[᭑᭘᭘ 188B]
᭑᭘᭘
ᬫᬾᬭᬢᬸᬢᬶᬢ᭄ᬬᬂᬦᬯ᭄ᬕᬂ᭞ᬧᬍᬲᬶᬦ᭄ᬭᬢᬸᬧᬸᬦᬶᬓᬶ᭞ᬳᬢᬹᬃᬢᬶᬢ᭄ᬬᬂᬳᬶᬓᬮᬭᬦ᭄᭞ᬲᬫᬗ᭄ᬤᬵᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬦ᭄ᬭᬗᬶᬂᬭᬶᬂᬧᬗᬯᬶ᭞ᬫᬗ᭄ᬤᬢᬶᬢ᭄ᬬᬂᬳᬸᬲᬦ᭄ᬳᬶᬩᬸᬓ᭄᭞ᬬᬦ᭄ᬯᬦ᭄ᬢᬄᬭᬢᬸᬳᬶᬤ᭄ᬟ᭞ᬓᬭᬶ
ᬫᬢ᭄ᬭᬳᬮᬂᬳᬾᬮᬶᬂ᭞ᬲᬦᬾᬩᬾᬜ᭄ᬚᬂᬳᬶᬘᬾᬦ᭄ᬧᬗ᭄ᬯᬍᬲ᭄ᬧᬸᬦᬶᬓᬵ᭟ᬧᬂ᭚ᬫᬾ᭠ᬭᬢᬸᬦ᭄ᬢᬶᬢ᭄ᬬᬗᬾᬳᬶᬤ᭄ᬟ᭞ᬲᬶᬂᬫᬳᬗ᭄ᬕᬲ᭄ᬓᬮᬲᬂᬳ᭄ᬬᬂᬭᬢᬶᬄ᭞ᬧᬾᬦ᭄ᬢᭂᬃᬯᬶᬪᬸᬳᬶᬂᬧᬗᬯ᭄ᬭᬸᬄ᭞ᬳᬦᭀ
ᬦ᭄ᬓᬯᬶᬯᬶᬯᬾᬓ᭞ᬯᬶᬘᬓ᭄ᬱᬡᬚᬦᬦᬸᬭᬵᬕᬫᬦ᭄ᬭᬸᬲ᭄᭞ᬕᬸᬡᬫᬦ᭄ᬢᬬᬦ᭄ᬭᬶᬂᬧ᭄ᬭᬚ᭄ᬜᬵ᭞ᬲᬵᬓ᭄ᬱᬢ᭄ᬲᬗ᭄ᬳ᭄ᬬᬂᬲᬭᬰ᭄ᬯᬢᬶ᭟ᬓᬾᬩ᭄ᬓᬶᬂᬰᬲ᭄ᬢ᭄ᬭᬳᬸᬢ᭄ᬢᬫ᭄ᬫ᭞ᬧᬲ᭄ᬘᬢ᭄ᬫᬸᬮᬸᬢ᭄ᬜᭀᬮᬳᬂᬫᬗ᭄ᬤᬳᬰᬶᬄ
᭞ᬧᬦ᭄ᬲᬵᬫ᭄ᬧᬸᬦ᭄ᬯᬶᬪᬸᬳᬶᬂᬢᬸᬢᬹᬃ᭞ᬲᬯᬢᭂᬓ᭄ᬓᬥ᭄ᬬᬢ᭄ᬫᬶᬓᬦ᭄᭞ᬫᬳᬯᬦᬦ᭄ᬢᬦ᭄ᬓᬶᬭᬂᬩᬩᬯᭀᬲ᭄ᬮᭂᬗᬸᬢ᭄᭞ᬧᬸᬦᬶᬓᬫᬯᬦᬦ᭄ᬢᬶᬢ᭄ᬬᬂ᭞ᬫᬯᬸᬯᬸᬄᬩᬓ᭄ᬢᬶᬫᬕᬸᬲ᭄ᬢᬶ᭟ᬕᬶ᭚ᬗᬶᬂᬫᬳ
[᭑᭘᭙ 189A]
ᬯᬮᬬᬂᬭᬢᬸ᭞ᬳᬢᬹᬃᬢᬶᬢ᭄ᬬᬂᬳᬶᬓᬲ᭄ᬬᬰᬶᬄ᭞ᬤᬕᬶᬂᬓᬤᬶᬫᬺᬱᬗ᭄ᬕᬬᬂ᭞ᬗᬶᬬᭀᬧᬮᬸ᭠ᬗ᭄ᬕᬸᬄᬪᬝᬵᬭᬶ᭞ᬮᬸᬘᬸᬧᬫᬋᬓᬦ᭄ᬢᬶᬢ᭄ᬬᬂ᭞ᬗᬶᬬᬦ᭄ᬢᬦ᭄ᬫᬯᬦᬦ᭄ᬲᬶᬲᬶᬧ᭄᭟ᬢᬶᬢ᭄ᬬᬂᬫᬦᬯ᭄ᬕᬂᬭ᭠
ᬢᬸ᭞ᬗ᭄ᬮᬸᬗ᭄ᬲᬹᬃᬮᬾᬤᬂᬗ᭄ᬕᬶᬄᬪᬝᬵᬭᬶ᭞ᬤᬸᬭᬸᬲᬂᬭᬢᬸᬧᬶᬘᬬᬂ᭞ᬤ᭄ᬫᬸᬂᬳᬶᬩᬸᬭᭀᬦ᭄ᬓᬲ᭄ᬢᬸᬭᬶ᭞ᬢᬶ᭠ᬢ᭄ᬬᬂᬲᬵᬫ᭄ᬧᬸᬦ᭄ᬫᬼᬤ᭄ᬧᬶᬲᬦ᭄᭞ᬫᬫᬦᬄᬫᬗ᭄ᬤᬾᬳᬸᬦᬶᬂ᭟ᬲ᭄ᬫᬮᬶᬄᬢᬶᬢ᭄ᬬᬂᬤᬾᬯᬵᬕᬸᬂ᭞ᬗ᭄ᬮᬸ
ᬗ᭄ᬲᬹᬃᬕᬸᬗᬫ᭄ᬧᬸᬭᬳᬸᬕᬶ᭞ᬳᬦ᭄ᬢᬸᬓ᭄ᬳᬶᬩᬶᬭᬢᬸᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬲᬶᬤ᭄ᬟᬦ᭄ᬗᬶᬭᬶᬂ᭞ᬓᬤᬶᬤᬯᬸᬄᬧᬯᬘᬦᬵ᭞ᬢᬦ᭄ᬲᬓᬾᬂᬢᬶᬢ᭄ᬬᬂᬮᭀᬂᬩᬓ᭄ᬢᬶ᭟ᬮᬾᬤᬗᬂᬪᬝᬵᬭᬶᬳᬕᬸᬂ᭞ᬲᬵᬫ᭄ᬧᬸᬦ᭄ᬧᬶ᭠
ᬲᬦ᭄ᬭᬢᬸᬲᬮᬶᬢ᭄᭞ᬧᬗᬃᬱᬵᬭᬶᬂᬧ᭄ᬓᬬᬸᬦᬦ᭄᭞ᬫᬯᬦᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬯ᭄ᬗᬶᬭᬾᬄᬯᬾᬦ᭄ᬢᭂᬦ᭄ᬳᬸᬢᬸᬲᬦ᭄᭞ᬦᬶᬬᬂᬧᬮᬸᬗ᭄ᬕᬸᬄᬪᬝᬵᬭᬶ᭟ᬧᬂ᭚ᬫᬵᬯᬦᬦ᭄ᬢᬶᬢ᭄ᬬᬂᬜᬭᬢᬂ᭞ᬫ
Kaca:Bali-lontar-gaguritan-tatuptupan-350ppi.pdf/189
Kaca puniki sampun kauji-wacén
