[᭑᭖᭙ 169B]
᭑᭖᭙
ᬫᬾᬭᬢᬸᬦ᭄ᬢᬶᬢ᭄ᬬᬗᬾᬭᬢᬸ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬵᬢᬹᬃᬲᬶᬲᬶᬧ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᭀᬮᬶᬄᬫᬕᬶᬸᬗᭂᬦᬄ᭞ᬳᬦ᭄ᬢᬸᬓ᭄ᬧᬮᬸᬗ᭄ᬕᬸᬄᬪᬝᬵᬭᬶ᭞ᬳᬶᬧᬶᬤᬦ᭄ᬧᬸᬮᬶᬄᬧᬦᬸᬗ᭄ᬓᬦ᭄᭞ᬓᬦ᭄ᬢᭀᬲ᭄ᬳᬘᬸ᭠
ᬫ᭄ᬓᬾᬭᬶᬲ᭄ᬕᭂᬲᬶᬢ᭄᭟ᬲᬧᬸᬦᬧᬶᬫᬗ᭄ᬓᬶᬦ᭄ᬤ᭄ᬯᬵᬕᬸᬂ᭞ᬧᬦᬸᬗ᭄ᬓᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬲᬵᬫ᭄ᬧᬸᬦ᭄ᬓᬾᬫᬤ᭄ᬯᬾᬲᭂᬗ᭄ᬕᬗᬦ᭄᭞ᬫᬾᬭᬢᬸᬢᬸᬗ᭄ᬓᬲᬂᬳᬸᬕᬶ᭞ᬲᬫᬗ᭄ᬤᬕ᭄ᬮᬶᬲ᭄ᬧᬓᬾᬦᬓ᭄᭞ᬳᬶᬩᬸᬓ᭄ᬢᬶᬢ᭄ᬬᬂᬗ
ᬫᬦᬳᬶᬦ᭄᭟ᬓᬸ᭞᭚ᬭᬢᬸᬢᬶᬢ᭄ᬬᬂᬗ᭄ᬮᬸᬗ᭄ᬲᬹᬃᬯᬘᬡᬳᬓᬶᬤᬶᬓ᭄᭞ᬤᭀᬓ᭄ᬢᭂᬃᬲ᭠ᬓᬶᬂᬤᬶᬚ᭞ᬗᬢᬸᬭᬂᬢᬫ᭄ᬩᬦᬫ᭄ᬩᬦᬶᬦ᭄᭞ᬧᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯ᭄ᬯ᭟ᬧᬍᬲ᭄ᬭᬢᬸᬳᬢᬹᬃᬢᬶ
ᬢ᭄ᬬᬗᬾᬧᬸᬦᬶᬓᬶ᭞ᬭᬢᬸᬫᬗ᭄ᬤᬢ᭄ᬭᬂ᭞ᬫᬦᬄᬢᬶᬢ᭄ᬬᬗᬾᬫᬶᬭᬕᬶ᭞ᬯᬘᬦᬦ᭄ᬘᭀᬓᭀᬃᬳᬶᬤᬾᬯ᭄ᬯᬵ᭟᭐᭚ᬧᬗ᭄ᬓᬹᬃᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬫᬜᬶᬳ᭄ᬦᬬᬂᬧ᭄ᬭᬘᬶᬳ᭄ᬦᬦᬶᬂᬲᬸᬩ᭠
[᭑᭗᭐ 170A]
ᬓ᭄ᬢᬶ᭞ᬩᬓ᭄ᬢᬶᬢᬦ᭄ᬓᬨᬮᬂᬢ᭄ᬭᬸᬲ᭄᭞ᬢ᭄ᬭᬸᬲ᭄ᬢᬦ᭄ᬓᬢᬍᬢᭂᬳᬦ᭄᭞ᬦᬾᬦ᭄ᬢᭂᬦ᭄ᬜᬦ᭄ᬤᬂᬕᬮᬶᬳᬶᬦ᭄ᬪᬝᬵᬭᬶᬳᬕᬸᬂ᭞ᬯ᭄ᬬᬓ᭄ᬢᬶᬢᬦ᭄ᬓᬭᬭᬩᬦ᭄᭞ᬯ᭄ᬢᬸᬲᬓᬶᬂᬦᬶᬃᬫ᭄ᬫᬮᬳ᭄ᬦᬶᬂ᭟ᬲᬸᬰ᭄ᬭᬸᬲᬦ᭄ᬧᬫᬦᬄᬢᬶᬢ᭄ᬬᬂ
᭞ᬓᬧᭀᬯᬾᬦ᭄ᬢᭂᬦ᭄ᬫᬯᬦᬦ᭄ᬦᬶᬲ᭄ᬲᬸᬪᬓ᭄ᬢᬶ᭞ᬳᬦ᭄ᬢᬸᬓ᭄ᬢᬶᬢ᭄ᬬᬗᬾᬤᬾᬯ᭄ᬯᬵᬕᬸᬂ᭞ᬧᬶᬦᬓᬶᬢ᭄ᬜᭂᬫ᭄ᬳᭂᬜᭂᬫᬦ᭄᭞ᬢᬦ᭄ᬲᬓᬭᬾᬂᬮᬗ᭄ᬕᬦᬵᬫ᭄ᬓᬤᬶᬮᬸᬘᬸ᭞ᬧᬘᬂᬦᬸᬮᬓ᭄ᬧᬯᬘᬦᬵ᭞ᬲ᭄ᬯᬚᬢᬶᬫ᭠
ᬤᬲᬃᬪᬓ᭄ᬢᬶ᭟ᬲᬵᬫ᭄ᬧᬸᬦ᭄ᬭᬢᬸᬢᬦ᭄ᬲᬸᬫᭂᬗ᭄ᬓᬵ᭞ᬫᬶᬦᬓᬵᬤᬶᬲᬸᬫᬦ᭄ᬤᬾᬬᬭᬶᬂᬋᬤ᭄ᬟᬶ᭞ᬫᬾᬭᬭᬸᬪᬝᬵᬭᬶᬳᬕᬸᬂ᭞ᬕᬫᭂᬮ᭄ᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬤᬸᬄᬤᬸᬫᬤᬓ᭄ᬫᬗ᭄ᬤᬢᬶᬢ᭄ᬬᬂᬲ᭄ᬕᭂᬃᬤ᭄ᬯᬵᬕᬸᬂ᭞ᬢᬶᬢ᭄ᬬᬂ᭠
ᬫᬶᬲᬤ᭄ᬬᬫᬗᭂᬦᬄ᭞ᬕᬸᬫᬦᬵᬧᬘᬂᬫᬓ᭄ᬫᬶᬢ᭄᭟ᬲᬦᬾᬫᬗ᭄ᬓᬶᬦ᭄ᬭᬢᬸᬢᬶᬢ᭄ᬬᬂ᭞ᬓᬭᬶᬧᬶ᭠ᬲᬦ᭄ᬓ᭄ᬭᬜ᭄ᬚᬶᬗᬦ᭄ᬲᬸᬗ᭄ᬰᬂᬘᬭᬶᬓ᭄᭞ᬦ᭄ᬕᬓ᭄ᬦ᭄ᬕᬓ᭄ᬫ᭄ᬭᬲᬮᬶᬫᬸᬄ᭞ᬧᬸᬦᬶᬓᬫᬳᬯᬦᬦ᭄᭞ᬢᬶᬢ᭄ᬬᬂᬗᬚ᭄ᬭᬶᬄ
Kaca:Bali-lontar-gaguritan-tatuptupan-350ppi.pdf/170
Kaca puniki sampun kauji-wacén
