[᭑᭕᭔ 154B]
᭑᭕᭔
ᬫᬾᬭᬢᬸᬢᬶᬢ᭄ᬬᬂᬳᬸᬢᬸᬲᬦ᭄᭞ᬳᬦᬓ᭄ᬭᬢᬸᬳᬶᬤᬳᬶᬤ᭄ᬯᬵᬕᬸᬂᬳᬶᬲ᭄ᬢ᭄ᬭᬶ᭞ᬢᬶᬢ᭄ᬬᬂᬲᬸᬫᬥ᭄ᬬᬓᬤᬯᬸᬄ᭞ᬫᬗ᭄ᬤᬵᬗ᭄ᬭᬭᬶᬲ᭄ᬗᬢᬸᬭᬂ᭞ᬤᬾᬯᬾᬓᬼᬍᬩ᭄ᬗᬯᬸᬮᬭᬶᬂᬘᭀᬓᭀᬭᬢᬸ᭞ᬲᬸᬫᬸᬲᬸᬧ᭄ᬫᬸᬗ᭄ᬕ᭄ᬯᬶᬂᬮᬶᬓᬶ᭠
ᬢ᭄ᬣ᭞ᬲᬵᬫ᭄ᬧᬸᬦ᭄ᬢᬦ᭄ᬲᭂᬗ᭄ᬓᬵᬭᬶᬂᬋᬤ᭄ᬟᬶ᭟ᬢᬶᬢ᭄ᬬᬂᬓᬧᬶᬢ᭄ᬮᬲ᭄ᬗᬢᬸᬭᬂ᭞ᬫᬾᬢᬦ᭄ᬜᬦ᭄ᬤᬂᬧᬘᬂᬫᬮᬶᬄᬗ᭄ᬕᬮᬶᬳᬶᬦ᭄᭞ᬓᬬᬸᬦ᭄ᬳᬶᬤ᭄ᬟᬳᬦᬓ᭄ᬭᬢᬸ᭞ᬭᬢᬸᬫᬯᬶᬦᬦ᭄ᬢᬶᬢ᭄ᬬ᭞ᬓᬸᬢᬸᬲ᭄ᬢ᭄ᬭᬶᬸᬲ᭄ᬫ᭄ᬭᬶᬓᬶᬓᬾᬗᬶᬜ᭄ᬘᬶᬳ᭄ᬦ
ᬧᬫᬶᬂᬢᬸᬳᬸ᭞ᬳᬗᬶᬂᬢᬶᬢ᭄ᬬᬂᬢᬦ᭄ᬧᬯᬱ᭄ᬝᬵ᭞ᬓᬤᬯᬸᬄᬗ᭄ᬮᬸᬗ᭄ᬲᬹᬃᬳᬶᬭᬶᬓᬶ᭟ᬳᬦ᭄ᬢᬸᬓ᭄ᬳᬶᬤ᭄ᬟ᭠ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬓᬾᬯᬦ᭄ᬢᭂᬦ᭄ᬭᬢᬸᬮᬶᬮᬬᬂᬳᬸᬕᬶ᭞ᬫᬲᬢᬦ᭄ᬫᬦ᭄ᬢᬸᬓ᭄ᬭᬶᬂᬓᬬᬸᬦ᭄᭞ᬲᬫᬶᬕᬫᭂᬮ᭄ᬧ
ᬦᬸᬗ᭄ᬓᬦ᭄᭞ᬢᬍᬃᬗᭂᬦ᭄ᬢᬄᬕᭂᬩ᭄ᬬᬕ᭄ᬕᭂᬩ᭄ᬬᬸᬕ᭄ᬫᬗᬍᬲᬸ᭞ᬧᬸᬧᬸᬢ᭄ᬗᭂᬓᭂᬲ᭄ᬭᬶᬂᬧᬫᬺᬫᬦ᭄᭞ᬦᬾ᭠ᬦ᭄ᬢᭂᬦ᭄ᬓᭀᬤᬮ᭄ᬲᬓᬶᬂᬳᬶᬩᬶ᭟ᬥᬂ᭚ᬳᬭᬸᬄᬳᬶᬗᬸᬄᬢᬶᬢᬂᬗᬫᬦᬳᬶᬦ᭄ᬳᬾᬫᭂᬂᬧᬶᬲᬦ᭄᭞
[᭑᭕᭕ 155A]
ᬤᬶᬚᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬧᬸᬧᬸᬢ᭄ᬭᬶᬂᬧᬗ᭄ᬮᬸᬫᬳᬦᬾ᭞ᬫᬦᬳᬂᬢᬶᬢ᭄ᬬᬂᬭᬢᬸ᭞ᬦᬾᬦ᭄ᬢᭂᬦ᭄ᬲ᭠ᬯᭀᬲ᭄ᬭᬳᬶᬦᬵᬯ᭄ᬗᬶ᭞ᬫᬳᬗ᭄ᬕᬾᬦ᭄ᬧᬓᬬᬸᬦᬦ᭄᭞ᬯᬦ᭄ᬢᬄᬘᭀᬓᭀᬭᬢᬸ᭞ᬲᬦᬾᬯᬵᬗᭂᬦ᭠
ᬗᭂᬦ᭄ᬜᬩ᭄ᬭᬦ᭄᭞ᬳᬦ᭄ᬢᬸᬓ᭄ᬲᬸᬯᬾ᭞ᬢᬦ᭄ᬯᬾᬦ᭄ᬢᭂᬦ᭄ᬦᬳᭂᬦ᭄ᬓᬧᬸᬭᬶ᭞ᬧᬸᬦᬶᬓᬫᬳᬯᬦᬦ᭄᭟ᬕᬶ᭚ᬳᬶᬗ᭄ᬕᬶᬄᬭᬢᬸᬪ᭄ᬝᬭᬶᬳᬕᬸᬂ᭞ᬲᬧᬸᬦᬧᬶᬤ᭄ᬯᬦᬶᬂᬳᬶᬩᬶ᭞ᬯᬗ᭄ᬤᬾᬭᬯᬸᬦᬶᬜ᭄ᬚᭀᬢᬶᬢ᭄ᬬᬂ᭞ᬫᬮᬄᬳ
ᬦ᭄ᬢᭀᬲ᭄ᬳᬢᬶᬳᬢᬶ᭞ᬓᬧᬸᬧᬸᬢᬦᬾᬓᬫᬕᬦ᭄᭞ᬍᬍᬄᬩᬸᬲᬦ᭄ᬩᬸᬲᬦ᭄ᬦᭀᬮᬶᬄ᭟ᬲᬶᬂᬳ᭄ᬢᭀᬦᬶᬦ᭄ᬲᬸᬳᬸᬂᬕᬫ᭄ᬧᬸᬂ᭞ᬤᬸᬭᬸᬲ᭄ᬦᬾᬯᬾᬓ᭄ᬦᭂᬕᬓ᭄ᬗᭂᬢᬶᬲ᭄᭞ᬭᬯᬸᬄᬳᬗᬶᬦᬾᬲᬤ᭄ᬭᬡ᭞ᬗᬫ᭄ᬧᭂᬳᬂᬳᬫ᭄ᬩᬸ
ᬦᬾᬫᬶᬳᬶᬓ᭄᭞ᬭᬲᬜᬘᭀᬓᭀᬭᬶᬤᬾᬯ᭄ᬯ᭞ᬗᬫ᭄ᬩᬶᬮ᭄ᬦᬦ᭄ᬤᬦ᭄ᬗᬸᬩᭂᬢ᭄ᬓᭀᬭᬶ᭟ᬧᬂ᭚ᬫᬾᬭᬢᬸᬢᬶᬢ᭄ᬬᬂᬳᬸᬢᬸᬲᬦ᭄᭞ᬯᬲ᭄ᬢᬦ᭄ᬢᬶᬢ᭄ᬬᬂᬳᬶᬲᬹᬓ᭄ᬱ᭄ᬫᬲᬓᬶᬂᬚᬢᬶ᭞ᬢᬶᬢ᭄ᬬᬂᬫᬶᬲᬤ᭄ᬬᬓᬤ᭠
Kaca:Bali-lontar-gaguritan-tatuptupan-350ppi.pdf/155
Kaca puniki sampun kauji-wacén
