Kaca:Bali-lontar-gaguritan-tatuptupan-350ppi.pdf/149

[᭑᭔᭘ 148B]
᭑᭔᭘
ᬓᬭᬶᬳᬮᬶᬢ᭄᭞ᬤᬸᬭᬸᬂᬫᬶᬥᭂᬧ᭄ᬫᬵᬢᬹᬃᬳᬢᬹᬃ᭞ᬓᬾᬫᬯᭀᬦ᭄ᬭᬢᬸᬢᬶᬢ᭄ᬬᬂ᭞ᬫᬤᬲᬃᬫᬦᬄᬲᬸᬪᬓ᭄ᬢᬶ᭞ᬮᬶᬦ᭄ᬢᬂᬘᬸᬘᬸᬤ᭄᭞ᬤ᭄ᬯᬦᬶᬂᬓᬾᬫᬦ᭄ᬫᬫᬋᬓᬦ᭄᭟ᬦᬾᬦ᭄ᬢᭂᬦ᭄ᬧᬶᬲᬦ᭄ᬤᬤᭀᬲ᭄ᬩᭂᬮᬲ᭄᭞ᬫᬓ᭄ᬫᬶᬢ᭄ᬭ
ᬳᬶᬦᬯ᭄ᬗᬶ᭞ᬚᬸᬭᬸᬗᬫᭀᬂᬭᬶᬂᬧᬫᬺᬫᬦ᭄᭞ᬦᬸᬗ᭄ᬓᬸᬮᬂᬲᬫ᭄ᬩᬶᬮ᭄ᬫᭂᬢᭂᬓᬶᬦ᭄᭞ᬦᬸᬚᬸᬓᭀᬩᭂᬢ᭄ᬭᬶᬂᬋᬤ᭄ᬟᬶ᭞ᬫᬗᭂᬦ᭄ᬢᬄᬓ᭄ᬭᬯᬸᬳᬦ᭄ᬳᬶᬗᬸᬄ᭞ᬧᬸᬧᬸᬢ᭄ᬚᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬗᬺᬧ᭄ᬦᬾᬦ᭄ᬢᭂᬦ᭄ᬓᬶᬘᬦ᭄ᬫᬶᬚᬶᬮ᭄᭞ᬫᬗ᭄ᬮᬮᬶᬧᬹᬃ᭞ᬫ
ᬦᬯᬸᬜᬓᬾᬗᬶᬦ᭄ᬲᬄᬲᬄ᭟ᬲᬩ᭄ᬭᬦᭀᬦᭂᬫᬘᬗ᭄ᬓ᭄ᬭᬶᬫᬂ᭞ᬬᬦ᭄ᬲᬵᬫ᭄ᬧᬸᬦ᭄ᬫᬧᬶᬦ᭄ᬤᬵᬳᬭᬶᬧ᭄᭞ᬢᬦ᭄ᬲᬄᬗᬸᬲᬧ᭄ᬳᬸᬲᬧ᭄ᬫᬥ᭄ᬬ᭞ᬫᬦᬸᬭᬸᬦᬸᬭᬸᬫᬕᭂᬦ᭄ᬤᬶᬂ᭞ᬲᬶᬸᬢᬦ᭄ᬲᬯᭀᬲ᭄ᬫᬗ᭄ᬮᬾᬤᬗᬶᬦ᭄᭞ᬦᬾᬦ᭄ᬢᭂᬦ᭄ᬧᬶ
ᬯᬮ᭄ᬲᬧᬶᬦᬸᬤᬸᬄ᭞ᬗᭂᬫ᭄ᬧᭀᬦᬶᬦ᭄ᬧᬗ᭄ᬮᬸᬫᬳᬦ᭄᭞ᬳᬸᬦᬶᬂᬧᬓᬬᬸᬦᬦ᭄ᬲᬫᬶ᭞ᬫ᭄ᬭᬸᬧ᭠ᬗᬶᬓᬸᬢ᭄᭞ᬳᬦ᭄ᬢᬸᬓ᭄ᬦᬾᬦ᭄ᬢᭂᬦ᭄ᬦᬳᭂᬦ᭄ᬧᬲᬄ᭟ᬫᬳᬯᬶᬦᬦ᭄ᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬓᬧᬶᬢ᭄ᬮᬲᬫᬶᬲᬫᬶ᭞ᬓ᭠
[᭑᭔᭙ 149A]
ᬤᬯᬸᬄᬫᬗ᭄ᬤᬗᬢᬹᬭᬂ᭞ᬓᬬᬸᬦ᭄ᬳᬶᬤ᭄ᬟᬦᬾᬳᬶᬬᬭᬶ᭞ᬳᬦ᭄ᬢᬸᬓ᭄ᬢᬦ᭄ᬯᬾᬦ᭄ᬢᭂᬦ᭄ᬧᬸᬮᬶᬄ᭞ᬳᬶᬧᬶᬤ᭠ᬦ᭄ᬲᬸᬫᬶᬫ᭄ᬧᬂᬤᬸᬭᬸᬲ᭄᭞ᬢᬦ᭄ᬲᬓᬾᬂᬩ᭄ᬮᭀᬂᬳᬸᬪᬬ᭞ᬳᬶᬤ᭄ᬟᬓᬳᭂᬫ᭄ᬧᬸᬬᭂᬂᬓᬶᬤᬶᬓ᭄᭞ᬯᬳᬸᬭᬳᬸᬄ
᭞ᬭᬶᬂᬧᬸᬭᬶᬗᬭᬶᬭᬶᬲ᭄ᬕ᭄ᬭᬄ᭟ᬲᬧᬸᬦᬶᬓᬓᬯ᭄ᬬᬓ᭄ᬢ᭄ᬬᬦ᭄᭞ᬫᬶᬄᬢᬦ᭄ᬲᬓᬾᬂᬫᬸᬗ᭄ᬓᬶᬃᬚᬜ᭄ᬚᬶ᭞ᬲᬵᬫ᭄ᬧᬸᬦ᭄ᬭᬢᬸᬳᬶᬯᬂᬳᬵᬃᬱ᭞ᬫᬶᬦᭂᬄᬳᬶᬤ᭄ᬟᬫᬫᬸᬘᬶᬗᬶᬦ᭄᭞ᬫᬯᬶᬦᬦ᭄ᬯᬳᬸᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬭᬶ
ᬓᬶᬓᬤᬯᬸᬄ᭞ᬫᬗᬯ᭄ᬯᬧᬯᬘᬡ᭞ᬤᬸᬄᬭᬢᬸᬮᬾᬤᬗᬂᬳᬶᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬩᭂᬦ᭄ᬤᬸ᭞ᬫᬲᬢᬦ᭄ᬭᬶᬂᬧᬓᬬᬸᬦᬦ᭄᭟᭐᭚ᬕᬶᬦᬦ᭄ᬢᬶᬧᬜᬸᬫᬸᬦ᭄ᬓᬶᬤᬸᬂ᭞ᬓᬶᬤᬸᬗᬂᬦᬸᬚᬸᬫᬮᬮᬶ᭞ᬮ᭄ᬯᬲ᭄ᬫᬜᬭ᭄ᬯᬂᬫ
ᬦᬄ᭞ᬫᬦᬳᬾᬤᬸᬄᬓᬶᬢᬧᬮᬶᬂ᭞ᬧᬮᬶᬂᬫᬗᭂᬦᭂᬳᬂᬳᬯᬓ᭄᭞ᬲᬓᬶᬢᬦ᭄ᬭᬢᬸᬓᬾᬦ᭄ᬫᬢᬶ᭟ᬳᬭᬸᬄᬮᬘᬹᬃᬢᬶᬢ᭄ᬬᬂᬫᬸᬧᬸᬢ᭄᭞ᬳᬮᬄᬓᬯᬲ᭄ᬢ᭄ᬧ᭄ᬦᬦ᭄ᬯᬶᬥᬶ᭞ᬦᬧᬶᬭᬢᬸᬲᬶᬲᬶᬧ᭄ᬢᬶᬢ᭄ᬬᬂ᭞ᬤᭀ