[᭑᭘᭓ 183B]
᭑᭘᭓
ᬦ᭄ᬳ᭄ᬬᬦᬾᬦ᭄ᬢᭂᬦ᭄ᬤᬕᬶᬗᬶᬦ᭄᭟ᬭᬭᬶᬲᬂᬭᬢᬸᬧᬸᬢᬶᬢᬸᬮᬸᬲ᭄᭞ᬳᭀᬃᬫ᭄ᬫᬢᬶᬦ᭄ᬲᬂᬳᬫᭂᬫ᭄ᬯᬶᬗᬶᬢ᭄᭞ᬳᬶᬘᬾᬦ᭄ᬢᬫ᭄ᬩᬦ᭄ᬓᬲᬸᬲ᭄ᬬᬳᬦ᭄᭞ᬳᬦ᭄ᬢᬸᬓ᭄ᬲᬸᬭᬵᬢ᭄ᬧᬗᬺᬋᬫᬶᬄ᭞ᬲᬓ᭄ᬱᬢ᭄ᬢᬶᬃᬢ᭄ᬣᬧᬗᭂᬦ᭄ᬢᬲᬦ᭄᭞ᬯᬘ
ᬦᬦᬾᬭᬶᬂᬧᬗᬯᬶ᭟ᬭᬾᬄᬘᭀᬓᭀᬃᬳᬶᬤᬾᬯ᭄ᬯᬤ᭄ᬯᬵᬕᬸᬂ᭞ᬲᬵᬫ᭄ᬧᬸᬦ᭄ᬮᬸᬧᬸᬢᬶᬂᬤᬸᬲ᭄ᬓᬺᬢᬶ᭞ᬳᬫ᭄ᬩᬸᬮ᭄ᬯᬶᬓᬸᬯᬾᬤ᭄ᬟᬧ᭄ᬭᬕ᭞ᬧᬜᬸᬧᬢᬦ᭄ᬮᬭᬯᬶᬗᬶᬢ᭄᭞ᬫᬯᬦᬦ᭄ᬲᬂᬓᬲᬸᬓ᭄ᬱ᭄ᬓᬦ᭄᭞ᬲᬶᬦᬄᬫᬗᬢᬸᬭᬂ᭠
ᬳᬸᬭᬶᬧ᭄᭟ᬲᬫᬗ᭄ᬤᬾᬯᬗ᭄ᬤᬾᬓᬮ᭄ᬩᬸ᭞ᬓᬋᬫᬶᬂᬲᬧ᭄ᬢᬵᬳᬯᬾᬘᬶ᭞ᬫᬾᬲ᭄ᬢᬶᬧᬘᬂᬫᬗ᭄ᬕᬶᬄᬰ᭄ᬯᬃᬕ᭄ᬕᬦ᭄᭞ᬰ᭄ᬯᬃᬕ᭄ᬕᬦᬾᬲᬦᬾᬳᬶᬭᬶᬓᬶ᭞ᬮᬾᬤᬗᬾᬫᬤᬾᬯᬾᬓ᭄ᬰ᭄ᬯᬃᬕ᭄ᬕᬦ᭄᭞ᬮ᭄ᬕᬦᬾᬤᬸᬓᬾᬫᬗᬶᬭᬶᬂ᭟
ᬧᬮᬸᬗ᭄ᬕᬸᬄᬪᬝᬵᬭᬶᬳᬕᬸᬂ᭞ᬲᬢ᭄ᬫᬗ᭄ᬕᬶᬄᬰ᭄ᬯᬃᬕ᭄ᬕᬵᬤᬶᬍᬯᬶᬄ᭞ᬘᭀᬓᭀᬃᬳᬶᬤᬾᬯ᭄ᬯᬭᬸᬫᬲ᭠ᬢ᭄᭟ᬢᬦ᭄ᬧᬾᬦ᭄ᬤᬄᬪᬝᬵᬭᬶᬰᬘᬶ᭞ᬜᬦ᭄ᬤᬂᬩᬸᬤᬸᬄᬓᬩᬸᬗᭂᬗᬦ᭄᭞ᬤᭀᬓ᭄ᬓᬬᬸᬦᬾᬧᬧᬲᬶ᭠
[᭑᭘᭔ 184A]
ᬳᬶᬦ᭄᭟ᬲᬳᬸᬧ᭄ᬓᬤᬾᬦᬂᬳᬶᬤ᭄ᬯᬵᬕᬸᬂ᭞ᬬᬦ᭄ᬢᬦ᭄ᬩᬲ᭄ᬫᬭᬗ᭄ᬓᬸᬂᬧᬮᬶᬂ᭞ᬩᬲ᭄ᬩᬗᭂᬢ᭄ᬗ᭄ᬮᬗ᭄ᬓᬃᬧ᭄ᬭᬾᬦ᭄ᬢᬄ᭞ᬧᬧᬃᬡ᭄ᬦᬦᬾᬜᬸᬗ᭄ᬲᬂᬕᬸᬘᬶ᭞ᬳᬭᬸᬄᬧᬫᬶᬢ᭄ᬢᬶᬢ᭄ᬬᬂᬫᬶᬦ᭄ᬤᬄ᭞ᬳᬭᬄᬩ᭄ᬮᭀᬩ᭄ᬮᬩ᭄ᬕᬢᬶᬕᬢᬶ᭟ᬩᬲ᭄ᬫᬦᬶᬲ᭄ᬮᭂ
ᬍᬄᬗ᭄ᬮᬮᬸᬜᬸᬄ᭞ᬓᬶᬫᬸᬤ᭄ᬢᬶᬢ᭄ᬬᬂᬫᬫᬶᬭᬕᬶ᭞ᬤ᭄ᬯᭂᬕ᭄ᬗᬺᬜ᭄ᬘᬦᬳ᭄ᬬᬦ᭄᭞ᬗᬶᬧᬶᬬᬂᬮᬸᬗ᭄ᬕᬸᬄᬪ᭠ᬝᬵᬭᬶ᭞ᬗᬶᬘᬾᬦ᭄ᬤᬾᬫ᭄ᬧᭀᬲᬲᭀᬗ᭄ᬓᬾᬢᬦ᭄᭞ᬫᬓᬧᬦᬸᬦ᭄ᬢᬸᬦ᭄ᬫᬫᬃᬕ᭄ᬕᬶ᭟ᬦᬶᬜ᭄ᬘᬧ᭄ᬯᬶᬱ᭄ᬡᬸᬮᭀ᭠
ᬓᬳᬭᬸᬄ᭞ᬰ᭄ᬯᬃᬕ᭄ᬕᬦᬾᬩᬲ᭄ᬫᬸᬤᬄᬕᬢᬶ᭞ᬫᬾᬭᬢᬸᬗ᭄ᬕᬶᬄᬚᬧᬶᬘᬬᬂ᭞ᬤᬾᬫ᭄ᬧᬾᬲᭀᬗ᭄ᬓᬾᬢᬾᬳᬲᬶᬓᬶ᭞ᬫᬗ᭄ᬤᬤᬸᬭᬸᬲ᭄ᬓᬰ᭄ᬯᬃᬕ᭄ᬕᬦ᭄᭞ᬭᬾᬄᬤᬾᬫ᭄ᬧᭀᬦᬾᬯᬶᬓᬸᬰᬓ᭄ᬢᬶ᭟ᬧᬭᬕᬬᬦ᭄ᬲᬂ᭠
ᬳ᭄ᬬᬂᬢᬸᬤᬸᬄ᭞ᬦᬸᬤᬸᬄᬫᬗ᭄ᬤᬫᬗ᭄ᬕᬶᬄᬩ᭄ᬘᬶᬓ᭄᭞ᬲᬶᬭᬧᬸᬭᬸᬦ᭄ᬫᬫᬜ᭄ᬘᬦᬵ᭞ᬬᬫᬩᬵᬮᬦᬾᬫᬜᬫ᭄ᬧᬶᬂ᭞ᬤᬾᬫ᭄ᬧᭀᬫᬯᬓ᭄ᬧᬜᬯᬬᬦ᭄᭞ᬲᬗ᭄ᬳ᭄ᬬᬂᬬᬫᬢ᭄ᬤᬲ᭄ᬓᬲᬶᬄ᭟ᬧᬂ᭚ᬫᬾᬪᬝᬵ
Kaca:Bali-lontar-gaguritan-tatuptupan-350ppi.pdf/184
Kaca puniki sampun kauji-wacén
