[᭑᭔᭗ 147B]
᭑᭔᭗
᭞ᬢᬦ᭄ᬜᬦ᭄ᬤᬂᬫᬮᬶᬄᬕᬮᬶᬳᬶᬦ᭄᭟ᬓᬸ᭟ᬦᬗᬶᬂᬭᬢᬸᬢᬸᬮᬸᬲᬂᬓᬬᬸᬦᬾᬫᬦᬶᬓ᭄᭞ᬦᬸᬤᬸᬢ᭄ᬗᬗ᭄ᬕᭀᬦ᭄ᬧᬜ᭄ᬚᬓ᭄᭞ᬤᬸᬮᬸᬭᬶᬦ᭄ᬳᬶᬢᬥᬳᬲᬶᬄ᭞ᬢ᭄ᬳᭂᬂᬳᬗᬢᬸᬭᬂᬳᬯᬓ᭄᭟ᬲᬶ᭚ᬫᬾ
ᬭᬢᬸᬤᬲᬸᬫᬗ᭄ᬲᬬ᭞ᬧᬶᬢᬺᬱ᭄ᬡᬦ᭄ᬢ᭄ᬬᬗᬾᬕᬶᬲᬶ᭞ᬧᬶᬂᬲᬵᬧ᭄ᬢᬢᬶᬬᬂᬫᬜ᭄ᬚᬦ᭄ᬫ᭞ᬳᬧᬂᬩ᭄ᬯᬶᬦ᭄ᬚᬓᬧᬗ᭄ᬕᬶᬄ᭞ᬢᬺᬱ᭄ᬡᬳᬲᬶᬄᬲᬶᬮ᭄ᬬᬵᬲᬶᬄ᭞ᬫᬓᬭᭀᬦ᭄ᬩᬋᬂᬳᬶᬭᬢᬸ᭞ᬫᬤᬸᬮᬸᬃᬢ᭄ᬯᬭᬧᬲᬄ᭞ᬲᬧᬭᬦ᭄ᬭ
ᬳᬶᬦᬵᬯ᭄ᬗᬶ᭞ᬘᬸᬘᬸᬤ᭄ᬫᬦᬸᬄ᭞ᬢᬸᬢᬸᬢ᭄ᬢ᭄ᬯᬭᬤᬤᬶᬩ᭄ᬮᬲ᭄᭟ᬓ᭄ᬮᬸᬲ᭄ᬳᬦᬸᬢ᭄ᬢᬸᬩᬤᬄ᭞ᬢ᭄ᬓᬫᬗᬼᬕᬦᬶ᭠ᬦ᭄ᬳᬢᬶ᭞ᬤᬸᬯᭂᬕ᭄ᬗ᭄ᬭᬓᭂᬢ᭄ᬦᬸᬤᬸᬢ᭄ᬫᬦᬄ᭞ᬦᬗᬶᬂᬧᬂᬤᬩᬸᬓᬫᬗ᭄ᬓᬶᬦ᭄᭞ᬲᬸᬓ᭄ᬱ᭄ᬫᬦᬾᬩᬦ᭄ᬢᬲ᭄ᬗᬶᬧᬶ᭞ᬢᭀᬲ᭠
ᬗᬸᬯᬂᬫ᭄ᬤᭂᬫ᭄ᬩᬗᬸᬦ᭄᭞ᬭᬾᬄᬳᬗ᭄ᬕᭀᬦ᭄ᬢᬸᬂᬢᬸᬂᬩᬸᬗ᭄ᬓᬄ᭞ᬓ᭄ᬦᭂᬳᬾᬢᬼᬩ᭄ᬗᬸᬢ᭄ᬧ᭄ᬢᬶ᭞ᬓ᭄ᬭᬡᬦᬸᬯᬸᬲ᭄᭞ᬢᬸᬗ᭄ᬕᬮ᭄ᬧᬸᬍᬲ᭄ᬫ᭄ᬭᬲᬲᬯᬢ᭄᭟ᬲᬯᬢ᭄ᬲᬸᬫᬩᬭᬗᬦ᭄᭞ᬜᬸᬲᬸᬧ᭄ᬲᬕᬾᬢ᭄ᬢᭂᬓᭂᬤ᭄ᬤ᭄ᬭᬶᬓᬶ᭞ᬧ
[᭑᭔᭘ 148A]
ᬦ᭄ᬲᭀᬢᬦᬶᬂᬤᬶᬧᬗᬶᬧ᭄ᬬᬦ᭄᭞ᬳᬫ᭄ᬩᬸᬮ᭄ᬢᭀᬲᬹᬓ᭄ᬱ᭄ᬫᬕᬢᬶ᭞ᬤᬶᬯᬬᬯ᭄ᬓᬲ᭄ᬲᬸᬫ᭄ᬩᬶᬢ᭄᭞ᬲ᭠ᬗ᭄ᬓᬦ᭄ᬧᬬᬸᬓᬦ᭄ᬢᬶᬦᬸᬯᬸᬲ᭄᭞ᬧ᭄ᬭᬕᬢ᭄ᬗᬸᬬᬓ᭄ᬧ᭄ᬤᭂᬫᬦ᭄᭞ᬫᬕᬤᬂᬩᭀᬯᬓᬾᬦ᭄ᬘᬭᬶ᭞ᬫᬗ᭄ᬤᬾᬲᬭᬸ᭞᭠
ᬗᬺᬢ᭄ᬫᬦᬄᬫ᭄ᬭᬲᬳ᭄ᬜᬕ᭄᭟ᬓᬸ᭚ᬳᬶᬗ᭄ᬕᬶᬄᬤᬾᬯ᭄ᬯᬲᬂᬫᬭᬕᬳᬬᬸᬍᬯᬶᬄ᭞ᬲ᭄ᬯᬾ᭠ᬘᬤᭀᬂᬢᬸᬮᬸᬲᬂ᭞ᬲᬵᬫ᭄ᬧᬸᬦ᭄ᬫᬮᬶᬳᬮᬶᬦ᭄ᬳᬮᬶᬓ᭄᭞ᬦᬸᬤᬸᬢ᭄ᬗᬗ᭄ᬕᭀᬦ᭄ᬢᬶᬢ᭄ᬬᬂᬧᬜ᭄ᬚᬓ᭄᭟ᬩᬲ᭄ᬓᬮ᭄ᬩᬶᬄ
ᬕ᭄ᬫᭂᬲ᭄ᬲᬦ᭄ᬓᬭᬶᬫ᭄ᬯᬶᬓᬶᬦ᭄᭞ᬢ᭄ᬯᬭᬦᬯᬂᬲᬮᬄ᭞ᬲᬮᬳᬾᬳᬤᬗᬸᬜᬳᬶᬦ᭄᭞ᬧᬬᬸᬢᬶᬢ᭄ᬬ᭠ᬚᬦᬶᬫᬧᬲᬄ᭟ᬯᬦ᭄ᬢᬄᬫᬸᬮᬵᬧᬓᬶᬃᬢ᭄ᬢᬶᬦ᭄ᬢᬶᬢ᭄ᬬᬗᬾᬭᬶᬳᬶᬦ᭄᭞ᬘᭂᬦ᭄ᬤᭂᬫᬮᬶᬄᬓᬶᬭᬂ᭞ᬓᬶᬭᬂᬢ᭄ᬩᭂᬕ᭄ᬫ᭠
ᬗᬲ᭄ᬢᬶᬢᬶ᭞ᬗᬶᬲ᭄ᬢᬶᬬᬂᬫᬮᬶᬄᬳᬯ᭄ᬓᬲ᭄᭟ᬲᬶ᭚ᬦᬶᬲᬤ᭄ᬧᬤ᭄ᬟᬗᬺᬂᬋᬂᬲ᭄ᬓᬃ᭞ᬫᬶᬲᬥ᭄ᬬ᭠ᬧᬋᬓ᭄ᬫᬭᬶᬓᬶ᭞ᬓᬳᬸᬢᬸᬲ᭄ᬫᬤᬾᬯᬾᬓ᭄ᬲᬸᬭᬵᬢ᭄᭞ᬓᬾᬯᬦ᭄ᬢᭂᬦ᭄ᬲᬫ᭄ᬧᬸᬭᬳᬸᬕᬶ᭞ᬭᬾᬄᬢᬶᬢ᭄ᬬᬂ
Kaca:Bali-lontar-gaguritan-tatuptupan-350ppi.pdf/148
Kaca puniki sampun kauji-wacén
