[᭑᭕᭒ 152B]
᭑᭕᭒
ᬢ᭄ᬯᬭᬢᬗᭂᬄᬓᬾᬦ᭄ᬓᬩᭂᬦ᭄ᬤᬸᬯᬶᬦ᭄᭞ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬢᬶᬢ᭄ᬬᬂ᭞ᬓᬤᬸᬂᬲᬸᬩᬮᬶᬗ᭄ᬮᬸᬂ᭞ᬫᬦᬄᬢᬶᬢ᭄ᬬᬂᬩᬄᬳᬧᬶᬲᬦ᭄᭞ᬦᬄᬳᬶᬗᬦᬦ᭄᭞ᬮᬸᬮᬸᬢ᭄ᬤᬾᬯᬾᬓ᭄ᬲᬳᬶᬲᬳᬶ᭞ᬢ᭄ᬯᬭᬳᬤ᭄ᬟᬗ᭄ᬭᬸᬗᬸ᭠
ᬯᬂ᭟ᬥᬂ᭚ᬗ᭄ᬕᬶᬄᬭᬢᬸᬗ᭄ᬕᬶᬄᬤᬅ᭄ᬜᭂᬓ᭄ᬲᬮᬄᬢᬫ᭄ᬧᬶ᭞ᬫᬦᭂᬄᬢᬶᬢ᭄ᬬᬂ᭞ᬫᬸᬗ᭄ᬕᭂᬮᬂᬧᬶᬢᬺᬱ᭄ᬡᬵ᭞ᬯᬶᬢ᭄ᬚᬢᬶᬦ᭄ᬫᬦᬄᬢᬶᬢ᭄ᬬᬗᬾ᭞ᬢᬦ᭄ᬓᬢᬼᬢᭂᬳᬦᬶᬂᬍᬢᬸᬄ᭞ᬫᬗ᭄ᬕᭂᬄᬧᬶᬲᬦ᭄ᬢᭀᬂᬩᬶᬲᬧᬳᬶᬤ᭄᭞ᬳᭂ
ᬜ᭄ᬘᭂᬤ᭄ᬳᬗᬦ᭄ᬳᬫ᭄ᬤᬂ᭞ᬧᬕᭂᬄᬲᬓᬶᬂᬤᬸᬫᬸᬦ᭄᭞ᬓᬬᬂᬫᬗ᭄ᬓᬶᬦ᭄ᬢ᭄ᬯᬭᬕᬶᬗ᭄ᬕᬂ᭞ᬳᬧᬦ᭄ᬫᬸᬮ᭞ᬫᬧᬸᬕᭂᬄᬤᬶᬳᬸᬮᬸᬦᬵᬢᬶ᭞ᬢ᭄ᬓᭂᬓ᭄ᬢᭀᬂᬤᬤᬶᬕᬕᬄ᭟ᬦᬾᬦ᭄ᬢᭂᬦ᭄ᬜᬦ᭄ᬤᬂᬫᬮᬶᬄᬫᬗ᭄ᬕᬮᬶᬳᬶᬦ᭄᭞ᬓᬭᬶᬧᬶᬲᬦ᭄᭞ᬫ᭠
ᬦᭂᬢᭂᬧᬂᬓᭀᬦ᭄ᬢ᭄ᬭᬓ᭄᭞ᬬᬦ᭄ᬫᬸᬗ᭄ᬕ᭄ᬯᬶᬂᬓ᭄ᬦᭂᬄᬢ᭄ᬬᬗᬾ᭞ᬢ᭄ᬯᬭᬦᬸᬫᭂᬩᬸᬓ᭄ᬳᬶᬩᬸᬓ᭄᭞ᬧ᭄ᬢᭂᬂᬮ᭄ᬫᬄᬢᬦ᭄ᬧ᭄ᬕᬢ᭄ᬲᬳᬶ᭞ᬫᬘᬦ᭄ᬢᬾᬮ᭄ᬤ᭄ᬭᭀᬦᬶᬂᬋᬤ᭄ᬟ᭞ᬓᬤᬸᬂᬫᬗᬫ᭄ᬧᬸᬮᬸᬓ᭄᭞ᬗᬫ᭄ᬧᬸᬍᬓ᭄ᬗᬺᬧ᭄ᬫᬕ᭄ᬦᬄ᭞ᬫᬳᬸᬍᬓᬦ᭄᭞
[᭑᭕᭓ 153A]
ᬕᬧᬸᬮ᭄ᬫᬦ᭄ᬤᬤᬶᬳᬩᭂᬲᬶᬓ᭄᭞ᬦᭀᬗᭀᬲ᭄ᬤᬶᬧᬢᭀᬗᭀᬲᬦ᭄᭟ᬥᬂ᭚ᬩᬲ᭄ᬢᭀᬂᬜᬦ᭄ᬤᬂᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬗᬺᬢ᭄ᬫᬦᬄ᭞ᬲᬳᬶᬓ᭄ᬩᬸᬲ᭄ᬩᬳᬂ᭞ᬩᬦ᭄ᬲᬗᭂᬢ᭄ᬭᬓᭂᬢ᭄ᬢᬺᬱ᭄ᬡᬦᬾ᭞ᬭ
ᬲᬜᬢ᭄ᬯᬄᬳᬶᬭᬢᬸ᭞ᬭᬯᬸᬄᬦᬶᬜ᭄ᬚᭀᬢᬶᬢ᭄ᬬᬂᬫᬲ᭄ᬫᬡᬶᬓ᭄᭞ᬳᬸᬦ᭄ᬢᬸᬦᬾᬧᬸᬢᬶᬄᬲᭂᬦ᭄ᬢᬓ᭄᭞ᬲᬲ᭄ᬫᬶᬢᬦᬾᬜᬸᬜᬹᬃ᭞ᬧᬦ᭄ᬢᭂᬲ᭄ᬲᬶᬂᬲᭀᬮᬳᬂᬫ᭄ᬮᬄ᭞ᬢᬫᬾᬂᬭᬭᬲ᭄᭞ᬘᬘᬶᬗᬓ᭄ᬢᬚᭂᬧ᭄ᬘᬮᬶᬭᬶᬂ᭞
ᬮᬸᬭᬸᬗᭂᬜᬕᬂᬫᬦᬄ᭟ᬓᬸ᭚ᬧᬬᬸᬢᬶᬢ᭄ᬬᬂᬓᬤᬶᬓ᭄ᬤᬶᬲ᭄ᬓ᭄ᬮᬶᬓ᭄ᬓᭂᬮᬶᬓ᭄᭞ᬭᬶᬂᬰᬰᬶᬄ᭠ᬓᬢᬶᬕ᭞ᬩ᭄ᬟᬓ᭄ᬢ᭄ᬯᬭᬲᬸᬳᬸᬤ᭄ᬗᬶᬱ᭄ᬝᬶ᭞ᬳᬸᬚᬦᬾᬭᬶᬂᬰᬰᬶᬄᬓᬨᬢ᭄᭟ᬬᬓ᭄ᬢᬶᬭᬢᬸᬧᬶᬢᬺᬱ᭄ᬡᬵᬦ᭄ᬢᬶᬢ᭄ᬬ
ᬗᬾᬕᬶᬲᬶ᭞ᬘᬸᬘᬸᬤ᭄ᬫᬫᬋᬓᬦ᭄᭞ᬲ᭄ᬓᬭᬶᬦ᭄ᬢᬶᬢ᭄ᬬᬗᬾᬗᬳᬸᬭᬶᬧ᭄᭞ᬗᬳᬸᬮᬵᬗᬢᬸᬭᬂᬳᬯᬓ᭄᭟ᬕᬶ᭚ᬬᬾᬦ᭄ᬳᬳᭀᬯᬫᬓ᭄ᬭᬡᬩᬶᬗᬸᬂ᭞ᬲᬗ᭄ᬓᬅ᭄ᬩᬸᬗᭂᬂᬕᬢᬶᬕᬢᬶ᭞ᬳᬭᬄᬤᬤᬶᬲᬬᬦ᭄ᬮᬕᬲ᭄
Kaca:Bali-lontar-gaguritan-tatuptupan-350ppi.pdf/153
Kaca puniki sampun kauji-wacén
