[᭑᭖᭗ 167B]
᭑᭖᭗
ᬢ᭄ᬬᬓ᭄ᬱ᭞ᬢᬦ᭄ᬳᬦᬦᬗ᭄ᬲᬮ᭄ᬲᬯᬶᬚᬶ᭞ᬦ᭄ᬤᬦ᭄ᬳᬸᬫᬶᬦᬶᬓᬂᬲᬾᬯᬮ᭞ᬫᬃᬤ᭄ᬟᬯ᭄ᬯᬫᬺᬥᬸᬫᬫ᭠ᬦᬶᬲ᭄᭟ᬢᬶᬢ᭄ᬬᬂᬧ᭄ᬭᬲᬗ᭄ᬖᬤᬾᬯ᭄ᬯᬵᬕᬸᬂ᭞ᬫᬗ᭄ᬭᬸᬳᬸᬦᬂᬫᬵᬢᬹᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬳᬶᬤ᭄ᬟᬦᬾᬧᬦᬸ
ᬗ᭄ᬓᬦ᭄᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬶᬭᬕᬶ᭞ᬭᬢᬸᬢᬦ᭄ᬲᬓᬭᬾᬂᬢᬶᬢ᭄ᬬᬂ᭞ᬫᬸᬗ᭄ᬕᭂᬮᬂᬫᬦᬄ᭠ᬲᬸᬪᬓ᭄ᬢᬶ᭟᭐᭚ᬫᬲ᭄ᬓᬸᬫᬫ᭄ᬩᬂᬓᬳᬢᬹᬃᬭᬢᬸᬧᬸᬦᬶᬓᬶ᭞ᬘᬶᬳ᭄ᬦᬫᬜᬸᬳ᭄ᬦᬬᬂ᭞ᬢᬢ᭄ᬭᬗᬦ᭄ᬫᬦᬄ
ᬲᬸᬪᬓ᭄ᬢᬶ᭞ᬫᬓᬮᬶᬗ᭄ᬕᬦᬶᬂᬲᬸᬰ᭄ᬭᬸᬰ᭟ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬧᬢᬓᬾᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬳᬦ᭄ᬢᬸᬓ᭄ᬭᬢᬸᬢᬶᬢ᭄ᬬᬂ᭞ᬧᬦᬗ᭄ᬓᬯᭀᬦ᭄ᬧᬸᬭᬸᬄᬓᬶᬤᬶᬓ᭄᭞ᬦᬗ᭄ᬳᬶᬂᬭᬢᬸᬲᬵᬫ᭄ᬧᬸᬦ᭄ᬳᬶᬘᬮ᭄᭟ᬭᬸᬯᬢ᭄ᬳ᭠
ᬦ᭄ᬢᬸᬓ᭄ᬧᬯᬘᬡᬲᬶᬤ᭄ᬟᬶᬫᬦ᭄ᬤᬶ᭞ᬫᬯᬦᬦ᭄ᬫᬦᬕᬾᬩ᭄ᬭᬲ᭄᭞ᬲᬸᬭᬵᬢ᭄ᬳᬶᬤ᭄ᬟᬦᬾᬪᬝᬵᬭᬶ᭞ᬫᬗ᭄ᬕᬵᬤᭀᬓ᭄ᬢᭂᬃᬓ᭄ᬭᬸᬭᬵᬓᬭᬵ᭟᭐᭚ᬧᬗ᭄ᬓᬸᬃᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬢᬸᬢᬶᬢ᭄ᬬᬂᬗ᭄ᬮᬸᬗ᭄ᬲᬹᬃᬯᬘ
[᭑᭖᭘ 168A]
ᬦᬵᬓᬶᬤᬶᬓ᭄᭞ᬳᬦ᭄ᬢᬸᬓ᭄ᬳᬶᬤᬵᬦᬾᬤᬾᬯ᭄ᬯᬵᬕᬸᬂ᭞ᬜᬶᬋᬧ᭄ᬓᬤᬢ᭄ᬓᬳᭀᬤᬮ᭄᭞ᬤᬲ᭄ᬓᬲᬺᬩ᭄ᬢᬶᬢ᭄ᬬᬂᬩᬩᬃᬳᬗᬶᬦ᭄ᬭᬢᬸ᭞ᬓᬮᬶᬄᬜᭂᬫ᭄ᬲᬸᬯᬾᬫᬦ᭄ᬕᬓ᭄᭞ᬗᬦ᭄ᬢᭀᬲ᭄ᬧᬮᬸᬗ᭄ᬕᬸᬄᬪᬝᬵᬭᬶ᭟
ᬫᬦᬯᬶᬤᬾᬯ᭄ᬯᬵᬕᬸᬂᬳᬶᬤ᭄ᬟᬵ᭞ᬜ᭄ᬓᬸᬂᬢᬫ᭄ᬬᬸᬫᬯᬶᬦᬦᬼᬮᭂᬧ᭄ᬳᬭᬶᬲ᭄᭞ᬲᬶᬋᬧ᭄ᬳᬶᬤ᭄ᬟᬵᬦᬾᬤᬾᬯ᭄ᬯᬵᬕᬸᬂ᭞ᬫᬧᬦ᭄ᬯᬾᬦ᭄ᬢᭂᬦ᭄ᬫᬓᬤ᭄ᬟ᭞ᬧᬢᬸᬢ᭄ᬓᬤᬶᬓᬮᬾᬧ᭄ᬬᬦ᭄ᬪᬝᬵᬭᬶᬳᬕᬸᬂ᭞ᬲᭀᬢᬦᬶᬂᬦ
ᬫ᭄ᬧᬶᬂᬥᬢ᭄ᬗᬦ᭄᭞ᬳᬄᬜᬦ᭄ᬤᬂᬓᬍᬲᭀᬦ᭄ᬳᬭᬶᬧ᭄᭟ᬢᬍᬃᬢᬶᬢ᭄ᬬᬂᬫᬺᬲᬗ᭄ᬖᬬᬂ᭞ᬳᬶᬦᬩ᭄ᬮᬸ᭠ᬘᬸᬓᬳᬯᬢ᭄ᬳᬦ᭄ᬢᬸᬓ᭄ᬩᬓ᭄ᬢᬶ᭞ᬤᬕᬶᬂᬫᬫᬸᬗᬸᬯᬂᬳᬢᬹᬃ᭞ᬫᬓᬾᬮᬶᬂᬭᬢᬸᬳᬶᬤ᭄ᬟ᭞ᬳᬾᬮᬶᬂᬳᬾᬮᬶᬂ᭠
ᬲᬵᬫ᭄ᬧᬸᬦ᭄ᬩᬲ᭄ᬦᬸᬳᬸᬓᬂᬭᬢᬸ᭞ᬲᬯᬶᬭᬾᬄᬢᬫ᭄ᬬᬸᬧᬸᬦᬶᬓᬵ᭞ᬢᬦ᭄ᬯᬾᬦ᭄ᬢᭂᬦ᭄ᬲᬸᬯᬾᬳᬶᬭᬶᬓᬶ᭟ᬧᬸᬦᬶᬓᬫᬦᬳᬶᬦ᭄ᬢᬶᬢ᭄ᬬᬂ᭞ᬬᬦ᭄ᬓᬲᬶᬤ᭄ᬟᬦ᭄ᬦᬍᬃᬢᬸᬗ᭄ᬓᬲ᭄ᬢᬸᬗ᭄ᬓᬲᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬳᬦ
Kaca:Bali-lontar-gaguritan-tatuptupan-350ppi.pdf/168
Kaca puniki sampun kauji-wacén
