[᭑᭕᭓ 153B]
᭑᭕᭓
ᬢ᭄ᬯᬭᬲᬸᬳᬸᬤ᭄ᬗᬸᬭᬂᬗᬸᬭᬶᬂ᭞ᬫᬫᬸᬜᬶᬲ᭄ᬮᬦ᭄ᬢᬩᬄᬧᬶᬲᬦ᭄᭞ᬢ᭄ᬓᬢᭀᬂᬫᬤᬬᬕᬢᬶ᭟ᬧᬂ᭚ᬢᬸᬗ᭄ᬓᬲ᭄ᬢᭀᬂᬤᬤᬶᬢᬸᬗ᭄ᬓᬲᬂ᭞ᬢ᭄ᬓᭂᬲᬬᬦ᭄ᬜᭂᬍᬕ᭄ᬤᬶᬳᬸᬮᬸᬦᬵᬢᬶ᭞ᬤᬶᬫᬢ᭄ᬣᬫᬢᬺᬫᬕᬦ᭄ᬢᬸᬂ᭞ᬢᬸᬂᬢᬸᬂᬩᬸ᭠
ᬗ᭄ᬓᬳᬶᬂᬫᬦᬄ᭞ᬧ᭄ᬢᭂᬂᬮ᭄ᬫᬄᬢᬗ᭄ᬲᬄᬢᬸᬗ᭄ᬕᬮ᭄ᬧᬸᬍᬲ᭄ᬦᬸᬯᬸᬄ᭞ᬗᬶᬧᬶᬧᬶᬡ᭄ᬟᬜᬫᬘᬦ᭄ᬤ᭞ᬫᬓᬭᭀᬦᬦ᭄ᬳᬰᬶᬄᬲᬶᬮ᭄ᬬᬵᬰᬶᬄ᭟ᬢ᭄ᬯᬭᬮᬾᬦ᭄ᬲᬦᬾᬓ᭄ᬦᭂᬳᬂ᭞ᬓᬮ᭄ᬕᬦᬾᬢ᭄ᬯᬭᬦᬸᬫ᭄ᬭᬲᬗᬶᬧᬶ᭞ᬲᬸᬩᬵᬩ
ᬋᬂᬦᬹᬢ᭄ᬲᬤᬸᬮᬹᬃ᭞ᬫᬦᬸᬄᬢᬹᬃᬢᬸᬢᬸᬩᬤᬄ᭞ᬢ᭄ᬯᬭᬧᬲᬄᬳᬦᬸᬢ᭄ᬘᬸᬘᬸᬤ᭄ᬲᬧᬦᬸᬤᬸᬄ᭞ᬦᬗᬶᬂ᭠ᬩᬲ᭄ᬢᬲ᭄ᬤᬶᬧᬗᬶᬧ᭄ᬬᬦ᭄᭞ᬤᬸᬯᭂᬕ᭄ᬫᬸᬮᬸᬢᬸᬦᬸᬩᬸᬤ᭄ᬟᬶ᭟ᬦᬤᬓ᭄ᬳᬶᬥᭂᬧᬾᬓᬧ᭄ᬭᬡᬦ᭄᭞ᬓ᭄ᬭᬦᬵᬧᬬᬸᬫᬕ
ᬤᬂᬚᬗ᭄ᬓᬵᬕ᭄ᬲᬶᬢ᭄᭞ᬲᬫ᭄ᬩᬶᬮᬂᬳᬗ᭄ᬕᭀᬦ᭄ᬧᬦᬸᬗ᭄ᬓᬸᬮ᭄᭞ᬓᬸᬗ᭄ᬓᬸᬮᬂᬩᬵᬬᬸᬳᬸᬲᬓ᭄᭞ᬳ᭄ᬚᭀᬄᬲᬯᬢ᭄ᬳᭂᬗ᭄ᬲᬧ᭄ᬲᬸᬢ᭄ᬤᬶᬢᭀᬗᭀᬲᬾᬲᬸᬦᬸᬢ᭄᭞ᬲᬮᬄᬳ᭄ᬢᭀᬦ᭄ᬫᬢ᭄ᬣᬢᬸᬂᬢᬂ᭞ᬯᬲᬶᬄᬲ᭄ᬮᬬᬂᬫᬦᬸ
[᭑᭕᭔ 154A]
ᬮᬶᬲ᭄᭟ᬤ᭄ᬫᬸᬂ᭚ᬧᬳᭀᬲᬶᬦ᭄ᬳᬸᬕᬶᬧᬸᬦᬶᬓᬶᬳᬢᬹᬃᬢᬶᬢ᭄ᬬᬂ᭞ᬫᬸᬜᬶᬲᬫ᭄ᬩᭂᬦ᭄ᬢᬦ᭄ᬧᬳᬸᬦ᭄ᬤᬸᬓ᭄᭞ᬫᬗᬢᬸᬭᬂᬓᬶᬤᬸᬂ᭞ᬢ᭄ᬯᬭᬓᬭ᭄ᬯᬦ᭄ᬢᭂᬕᭂᬲ᭄ᬕᭂᬦ᭄ᬤᬶᬂ᭞ᬢᬸᬕᬦ᭄ᬲᬮᬄᬧᬲᬂ᭞ᬫᬸᬜᬶᬲᬫ᭄ᬩᭂᬦ᭄ᬢᬦ᭄ᬧᬳᬸᬦ᭄ᬤᬸ
ᬓ᭄᭞ᬓᬾᬯᬮᬩᬦ᭄ᬧᭀᬗᬄ᭞ᬢ᭄ᬯᬭᬫᬦᬯᬂᬳᭂᬲᬶᬂ᭞ᬲᬵᬫᬦᬲᬶᬓᬶᬦ᭄ᬲᬵᬕᬭ᭞ᬗ᭠ᬩᬲ᭄ᬧᬶᬂᬓᬧᬲᬶᬄᬫᬥᬸ᭟ᬳᬫ᭄ᬧᬸᬭᬢᬶᬢ᭄ᬬᬂᬓᬮᬶᬦ᭄ᬢᬂᬢᬫ᭄ᬩᭂᬢ᭄ᬧᬶᬲᬦ᭄᭞ᬮᬘᬹᬃᬲᬚᬳᬶᬭᬢᬸ᭞᭠
ᬗ᭄ᬮᬄᬧᬜ᭄ᬚᬓ᭄ᬤᬸᬲᬸᬦ᭄᭞ᬓᬾᬯᬮᬩᬦ᭄ᬰ᭄ᬭᬸᬲᬪᬓ᭄ᬢᬶ᭞ᬘᬸᬘᬸᬤ᭄ᬫᬫᬋᬓᬦ᭄᭞ᬧᬕᭂᬄᬫᬗᬶᬱ᭄ᬝᬶᬳᬶᬭᬢᬸ᭞ᬓᬩᬦ᭄ᬤᬵᬩᬦ᭄ᬫᬦᬄ᭞ᬧᬶᬢᬺᬱ᭄ᬡᬦᬾᬫᬗ᭄ᬮᬶᬮᬶᬢ᭄᭞ᬚᬢᬶᬧᬶᬲᬦ᭄ᬲᬧᬸᬦᬶᬓ᭞ᬲᬵᬫ᭄ᬧᬸ
ᬦ᭄ᬫᬸᬫ᭄ᬩᬶᬫᬧᬜ᭄ᬘᭂᬃᬓᬸᬓᬸᬄ᭟ᬓᬸᬫ᭚ᬳᬶᬗ᭄ᬕᬶᬄᬭᬢᬸᬤᬾᬯᬵᬕᬸᬂᬢᬶᬢ᭄ᬬᬂᬫᬧᬫᬶᬢ᭄᭞ᬲ᭄ᬯᬾᬘᬵᬗᬮᬾᬤᬗᬂ᭞ᬳᬶᬮᬶᬗᬂᬲᬵᬫ᭄ᬧᬸᬦᬂᬮᬮᬶ᭞ᬦᬸᬤᬸᬓ᭄ᬢᬶᬢ᭄ᬬᬂᬗᬗ᭄ᬕᬾᬧᬜ᭄ᬚᬓ᭄᭟ᬧᬂ᭚
Kaca:Bali-lontar-gaguritan-tatuptupan-350ppi.pdf/154
Kaca puniki sampun kauji-wacén
