[᭑᭖᭘ 168B]
᭑᭖᭘
ᬓᬵᬕᬸᬂ᭞ᬫᬗ᭄ᬕᬸᬄᬧᬶᬓᭀᬩᭂᬢ᭄ᬭᬳᬢ᭄᭞ᬫᬕᬯᬶᬦᬦ᭄ᬢᬶᬢ᭄ᬬᬂᬫ᭄ᬭᬲᬗ᭄ᬕᬬᬂᬳᬢᬹᬃ᭞ᬫᬧ᭠ᬦ᭄ᬤ᭄ᬯᬵᬕᬸᬂᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬬᬗᬦ᭄ᬢ᭄ᬓᬾᬦᬶᬂᬳᬸᬭᬶᬧ᭄᭟᭐᭚ᬫᬲ᭄ᬓᬸᬫᬫ᭄ᬩᬂᬩᬸᬭᬯᬸᬄᬚᬸ᭠
ᬫᬄᬫᬗ᭄ᬭᬭᬶᬲ᭄᭞ᬕᭂᬩ᭄ᬬᬸᬕ᭄ᬓᬧ᭄ᬤᭂᬫᬦ᭄᭞ᬭᬸᬫ᭄ᬩᬂᬫᬓᬫ᭄ᬩᬗᬦ᭄ᬧᬮᬶᬂ᭞ᬳᬶᬗᬸᬄᬢ᭄ᬯᬭᬓᬦ᭄ᬢᭂᬦ᭄ᬫᬦᬄ᭟ᬭᬢᬸᬢᬶᬢ᭄ᬬᬂᬳᬸᬓᬸᬄᬫᬫᬦᬄᬫᬓ᭄ᬫᬶᬢ᭄᭞ᬭᬭᬶᬲ᭄ᬭᬢᬸᬳᬶᬤ᭄ᬟ᭞ᬫᬭᬗ᭄ᬓᬸᬂᬯ᭄ᬓᬲ᭄ᬢᬦ᭄ᬲᬸᬤ᭄ᬟᬶ᭞
ᬤ᭄ᬯᬦᬶᬂᬯᬗ᭄ᬤᬾᬭᬢᬸᬢᬶᬢ᭄ᬬᬂ᭟ᬲᬓᬾᬯᬦ᭄ᬢᭂᬦ᭄ᬤ᭄ᬯᬵᬕᬸᬂᬗ᭄ᬕᬶᬄᬧᬍᬲᬶᬦ᭄ᬳᬸᬕᬶ᭞ᬳᬩᬸᬓᬸᬦ᭠ᬯ᭄ᬕᬂ᭞ᬫᬾᬭᬢᬸᬲᬵᬫ᭄ᬧᬸᬦ᭄ᬫᬸᬘᬶᬗᬶᬦ᭄᭞ᬳᬢᬹᬃᬢᬶᬢ᭄ᬬᬂᬳᬶᬓᬮᬭᬦ᭄᭟ᬧᬂ᭚ᬭᬢᬸᬩᬲ᭄ᬓ
ᬮ᭄ᬩᬶᬄᬧᬶᬲᬦ᭄᭞ᬯᬦ᭄ᬢᬄᬯ᭄ᬬᬓ᭄ᬢᬶᬢᬶᬢ᭄ᬬᬂᬓᬤᬢ᭄ᬜ᭄ᬚᬕ᭄ᬚᬕᬶᬦ᭄᭞ᬲᬵᬫ᭄ᬧᬸᬦ᭄ᬫᬶᬦᭂᬄᬢᬶᬢ᭄ᬬᬂᬭᬢᬸ᭞ᬫᬸᬗ᭄ᬕᭂᬮᬂᬓᬧᬶᬢᬺᬱ᭄ᬡᬦ᭄᭞ᬬᬓ᭄ᬢᬶᬭᬢᬸᬢᬶᬢ᭄ᬬᬂᬳᬸᬯᭀᬦ᭄ᬮᬸᬤᬶᬦ᭄ᬧᬸᬭᬸᬄ᭞ᬦᬾᬦ᭄ᬢᭂ᭠
[᭑᭖᭙ 169A]
ᬦ᭄ᬯᬾᬦ᭄ᬢᭂᬦ᭄ᬗᬦ᭄ᬲᬫᬢ᭄ᬭ᭞ᬫᬦᬄᬢᬶᬢ᭄ᬬᬂᬚᬕᬩᬸᬤ᭄ᬭᬶ᭟ᬢ᭄ᬓᬧᬧᬓ᭄ᬧᬧᬓ᭄ᬧᬃᬡ᭄ᬦ᭞ᬳᬭᬄᬮᬓᭀᬦ᭄ᬜᬶᬦᬸᬢᬂᬕᬢᬶᬕᬢᬶ᭞ᬯ᭄ᬓᬲ᭄ᬩᬚᬶᬕᬭᬾᬫᬸᬧᬸᬢ᭄᭞ᬤᬶᬓᬧᬦ᭄ᬭᬢᬸᬢᬶᬢ᭄ᬬᬂ᭞ᬧᬘᬂᬦ
ᬫ᭄ᬧᬶᬂᬤᬢ᭄ᬗᬦ᭄ᬫᬜ᭄ᬓᬸᬂᬢᬫ᭄ᬬᬸ᭞ᬓᬢᬸᬗ᭄ᬓᬸᬮ᭄ᬜᭂᬫᬾᬫᬫ᭄ᬭᬢ᭄᭞ᬭᬢᬸᬗ᭄ᬕᬶᬄᬳᬫ᭄ᬧᬸᬭᬳᬸᬕᬶ᭟᭐᭚ᬧᬗ᭄ᬓᬸᬃᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬂᬲ᭄ᬓᬮᬵᬲ᭄ᬫᬭᬧᬢ᭄ᬦᬶᬗᬸᬢ᭄ᬧ᭄ᬢᬶ᭞ᬳᬬᬸᬦᬾᬫᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬭᬢᬸᬧᬸ᭠
ᬦᬶᬓᬶᬢᬶᬢ᭄ᬬᬂ᭞ᬫᬗᬢᬸᬭᬂᬘᬫ᭄ᬧᬓᬵᬪᬝᬵᬭᬶᬳᬕᬸᬂ᭞ᬫᬤᬸᬮᬸᬃᬧᬸᬘᬸᬓ᭄ᬳᬸᬮᬓᬦ᭄᭞ᬭ᭠ᬢᬸᬲᬶᬦᬵᬫ᭄ᬧᬸᬭᬳᬸᬕᬶ᭟ᬫᬶᬯᬄᬲᬵᬦ᭄ᬤᬢ᭄ᬕᬕᭂᬫ᭄ᬧᭀᬮᬦ᭄᭞ᬲᬓᬾᬯᬦ᭄ᬢᭂᬦ᭄ᬲᬫᬢ᭄ᬭᬫᬓᬘᬶ
ᬭᬶ᭞ᬘᭀᬓᭀᬃᬳᬶᬤᬾᬯ᭄ᬯᬤᬾᬯ᭄ᬯᬵᬕᬸᬂ᭞ᬫᬧᬳᬶᬘᬭᬶᬂᬢᬶᬢ᭄ᬬᬂᬲᬦᬾᬳᬶᬩᬶᬧᬾᬦ᭄ᬤᬾᬃᬭᬗ᭄ᬓᬸᬂᬦᭀᬫᭂᬃᬲᬢᬸ᭞ᬧᬸᬦᬶᬓᬫᬯᬦᬦ᭄ᬢᬶᬢ᭄ᬬᬂ᭞ᬢᬦ᭄ᬫᬋᬦ᭄ᬩᬓ᭄ᬢᬶᬫᬕᬸᬲ᭄ᬢᬶ᭟ᬕᬶ᭚
Kaca:Bali-lontar-gaguritan-tatuptupan-350ppi.pdf/169
Kaca puniki sampun kauji-wacén
