[᭑᭔᭖ 146B]
᭑᭔᭖
ᬦ᭄᭞ᬢᬢᬸᬯᬶᬬᬦ᭄᭞ᬬᬾᬦ᭄ᬤᬤᬶᬲᬶᬮᬸᬭᬂ᭞ᬓᬳᬢᬹᬃᬓ᭄ᬦᭂᬄᬢᬶᬢ᭄ᬬᬗᬾ᭞ᬩᬾᬩᬲ᭄ᬩᬦᬶᬫᬳᬸᬭᬸᬧ᭄᭞ᬳᬧᬂᬲᬶᬦᬄᬧᬥᬫᬦᬫ᭄ᬧᬶ᭞ᬓᬾᬢᭀᬬᬦ᭄ᬓᭂᬦᭂᬄᬢ᭄ᬬᬂ᭞ᬓ᭄ᬭᬡᬢ᭄ᬯᬭᬗᬶᬢᬸᬂ᭞ᬢᬸᬬᬸᬄᬫ
ᬗᬸᬢᬂᬳᬚᬮᬦ᭄᭞ᬫᬲᬶᬄᬦᭀᬕᬲ᭄᭞ᬓᬾᬯᬮᬵᬫᬳᬦ᭄ᬦᭂᬧᬸᬓᬶᬦ᭄᭞ᬮᬶᬬᬸᬩᬦ᭄ᬗᬮᬶᬄᬳᬓᬮ᭄᭟ᬲ᭄ᬫᬭᬦ᭄᭚ᬧᬸᬦᬶᬓᬶᬢᬶᬢ᭄ᬬᬂᬫᬗᬸᬭᬶᬢ᭄᭞ᬩᬶᬮᬶᬄᬤᬤᬶᬧᬘᬂᬧᬹᬃᬡ᭄ᬦ᭞ᬤᬾᬦᬶᬂ
ᬓᬮᬶᬯᬢ᭄ᬳᬶᬩᬸᬓᬾ᭞ᬳᬶᬩᬸᬓ᭄ᬢᬶᬢ᭄ᬬᬕ᭄ᬫᬓ᭄ᬦᭂᬳᬦ᭄᭞ᬧ᭄ᬢᭂᬂᬮ᭄ᬫᬄᬲᬳᬶᬳᬸᬬᬂ᭞ᬫᬧᬗᭂᬦᬦ᭄ᬲᭂᬕᬸᬢ᭄ᬲᭂᬕᬸᬢ᭄᭞ᬳᬶᬗᭂᬢ᭄ᬢ᭄ᬯᬭᬤᬤᬶᬳᭂᬗ᭄ᬲᬧ᭄᭟ᬩᬦ᭄ᬓᬲ᭄ᬯᬾᬘᬦ᭄ᬲᬧᬸᬦᬶᬓᬶ᭞ᬲᬳᬶᬲᬳᬶᬫᬧ᭠
ᬗᭂᬦᬦ᭄᭞ᬓᬸᬤ᭄ᬟᬩᬸᬮᬦ᭄ᬢ᭄ᬯᬄᬲᭂᬗ᭄ᬓᭂᬭᬾ᭞ᬫᬦᬦ᭄ᬤᬗᬶᬦ᭄ᬓᬤᬸᬄᬓᬶᬢᬦ᭄᭞ᬩ᭄ᬯᬶᬦ᭄ᬧᬶᬤᬦ᭄ᬯᬶᬥᬶᬦᬾᬳᬶᬥ᭞ᬗᬦ᭄ᬢᬶᬦᬶᬦ᭄ᬢᬶᬢ᭄ᬬᬂᬳᬶᬮᬘᬹᬃ᭞ᬫᬗᬶᬘᬾᬦᬶᬦ᭄ᬲᬲᬸᬧᬢᬦ᭄᭟ᬓᬸ᭚ᬢᬶᬢ᭄ᬬᬂᬲᬵ
[᭑᭔᭗ 147A]
ᬫ᭄ᬧᬸᬦ᭄ᬧᬸᬧᬸᬢ᭄ᬳᬢᬹᬃᬲᬦᬾᬳᬶᬩᬶ᭞ᬦᬸᬚᬸᬧᬤᬤ᭄ᬯᬬᬦ᭄᭞ᬗᬢᬸᬭᬂᬫᬦᬄᬤᬸᬩᬓ᭄ᬢᬶ᭞ᬢᬍᬃᬤᬸᬭᬸᬂᬓᬢᬭᬶᬫ᭟ᬧᬂ᭚ᬭᬢᬸᬲᬂᬳᬾᬱ᭄ᬝᬶᬦᬶᬂᬫᬦᬄ᭞ᬧ᭄ᬢᭂᬂᬮ᭄ᬫᬄᬢᬦ᭄ᬧ᭄ᬕᬢ᭄ᬲᬳᬶᬲᬳᬶ᭞ᬤᬶᬳᬸᬮᬸ᭠
ᬦ᭄ᬳᬢᬶᬫᬕᬦ᭄ᬢᬸᬂ᭞ᬓᭂᬮᬧ᭄ᬓᭂᬮᬧ᭄ᬤᬶᬫᬢ᭄ᬣ᭞ᬲᬬᬦ᭄ᬜᬸᬲᬸᬧ᭄ᬢᭀᬂᬢᬳᬾᬦ᭄ᬳᭂᬗ᭄ᬲᬧ᭄ᬳᬤᬯᬸᬄ᭞ᬦ᭠ᬗᬶᬂᬳᬘᭂᬧ᭄ᬧᬤᬶᬤᬶᬬᬦ᭄᭞ᬚ᭄ᬦᭂᬂᬢᬾᬢ᭄ᬯᬄᬲᬗᭂᬢ᭄ᬲᬗ᭄ᬲᬶᬄ᭟ᬧᬂ᭚ᬳᬯᬓᬾᬤᬗᬺᬧ᭄ᬚᬸᬫᬄ᭠
ᬩᬲ᭄ᬫᬓ᭄ᬮᭀᬗᬮᬳᬶᬦ᭄ᬳ᭄ᬬᬂᬫᬸᬮᬶᬄ᭞ᬲᬚᬵᬚᬸᬫᬄᬲᬸᬳᬸᬂᬕᬫ᭄ᬧᬸᬂ᭞ᬳᬄᬳᬶᬗᬸᬄᬧᬶᬲᬦ᭄ᬳ᭄ᬬᬂ᭞ᬳᬭᬄᬩᬶᬗᬸᬂ᭞ᬩ᭄ᬗᭀᬂᬧᬤᬶᬦ᭄ᬳᬤᬮ᭄ᬬᬸ᭞ᬫᬲᬶᬄᬫ᭄ᬭᬲᬲ᭄ᬧᬶᬕᬯᬂ᭞ᬲᬶᬂᬓᬬᬦᬾᬳᬶᬱ᭄ᬝᬶᬲᬳᬶ᭟ᬳᬶᬗ᭄ᬕᬶᬄ
ᬭᬢᬸᬳᬫ᭄ᬧᬸᬭᬬᬂ᭞ᬯᬦ᭄ᬢᬄᬬᬓ᭄ᬢᬶᬳᬶᬦᬩ᭄ᬲᬓᬤᬶᬲᬗ᭄ᬲᬶᬄ᭞ᬜᬶᬮᬶᬩ᭄ᬧᬂᬫᬗ᭄ᬤᬾᬦᬾᬲ᭠ᬭᬸ᭞ᬬᬦ᭄ᬫᬸᬗ᭄ᬕ᭄ᬯᬶᬂᬫᬦᬄᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬧᬲᬄᬭᬳᬶᬦᬯ᭄ᬗᬶᬫᬜᬸᬗ᭄ᬲᬸᬂ᭞ᬢ᭄ᬩᭂᬕ᭄ᬗᬗ᭄ᬕᬾᬦ᭄ᬤᬯᬦ᭄ᬫᬦ
Kaca:Bali-lontar-gaguritan-tatuptupan-350ppi.pdf/147
Kaca puniki sampun kauji-wacén
