[᭑᭖᭑ 161B]
᭑᭖᭑
ᬦᬶᬦ᭄᭞ᬜᬯᬂᬲᬸᬳᬸᬂᬧᬧᬓ᭄ᬧᬃᬡ᭄ᬦ᭟ᬕᬶ᭚ᬳᬸᬩᬤᬶᬦ᭄ᬩᬦ᭄ᬫ᭄ᬭᬄᬫ᭄ᬭᬸᬄ᭞ᬧᬢᬶᬭ᭠ᬲᬦᬾᬜᬸᬲᬸᬧᬶᬦ᭄᭞ᬲᬯᬢ᭄ᬮᬗᬶᬢᬾᬢᬸᬗᬤᬄ᭞ᬮᬶᬬᬸᬦ᭄ᬩᬶᬦ᭄ᬢᬗᬾᬧᭂᬢᬾᬓᬶᬦ᭄᭞ᬤᬤᬶᬩᬸᬤᬸᬄ
ᬩᭀᬬᬜᬦ᭄ᬤᬂ᭞ᬢ᭄ᬓᬵᬲᬬᬦ᭄ᬫᬫ᭄ᬭᬢ᭄ᬕᬢᬶ᭟ᬩ᭄ᬗᭀᬂᬗᬗᬅ᭄ᬗ᭄ᬭᬫ᭄ᬩᬂᬲᬸᬳᬸᬂ᭞ᬗ᭄ᬢᬶᬧᬶᬢ᭄ᬗ᭄ᬭᬾᬫᭀᬦ᭄ᬧᬤᬶᬤᬶ᭞ᬩᬩᬂᬳᬶᬗᭂᬢ᭄ᬤᬶᬧᬶᬗᭂᬢᬦ᭄᭞ᬳᭂᬦ᭄ᬲᬓ᭄ᬢ᭄ᬯᬭᬧᭂᬲᬸᬫᬸᬜᬶ᭞ᬧ᭄ᬭᬕᬢ᭄ᬗᬘᭂᬧ᭄ᬚ᭄ᬭᭀᬦᬶᬂᬫᬦᬄ
᭞ᬧ᭄ᬓᭂᬓ᭄ᬳᬮᬄᬧ᭄ᬢᬸᬳᬾᬮᬶᬂ᭟ᬍᬂᬍᬂᬩᬸᬗᭂᬂᬫᬸᬯᬸᬄᬩᬶᬗᬸᬂ᭞ᬭᬸᬫ᭄ᬩᬂᬫᬓᬫ᭄ᬩᬗᬦ᭄ᬧᬮᬶᬄ᭞ᬩᬶᬫ᭄ᬩᬂᬳᬾᬗᬶᬸᬫᭂᬂᬫᬧᬗᭂᬦ᭄᭞ᬢᭀᬂᬫᬫ᭄ᬧᬸᬄᬫᬗᬺᬢ᭄ᬩᬸᬤ᭄ᬟᬶ᭞ᬧᬓᬺᬗᬶᬦ᭄ᬩᬦ᭄ᬫᬦ᭄ᬢᭂᬕ᭄ᬢᬗ᭄ᬓᬄ᭞ᬢᬸᬬᬸᬄᬲ᭄ᬓᭂᬲ
ᬦᬾᬢᬶᬢᬶᬃ᭟ᬗ᭄ᬕᬶᬄᬓᬾᬫᬢᬸᬢᬸᬭᬦ᭄ᬫᬮᬸ᭞ᬓᬾᬦ᭄ᬓᬾᬦ᭄ᬲᬗ᭄ᬓᬅ᭄ᬮᬦ᭄ᬢᬸᬤ᭄ᬕᬢᬶ᭞ᬢ᭄ᬬᬂᬲᬵᬫ᭄ᬧᬸᬦ᭄ᬳᬶᬗᬸᬄᬧᬶᬲᬦ᭄᭞ᬳᭀᬲᬄᬳᬸᬬᬂᬳᬭᬄᬧᬸᬲᬶᬂ᭞ᬓᬸᬤ᭄ᬬᬂᬳᬩᭂᬢ᭄ᬗᬮᬶᬄᬤᬬ᭞ᬳᬾᬗ᭄ᬕᬮᬦ᭄ᬓᬲᬼ
[᭑᭖᭒ 162A]
ᬦ᭄ᬲᬳᬶ᭟ᬧᬂ᭚ᬮ᭄ᬖᬵᬫᬧ᭄ᬯᬭᬤᬸᬄᬓᬶᬢᬵ᭞ᬓᬮ᭄ᬕᬦᬾᬢ᭄ᬯᬭᬩᬓᬢ᭄ᬓ᭄ᬦᭂᬳᬶᬦ᭄᭞᭠ᬤᬸᬄᬓᬶᬢᬦᬾᬲᬸᬩᬫᬸᬧᬸᬢ᭄᭞ᬲᬳᬶᬗᬤᭀᬯᬂᬳᬯᬓ᭄᭞ᬚᭂᬚᭂᬄᬓᭂᬦ᭄ᬤᭂᬮ᭄ᬦᬓᬸᬢᬶᬦ᭄ᬓᭂᬦᭂᬄᬲ
ᬢᬸᬳᬸᬓ᭄᭞ᬧᬬᬸᬓᬸᬳᬸᬄᬫᬧᬗᭂᬦᬦ᭄᭞ᬕᬤᬓ᭄ᬢᭀᬂᬤᬤᬶᬢᬸᬗ᭄ᬓᬲᬶᬦ᭄᭟ᬧ᭄ᬢᭂᬂᬮ᭄ᬫᬄᬢᬸᬮᬸᬲ᭄ᬩᭂᬮᬲᬦ᭄᭞ᬲᬫ᭄ᬩᭂᬦ᭄ᬳᭂᬫ᭄ᬧᭂᬢ᭄ᬩᭂᬮ᭄ᬩᭂᬮᭂᬦ᭄ᬤᬤᬶᬗ᭄ᬮᬶᬂ᭞ᬲ᭄ᬮᬸᬦ᭄ᬗᭂᬧᭂᬲ᭄ᬩ᭄ᬮᬸᬲ᭄ᬓᬸᬘᬸᬢ᭄᭞ᬲᬧᬸᬢ᭄ᬳᬗᬦᬾᬚ᭄ᬫᬓ᭄
᭞ᬳᬗ᭄ᬕᭀᬦ᭄ᬲᬤ᭄ᬲᬤ᭄᭞ᬬᬾᬄᬫᬢ᭄ᬣᬧᬦᬸᬤᬦ᭄ᬳᬶᬩᬸᬓ᭄᭞ᬓᬦ᭄ᬢᬶᬳᬸᬬᬸᬦ᭄ᬧᬕᬤᬗᬂ᭞ᬗ᭄ᬜᭂᬫ᭄ᬮᬶᬫᬸᬄᬧ᭄ᬮᬸᬄᬧᬶᬤᬶᬢ᭄᭟ᬧᬂ᭚ᬳᬶᬦᬸᬜᬦ᭄ᬦᬧᬶᬯᬲ᭄ᬢᬜ᭞ᬭᬯᬸᬄᬚᬸᬫᬄᬩ᭄ᬗᭀᬂᬫᬗᬸᬧᬤᬶᬤᬶ᭞
ᬫᬸᬮ᭄ᬬᬦ᭄ᬩᬩᬃᬫᬕᭂᬩ᭄ᬬᬸᬕ᭄᭞ᬢ᭄ᬯᬭᬮᬾᬦ᭄ᬦᬾᬓ᭄ᬦᭂᬳᬂ᭞ᬯᬦ᭄ᬢᬄᬘᭀᬓᭀᬃᬳᬶᬤᬾᬯ᭄ᬯᬭ᭠ᬢᬸᬤᬾᬯ᭄ᬯᬵᬕᬸᬂ᭞ᬫᬓ᭄ᬮᬧ᭄ᬓᭂᬮᬶᬧ᭄ᬭᬶᬂᬫᬢ᭄ᬣ᭞ᬫᬜᬼᬕ᭄ᬤᬶᬳᬸᬮᬸᬦ᭄ᬳᬢᬶ᭟ᬫᬳᬯᬳᬦ᭄ᬭᬢᬸᬢᬶᬢ᭄ᬬᬂ᭞ᬦᬾ᭠
Kaca:Bali-lontar-gaguritan-tatuptupan-350ppi.pdf/162
Kaca puniki sampun kauji-wacén
