[᭑᭖᭓ 163B]
᭑᭖᭓
ᬓᬾᬯᬦ᭄ᬢᭂᬦ᭄ᬪᬝᬵᬭ᭄ᬬᬵᬕᬸᬂ᭞ᬕᬸᬫᭂᬮ᭄ᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬳᬶᬓᬮᬭᬦ᭄ᬲᬫ᭄ᬧᬸᬦᬂᬮᬾᬧ᭄ᬬᬤᬾᬯᬵᬕᬸᬂ᭞ᬫᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬋᬓᬦ᭄᭞ᬢᬍᬃᬤ᭄ᬯᬵᬕᬸᬂᬳᬶᬮᬶᬂᬳᬶᬮᬶᬂ᭟ᬲᬵᬫ᭄ᬧᬸᬦ᭄ᬤ᭄ᬯᬵᬕᬸᬂᬮᬮᬶ
ᬧᬶᬲᬦ᭄᭞ᬬᬤᬶᬦ᭄ᬳᬤᭀᬄᬢᬍᬃᬤ᭄ᬯᬵᬕᬸᬂᬧᬶᬦᭂᬳᬶᬦ᭄᭞ᬬᬦ᭄ᬢᬦ᭄ᬲ᭄ᬯᬾᬘᬪᬝᬵᬭ᭄ᬬᬵᬕᬸᬂ᭞᭠ᬫᬶᬮᬶᬂᬭᬶᬂᬳᬶᬲᬗ᭄ᬲᬭ᭞ᬫᬲᬯᬗ᭄ᬤᬾᬤ᭄ᬯᬵᬕᬸᬂᬢᬶᬢ᭄ᬬᬂᬤᬳᬄᬤᬸᬳᬸᬄ᭞ᬜᬩ᭄ᬭᬦ᭄ᬤᬶᬦᬵᬗᬚᬧ᭄ᬢᬯᬂ᭞᭠
ᬩᬶᬗᬸᬂᬗᬶᬱ᭄ᬝᬶᬲᬸᬳᬸᬂᬲ᭄ᬧᬶ᭟ᬧᬂ᭚ᬳᬭᬄᬩᬲᬼᬩᬶᬳᬦ᭄ᬫᭀᬢᬄ᭞ᬮᬓᭀᬦ᭄ᬫᬳᬸᬓ᭄ᬫᭂ᭠ᬗ᭄ᬓᬵᬓ᭄ᬦᬕᬶᬄᬢᬓᭀᬦᬶᬦ᭄᭞ᬩᬶᬄᬳᬧᬦᬾᬓ᭄ᬭᬡᬳᬚᬸᬫ᭄᭞ᬓᬤᬸᬂᬢᬸᬫᬦ᭄ᬢᬸᬳᬸᬓᬂ᭞ᬬᬾᬬᬾ
ᬲᬬᬦ᭄ᬳᬯᬓᬾᬦᬾᬧᬮᬶᬂᬧᬘᬸᬅ᭄᭞ᬢᬹᬃᬲᬸᬩᬲ᭄ᬭᬶᬂᬫᬯᬾᬤᬂ᭞ᬫᬦᬶᬲ᭄ᬗᬾᬜᭀᬃᬮ᭄ᬫᬸᬄᬘᬦᬶᬓ᭄᭟ᬮᬕᬸᬢᬾᬲᬸᬩᬜᬶᬲᬬᬂ᭞ᬢ᭄ᬓᬩᬗ᭄ᬕᬵᬩᭀᬦ᭄ᬓᭀᬦᬾᬗᭂᬧᬸᬂᬫᬸᬮᬶᬄ᭞ᬓᬸᬭᬶᬂᬲ᭠
[᭑᭖᭔ 164A]
ᬦ᭄ᬚᬫ᭄ᬮᬳᬶᬩ᭄ᬮᬩᬸᬄ᭞ᬲᬗ᭄ᬓᬅ᭄ᬢᭀᬂᬤᬤᭀᬦ᭄ᬤᬾᬦᬂ᭞ᬩ᭄ᬘᬢ᭄ᬲᬾᬧᬦ᭄ᬳᬤᬓ᭄ᬦᭂᬄᬢᬦ᭄ᬧᬗᬸᬕᬸ᭞ᬚ᭄ᬦᭂᬂᬦᬕᬶᬄᬗᬗ᭄ᬕᭀᬦ᭄ᬘᭀᬩᬅ᭄᭞ᬜᬾᬦ᭄ᬫ᭄ᬭᬲᬜ᭄ᬭᬄᬧᬦ᭄ᬤᬸᬓᬶᬦ᭄᭟ᬗᬸᬤ᭄ᬬᬂᬗᬳᬾᬓ᭠
ᬘ᭄ᬮᬸᬯᬕ᭄᭞ᬧ᭄ᬮᬶᬄᬢᬓᭂᬄᬳᬤᬬᬦ᭄ᬧᬶᬲᬦ᭄ᬤᭂᬧᬶᬦ᭄᭞ᬳᬧᬂᬤᬲᬗᭂᬢ᭄ᬓᬢ᭄ᬮᬜ᭄ᬚᬸᬃ᭞ᬧᬗ᭄ᬓᬄᬫᬗᬤᬸᬧᭀᬗᬄ᭞ᬫᬮᬄᬫᬮᬄᬧᬦ᭄ᬲᭀᬢᬦᬶᬂᬳᬯᬓ᭄ᬜᬸᬤ᭄ᬲᬸᬤ᭄᭞ᬤᬶᬚᬮᬦᬾᬓᬤᬸᬓ᭄ᬗ᭠
ᬧᬵᬢ᭄ᬭᬸᬲ᭄᭞ᬢ᭄ᬯᬭᬳ᭄ᬦᬸᬫᬓᬸᬩ᭄ᬟᬩ᭄ᬯᬶᬦ᭄᭞ᬫᬗ᭄ᬕᭂᬄᬩᬸᬓᬦᬾᬲᬸᬩ᭞ᬜᬦ᭄ᬤᬂᬧᬘᬂᬕᬸᬕᬸ᭞᭠ᬩᬦᬾᬢ᭄ᬓᬲᬬᬦ᭄ᬲᬯᬢ᭄᭞ᬲᭀᬓ᭄ᬩᬦ᭄ᬲᬸᬩ᭞ᬳᬯᬓᬾᬢᬶᬮᬶᬂᬗᬲ᭄ᬢᬶᬢᬶ᭞ᬗᬘᭂᬧ᭄ᬚ᭄ᬭᭀᬦᬶᬂ
Kaca:Bali-lontar-gaguritan-tatuptupan-350ppi.pdf/164
Kaca puniki sampun kauji-wacén
