᬂ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬵᬢᬹᬃᬲᬶᬲᬶᬧ᭄᭞ᬦᬳᭂᬦ᭄ᬲᬲᬶᬲᬶᬧᬦ᭄᭞ᬧᬶᬂᬓᬮᬶᬄᬧᬶᬂᬢᬶᬕᬤ᭄ᬯᬵᬕᬸᬂ᭞ᬳᬦ᭄ᬢᬸᬓ᭄ᬜᬶᬤ᭄ᬟᬬᬂ᭞ᬢᬶᬢ᭄ᬬᬂᬗ᭄ᬭᬭᬶᬲ᭄ᬫᬗᬶᬭᬶᬂ
Kaca:Bali-lontar-gaguritan-tatuptupan-350ppi.pdf/185
Kaca puniki sampun kauji-wacén
