[᭑᭖᭒ 162B]
᭑᭖᭒
ᬦ᭄ᬢᭂᬦ᭄ᬳᭂᬜᬔᬶᬦᬸᬦᬶᬗᬶᬭᬶᬂᬫ᭄ᬭᬶᬓᬶ᭞ᬭᬾᬄᬫᬦᬳᬂᬢᬶᬢ᭄ᬬᬂᬤ᭄ᬯᬵᬕᬸᬂ᭞ᬚᬕᬳᬚ᭄ᬮᬧ᭄ᬚᬧᬦ᭄᭞ᬦᬶ᭠ᬓᬲᬗ᭄ᬓᬅ᭄ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬳᭂᬜᬓ᭄ᬤ᭄ᬯᬵᬕᬸᬂ᭞ᬚᬕᬶᬗᬸᬤ᭄ᬬᬂᬳᬮᬫ᭄ᬳᬮᬫ᭄᭞ᬯᬾᬦ᭄ᬢᭂᬦᬦ᭄ᬲᬾᬧᬶᬤ
ᬦ᭄ᬳᬶᬗ᭄ᬕᬶᬄ᭟ᬕᬶ᭚ᬫᬶᬭᬢᬸᬪᬝᬵᬭᬶᬳᬕᬸᬂ᭞ᬲᬵᬫ᭄ᬧᬸᬦᬂᬫᭂᬗ᭄ᬕᬄᬭᬢᬸᬗ᭄ᬕᬶᬄ᭞ᬳᬦ᭄ᬢᬸᬓ᭄ᬢ᭠ᬦ᭄ᬯᬾᬦ᭄ᬢᭂᬦ᭄ᬜᬶᬤᬬᬂ᭞ᬢᬶᬢ᭄ᬬᬂᬫᬫᬋᬓ᭄ᬫᬭᬶᬓᬶ᭞ᬦᬯ᭄ᬕᬳᬂᬳᬫ᭄ᬧᬸᬭᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬳᬶᬯᬂᬢ
ᬫ᭄ᬧᬶ᭟᭐᭚ᬥᬂᬥᬂᬳᬭᬸᬄᬳᬭᬸᬄᬳᬶᬗᬸᬄᬕᬢᬶ᭞ᬫᬧᬗᭂᬦᬦ᭄᭞ᬫᬭᬢ᭄ᬓᭂᬤ᭄ᬚᬸᬫᬄᬳᭀᬲᬄᬳᬸᬬᬂᬧᬶᬢᬸᬗᬦᬾ᭞ᬗᬺᬢ᭄ᬫᬦᬄᬫ᭄ᬭᬲᬢᬸᬬᬸᬄ᭞ᬢᬸᬬᬸᬄᬧᬶᬲᬦ᭄ᬳᬾᬫᭂᬂᬗᭂᬦᭂᬳᬶᬦ᭄
᭞ᬓᬧᭀᬩᬦ᭄ᬫᬲᬶᬄᬢᬗᬃ᭞ᬯᬶᬭᬾᬄᬳᬤᬮᬶᬬᬸ᭞ᬧᬂᬤ᭄ᬟᬓᬸᬤᬸᬗ᭄ᬕᬳᬾᬭᬾᬱ᭞ᬗ᭠ᬮᬶᬄᬚ᭄ᬗᬄ᭞ᬲᬸᬩᬍᬦ᭄ᬓᬾᬄᬤᬤᬶᬓᬮᬶ᭞ᬲᭀᬢᬦᬶᬂᬳᬯᬦ᭄ᬦᬸᬫ᭄ᬧᬂ᭟ᬧᬂ᭚ᬫᬾᬭᬢᬸ᭠
[᭑᭖᭓ 163A]
ᬳᬢ᭄ᬫᬚᬶᬯᬶᬢ᭄ᬣ᭞ᬧᬫᬸᬧᬸᬮᬦ᭄ᬫᬓᬵᬲᬵᬭᬷᬦᬶᬂᬍᬯᬶᬄ᭞ᬧᬢ᭄ᬢᬫ᭄ᬩᬸᬦᬦ᭄ᬫᬦᬶᬲ᭄ᬫᬸᬮᬸᬓ᭄᭞ᬲᬺᬗ᭄ᬕᬭᬢᬫᬾᬂᬭᬭᬲ᭄᭞ᬯᬶᬘᬓ᭄ᬱᬡᬯᬶᬥᬕ᭄ᬟᬘ᭄ᬝᬾᬂᬧᬗᬯ᭄ᬭᬸᬄ᭞ᬯᬕᭂᬤ᭄ᬫᬗ᭄ᬮᬮᬶᬧᬹᬃᬧᬸᬲᬂ᭞ᬢᭀᬳᬯ᭠
ᬦᬦ᭄ᬢᬶᬢ᭄ᬬᬂᬧᬸᬲᬶᬂ᭟᭐᭚ᬳᬶᬧᬗ᭄ᬓᬹᬃᬓᬾᬦ᭄ᬓᬾᬦᬂᬢᬶᬢ᭄ᬬᬂ᭞ᬫᬗᬢᬸᬭᬂᬲᬸᬭᬵᬢ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬭᬶᬂᬧ᭄ᬮᬸᬗ᭄ᬕᬸᬄᬪᬝᬵᬭᬶᬳᬕᬸᬂ᭞ᬦᬗᬶᬂᬕᭂᬂᬧᬗᬫ᭄ᬧᬸᬭᬵ᭞ᬳᬢᬹᬃᬢᬶᬢ᭄ᬬᬂᬯᭀᬂᬮᬭᬫᬸᬤ᭄ᬟᬓᬯ᭄ᬮ
ᬲ᭄ᬬᬸᬦ᭄᭞ᬤᬭᬶᬤᬺᬮᬶᬦ᭄ᬢᬂᬲᬗ᭄ᬲᬭ᭞ᬳᬮ᭄ᬧᬵᬢᬦ᭄ᬯ᭄ᬭᬸᬄᬢᬢ᭄ᬣᬳᬶᬦ᭄ᬤᬶᬓ᭄᭟ᬗᬶᬂᬓᬾᬯᬦ᭄ᬢᭂᬦ᭄ᬫᬜᬶᬤ᭄ᬟᬬᬂ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬢᬸᬭᬂᬫᬓᬘᬶᬭᬶ᭞ᬲᭀᬢᬦᬶᬂᬲᬸᬰ᭄ᬭᬸᬲᬢ᭄ᬭᬸᬲ᭄᭞ᬪᬓ᭄ᬢᬶᬢᬦ᭄ᬓᬧᬮ
ᬗᬦ᭄᭞ᬫᬦᬄᬢᬶᬢ᭄ᬬᬂᬯᬶᬢ᭄ᬚᬢᬶᬲᬸᬩᬓ᭄ᬢᬶᬦ᭄ᬭᬸᬲ᭄᭞ᬚᬺᬦᬶᬄᬦ᭄ᬤᬢᬦ᭄ᬓᬭᬭᬩᬦ᭄᭞ᬦᬶᬃᬫᬍᬓᬮᬶᬦ᭄ᬢᬂᬲᬸᬘᬶ᭟ᬲᬧᬸᬦᬶᬓᬧᬶᬲᬦ᭄ᬧᬶᬲᬦ᭄᭞ᬫᬦᬄᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬜᬦ᭄ᬤᬂᬕᬮᬶᬳᬶᬦ᭄᭞ᬲ
Kaca:Bali-lontar-gaguritan-tatuptupan-350ppi.pdf/163
Kaca puniki sampun kauji-wacén
